«Վավերացնում եմ»
Հայաստանի Հանրապետության
Նախագահ Ռ. Քոչարյան
5 մայիսի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 մայիսի 1999 թվականի N 288
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՄԱՐՏԻ 23-Ի N 176 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության քաղաքաշինության նախարարության կառուցվածքային փոփոխությունների արդյունքում ստորաբաժանումների գործունեության կազմակերպման, քաղաքաշինական պետական տեսչության տեղավորման և ճարտարապետ Ա. Թամանյանի թանգարանի ստեղծման նպատակով Հայաստանի Հանրապետության կառավարությունը որոշում է.

1. «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածում գործադիր իշխանության մարմինների վարչական շենքի հիմնանորոգման համար հաստատված հատկացումների ընդհանուր գումարի սահմաններում 25,0 մլն դրամ (պատվիրատու` Հայաստանի Հանրապետության քաղաքաշինության նախարարություն) նախատեսել կառավարական N 3 շենքի և Հայաստանի Հանրապետության քաղաքաշինական պետական տեսչության` Երևանի Կոմիտասի պողոտայի N 35 շենքի մասնակի նորոգման աշխատանքների համար:

2. Սույն որոշման 1-ին կետի համաձայն Հայաստանի Հանրապետության կառավարության 1999 թվականի մարտի 23-ի «Հայաստանի Հանրապետության 1999 թվականի պետական բյուջեով և ֆինանսավորման այլ աղբյուրներով նախատեսված կապիտալ ծախսերի պետական պատվերի մասին» N 176 որոշման մեջ կատարել հետևյալ փոփոխությունները`

 որոշման N 13 հավելվածում`

ա) «ՀՀ արտաքին գործերի նախարարություն» տողի 2-րդ սյունակի «145» թիվը փոխարինել «120» թվով, իսկ 3-րդ սյունակից հանել «25» թիվը.

բ) «ՀՀ արտաքին գործերի նախարարություն» տողից հետո լրացնել նոր տող.

1	2	3	4	5	6
ՀՀ քաղաքաշինության նախարարություն	25	25	0	0

3. Սույն որոշումն ուժի մեջ է մտնում 1999 թվականի մայիսի 5-ից:

Հայաստանի Հանրապետության վարչապետ

Ա. Դարբինյան