ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 ապրիլի 1994 թվականի N 150

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՏՎԵՐԻ ՕԲՅԵԿՏՆԵՐԻ ԿԱՊԻՏԱԼ ՇԻՆԱՐԱՐՈՒԹՅԱՆ ԿԱՊԱԼԻ ՊԱՅՄԱՆԱԳՐԵՐԻ ԿՆՔՄԱՆ ԵՎ ԿԱՏԱՐՄԱՆ ԿԱՐԳԻ ԺԱՄԱՆԱԿԱՎՈՐ ՀԻՄՆԱԴՐՈՒՅԹՆԵՐԻ ՀԱՍՏԱՏՄԱՆ ՄԱՍԻՆ

Պետական պատվերի օբյեկտների շինարարության մասնակիցների պատասխանատվությունը և պայմանագրային կարգապահությունը բարձրացնելու նպատակով Հայաստանի Հանրապետության կառավարությունը որոշում է`

1. Հաստատել պետական պատվերի օբյեկտների կապիտալ շինարարության կապալի պայմանագրերի կնքման և կատարման կարգի ժամանակավոր հիմնադրույթները (կցվում է):

2. Սահմանել, որ սույն որոշմամբ հաստատված ժամանակավոր հիմնադրույթները պարտադիր են պետական պատվերի օբյեկտների կապիտալ շինարարության մասնակիցների` բոլոր պատվիրատուների և կապալառուների համար:

3. Թույլատրել պետական պատվիրատուներին և կապալառուներին միջոցների բացակայության դեպքում, օբյեկտը ժամանակին գործարկելու և կատարված աշխատանքների դիմաց վճարումներն ապահովելու համար ձևակերպել վարկ` համաձայնեցնելով Հայաստանի Հանրապետության ֆինանսների նախարարության հետ:

4. Հայաստանի Հանրապետության ֆինանսների նախարարությանը` կատարված շինմոնտաժային աշխատանքների վճարումը սահմանված ժամկետներում չապահովելու դեպքում շինարարության ֆինանսավորումը կատարել հաշվի առնելով արժեզրկումը, Հայճարտպետվարչության կողմից հաշվարկված և Հայաստանի Հանրապետության էկոնոմիկայի նախարարության ու ֆինանսների նախարարության հետ համաձայնեցված ինդեքսների համաձայն:

5. Ուժը կորցրած ճանաչել Հայկական ՍՍՀ Մինիստրների խորհրդի 1987 թվականի հունվարի 22-ի «ՍՍՀՄ Մինիստրների խորհրդի 1986 թվականի դեկտեմբերի 26-ի «Կապիտալ շինարարության կապալի պայմանագրերի մասին կանոնները հաստատելու մասին» N 1550 որոշումը» N 45 որոշումը:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՍՏԱՏՎԱԾ Է ՀՀ կառավարության 1994 թ. ապրիլի 2-ի N 150 որոշմամբ

Ժ Ա Մ Ա Ն Ա Կ Ա Վ Ո Ր  Հ Ի Մ Ն Ա Դ Ր ՈՒ Յ Թ Ն Ե Ր
 

ՊԵՏԱԿԱՆ ՊԱՏՎԵՐԻ ՕԲՅԵԿՏՆԵՐԻ ԿԱՊԻՏԱԼ ՇԻՆԱՐԱՐՈՒԹՅԱՆ ԿԱՊԱԼԻ ՊԱՅՄԱՆԱԳՐԵՐԻ ԿՆՔՄԱՆ ԵՎ ԿԱՏԱՐՄԱՆ ԿԱՐԳԻ

1. Պետական պատվերի օբյեկտների կապիտալ շինարարության կապալի պայմանագրերի կնքման և կատարման կարգի ժամանակավոր հիմնադրույթները (այսուհետև` հիմնադրույթներ) սահմանում են պետական պատվերի օբյեկտների շինարարության կապալի պայմանագրերի կնքման և կատարման կարգը:

