040.1289.27.12.01

«Վավերացնում եմ»

Հայաստանի Հանրապետության

Նախագահ Ռ. Քոչարյան

27 դեկտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 դեկտեմբերի 2001 թվականի N 1289

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԻՇԽԱՆՈՒԹՅԱՆ ՄԱՐՄԻՆՆԵՐԻ ՂԵԿԱՎԱՐ ԱՇԽԱՏՈՂՆԵՐԻ ԳՈՒՅՔԻ ԵՎ ԵԿԱՄՈՒՏՆԵՐԻ ՎԵՐԱԲԵՐՅԱԼ ՀԱՅՏԱՐԱՐԱԳԻՐ ՆԵՐԿԱՅԱՑՆՈՂՆԵՐԻ ՄԱՍԻՆ ՏՎՅԱԼՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐՈՒԹՅՈՒՆ ՆԵՐԿԱՅԱՑՆԵԼՈՒ ՄԱՍԻՆ

Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման համակարգի ներդրումն ապահովելու նպատակով Հայաստանի Հանրապետության կառավարությունը որոշում է.

1. Հաստատել գույքն ու եկամուտները հայտարարագրող համարվող ղեկավար աշխատողների մասին տվյալները Հայաստանի Հանրապետության իշխանության մարմինների կողմից Հայաստանի Հանրապետության պետական եկամուտների նախարարություն ներկայացվելու կարգը (կցվում է):

2. Սահմանել, որ իշխանության մարմինները հայտարարատու համարվող անձանց մասին 2001 թվականի սեպտեմբերի 1-ի դրությամբ տվյալները սույն որոշմամբ հաստատված կարգով մինչև 2001 թվականի դեկտեմբերի 30-ը ներկայացնում են Հայաստանի Հանրապետության պետական եկամուտների նախարարության մարմիններ:

3. Սույն որոշումն ուժի մեջ է մտնում պաշտոնական հրապարակման պահից:

Հայաստանի Հանրապետության վարչապետ

Ա. Մարգարյան

Հաստատված է ՀՀ կառավարության 2001 թվականի դեկտեմբերի 27-ի N 1289 որոշմամբ

Կ Ա Ր Գ

գույքն ու եկամուտները հայտարարագրող համարվող ղեկավար աշխատողների մասին տվյալները Հայաստանի Հանրապետության իշխանության մարմինների կողմից Հայաստանի Հանրապետության պետական եկամուտների նախարարություն ներկայացվելու

1. Սույն կարգով սահմանվում է Հայաստանի Հանրապետության իշխանության մարմինների (այսուհետև՝ մարմին) կողմից «Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մասին» Հայաստանի Հանրապետության օրենքի (այսուհետև՝ օրենք) համաձայն գույքն ու եկամուտները հայտարարագրող համարվող իրենց ղեկավար աշխատողների (այսուհետև՝ հայտարարատու) մասին տվյալները Հայաստանի Հանրապետության պետական եկամուտների նախարարություն ներկայացվելու կարգը:

2. Մարմնի ղեկավարի հրամանով սույն կարգի պահանջների կատարման պարտականությունը կարող է դրվել տվյալ մարմնի կադրերի ծառայության (վարչություն, բաժին) ղեկավարի, կադրերի գծով գործառույթներն իրականացնող անձի կամ այլ ծառայության (այսուհետև՝ ծառայություն) վրա:

3. Ծառայությունը հայտարարատուներին իրազեկում է (հավելված N 1) օրենքի և սույն կարգի պահանջների մասին՝

ա) պաշտոնի նշանակվելու կամ ընտրվելու օրվանից 5-օրյա ժամկետում,

բ) մինչև պաշտոնավարման յուրաքանչյուր տարվա դեկտեմբերի 1-ը,

գ) այլ պաշտոնի փոխադրվելու կամ ընտրվելու օրվանից 5-օրյա ժամկետում,

դ) զբաղեցրած պաշտոնից ազատվելու (պաշտոնավարության ավարտի) օրվանից ոչ ուշ:

Իրազեկումը պահվում է ծառայությունում վարվող համապատասխան անձնական գործում:

Հայտարարատու պաշտոնատար անձին փոխկապակցված անձանց օրենքի պահանջներին տեղեկացնելու պարտավորությունը դրվում է ծառայության վրա:

Սույն կետով սահմանված կարգով և ժամկետներում չիրազեկվելը հայտարարատուներին չի ազատում օրենքի պահանջների կատարման պարտավորությունից:

4. Հայտարարատու պաշտոնատար անձը պաշտոնի նշանակվելու կամ ընտրվելու օրվանից 15-օրյա ժամկետում իր և օրենքով սահմանված փոխկապակցված անձանց (ամուսնու, ծնողների, զավակների, քույրերի, եղբայրների) և այլ խնամառուների մասին անհատական տվյալները (հավելված N 2)՝ 2 օրինակից, ներկայացնում է ծառայություն:

