«Վավերացնում եմ» Հայաստանի Հանրապետության Նախագահ  Լ. Տեր-Պետրոսյան 5 մարտի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 մարտի 1996 թվականի N 73

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱՅՈՒՄ ԱՆԴԱՄՈՒԹՅԱՆ ԵՐԿԱՍՏԻՃԱՆ ՀԱՄԱԿԱՐԳԻՑ ՄԻԱՍՏԻՃԱՆ ՀԱՄԱԿԱՐԳԻ ԱՆՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության գիտությունների ազգային ակադեմիայի` ակադեմիկոսների և թղթակից անդամների անդամության երկաստիճան համակարգից միաստիճան համակարգի անցնելու մասին առաջարկությունը և սահմանել, որ Հայաստանի Հանրապետության գիտությունների ազգային ակադեմիայի բոլոր թղթակից անդամները համարվում են Հայաստանի Հանրապետության գիտությունների ազգային ակադեմիայի ակադեմիկոսներ:

2. Հայաստանի Հանրապետության կառավարության 1994 թվականի մայիսի 2-ի «Հայաստանի Հանրապետության գիտությունների ազգային ակադեմիայի ժամանակավոր օրինադրությունը հաստատելու մասին» N 205 որոշմամբ հաստատված Հայաստանի Հանրապետության գիտությունների ազգային ակադեմիայի ժամանակավոր օրինադրության մեջ կատարել հետևյալ փոփոխությունները`

ա) 11-րդ կետի առաջին պարբերությունից հանել «թղթակից անդամներից» բառերը.

բ) 12-րդ կետի «դ» ենթակետից և 40-րդ կետից հանել «թղթակից անդամները» բառերը.

գ) 28-րդ կետից հանել «կամ թղթակից անդամներից» բառերը.

դ) 35-րդ կետի չորրորդ պարբերությունից հանել «և թղթակից անդամներից», 42, 43, 46-րդ կետերից և 48-րդ կետի չորրորդ պարբերությունից «և թղթակից անդամներ», 44-րդ կետից «թղթակից անդամների», 45-րդ կետի երկրորդ պարբերությունից «և թղթակից անդամի» ու «և թղթակից անդամներին» բառերը.

ե) ուժը կորցրած ճանաչել 41-րդ և 47-րդ կետերի երկրորդ, 48-րդ կետի երրորդ և վեցերորդ պարբերությունները.

զ) 49-րդ կետի առաջին պարբերությունից հանել «իսկ թղթակից անդամ ընտրելիս` ՀՀ ԳԱԱ-ի ակադեմիկոսները և թղթակից անդամները» ու «և թղթակից անդամների» բառերը, իսկ երկրորդ պարբերությունից` երկրորդ նախադասությունը:

3. Սույն որոշումն ուժի մեջ է մտնում 1996 թվականի մարտի 5-ից:

Հայաստանի Հանրապետության վարչապետ

Հ. ԲԱԳՐԱՏյան