 2. Պատվիրատուն նոր սկսվող շինարարության պատվերները տեղաբաշխում է մրցութային հիմունքներով, համաձայն Հայաստանի Հանրապետության կառավարության 1993 թվականի նոյեմբերի 16-ի «Շինարարության պատվերի տեղադրման մրցույթի կազմակերպման և անցկացման կարգի հաստատման մասին» N 572 որոշման:

3. Պատվիրատուի և կապալառուի (այսուհետև` կողմեր) միջև պայմանագիրը կնքվում է 15-օրյա ժամկետում` Հայաստանի Հանրապետության կառավարության կողմից պետական պատվերի ծավալների հաստատումից հետո (բացի սույն հիմնադրույթների 2-րդ կետում նշված դեպքերից):

4. Պետական պատվերի օբյեկտների կապիտալ շինարարության կապալի պայմանագիրը (այսուհետև` կապալի պայմանագիր) կնքվում է սկզբնական պայմանների հիման վրա (արժեքը, ժամկետը և պետական ծրագրերով սահմանված այլ ցուցանիշներ) օբյեկտների շինարարության ամբողջ ընթացքի համար, համաձայն սույն հիմնադրույթների հավելվածի:

Աշխատանքների ծավալի, ժամկետների և մյուս ցուցանիշների ճշգրտումը կատարվում է լրացուցիչ համաձայնագրով, որը հանդիսանում է կապալի պայմանագրի անբաժանելի մասը:

5. Օբյեկտի շինարարության աշխատանքների արժեքը որոշվում է կողմերի փոխադարձ համաձայնեցված հաշվարկների հիման վրա: Շինարարության ընթացքում յուրաքանչյուր եռամսյակ կատարվում է արժեքի ճշտում: Շինարարական աշխատանքների արժեքի ավելացման դեպքում լրացուցիչ ֆինանսական միջոցների հատկացումը կատարվում է պատվիրատուի կողմից` Հայաստանի Հանրապետության ֆինանսների նախարարության, էկոնոմիկայի նախարարության և Հայճարտպետվարչության համաձայնությամբ:

Կատարված աշխատանքների հաշվարկները տարվում են յուրաքանչյուր ամսվա փաստացի աշխատանքների ծավալների հիման վրա, տվյալ ամսվա գործող գներով: Աշխատանքների վճարումը կատարվում է 15-օրյա ժամկետում, երկկողմանի կազմված ակտի համաձայն: Կատարված աշխատանքների վճարի ուշացման դեպքում պատվիրատուն պարտքի մարումը կատարում է վճարի իրականացման պահի արժեզրկմանը համապատասխան:

6. Օբյեկտների շինարարության ժամկետները որոշվում են սկզբնական պայմանների հիման վրա, մրցույթների անցկացման արդյունքների ճշտմամբ: Առանձին փուլերի, ծավալների և աշխատանքների տեսակների կատարման և ընդունման ժամկետները որոշում են կողմերը:

Անընդմեջ ֆինանսավորման չապահովման կամ հաջորդ տարվա համար ֆինանսական ռեսուրսների նվազեցման դեպքում կողմերը ճշտում են օբյեկտի շինարարության ժամկետները:

7. Կապալի պայմանագրի կնքումից հետո պատվիրատուն 15-օրյա ժամկետում կապալառուին հատկացնում է կանխավճար` ընթացիկ տարվա աշխատանքների ծավալի արժեքի 25 տոկոսից ոչ պակաս: Կանխավճարի մարումը կատարվում է այն ստանալուց երեք ամիս հետո, մինչև աշխատանքների ավարտման գրաֆիկով նախատեսված ժամկետը` յուրաքանչյուր ամիս հավասար չափերով:

Եթե կապալառուն կանխավճար ստանալուց հետո երկու ամսվա ընթացքում չի սկսում աշխատանքները, ապա նա պարտավոր է պատվիրատուի պահանջով վերադարձնել հատկացված գումարը, հատուցելով դրամի արժեզրկման չափը վերադարձման պահին:

