«Վավերացնում եմ»
Հայաստանի Հանրապետության
Նախագահ Ռ. Քոչարյան
28 դեկտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 դեկտեմբերի 1999 թվականի N 783
քաղ. Երևան

«ԼՈՐՈՒՏԻ ԲԺՇԿԱԿԱՆ ԱՄԲՈՒԼԱՏՈՐԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Ստեղծել «Լորուտի բժշկական ամբուլատորիա» փակ բաժնետիրական ընկերությունը:

2. «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով սահմանված լիազորությունները վերապահել Հայաստանի Հանրապետության Լոռու մարզպետին:

3. Լոռու մարզի «Դսեղի առողջության կենտրոն» պետական փակ բաժնետիրական ընկերության գույքի կազմից սահմանված կարգով առանձնացնել Լորուտի բուժակամանկաբարձական կետի գույքը (265 բաժնետոմս` յուրաքանչյուրը 10000 դրամ) և այն ներդնել «Լորուտի ամբուլատորիա» փակ բաժնետիրական ընկերության կանոնադրական կապիտալում:

4. Հայաստանի Հանրապետության կառավարության 1996 թվականի սեպտեմբերի 24-ի «Հայաստանի Հանրապետության Լոռու մարզային ենթակայության ձեռնարկությունների և կազմակերպությունների ցանկը հաստատելու մասին» N 308 որոշման մեջ կատարել հետևյալ փոփոխությունը`

որոշման N 1 հավելվածի «Լորուտ գ. տեղամասային հիվանդանոց» տողից հանել «տեղամասային հիվանդանոց» բառերը:

5. Սույն որոշումն ուժի մեջ է մտնում 1999 թվականի դեկտեմբերի 28-ից:

Հայաստանի Հանրապետության վարչապետ

Ա. Սարգսյան