«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

12 օգոստոսի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 օգոստոսի 1998 թվականի N 493

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻ ԵՎ ԱՐՀԵՍՏԱԿՑԱԿԱՆ ՄԻՈՒԹՅՈՒՆՆԵՐԻ ՀԱՅԿԱԿԱՆ ՀԱՆՐԱՊԵՏԱԿԱՆ ԽՈՐՀՐԴԻ 1990 ԹՎԱԿԱՆԻ ԴԵԿՏԵՄԲԵՐԻ 10-Ի N 570 ԵՎ 1991 ԹՎԱԿԱՆԻ ՄԱՐՏԻ 13-Ի N 208 ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՐԴԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հայաստանի Հանրապետության կառավարության 1998 թվականի հունիսի 8-ի «Պարտադիր սոցիալական ապահովագրության վճարների մասին» Հայաստանի Հանրապետության օրենքի կիրարկումն ապահովող միջոցառումների մասին» N 352 որոշման 6-րդ կետին համապատասխան Հայաստանի Հանրապետության կառավարությունը որոշում է.

1. Հայաստանի Հանրապետության Նախարարների խորհրդի և Արհեստակցական միությունների հայկական հանրապետական խորհրդի 1990 թվականի դեկտեմբերի 10-ի «Սոցիալական ապահովագրության և սոցիալական ապահովության ծախսերի ֆինանսավորման կարգի կատարելագործման մասին» N 570 որոշման մեջ կատարել հետևյալ փոփոխությունները`

հանել որոշման 3-րդ և 4-րդ կետերը:

2. Հայաստանի Հանրապետության Նախարարների խորհրդի և Արհեստակցական միությունների հայկական հանրապետական խորհրդի 1991 թվականի մարտի 13-ի «Հայաստանի Հանրապետության սոցիալական ապահովագրության ֆոնդի կանոնադրության գրանցման և դրա հետ կապված առաջնահերթ միջոցառումների մասին» N 208 որոշման մեջ կատարել հետևյալ փոփոխությունները`

ա) հանել որոշման 2-րդ կետի առաջին պարբերությունը, 3, 4 և 6-րդ կետերը.

բ) որոշմամբ գրանցված` Հայաստանի Հանրապետության սոցիալական ապահովագրության ֆոնդի կանոնադրությունում`

2.1-ին կետի «ա» ենթակետը շարադրել հետևյալ խմբագրությամբ.

«ա) ժամանակավոր անաշխատունակության, հղիության և ծննդաբերության, երեխայի ծննդյան միանվագ և թաղման նպաստների, ինչպես նաև Հայաստանի Հանրապետության օրենսդրությամբ և սույն կանոնադրությամբ սահմանված առողջարանակուրորտային բնույթի միջոցառումների ֆինանսավորումն ու իրականացումը»,

հանել 2.1 կետի «բ», «գ» և «դ» ենթակետերը,

3.1-ին կետի «ա» ենթակետը շարադրել հետևյալ խմբագրությամբ.

«ա) Հայաստանի Հանրապետության կենսաթոշակային և զբաղվածության հիմնադրամի բյուջեով նախատեսված Հայաստանի Հանրապետության սոցիալական ապահովագրության ֆոնդին տրամադրվող միջոցներից»,

 3.2-րդ կետի «բ» ենթակետը շարադրել հետևյալ խմբագրությամբ.

«բ) հաշմանդամների, Հայաստանի Հանրապետության պաշտպանության ժամանակ զոհված զինծառայողների և ազատամարտիկների ընտանիքների, միայնակ չաշխատող կենսաթոշակառուների, ինչպես նաև աշխատավորների ու նրանց ընտանիքների առողջարանակուրորտային բնույթի միջոցառումների կազմակերպման համար այդ նպատակով նախատեսված միջոցների հաշվին»,

հանել 3.2-րդ կետի «դ», «ե», «է», «ը» ենթակետերը,

հանել 4.7, 4.8, 4.9-րդ կետերը,

հանել 4.11-րդ կետի առաջին և հինգերորդ պարբերությունները,

4.12-րդ կետի երրորդ պարբերությունը շարադրել հետևյալ խմբագրությամբ.

«- վերահսկողություն են սահմանում գործատուների կողմից սոցիալական ապահովագրության նպաստների նշանակման և վճարման օրինականության նկատմամբ»,

հանել 4.12-րդ կետի չորրորդ և հինգերորդ պարբերությունները, հանել 4.13, 5.1, 5.2, 5.3, 5.5 և 5.6-րդ կետերը:

3. Հաստատել Հայաստանի Հանրապետության Նախարարների խորհրդի և Հայաստանի Հանրապետության կառավարության ուժը կորցրած որոշումների ցանկը (կցվում է):

Հայաստանի Հանրապետության վարչապետ

Ա. Դարբինյան

ՀԱՍՏԱՏՎԱԾ Է ՀՀ ԿԱՌԱՎԱՐՈՒԹՅԱՆ 1998 ԹՎԱԿԱՆԻ օգոստոսի 12-Ի N 493 ՈՐՈՇՄԱՄԲ

Ց Ա Ն Կ

Հայաստանի Հանրապետության Նախարարների խորհրդի եվ Հայաստանի Հանրապետության կառավարության ուժը կորցրած որոշումների

