«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
16 հուլիսի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հուլիսի 1997 թվականի N 270
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՋՐԱՄԱՏԱԿԱՐԱՐՄԱՆ ՁԵՌՆԱՐԿՈՒԹՅՈՒՆՆԵՐԻ ԱՆԽԱՓԱՆ ԷՆԵՐԳԱՄԱՏԱԿԱՐԱՐՈՒՄՆ ԱՊԱՀՈՎԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Ջրամատակարարման ձեռնարկությունների` Հայաստանի Հանրապետության կառավարության երաշխիքներով անխափան էներգամատակարարումն ապահովելու, էներգամատակարար ձեռնարկությունների օգտագործած էլեկտրական էներգիայի և սպառողներից խմելու ջրի դիմաց վճարումները բարելավելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարությանը` ջրամատակարարման ձեռնարկությունների օգտագործած էլեկտրական էներգիայի դիմաց առաջացած պարտքի մի մասը մարելու նպատակով Հայաստանի Հանրապետության պետական բյուջեից Հայաստանի Հանրապետության քաղաքաշինության նախարարությանը և Երևանի քաղաքապետարանին տրամադրել բյուջետային վարկ` համաձայն ժամանակացույցի (կցվում է):

2. Հաստատել ջրամատակարարման ձեռնարկությունների` խմելու ջրի դիմաց վճարումներից գոյացած միջոցների հաշվին օգտագործված էլեկտրական էներգիայի դիմաց ամենամսյա վճարումների (տոկոսներով) ժամանակացույցը (կցվում է):

3. Սույն որոշումն ուժի մեջ է մտնում 1997 թվականի հուլիսի 1-ից:

Հայաստանի Հանրապետության վարչապետ

Ռ. Քոչարյան

Ժ Ա Մ Ա Ն Ա Կ Ա Ց ՈՒ Յ Ց

ՋՐԱՄԱՏԱԿԱՐԱՐՄԱՆ ՁԵՌՆԱՐԿՈՒԹՅՈՒՆՆԵՐԻ ՕԳՏԱԳՈՐԾԱԾ ԷԼԵԿՏՐԱԿԱՆ ԷՆԵՐԳԻԱՅԻ ԴԻՄԱՑ ԱՌԱՋԱՑԱԾ ՊԱՐՏՔԻ ՄԻ ՄԱՍԸ ՄԱՐԵԼՈՒ ՆՊԱՏԱԿՈՎ ԲՅՈՒՋԵՏԱՅԻՆ ՎԱՐԿԻ ՏՐԱՄԱԴՐՄԱՆ

(մլն. դրամ)

	Հունիս	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր	Ընդամենը
Երևանի քաղաքապետարան ՀՀ քաղաքաշինության նախարարություն	500 300	163 58	157 56	151 53	146 50	139 48	134 45	1390 610
Ընդամենը	800	221	213	204	196	187	179	2000

Ժ Ա Մ Ա Ն Ա Կ Ա Ց ՈՒ Յ Ց

ՋՐԱՄԱՏԱԿԱՐԱՐՄԱՆ ՁԵՌՆԱՐԿՈՒԹՅՈՒՆՆԵՐԻ ՕԳՏԱԳՈՐԾԱԾ ԷԼԵԿՏՐԱԿԱՆ ԷՆԵՐԳԻԱՅԻ ԴԻՄԱՑ ԱՄԵՆԱՄՍՅԱ ՎՃԱՐՈՒՄՆԵՐԻ (ՏՈԿՈՍՆԵՐՈՎ)

(մլն. դրամ)

	Հուլիս	Օգոստոս	Սեպտեմբեր	Հոկտեմբեր	Նոյեմբեր	Դեկտեմբեր
Երևանի քաղաքապետարան ՀՀ քաղաքաշինության նախարարություն	8 13	10,5 15,5	13 18	15,5 20,5	18 23	20 25