Հայտարարատու պաշտոնատար անձը պարտավոր է սույն կետում նշված անհատական տվյալների փոփոխության դեպքում՝ դրան հաջորդող 5-օրյա ժամկետում ծառայություն ներկայացնել նոր տվյալներ (հավելված N 2)՝ 2 օրինակից, ընդ որում, «Ծանոթագրություն» սյունակում նշվում է փոփոխության բովանդակությունը:

Սույն կարգի առումով փոփոխություն է համարվում անհատական տվյալներից որևէ մեկի փոփոխությունը:

5. Ծառայությունն ամփոփում է հայտարարատուների անհատական տվյալները կամ դրանց փոփոխությունները (հավելված N 3)։

Մարմինը մինչև նշված տվյալներն ստանալու ամսվան հաջորդող ամսվա 15-ը Հայաստանի Հանրապետության պետական եկամուտների նախարարություն է ներկայացնում ամփոփված տվյալները (հավելված N 3) և դրան համապատասխանող անհատական տվյալների (հավելված N 2) մեկական օրինակները: Ընդ որում, անհատական տվյալների փոփոխությունների դեպքում (հավելված N 3) «Ծանոթագրություն» սյունակի համապատասխան տողում նշվում է փոփոխության բովանդակությունը:

6. Մարմինը սույն կարգի 5-րդ կետում նշված տվյալները (NN 2 և 3 հավելվածներ) Հայաստանի Հանրապետության պետական եկամուտների նախարարություն է ներկայացնում փակ ծրարով:

7. Հայաստանի Հանրապետության պետական եկամուտների նախարարությունը կարող է մարմնից կամ առանձին հայտարարատուից ստանալ տվյալներ և այլ տեղեկություններ, որոնք անմիջականորեն վերաբերում են հայտարարատու պաշտոնատար և նրանց փոխկապակցված անձանց անհատական տվյալներին:

8. Հայաստանի Հանրապետության ազգային անվտանգության նախարարության, Հայաստանի Հանրապետության պաշտպանության նախարարության և Հայաստանի Հանրապետության ներքին գործերի նախարարության կառուցվածքային ստորաբաժանումների ղեկավարների (բացառությամբ նախարարների տեղակալների) մասին տվյալները լրացվում են հետևյալ կարգով՝

ա) N 2 հավելվածի՝

2-րդ կետում նշվում է պաշտոնատար անձի պաշտոնը (վարչության պետ, բաժնի պետ և այլն)՝ առանց նշելու ստորաբաժանման (վարչություն, բաժին և այլն) լրիվ անվանումը,

5-րդ, 6-րդ և 7-րդ կետերը չեն լրացվում,

10-րդ կետի 6-րդ սյունակը (փոխկապակցված անձանց և այլ խնամառուների գրանցման (հաշվառման) հասցեն) չի լրացվում.

բ) N 3 հավելվածի 2-րդ սյունակում նշվում է պաշտոնատար անձի պաշտոնը (վարչության պետ, բաժնի պետ և այլն)՝ առանց նշելու ստորաբաժանման (վարչություն, բաժին և այլն) լրիվ անվանումը:

9. Սույն կարգի NN 2 և 3 հավելվածների մնացած կետերը լրացվում են ընդհանուր կարգով:

Հավելված N 1 գույքն ու եկամուտները հայտարարագրող համարվող ղեկավար աշխատողների մասին տվյալները Հայաստանի Հանրապետության իշխանության մարմինների կողմից Հայաստանի Հանրապետության պետական եկամուտների նախարարություն ներկայացվելու կարգի

Ի Ր Ա Զ Ե Կ ՈՒ Մ *

«Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մասին» Հայաստանի Հանրապետության օրենքի պահանջների մասին

Հարգելի պարոն (տիկին) ___________________________________,

(անունը, ազգանունը)

սույնով իրազեկվում եք, որ «Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մասին» Հայաստանի Հանրապետության օրենքի 2-րդ հոդվածի համաձայն Դուք համարվում եք գույքը և եկամուտները հայտարարագրող:

	_______________	________________
	(ստորագրությունը)	(անունը, ազգանունը)

_____ ____________ 200  թ.

* Սույն կարգով և սահմանված ժամկետներում չիրազեկվելը հայտարարատուներին չի ազատում նշված օրենքի պահանջների կատարման պարտավորությունից:

Հավելված N 2 գույքն ու եկամուտները հայտարարագրող համարվող ղեկավար աշխատողների մասին տվյալները Հայաստանի Հանրապետության իշխանության մարմինների կողմից Հայաստանի Հանրապետության պետական եկամուտների նախարարություն ներկայացվելու կարգ

