«Վավերացնում եմ»
Հայաստանի Հանրապետության
Նախագահ Ռ. Քոչարյան
«9» հունվարի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունվարի 2002 թվականի N 18

Հայաստանի Հանրապետության կառավարությունը որոշում է.

1.1. «Փոքր» օբյեկտների համար սահմանված գնահատման կարգով 152996 հազ. դրամ գնահատված ակտիվներ ունեցող «Հոկտեմբերյան» հյուրանոցային տնտեսություն» պետական փակ բաժնետիրական ընկերության բաժնետոմսերը մասնավորեցնել մրցույթով` վերակազմակերպելով «Հոկտեմբերյան» հյուրանոցային տնտեսություն» բաց բաժնետիրական ընկերության:

1.2. Սահմանել ընկերության կանոնադրական կապիտալը` 148584 հազ. դրամ, որը համապատասխանում է 148584 բաժնետոմսի` յուրաքանչյուրը 1000 դրամ անվանական արժեքով:

1.3. Մրցույթով մասնավորեցման ենթակա բաժնետոմսերի արժեքը կազմում է 148584 հազ. դրամ, որը համապատասխանում է 148584 բաժնետոմսի` յուրաքանչյուրը 1000 դրամ անվանական արժեքով:

1.4. Սահմանել մրցույթով մասնավորեցման ենթակա բաժնետոմսերի նվազագույն գինը` 37146 հազ. դրամ, որը համապատասխանում է մրցույթով մասնավորեցման ենթակա բաժնետոմսերի արժեքի 25 տոկոսին:

1.5. «Հոկտեմբերյան» հյուրանոցային տնտեսություն» պետական փակ բաժնետիրական ընկերության պարտավորությունները 2001 թվականի ապրիլի 1-ի դրությամբ կազմում են 4411,7 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 165,05 հազ. դրամ.

անձնակազմին աշխատանքի վարձատրության գծով` 1306,39 հազ. դրամ.

տարբեր կրեդիտորների նկատմամբ` 8 հազ. դրամ.

մատակարարների և կապալառուների նկատմամբ` 2012,93 հազ. դրամ.

սոցիալական ապահովագրության գծով` 919,336 հազ. դրամ:

1.6. «Հոկտեմբերյան» հյուրանոցային տնտեսություն» պետական փակ բաժնետիրական ընկերությունը 1998-1999 թվականների տնտեսական գործունեության արդյունքներով վճարման ենթակա շահաբաժինների գծով պարտավորություններ չունի:

1.7. Հայաստանի Հանրապետության պետական գույքի կառավարման նախարարությանը`

ա) մրցույթի անցկացման օրվանից առնվազն 1 ամիս առաջ մամուլում կամ զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մասնակիցներին ներկայացվող պահանջների վերաբերյալ.

բ) եռամսյա ժամկետում կազմակերպել մրցույթի անցկացումը:

1.8. Սահմանել մրցույթի հաղթողին որոշելու հետևյալ պայմանները`

մասնավորեցվող բաժնետոմսերի համար առաջարկվող գինը,

ներդրումների չափը` տարիների կտրվածքով,

սոցիալական երաշխիքներ, այդ թվում` աշխատատեղերի և նվազագույն աշխատավարձի վերաբերյալ:

1.9. Մրցույթի մասնակցության կանխավճարը սահմանվում է ընկերության կանոնադրական կապիտալի հինգ տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

1.10. Մրցույթի հաղթողը բաժնետոմսերի վաճառքի գումարը պետք է վճարի մրցույթի արձանագրությունն ստանալու պահից 1 ամսվա ընթացքում:

1.11. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության կառավարությանն առընթեր միգրացիայի և փախստականների վարչությանը` մեկամսյա ժամկետում փախստականների վերաբնակեցման հիմնախնդիրը լուծելու համար ապահովել հատուկ հաշվի բացումը:

