«Վավերացնում եմ»
Հայաստանի Հանրապետության
Նախագահ Ռ. Քոչարյան
13 մարտի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
13 մարտի 2000 թվականի N 108
քաղ. Երևան
ԱՅԳԵԳՈՐԾՆԵՐԻ ՀԱՅԿԱԿԱՆ ՀԱՆՐԱՊԵՏԱԿԱՆ ԿԱՄԱՎՈՐ ԸՆԿԵՐՈՒԹՅԱՆ ՊՈՄՊԱԿԱՅԱՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ԵՎ ԲՆՕԳՏԱԳՈՐԾՄԱՆ ՆԱԽԱՐԱՐՈՒԹՅԱՆԸ ՀԱՆՁՆԵԼՈՒ ՄԱՍԻՆ
Հաշվի առնելով Այգեգործների հայկական հանրապետական կամավոր ընկերության վարչության նիստի 1999 թվականի հուլիսի 9-ի N 2 որոշումն ընկերության սեփականությունը հանդիսացող պոմպակայանները պետությանը սեփականության իրավունքով անհատույց հանձնելու մասին, ինչպես նաև Հայաստանի Հանրապետության ֆինանսների և էկոնոմիկայի նախարարության առաջարկությունը` համաձայնեցված Հայաստանի Հանրապետության գյուղատնտեսության և բնօգտագործման նախարարության ու Երևանի քաղաքապետի հետ, և Հայաստանի Հանրապետության կառավարության 1999 թվականի հունվարի 14-ի «Հայաստանի Հանրապետության կառավարության 1998 թվականի մարտի 24-ի N 201 որոշման մեջ փոփոխություն կատարելու մասին» N 12 որոշման 2-րդ կետի «բ» ենթակետին համապատասխան, Հայաստանի Հանրապետության կառավարությունը որոշում է.
1. Այգեգործների հայկական հանրապետական կամավոր ընկերության պոմպակայանները (ցանկը կցվում է), ինչպես նաև Երևանի քաղաքապետարանի տնօրինության Նոր Խարբերդի մեկ պոմպակայանը հանձնել Հայաստանի Հանրապետության գյուղատնտեսության և բնօգտագործման նախարարության «Ոռոգում» պետական փակ բաժնետիրական ընկերության տնօրինությանը:
2. Հայաստանի Հանրապետության գյուղատնտեսության ու բնօգտագործման նախարարության «Ոռոգում» պետական փակ բաժնետիրական ընկերությանը` մեկամսյա ժամկետում` Հայաստանի Հանրապետության օրենսդրությամբ սահմանված կարգով Այգեգործների հայկական հանրապետական կամավոր ընկերության հետ կնքել պոմպակայանների նվիրատվության պայմանագիր, ապահովել նշված պոմպակայանների հանձնման-ընդունման աշխատանքների կատարումը և գույքային իրավունքների պետական գրանցումը:
3. Սույն որոշումն ուժի մեջ է մտնում 2000 թվականի մարտի 13-ից:
|
Հայաստանի Հանրապետության վարչապետ |
Ա. Սարգսյան |
Ց Ա Ն Կ
Հայաստանի Հանրապետության գյուղատնտեսության եվ բնօգտագործման նախարարության տնօրինությանը հանձնվող` Այգեգործների հայկական հանրապետական կամավոր ընկերության պոմպակայանների
| NN ը/կ | Այգեգործական ընկերությունների անվանումները | Տեղադրված ագրեգատների թիվը | Ընդամենը` հզորություն (կվտ) | Այգեգործների թիվը |
| 1. | Կաբելի գործարան | 2 | 75 | 273 |
| 2. | Հարավ-մոնտաժ ավտոմատիկա | 2 | 80 | 60 |
| 3. | Նուրբ բրդյա և մահուդի կոմբինատ | 2 | 125 | 138 |
| 4. | Խաղողապտղագինեգործության ինստիտուտ | 1 | 30 | 55 |
| 5. | Ծխախոտի կոմբինատ |
1 |
50 |
62 |
| 6. | Երևանի քաղաքապետարանի ճարտարապետական վարչություն | 1 | 15 | 32 |
| 7. | «Էլեկտրոն» գործարան | 1 | 35 | 36 |
| 8. | Մյասնիկյանի անվան կահույքի ֆաբրիկա | 1 | 15 | 30 |
| 9. | Երկաթբետոնե կոնստրուկցիաների գործարան | 1 | 15 | 80 |
| 10. | Սննդի արդյունաբերության «Արագած» ընկերություն | 3 | 84 | 240 |
| 11. | «Պտղնի» այգետարածքի «ԵրԱԶ» գործարան | 1 | 160 | 80 |
| 12. | ՆԱՏԻ-ի հարավային մասնաճյուղ | 1 | 15 | 130 |
| 13. | Քանաքեռավան | 1 | 22 | 60 |
| 14. | Արզականի այգեգործական ընկերության հայկական մանկավարժական ինստիտուտ | 1 | 30 | 50 |
| 15. | Իզոկոմբինատ | 1 | 20 | 15 |
| 16. | ՆԻՏԻՄ | 1 | 20 | 25 |
| 17. | Ժամացույցի գործարան | 1 | 20 | 40 |
| 18. | Երկոմունշին | 1 | 20 | 40 |
| 19. | Նոր Խարբերդի այգետարածք | 6 | 780 | 2500 |
| 20. | «ԿանԱԶ» բաժնետիրական ընկերություն | 1 | 2,4 | 112 |