8. Պատվիրատուն պարտավոր է կապալի պայմանագրով նախատեսված ժամկետում ապահովել մոնտաժման ենթակա սարքավորումների մատակարարումը, եթե, ըստ պայմանագրի, այդ պարտավորությունը դրված է նրա վրա: Եթե սարքավորումների մատակարարման ուշացման պատճառով տեղի է ունեցել շինարարական աշխատանքների դադարեցում, ապա աշխատանքների ավարտման ժամկետը ենթակա է համապատասխան երկարաձգման:

Կատարված աշխատանքների վճարի ուշացման դեպքում պատվիրատուն վճարում է կապալառուին տուգանք չվճարված գումարի 0,1 տոկոսի չափով` ուշացած յուրաքանչյուր օրվա համար:

9. Կապալառուի կողմից օբյեկտի շահագործման հանձնման պայմանագրով նախատեսված ժամկետի խախտման դեպքում (հաշվի առնելով լրացուցիչ համաձայնագրով սահմանված ժամկետը) կապալառուն վճարում է պատվիրատուին տուգանք պայմանագրային գնի 3 տոկոսի չափով` ուշացված յուրաքանչյուր ամսվա համար, սակայն պայմանագրային գնի 10 տոկոսից ոչ ավելի, հաշվի առնելով արժեզրկումը: Օբյեկտի շահագործման հանձնման ժամկետն երկու ամսից ավելի խախտելու դեպքում պատվիրատուն իրավասու է սահմանված կարգով որոշելու պայմանագրի լուծման հարցը:

Կապալառուի կողմից աշխատանքների կատարման գրաֆիկով փոխանցվող օբյեկտների առանձին աշխատանքների, փուլերի, ծավալների, ժամկետների խախտման դեպքում կապալառուն վճարում է պատվիրատուին տուգանք յուրաքանչյուր եռամսյակի արդյունքներով չկատարված աշխատանքների արժեքի 3 տոկոսի չափով` հաշվի առնելով արժեզրկումը:

10. Կապալառուն պարտավոր է իր հաշվին (առանց լրացուցիչ վճարման) վերացնելու շահագործման հանձնված օբյեկտի շահագործման հանձնված օրվանից 12-ամսյա ժամկետում հայտնաբերված շինարարական թերությունները:

11. Տուգանքի վճարումը կողմերին չի ազատում պայմանագրային պարտավորությունների կատարումից, եթե կապալի պայմանագիրը սահմանված կարգով չի լուծված:

12. Շինարարական աշխատանքների արժեքի փոփոխման ինդեքսները որոշվում է Հայճարտպետվարչության կողմից` համաձայնեցված Հայաստանի Հանրապետության էկոնոմիկայի նախարարության և ֆինանսների նախարարության հետ:

13. Կողմերի համաձայնությամբ կապալի պայմանագրով կարող են սահմանվել սույն հիմնադրույթներով չնախատեսված այլ պայմաններ:

ՀԱՎԵԼՎԱԾ Պետական պատվերի օբյեկտների կապիտալ շինարարության կապալի պայմանագրերի կնքման և կատարման կարգի ժամանակավոր հիմնադրույթների

Օ Ր Ի Ն Ա Կ Ե Լ Ի  Պ Ա Յ Մ Ա Ն Ա Գ Ի Ր

ՊԵՏԱԿԱՆ ՊԱՏՎԵՐԻ ՕԲՅԵԿՏՆԵՐԻ ԿԱՊԻՏԱԼ ՇԻՆԱՐԱՐՈՒԹՅԱՆ ԿԱՊԱԼԻ

I. ԸՆԴՀԱՆՈՒՐ ԴՐՈՒՅԹՆԵՐ

________________________________________________ (պետական պատվերի օբյեկտի անվանումը)

քաղ. ____________________       ____   _____________199 թ.