1. Հայաստանի Հանրապետության Նախարարների խորհրդի 1990 թվականի դեկտեմբերի 27-ի «ԽՍՀՄ կենսաթոշակային ֆոնդի Հայաստանի հանրապետական բաժանմունքի գործունեության հետ կապված առաջնահերթ միջոցառումների մասին» N 610 որոշումը:

2. Հայաստանի Հանրապետության Նախարարների խորհրդի 1991 թվականի հոկտեմբերի 11-ի «ԽՍՀՄ կենսաթոշակային ֆոնդի Հայաստանի հանրապետական բաժանմունքը Հայաստանի Հանրապետության կենսաթոշակային ֆոնդի վերակազմավորելու մասին» N 605 որոշումը:

3. Հայաստանի Հանրապետության կառավարության 1992 թվականի հունվարի 24-ի «Հայաստանի Հանրապետության Նախագահի 1992 թվականի հունվարի 4-ի «Պետական սոցիալական ապահովագրության մուծումների դրույքաչափի և կենսաթոշակների նվազագույն չափի մասին» և «Երեխաների համար տրվող նպաստների միասնական համակարգ սահմանելու մասին» հրամանագրերի կատարման ապահովող միջոցառումների մասին»N 52 որոշումը:

4. Հայաստանի Հանրապետության կառավարության 1992 թվականի մայիսի 1-ի «Հայաստանի Հանրապետության կենսաթոշակային և զբաղվածության ֆոնդի մասին» N 260 որոշումը:

5. Հայաստանի Հանրապետության կառավարության 1993 թվականի փետրվարի 9-ի Հայաստանի Հանրապետության Նախագահի 1993 թվականի հունվարի 25-ի «Պետական սոցիալական ապահովագրության մուծումների դրույքաչափերի մասին» հրամանագրի կիրարկումն ապահովող միջոցառումների մասին» N 30 որոշումը:

6. Հայաստանի Հանրապետության կառավարության 1993 թվականի հուլիսի 5-ի «Հասարակական սննդի, առևտրագնման և կոմիսիոն առևտրի բնագավառներում գործող ոչ պետական ձեռնարկությունների պետական սոցիալական ապահովագրության մուծումների դրույքաչափերի և վճարման կարգի մասին» N 344 որոշումը:

7. Հայաստանի Հանրապետության կառավարության 1993 թվականի օգոստոսի 5-ի «Հայաստանի Հանրապետության Նախարարների խորհրդի 1991 թվականի հոկտեմբերի 11-ի «ԽՍՀՄ կենսաթոշակային ֆոնդի Հայաստանի հանրապետական բաժանմունքը Հայաստանի Հանրապետության կենսաթոշակային ֆոնդի վերակազմավորելու մասին» N 605 որոշման մեջ փոփոխություն կատարելու մասին» N 413 որոշումը:

8. Հայաստանի Հանրապետության կառավարության 1993 թվականի դեկտեմբերի 29-ի «Հայաստանի Հանրապետության կենսաթոշակային և զբաղվածության ֆոնդում ապահովադիրների գրանցման կարգի մասին» N 659 որոշումը:

9. Հայաստանի Հանրապետության կառավարության 1994 թվականի մարտի 1-ի «Հայաստանի Հանրապետության Նախագահի 1994 թվականի փետրվարի 7-ի «Գյուղացիական տնտեսությունների, իրավաբանական անձի կարգավիճակ չունեցող ձեռնարկությունների սեփականատերերի պետական սոցիալական ապահովագրության մուծումների դրույքաչափերի և դրանց վճարման կարգի մասին» հրամանագրի կիրարկումն ապահովող միջոցառումների մասին» N 97 որոշումը:

10. Հայաստանի Հանրապետության կառավարության 1994 թվականի հոկտեմբերի 26-ի «Հայաստանի Հանրապետության կառավարության 1993 թվականի փետրվարի 9-ի N 30 որոշման մեջ լրացում կատարելու մասին» N 505 որոշումը:

11. Հայաստանի Հանրապետության կառավարության 1996 թվականի փետրվարի 28-ի «Ինքնուրույն աշխատանքով զբաղված անձանց, այդ թվում` անհատ ձեռներեցների, գյուղացիական տնտեսությամբ, գիտական և ստեղծագործական աշխատանքով զբաղվածների սոցիալական ապահովագրության պարտադիր վճարումների տոկոսաչափերի սահմանման մասին» N 64 որոշումը:

12. Հայաստանի Հանրապետության կառավարության 1996 թվականի հունիսի 20-ի «Ինքնուրույն աշխատանքով զբաղված անձանց, այդ թվում` անհատ ձեռներեցների, գյուղացիական տնտեսությամբ, գիտական և ստեղծագործական աշխատանքով զբաղվածների սոցիալական ապահովագրության պարտադիր վճարումների կարգը հաստատելու մասին» N 176 որոշումը: