«Վավերացնում եմ»
Հայաստանի Հանրապետության
Նախագահ Ռ. Քոչարյան
31 հուլիսի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հուլիսի 1999 թվականի N 489
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՆՈՅԵՄԲԵՐԻ 17-Ի N 709 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի 1 հոդվածի 2-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի նոյեմբերի 17-ի «Հայաստանի Հանրապետության սոցիալական ապահովագրության պետական հիմնադրամի 1999 թվականի բյուջեի մասին» N 709 որոշման մեջ կատարել հետևյալ փոփոխությունները`

ա) որոշման 1-ին կետում նշված «եկամուտների գծով» տողում «35399,4» թիվը փոխարինել «37321,7» թվով, իսկ «ծախսերի գծով» տողում` «35399,4» թիվը «37321,7» թվով.

բ) որոշման 1-ին կետով հաստատված` Հայաստանի Հանրապետության սոցիալական ապահովագրության պետական հիմնադրամի 1999 թվականի բյուջեն շարադրել հետևյալ խմբագրությամբ.

«Հայաստանի Հանրապետության սոցիալական ապահովագրության պետական հիմնադրամի 1999 թվականի բյուջեն
	մլն դրամ
Եկամուտներ` ընդամենը	37321,7
այդ թվում`
I. Պարտադիր սոցիալական ապահովագրական վճարներ	33674,7
այդ թվում`
1. Գործատուների կողմից աշխատանքների վարձատրությանն ուղղվող միջոցների նկատմամբ	28715,7
2. Վարձու աշխատողների աշխատավարձից և դրան հավասարեցված եկամուտներից	3006,0
3. Ինքնուրույն աշխատանքով զբաղված անձանց եկամուտներից	793,0
4. Գյուղացիական տնտեսությունների կողմից սեփականություն հանդիսացող հողատարածքների կադաստրային տարեկան զուտ եկամտի նկատմամբ	1160,0
II. Հայաստանի Հանրապետության պետական բյուջեից հատկացումներ` ընդամենը	3627,0
ա) շարքային զինծառայողներին և նրանց ընտանիքների անդամներին տրվող կենսաթոշակների վճարման համար	1665,0
բ) աշխատանքային պարտականությունների կատարման հետ կապված խեղման, մասնագիտական հիվանդության և առողջության այլ վնասման հետևանքով պատճառված վնասի փոխհատուցում	35,0
գ) սպայական անձնակազմին և նրանց ընտանիքների անդամներին տրվող կենսաթոշակային ապահովում	1927,0
III. Բանկային շահաբաժիններ	20,0
Ծախսեր` ընդամենը	37321,7
այդ թվում`
1. Կենսաթոշակային ապահովագրություն	29710,4
2. Շարքային զինծառայողներին և նրանց ընտանիքներին տրվող կենսաթոշակներ	1665,00
3. Սպայական անձնակազմին և նրանց ընտանիքների անդամներին տրվող կենսաթոշակային ապահովում	1927,0
4. Աշխատանքային պարտականությունների կատարման հետ կապված խեղման, մասնագիտական հիվանդության և առողջության այլ վնասման հետևանքով պատճառված վնասի փոխհատուցում	35,0
5. Զբաղվածության պետական ծրագրեր	2046,8
6. Պետական սոցիալական ապահովագրության  առանձին ծրագրեր	1169,2
7. Սոցիալական ապահովագրության միջազգային ասոցիացիային անդամակցություն	4,3
8. ԱՊՀ անդամ պետությունների կենսաթոշակային (սոցիալական) հիմնադրամների ներկայացուցիչների ասոցիացիային անդամակցություն	5,7
9. ՀՀ սոցիալական ապահովագրության պետական հիմնադրամի համակարգի պահպանում և զարգացում	758,3»:

2. Սույն որոշումն ուժի մեջ է մտնում 1999 թվականի հուլիսի 31-ից:

Հայաստանի Հանրապետության վարչապետ

Վ. Սարգսյան