«Վավերացնում եմ»
Հայաստանի Հանրապետության
Նախագահ Ռ. Քոչարյան
27 դեկտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 դեկտեմբերի 2001 թվականի N 1287
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՆՈՅԵՄԲԵՐԻ 26-Ի N 740 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Առևտրային և ոչ առևտրային կազմակերպությունների համար հաշվապահական հաշվառման ու ֆինանսական հաշվետվությունների միասնական համակարգ սահմանելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի նոյեմբերի 26-ի «Հաշվապահական հաշվառման համակարգի բարեփոխումների մասին» N 740 որոշման մեջ (Հայաստանի Հանրապետության կառավարության 1999 թվականի դեկտեմբերի 2-ի N 729 որոշման խմբագրությամբ) կատարել հետևյալ փոփոխությունները և լրացումը`

որոշման 7-րդ կետում`

ա) «ձեռնարկատիրական գործունեություն իրականացնող կազմակերպությունները» բառերը փոխարինել «իրավաբանական անձինք, օտարերկրյա կազմակերպությունների մասնաճյուղերն ու ներկայացուցչությունները», իսկ «սկսած» բառը` «ընդ որում» բառերով.

բ) «գ» ենթակետում «սույն կետի «ա» և «բ» ենթակետերում չնշված» բառերը փոխարինել «մյուս բոլոր առևտրային» բառերով.

գ) կետը լրացնել հետևյալ բովանդակությամբ նոր` «դ» ենթակետով.

«դ) մինչև 2003 թվականի դեկտեմբերի 31-ը` բոլոր ոչ առևտրային կազմակերպությունները և օտարերկրյա կազմակերպությունների մասնաճյուղերն ու ներկայացուցչությունները»:

2. Սույն որոշումն ուժի մեջ է մտնում 2001 թվականի դեկտեմբերի 27-ից:

Հայաստանի Հանրապետության վարչապետ

Ա. Մարգարյան