«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
23 սեպտեմբերի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 սեպտեմբերի 1997 թվականի N 395
քաղ. Երևան

ԱԳԱՐԱԿ ՔԱՂԱՔԻ ՈՌՈԳՄԱՆ ՀԱՄԱԿԱՐԳԻ ԵՆԹԱԿԱՅՈՒԹՅՈՒՆԸ ՓՈԽԵԼՈՒ ՄԱՍԻՆ

Հաշվի առնելով Հայաստանի Հանրապետության արդյունաբերության և առևտրի նախարարության ու Հայաստանի Հանրապետության գյուղատնտեսության նախարարության համաձայնությունը` Հայաստանի Հանրապետության կառավարությունը որոշում է.

1. Հայաստանի Հանրապետության արդյունաբերության և առևտրի նախարարության Ագարակի պղնձամոլիբդենային կոմբինատի Ագարակ քաղաքի ոռոգման համակարգը` ջրհան պոմպակայաններով, հանձնել Հայաստանի Հանրապետության գյուղատնտեսության նախարարության «Հայջրտնտ» հատուկ նշանակության պետական ձեռնարկության ենթակայությանը:

2. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության գյուղատնտեսության նախարարությանը` մեկամսյա ժամկետում կատարել Ագարակ քաղաքի ոռոգման համակարգի սահմանված կարգով հանձնման-ընդունման աշխատանքները:

3. Սույն որոշումն ուժի մեջ է մտնում 1997 թվականի սեպտեմբերի 23-ից:

Հայաստանի Հանրապետության վարչապետ

Ռ. Քոչարյան