1.12. Սահմանել, որ մրցույթում հաղթող ճանաչված մասնակիցը մրցույթի արձանագրությունն ստանալու օրվանից 6 ամսվա ընթացքում հյուրանոցում ապաստանած 15 փախստական ընտանիքի յուրաքանչյուրի հաշվով պետք է փոխանցի բացված հատուկ հաշվին 600 հազ. դրամ` ընդամենը 9000 հազ. դրամ:

1.13. Հայաստանի Հանրապետության կառավարությանն առընթեր միգրացիայի և փախստականների վարչությանը` մրցույթի հաղթողի կողմից ամբողջ գումարը փոխանցվելուց հետո 6 ամսվա ընթացքում ապահովել փախստականների ընտանիքների կողմից զբաղեցված տարածքների ազատումը և փախստականների վերաբնակեցումը:

1.14. Վճարումները կատարել Հայաստանի Հանրապետության արժույթով:

2.1. Հաշվեկշռային մեթոդով 8424 հազ. դրամ գնահատված ակտիվներ ունեցող (ակտիվների կազմում ընդգրկված է Երևանի Արաբկիր թաղային համայնքի կողմից հայեցողական սեփականության իրավունքով տնօրինող և «Դենտ» մանկական ստոմատոլոգիական պոլիկլինիկա» փակ բաժնետիրական ընկերությանն անհատույց օգտագործման տրված Երևանի Մարշալ Բաղրամյան փողոցի N 75 հասցեում գտնվող 184 քառ. մ տարածքը) «Դենտ» մանկական ստոմատոլոգիական պոլիկլինիկա» փակ բաժնետիրական ընկերության բաժնետոմսերը մասնավորեցնել ուղղակի վաճառքի ձևով` իր աշխատավորական կոլեկտիվին:

2.2. Սահմանել «Դենտ» մանկական ստոմատոլոգիական պոլիկլինիկա» փակ բաժնետիրական ընկերության բաժնետոմսերի արժեքը` 4700 հազ. դրամ, որը համապատասխանում է 4700 բաժնետոմսի` յուրաքանչյուրը 1000 դրամ անվանական արժեքով:

2.3. Մասնավորեցման ենթակա «Դենտ» մանկական ստոմատոլոգիական պոլիկլինիկա» փակ բաժնետիրական ընկերության բաժնետոմսերի արժեքը կազմում է 4700 հազ. դրամ, որը համապատասխանում է 4700 բաժնետոմսի` յուրաքանչյուրը 1000 դրամ անվանական արժեքով:

2.4. Ուղղակի վաճառքի ձևով մասնավորեցման ենթակա բաժնետոմսերի գինը սահմանել 1175 հազ. դրամ, որը համապատասխանում է բաժնետոմսերի արժեքի 25 տոկոսին:

2.5. «Դենտ» մանկական ստոմատոլոգիական պոլիկլինիկա» փակ բաժնետիրական ընկերության պարտավորությունները 2001 թվականի հուլիսի 1-ի դրությամբ կազմում են` 3724 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 2 հազ. դրամ.

անձնակազմին աշխատանքի վարձատրության գծով` 2158 հազ. դրամ.

առևտրական կրեդիտորական պարտքի գծով` 341 հազ. դրամ.

հիմնադիրներին (մասնակիցներին) կարճաժամկետ կրեդիտորական պարտքի գծով` 10 հազ. դրամ.

գալիք ժամանակաշրջանի ծախսերի վճարների պահուստների գծով` 69 հազ. դրամ.

սոցիալական ապահովագրության գծով` 1125 հազ. դրամ.

