«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
20 հունիսի 2001 թ.

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հունիսի 2001 թվականի N 554
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ԱՊՐԻԼԻ 22-Ի N 251 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Հեղինակային իրավունքի և հարակից իրավունքների մասին» Հայաստանի Հանրապետության օրենքի 12, 39, 40 և 41-րդ հոդվածներին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1999 թվականի ապրիլի 22-ի «Գրականության և արվեստի երկերի օգտագործման որոշ տեսակների համար հեղինակային վարձատրության նվազագույն դրույքաչափերի մասին» N 251 որոշման մեջ կատարել հետևյալ փոփոխությունները`

ա) որոշման N 1 հավելվածի`

9-րդ կետում «երաժշտության հեղինակին 3   3» տողը փոխարինել «երաժշտության հեղինակին 9   3» տողով,

19-րդ կետում «5` ամբողջ ծրագրի համար» բառերը փոխարինել «նվազագույն աշխատավարձի քսանապատիկի չափով` մեկ տարվա համար» բառերով,

23-րդ կետը շարադրել նոր խմբագրությամբ.

«23. Սրճարաններում, ռեստորաններում, բարերում, պարահրապարակներում, ակումբներում, ցուցահանդեսներում, այլ հասարակական վայրերում տեքստով կամ առանց տեքստի երաժշտական ստեղծագործությունների օգտագործման համար

նվազագույն աշխատավարձի տասնապատիկի չափով` մեկ տարվա համար».

24-րդ և 25-րդ կետերում «կատարելու» և «համախառն եկամտից» բառերը համապատասխանաբար փոխարինել «օգտագործելու» և «առևտրային գործունեությունից ստացված հասույթից» բառերով.

բ) որոշման 1-ին կետի «բ» ենթակետը շարադրել հետևյալ խմբագրությամբ.

«բ) մեխանիկական ձայնագրության միջոցով ստեղծագործությունները վերարտադրելու, ձայնագրության օրինակները և տեսալսողական ստեղծագործությունները վարձույթով տալու համար հեղինակային վարձատրության նվազագույն դրույքաչափերը` համաձայն N 2 հավելվածի».

գ) որոշման N 2 հավելվածը շարադրել նոր խմբագրությամբ (կցվում է).

դ) ուժը կորցրած ճանաչել որոշման 2-րդ կետը:

2. Հայաստանի Հանրապետության հեղինակային իրավունքների ազգային գործակալությանը`

ա) մինչև 2001 թվականի հուլիսի 1-ը հեղինակների գույքային իրավունքները կոլեկտիվ հիմունքներով կառավարող «Հայհեղինակ» ընկերություն» հասարակական կազմակերպությանը փոխանցել գործակալությունում գոյություն ունեցող տվյալների բազան` հեղինակներին հասանելիք հոնորարների հավաքման, հաշվարկման, բաշխման և վճարման մասերով (քարտադարաններ, հեղինակների անձնական գործեր, ի պահ հանձնված ստեղծագործություններ և այլն)

բ) մինչև 2002 թվականի հունվարի 1-ը Հայաստանի Հանրապետության կառավարություն ներկայացնել առաջարկություն գործակալության կանոնադրության մեջ, կառուցվածքում և աշխատողների թվում փոփոխություններ կատարելու վերաբերյալ:

3. Սույն որոշումն ուժի մեջ է մտնում 2001 թվականի հունիսի 20-ից:

Հայաստանի Հանրապետության վարչապետ

Ա. Մարգարյան

Հավելված N 2 ՀՀ կառավարության 2001 թվականի ապրիլի 22-ի N 251 որոշման

ՄԵԽԱՆԻԿԱԿԱՆ ՁԱՅՆԱԳՐՈՒԹՅԱՆ ՄԻՋՈՑՈՎ ՍՏԵՂԾԱԳՈՐԾՈՒԹՅՈՒՆՆԵՐԸ ՎԵՐԱՐՏԱԴՐԵԼՈՒ, ՁԱՅՆԱԳՐՈՒԹՅԱՆ ՕՐԻՆԱԿՆԵՐԸ ԵՎ ՏԵՍԱԼՍՈՂԱԿԱՆ ՍՏԵՂԾԱԳՈՐԾՈՒԹՅՈՒՆՆԵՐԸ ՎԱՐՁՈՒՅԹՈՎ ՏԱԼՈՒ ՀԱՄԱՐ ՀԵՂԻՆԱԿԱՅԻՆ ՎԱՐՁԱՏՐՈՒԹՅԱՆ ՆՎԱԶԱԳՈՒՅՆ ԴՐՈՒՅՔԱՉԱՓԵՐԸ

NN ը/կ	Ստեղծագործության օգտագործման տեսակը	Հեղինակային վարձատրության նվազագույն դրույքաչափերը (տոկոս)
1.	Մեխանիկական ձայնագրության միջոցով ստեղծագործությունների վերարտադրություն	10` յուրաքանչյուր օրինակի բացթողման գնից, անկախ կրիչի վրա գրանցված ստեղծագործությունների թվից
2.	Ձայնագրության օրինակների պատրաստում` անհատական պատվերով	10` օրինակների պատրաստման համար ստացված գումարից
3.	Ձայնագրության օրինակը կամ տեսալսողական ստեղծագործությունը վարձույթով տալը	6` ստեղծագործության յուրաքանչյուր վարձույթից ստացված գումարից

Ծանոթագրություն:

Հեղինակային վարձատրության վճարողներ են այն իրավաբանական և ֆիզիկական անձինք (անկախ կազմակերպական-իրավական տեսակից), ովքեր իրականացնում են ստեղծագործությունների (մեխանիկական) ձայնագրության միջոցով վերարտադրություն, վերարտադրված օրինակը կամ տեսալսողական ստեղծագործությունը տալիս են վարձույթով` բացառությամբ «Հեղինակային իրավունքի և հարակից իրավունքների մասին» Հայաստանի Հանրապետության օրենքի 13-18-րդ հոդվածներով նախատեսված դեպքերի:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան