|
«ՎԱՎԵՐԱՑՆՈՒՄ ԵՄ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
10 հունվարի 1996 թ. N 4
Անվանական արժեթղթերի սեփականատերերի կենտրոնացված ռեեստր ստեղծելու մասին
Անվանական արժեթղթերի սեփականատերերի ռեեստրի վարման և արժեթղթերով կատարվող գործարքների գործընթացի կանոնակարգման, ինչպես նաև ներդրողների շահերի պաշտպանության նպատակով Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների նախարարությանը` ստեղծել անվանական արժեթղթերի սեփականատերերի կենտրոնացված ռեեստր` պետական ձեռնարկության կազմակերպական-իրավական տեսակով:
2. Ձեռնարկության ստեղծման և գործունեության ֆինանսավորումն իրականացնել Համաշխարհային բանկի կողմից Հայաստանի Հանրապետության կառավարությանը տրամադրված վարկի հաշվին:
3. Հայաստանի Հանրապետության ֆինանսների նախարարությանը` 10-օրյա ժամկետում`
ա) հաստատել ձեռնարկության կանոնադրությունը.
բ) Հայաստանի Հանրապետության կառավարություն ներկայացնել առաջարկություններ Հայաստանի Հանրապետության կառավարության 1995 թվականի ապրիլի 10-ի «Բաժնետիրական ընկերությունների բաժնետոմսերի ռեեստրի վարման կարգի հաստատման մասին» N 187 որոշման մեջ փոփոխություններ և լրացումներ կատարելու վերաբերյալ:
4. Սույն որոշումն ուժի մեջ է մտնում 1996 թվականի հունվարի 10-ից:
|
|