այլ ընթացիկ պարտավորությունների գծով` 88 հազ. դրամ:

2.6. «Դենտ» մանկական ստոմատոլոգիական պոլիկլինիկա» փակ բաժնետիրական ընկերության 1998-1999 թվականների տնտեսական գործունեության արդյունքով վճարման ենթակա շահաբաժինների գծով պարտավորությունները կազմում են 23,5 հազ. դրամ, որը գնահատման պահի դրությամբ արտացոլված չէ ընկերության հաշվեկշռում:

2.7. Հայաստանի Հանրապետության պետական գույքի կառավարման նախարարությանը` մասնավորեցման պայմանագրում նշել «Դենտ» մանկական ստոմատոլոգիական պոլիկլինիկա» փակ բաժնետիրական ընկերության գործունեության պրոֆիլի առնվազն հինգ տարի ժամկետով պահպանման մասին:

2.8. Վճարումները կատարել երկամսյա ժամկետում` Հայաստանի Հանրապետության արժույթով:

3.1. 9016 հազ. դրամ կանոնադրական կապիտալ և 49294 հազ. դրամ զուտ ակտիվներ ունեցող «Բերրիություն» ԱՄ-ի Մասիսի շրջանային միավորում» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնել աճուրդով:

3.2. Աճուրդով մասնավորեցման ենթակա պետական սեփականություն հանդիսացող բաժնետոմսերի արժեքը կազմում է 3064 հազ. դրամ, որը համապատասխանում է 1532 բաժնետոմսի` յուրաքանչյուրը 2000 դրամ անվանական արժեքով:

3.3. Սահմանել մեկ բաժնետոմսի վաճառքի մեկնարկային գինը` 1100 դրամ:

3.4. «Բերրիություն» ԱՄ-ի Մասիսի շրջանային միավորում» բաց բաժնետիրական ընկերության պարտավորությունները 2001 թվականի հունվարի 1-ի դրությամբ կազմում են 2061 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 125 հազ. դրամ.

անձնակազմին աշխատանքի վարձատրության գծով` 1000 հազ. դրամ.

կարճաժամկետ կրեդիտորական պարտքի գծով` 230 հազ. դրամ.

սոցիալական ապահովագրության գծով` 347 հազ. դրամ.

այլ ընթացիկ պարտավորությունների գծով` 359 հազ. դրամ:

3.5. «Բերրիություն» ԱՄ-ի Մասիսի շրջանային միավորում» բաց բաժնետիրական ընկերությունը 1998-1999 թվականների տնտեսական գործունեության արդյունքներով վճարման ենթակա շահաբաժինների գծով պարտավորություններ չունի:

3.6. Հայաստանի Հանրապետության պետական գույքի կառավարման նախարարությանը` եռամսյա ժամկետում Հայաստանի Հանրապետության օրենսդրությամբ սահմանված կարգով ընկերության բաժնետոմսերի ազդագիրը ներկայացնել գրանցման և գրանցումից հետո այն հրապարակել մամուլում:

3.7. Աճուրդն իրականացնել «Բերրիություն» ԱՄ-ի Մասիսի շրջանային միավորում» բաց բաժնետիրական ընկերության պետական սեփականություն հանդիսացող բաժնետոմսերի ազդագրի հրապարակումից հետո մեկամսյա ժամկետում` համաձայն Հայաստանի Հանրապետության կառավարության 1999 թվականի օգոստոսի 5-ի «Կանոնադրական կապիտալում 50 տոկոսից պակաս պետական սեփականություն հանդիսացող բաժնետոմսեր ունեցող ընկերությունների բաժնետոմսերի ազատ բաժանորդագրությունը կանոնակարգելու մասին» N 499 որոշմամբ հաստատված կարգի:

3.8. Վճարումները կատարել Հայաստանի Հանրապետության արժույթով:

4. Ուժը կորցրած ճանաչել Հայաստանի Հանրապետության կառավարության 2001 թվականի մարտի 29-ի «Հայաստանի Հանրապետության պետական գույքը մասնավորեցնելու մասին» N 250 որոշման 2.6-րդ կետը:

5. Սույն որոշումն ուժի մեջ է մտնում 2002 թվականի հունվարի 9-ից: