«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
25 փետրվարի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 փետրվարի 1999 թվականի N 96
քաղ. Երևան

«ՆՈՐՔ ՀԵՌՈՒՍՏԱՏԵՍՈՒԹՅՈՒՆ» ՊԵՏԱԿԱՆ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Լուծարել «Նորք հեռուստատեսություն» պետական բաժնետիրական ընկերությունը:

2. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` ստեղծել «Նորք հեռուստատեսություն» պետական բաժնետիրական ընկերության լուծարման հանձնաժողով և ձեռնարկել միջոցներ ընկերության լուծարման գործընթացը սահմանված կարգով իրականացնելու, ինչպես նաև աշխատանքից ազատման ենթակա աշխատողների աշխատանքային իրավունքներն ու երաշխիքներն ապահովելու համար:

3. Ուժը կորցրած ճանաչել Հայաստանի Հանրապետության կառավարության 1998 թվականի հունվարի 22-ի «Նորք հեռուստատեսություն» պետական բաժնետիրական ընկերության կանոնադրությունը, կանոնադրական հիմնադրամը և հիմնադրի կողմից լիազորված անձանց ցանկը հաստատելու մասին» N 73 որոշումը (Հայաստանի Հանրապետության կառավարության 1998 թվականի փետրվարի 25-ի N 113 որոշման խմբագրությամբ):

4. Սույն որոշումն ուժի մեջ է մտնում 1999 թվականի փետրվարի 25-ից:

Հայաստանի Հանրապետության վարչապետ

Ա. Դարբինյան