«Վավերացնում եմ»
Հայաստանի Հանրապետության
Նախագահ Ռ. Քոչարյան
20 հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 հունիսի 2002 թվականի N 803-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՓԵՏՐՎԱՐԻ 26-Ի N 116 ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՀՈՒԼԻՍԻ 6-Ի N 426 ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ի կատարումն Հայաստանի Հանրապետության կառավարության 2001 թվականի նոյեմբերի 7-ի «Արտադրանքի և ծառայությունների որակի ապահովման բնագավառում Հայաստանի Հանրապետության կառավարության 2001 թվականի մրցանակներ շնորհելու մասին» N 1077 որոշման 2-րդ կետի պահանջների` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի փետրվարի 26-ի «Արտադրանքի և ծառայությունների որակի ապահովման բնագավառում Հայաստանի Հանրապետության կառավարության ամենամյա մրցանակներ սահմանելու և շնորհելու մասին» N 116 որոշման մեջ (Հայաստանի Հանրապետության կառավարության 2000 թվականի հուլիսի 4-ի N 360 որոշման խմբագրությամբ) կատարել հետևյալ փոփոխությունները և լրացումները`
ա) որոշմամբ հաստատված` արտադրանքի և ծառայությունների որակի ապահովման բնագավառում Հայաստանի Հանրապետության կառավարության ամենամյա մրցանակների շնորհման կարգում`
2-րդ կետը շարադրել հետևյալ խմբագրությամբ.
«2. Արտադրանքի և ծառայությունների որակի ապահովման բնագավառում Հայաստանի Հանրապետության ամենամյա մրցանակը (այսուհետև` մրցանակ) շնորհվում է մրցութային կարգով` կազմակերպության կամ անհատ ձեռնարկատիրոջ կողմից արտադրանքի և ծառայությունների որակի ապահովման բնագավառում ձեռք բերված նշանակալի արդյունքների հիման վրա: Մրցանակաբաշխության ժամանակ առաջնությունը տրվում է այն կազմակերպությանը, որը ներդրել է որակի կառավարման համակարգ` «ԻՍՕ-9000» շարքի միջազգային ստանդարտներին համապատասխան:
Մրցանակների բաշխման չափանիշները սահմանում է Հայաստանի Հանրապետության կառավարության մրցանակաբաշխության հանձնաժողովը (այսուհետև` մրցանակաբաշխության հանձնաժողով)».
հանել 3-րդ կետի առաջին նախադասությունը.
5-րդ կետը շարադրել հետևյալ խմբագրությամբ.
«5. Մրցանակաբաշխության հանձնաժողովը յուրաքանչյուր տարվա նոյեմբերին մամուլում և զանգվածային լրատվության մյուս միջոցներով հայտարարում է հաջորդ տարվա համար մրցույթ և հայտնում մրցույթի պայմանները, իսկ յուրաքանչյուր մրցութային տարվա հոկտեմբերին հրապարակում է մրցույթին մասնակցելու համար հայտ ներկայացրած կազմակերպությունների և անհատ ձեռնարկատերերի ցանկը».
կարգը լրացնել հետևյալ բովանդակությամբ նոր` 10-րդ կետով.
«10. Չի թույլատրվում արտադրանքի կամ դրա շահագործման (օգտագործման) փաստաթղթերում գործածել որակի հուշանշանի խորհրդանիշը:
Որակի մրցանակ ստացած կազմակերպությունը կամ անհատ ձեռնարկատերը որակի հուշանշանի խորհրդանիշը կարող է գործածել իր գովազդային նյութերում` առանց ժամկետի սահմանափակման».
բ) որոշմամբ հաստատված` արտադրանքի և ծառայությունների որակի ապահովման բնագավառում Հայաստանի Հանրապետության կառավարության մրցանակաբաշխության հանձնաժողովի կանոնադրության 4-րդ կետի «բ» ենթակետում «գիտնականների և մասնագետների» բառերը փոխարինել «գիտնականների, մասնագետների և հասարակական կազմակերպությունների ներկայացուցիչների» բառերով.
գ) որոշմամբ հաստատված` արտադրանքի և ծառայությունների որակի ապահովման բնագավառում Հայաստանի Հանրապետության կառավարության մրցանակաբաշխության հանձնաժողովի կազմում`
«ՀՀ արտադրական ենթակառուցվածքների գործունեությունը համակարգող նախարար» բառերը փոխարինել «ՀՀ տարածքային կառավարման և ենթակառուցվածքների գործունեությունը համակարգող նախարար» բառերով.
«ՀՀ արդյունաբերության և առևտրի նախարար» բառերը փոխարինել «ՀՀ առևտրի և տնտեսական զարգացման նախարար» բառերով.
«ՀՀ տարածքային կառավարման և քաղաքաշինության գործունեությունը համակարգող նախարար» բառերը փոխարինել «ՀՀ քաղաքաշինության նախարար» բառերով,
«ՀՀ արդյունաբերողների և գործարարների միության նախագահ» բառերը փոխարինել «Հայաստանի արդյունաբերողների և գործարարների (գործատուների) միության նախագահ» բառերով,
հանձնաժողովի կազմը «ՀՀ կրթության և գիտության նախարար» տողից հետո լրացնել «ՀՀ պետական եկամուտների նախարար» տողով:
2. Հայաստանի Հանրապետության կառավարության 1998 թվականի հուլիսի 6-ի «Արտադրանքի և ծառայությունների մատուցման որակի ասպարեզում Հայաստանի Հանրապետության կառավարության սահմանած ամենամյա մրցանակների հուշանշանի նմուշը և նկարագիրը հաստատելու մասին» N 426 որոշման մեջ կատարել հետևյալ փոփոխությունը և լրացումը`
ա) որոշման վերնագրում, տեքստում ու որոշմամբ հաստատված` մրցանակների հուշանշանի նկարագրի վերնագրում «մատուցման որակի ասպարեզում» բառերը փոխարինել «որակի ապահովման բնագավառում» բառերով.
բ) որոշմամբ հաստատված` ամենամյա մրցանակների հուշանշանի նկարագրի առաջին մասը շարադրել հետևյալ խմբագրությամբ.
«Արտադրանքի և ծառայությունների որակի ապահովման բնագավառում Հայաստանի Հանրապետության կառավարության սահմանած ամենամյա մրցանակների հուշանշանը խորհրդանշում է որակ: Հուշանշանը պատրաստված է օբսիդիանի (վանակատ) ապարից` հավասարակողմ եռանկյուն (կողմի երկարությունը` 120 մմ) հիմքով, 150 մմ բարձրությամբ բուրգի տեսքով: Բուրգը կայունության խորհրդանիշն է: Բուրգի կենտրոնում գտնվում է որակի խորհրդանիշը, որը պատրաստված է արծաթից և մասամբ ոսկեջրված է: Բուրգի այդ նիստի վրա ոսկեջրված տառերով գրված են «ՀՀ կառավարության մրցանակ` որակի ապահովման բնագավառում» բառերը և մրցանակի` հանձնման տարեթիվը: Այսպես`»:
|
Հայաստանի Հանրապետության |
Ա. Մարգարյան |
|
|