Ա Ն Հ Ա Տ Ա Կ Ա Ն  Տ Վ Յ Ա Լ Ն Ե Ր *

հայտարարատու պաշտոնատար և նրանց փոխկապակցված անձանց մասին

	Ներկայացվում է առաջին անգամ։ Ներկայացվում են փոփոխությունները։
	(անհրաժեշտն ընդգծել)

1. Իշխանության մարմնի անվանումը _________________________________

2. Պաշտոնատար անձի պաշտոնը՝ նշելով ստորաբաժանման լրիվ անվանումը _________

________________________________________________________

3. Անունը, ազգանունը _________________________________________

4. Ծննդյան ամիսը, ամսաթիվը, տարեթիվը և վայրը ________________________

5. Հիմնական բնակության (հաշվառման) վայրի հասցեն ______________________

6. Հեռախոսահամարը և այլ անհատական կապի միջոցները ____________________

7. Անձնագրային տվյալները _______________________________________

8. Սույն պաշտոնն զբաղեցնում եմ ____________________________ թվականից:

9. Ամուսնացած եմ, ամուսնացած չեմ (անհրաժեշտն ընդգծել):

10. Տվյալներ օրենքով սահմանված փոխկապակցված անձանց (ամուսնու, ծնողների, զավակների, քույրերի, եղբայրների) և այլ խնամառուների մասին՝

NN ը/կ	Անունը, ազգանունը	Ամուսինը, ծնողը, զավակը, քույրը կամ եղբայրը	Այլ խնամառուն	Ծննդյան ամիսը, ամսաթիվը, տարեթիվը	Գրանցման (հաշվառման) հասցեն	Ծանոթա- գրություն
1	2	3	4	5	6	7
10.1.
10.2.
10.3.
10.4.
10.5.

	Հայտարարատու _______________
	(ստորագրությունը)

___ ___________ 200 թ.

* 2-րդ, 3-րդ, 5-րդ և 6-րդ սյունակներում լրացվում են տվյալներ օրենքով պաշտոնատար անձից առանձին հայտարարատու համարվող փոխկապակցված անձանց մասին։

2-րդ, 4-րդ, 5-րդ և 6-րդ սյունակներում լրացվում են այն խնամառուների մասին տվյալները, որոնց գույքը և եկամուտները պաշտոնատար անձը ներառում է իր հայտարարագրում։

3-րդ և 4-րդ սյունակները միաժամանակ չեն կարող լրացվել:

Հավելված N 3 գույքն ու եկամուտները հայտարարագրող համարվող ղեկավար աշխատողների մասին տվյալները Հայաստանի Հանրապետության իշխանության մարմինների կողմից Հայաստանի Հանրապետության պետական եկամուտների նախարարություն ներկայացվելու կարգի

Տ Վ Յ Ա Լ Ն Ե Ր *

__________________________________________

(իշխանության մարմնի անվանումը)

հաստիքակազմում ընդգրկված հայտարարատուների մասին

NN ը/կ	Պաշտոնը	Անունը, ազգանունը	Նշանակվել է պաշտոնի	Ազատվել է պաշտոնից	Ծանոթագրություն
1	2	3	4	5	6
1.
2.
3.
4.
5.
6.
7.
8.
9.
10.
11.
12.
13.

Իշխանության մարմնի ղեկավար	_______________	________________
	(ստորագրությունը)	(անունը, ազգանունը)

Կ.Տ.

___ ___________ 200 թ.

* Այն հայտարարատուների մասին տվյալներով, որոնք պաշտոնի են նշանակվել մինչև հաշվետու ամիսը կամ հաշվետու ամսում, լրացվում են 1-ին, 2-րդ, 3-րդ և 4-րդ սյունակները, ընդ որում, 4-րդ սյունակում նշվում են պաշտոնի նշանակվելու ամիսը և ամսաթիվը:

Այն հայտարարատուների մասին տվյալներով, որոնք հաշվետու ամսում ազատվել են զբաղեցրած պաշտոնից, լրացվում են 1-ին, 2-րդ, 3-րդ և 5-րդ սյունակները, ընդ որում, 5-րդ սյունակում նշվում են զբաղեցրած պաշտոնից ազատվելու ամիսը և ամսաթիվը:

Այն հայտարարատուների մասին տվյալներով, որոնք հաշվետու ամսում փոխադրվել են այլ պաշտոնի, լրացվում են 1-ին, 2-րդ, 3-րդ և 5-րդ սյունակները, ընդ որում, 2-րդ սյունակում նշվում է նոր պաշտոնը, իսկ 6-րդ սյունակում՝ նախկին պաշտոնը: