«Վավերացնում եմ»

Հայաստանի Հանրապետության

Նախագահ Ռ. Քոչարյան

9 մարտի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 մարտի 2001 թվականի N 175

ԱՐՏԱՇԱՏԻ Ա. ԽԱՐԱԶՅԱՆԻ ԱՆՎԱՆ ԴՐԱՄԱՏԻԿԱԿԱՆ ԹԱՏՐՈՆԻ ՇԵՆՔԸ ԵՎ ԱՅԼ ԳՈՒՅՔԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ, ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԵՎ ՍՊՈՐՏԻ ՆԱԽԱՐԱՐՈՒԹՅԱՆԸ ՀԱՆՁՆԵԼՈՒ ՄԱՍԻՆ

Հաշվի առնելով Հայաստանի Հանրապետության մշակույթի, երիտասարդության հարցերի և սպորտի նախարարության առաջարկությունը և Արտաշատի քաղաքային համայնքի ավագանու համաձայնությունը` Հայաստանի Հանրապետության կառավարությունը որոշում է.

1. Լիազորել Հայաստանի Հանրապետության մշակույթի, երիտասարդության հարցերի և սպորտի նախարարությանը Հայաստանի Հանրապետության անունից Արտաշատի քաղաքային համայնքի հետ կնքել պայմանագիր Արտաշատի Ա. Խարազյանի անվան դրամատիկական թատրոնի շենքը և այլ գույքն անհատույց օտարելու մասին:

2. Արտաշատի Ա. Խարազյանի անվան դրամատիկական թատրոնի շենքը և այլ գույքը, որպես պետական սեփականություն, հանձնել Հայաստանի Հանրապետության մշակույթի, երիտասարդության հարցերի և սպորտի նախարարության տնօրինությանը:

3. Հայաստանի Հանրապետության մշակույթի, երիտասարդության հարցերի և սպորտի նախարարությանը` մեկամսյա ժամկետում Արտաշատի քաղաքային համայնքի հետ համատեղ ապահովել Արտաշատի Ա. Խարազյանի անվան դրամատիկական թատրոնի շենքի և այլ գույքի` սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:

4. Հայաստանի Հանրապետության կառավարության 1997 թվականի մարտի 14-ի «Համայնքների սեփականության գույքի ցանկը հաստատելու մասին» N 51 որոշման մեջ կատարել հետևյալ փոփոխությունը`

որոշման N 2 հավելվածի` Հայաստանի Հանրապետության Արտաշատի մարզի քաղաքային և գյուղական համայնքների սեփականության գույքի ցանկից հանել «Ա. Խարազյանի անվան միջշրջանային պետական դրամատիկական թատրոն» տողը:

5. Հայաստանի Հանրապետության ֆինանսների և էկոնոմիկայի նախարարությանը` Արտաշատի Ա. Խարազյանի անվան դրամատիկական թատրոնի ֆինանսավորումն իրականացնել «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի N 1 հավելվածի 07 խմբի 06 ենթախմբի (Արվեստ) «3. Այլ թատրոնների և համերգային կազմակերպությունների սուբսիդավորում» տողով նախատեսված բյուջետային հատկացումների հաշվին:

6. Սույն որոշումն ուժի մեջ է մտնում 2001 թվականի մարտի 9-ից:

Հայաստանի Հանրապետության վարչապետ

Ա. Մարգարյան