040.0251.29.03.01

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

29 մարտի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 մարտի 2001 թվականի N 251

քաղ. Երևան

ՖԻԶԻԿԱԿԱՆ ԱՆՁԱՆՑ ԿՈՂՄԻՑ ԱՌԱՆՑ ՄԱՔՍԱՏՈՒՐՔԻ ՎՃԱՐՄԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՏԵՂԱՓՈԽՎՈՂ ԱՊՐԱՆՔՆԵՐԻ ԱՌԱՆՁԻՆ ՏԵՍԱԿՆԵՐԻ ԲՆԱԻՐԱՅԻՆ ՉԱՓԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության մաքսային օրենսգրքի 105-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել ֆիզիկական անձանց կողմից առանց մաքսատուրքի վճարման Հայաստանի Հանրապետության մաքսային սահմանով օդային տրանսպորտային միջոցներով տեղափոխվող ապրանքների առանձին տեսակների բնաիրային չափերը (կցվում է):

2. Հաստատել ֆիզիկական անձանց կողմից առանց մաքսատուրքի վճարման Հայաստանի Հանրապետության մաքսային սահմանով տեղափոխվող ապրանքների` բացառությամբ օդային տրանսպորտային միջոցներով տեղափոխվող ապրանքների, առանձին տեսակների բնաիրային չափերը (կցվում է):

3. Սահմանել, որ սույն որոշման 1-ին և 2-րդ կետերով հաստատված ապրանքների առանձին տեսակների բնաիրային չափերը հիմք չեն հանդիսանում դրանց համապատասխանության պարտադիր հավաստում իրականացնելու համար: Հայաստանի Հանրապետության մաքսային տարածք ներմուծվող համապատասխանության պարտադիր հավաստման ենթակա ապրանքների համապատասխանության պարտադիր հավաստում իրականացնելիս հիմք է ընդունվում Հայաստանի Հանրապետության մաքսային օրենսգրքի 105-րդ հոդվածի 1-ին կետով նախատեսված բնաիրային չափը:

Հայաստանի Հանրապետության վարչապետ

Ա. Մարգարյան

Հաստատված է ՀՀ կառավարության 2001 թվականի մարտի 29-ի N 251 որոշմամբ

ՖԻԶԻԿԱԿԱՆ ԱՆՁԱՆՑ ԿՈՂՄԻՑ ԱՌԱՆՑ ՄԱՔՍԱՏՈՒՐՔԻ ՎՃԱՐՄԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՕԴԱՅԻՆ ՏՐԱՆՍՊՈՐՏԱՅԻՆ ՄԻՋՈՑՆԵՐՈՎ ՏԵՂԱՓՈԽՎՈՂ ԱՊՐԱՆՔՆԵՐԻ ԱՌԱՆՁԻՆ ՏԵՍԱԿՆԵՐԻ ԲՆԱԻՐԱՅԻՆ ՉԱՓԵՐԸ

Ապրանքի ծածկագիրը` ըստ ԱՏԳ ԱԱ	Ապրանքի անվանումը	Բնաիրային չափը
09	Սուրճ, թեյ, մատե (պարագվայական թեյ) և համեմունքներ	1 կգ
16 160430	Մսի, ձկան, խեցգետնանմաններից, կակղամորթերից կամ ջրային այլ անողնաշարավորներից արտադրանք այդ թվում` ձկան խավիար և խավիարի փոխարինիչներ	5 կգ 0,5 կգ
21 2102	Տարբեր տեսակի սննդամթերք, բացառությամբ` -դրոժներ	1 կգ
22	Ալկոհոլային, ոչ ալկոհոլային խմիչքներ, քացախ	2 լիտր կամ 1 շիշ, եթե 1 շշի տարողությունը 2 լիտրից ավելի է
2402	Սիգարներ, ծայրը կտրած սիգարներ, սիգարելաներ (բարակ սիգարներ) և սիգարետներ` ծխախոտով կամ դրա փոխարինիչներով այդ թվում` սիգարներ սիգարելաներ սիգարետներ (ֆիլտրով կամ առանց ֆիլտրի)	10 հատ 400 հատ 400 հատ

Հաստատված է ՀՀ կառավարության 2001 թվականի մարտի 29-ի N 251 որոշմամբ

ՖԻԶԻԿԱԿԱՆ ԱՆՁԱՆՑ ԿՈՂՄԻՑ ԱՌԱՆՑ ՄԱՔՍԱՏՈՒՐՔԻ ՎՃԱՐՄԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՏԵՂԱՓՈԽՎՈՂ ԱՊՐԱՆՔՆԵՐԻ` ԲԱՑԱՌՈՒԹՅԱՄԲ ՕԴԱՅԻՆ ՏՐԱՆՍՊՈՐՏԱՅԻՆ ՄԻՋՈՑՆԵՐՈՎ ՏԵՂԱՓՈԽՎՈՂ ԱՊՐԱՆՔՆԵՐԻ, ԱՌԱՆՁԻՆ ՏԵՍԱԿՆԵՐԻ ԲՆԱԻՐԱՅԻՆ ՉԱՓԵՐԸ

Ապրանքի ծածկագիրը` ըստ ԱՏԳ ԱԱ	Ապրանքի անվանումը	Բնաիրային չափը
02	Միս և մսի ենթամթերք	10 կգ
03 0301 030270	Ձկնեղեն, խեցգետնանմաններ, կակղամորթեր և ջրային այլ անողնաշարավորներ, բացառությամբ` - կենդանի ձուկ այդ թվում` ձկան խավիար	10 կգ 0,5 կգ
04 0408 11 0407	Կաթ և կաթնեղեն, թռչնի ձու, բացառությամբ` - ձվի փոշի այդ թվում` թռչնի ձու	10 կգ 100 հատ
08	Ուտելի պտուղներ, ընկույզ, բոստանային կամ ցիտրուսային մշակաբույսերի կեղևներ և կճեպներ	10 կգ
09	Սուրճ, թեյ, մատե (պարագվայական թեյ) և համեմունքներ	1 կգ
1206 00	Արևածաղկի սերմ	10 կգ
15 1515 30 100	Կենդանական կամ բուսական ծագում ունեցող ճարպեր և յուղեր, դրանց ճեղքումից ստացվող նյութեր, պատրաստի սննդայուղեր, բուսական կամ կենդանական ծագում ունեցող մոմեր, բացառությամբ` - գերչակի յուղ	10 կգ
16 160430	Մսի, ձկան, խեցգետնանմաններից, կակղամորթերից կամ ջրային այլ անողնաշարավորներից արտադրանք այդ թվում` ձկան խավիար և խավիարի փոխարինիչներ	5 կգ 0,5 կգ
1704 1704 10	Շաքարից պատրաստված հրուշակեղեն այդ թվում` ծամոն	10 կգ 0,2 կգ
18 1801	Կակաո, կակաոյից պատրաստված մթերք, բացառությամբ` - կակաո հատիկավոր, աղացած, չոր կամ բովված	5 կգ
1902	Մակարոնեղեն	5 կգ
1904	Հացահատիկային մշակաբույսերից պատրաստված կերակրատեսակներ	5 կգ
1905 30	Քաղցր թխվածքաբլիթ, վաֆլի	5 կգ
21 2102	Տարբեր տեսակի սննդամթերք, բացառությամբ` - դրոժներ	1 կգ
22	Ալկոհոլային, ոչ ալկոհոլային խմիչքներ, քացախ	2 լիտր կամ 1 շիշ, եթե 1 շշի տարողությունը 2 լիտրից ավելի է
2402	Սիգարներ, ծայրը կտրած սիգարներ, սիգարելաներ (բարակ սիգարներ) և սիգարետներ` ծխախոտով կամ դրա փոխարինիչներով այդ թվում` սիգարներ սիգարելաներ սիգարետներ (ֆիլտրով կամ առանց ֆիլտրի)	10 հատ 400 հատ 400 հատ
64 6406	Կոշիկ, բացառությամբ` - կոշիկի մասեր	5 զույգ
91 9104 00 100 9108-9112, 9114	Ժամացույցներ և ժամացույցների մասեր, բացառությամբ` - ժամացույցներ` քաղաքացիական ավիացիայի համար - ժամացույցների մասեր	3 հատ