_________________________________________________ (կազմակերպության անվանումը)

որն անվանվում է կապալառու, ի դեմս _________________________                                                (պաշտոնը,

_________________________________________________ անունը, հայրանունը, ազգանունը)

գործում է ____________________________________ հիման վրա

և ________________________________________________, (կազմակերպության անվանումը)

որն անվանվում է պատվիրատու, ի դեմս _________________________                                                         (պաշտոնը,

__________________________________________________ անունը, հայրանունը, ազգանունը)

գործում է ____________________________________ հիման վրա,

հենվելով ____________________________________________ (պայմանագրի կնքման հիմքը)

կնքում են սույն պայմանագիրը հետևյալի մասին.

II. ՊԱՅՄԱՆԱԳՐԻ ԱՌԱՐԿԱՆ

1. Պատվիրատուն հանձնարարում է, իսկ կապալառուն պարտավորվում է կատարել ________________________աշխատանքները:                                                                                                                                                         (հանձնարարվող աշխատանքների անվանումը)

2. Սույն պայմանգրով նախատեսված ___________________աշխատանքները կատարվում են կողմերի միջև համձայնեցված տեխնիկական առաջադրանքի պետական ստանդարտներին, շինարարակաան նորմերին և կանոններին, ինչպես նաև նախագծանախահաշվային փաստաթղթերին համապտասխան:

3. Աշխատանքների կատարման տևողությունը սահմանվում է ______ ամիս, կապալառուի կանխավճար ստանալու օրվանից մինչև օբյեկի շահագործման հանձման օրը (շահագորշման ընդունելու ակտի ստորագրման ամսաթիվը): Առանձին տեսակի աշխատանքների, փուլերի և ծավալների կատարման ժամկետները որոշվում են կողմերի կողմից համաձայնեցված գրաֆիկով:

4. Սույն պայմանգրով չնախատեսված աշխատանքների կատարումը ձևակերպվում է լրացուցիչ համաձայնագրով, որը հանդիսանում է պայմանգրի անբաժանելի մասը:

5. Կողմերից յուրաքանչյուրն իրավաունք ունի իրենից անկախ պատճառներով  աշխատնքների դադարեցման կամ ժամանակավոր դադարեցման մասին հայտնել մյուս կողմին,  որից հետո կողմերը պարտավոր են 10-օրյա ժամկետում համատեղ որոշում ընդունել աշխատանքների հետագա շարունակման, պայմանգրի պայմանների փոփոխման կամ պայմանգրի լուծման մասին:

III. ԱՇԽԱՏԱՆՔՆԵՐԻ ՀԱՆՁՆՄԱՆ ԵՎ ԸՆԴՈՒՆՄԱՆ ԿԱՐԳԸ

6. Պատվիրատուի կողմից ավարտված աշխատանքների (փուլերի, առանձին ծավալների և տեսակների) ընդունումն իրականացվում է կապալառուի կողմից ներկայացվող աշխատանքների ակտի հիման վրա` կցելով տեխնիկական առաջադրանքով նախատեսված փաստաթղթերը:

7. Պատվիրատուն պարտավոր է 3-օրյա ժամկետում քննարկել կատարված աշխատանքների ներկայացված ակտը, ստորագրել կամ այն վերադարձնել հիմնավորված պատճառաբանությամբ:

 IV. ԱՇԽԱՏԱՆՔՆԵՐԻ ԱՐԺԵՔԸ ԵՎ ՎՃԱՐՈՒՄՆԵՐԻ ԿԱՐԳԸ

8. Պայմանագրով նախատեսված աշխատանքների արժեքը կազմում է _________ դրամ:

Նշված արժեքը որոշված է պայմանագիրը ստորագրելու պահին ______________                                                                                                                     (ամիսը, ամսաթիվը, տարին)

դրությամբ, հաշվի առնելով դրամի կուրսն ԱՄՆ-ի դոլարի նկատմամբ (________ԱՄՆ-ի դոլարը _________ դրամ է) և ենթակա  է ճշտման յուրաքանչյուր եռամսյակի արդյունքով:

9.Առանձին տեսակների աշխատանքների, փուլերի վճարումն իրականավցվում է յուրաքանչյուր ամիս փաստացի կաատարած ծավլների համար տվյալ ժամանաննամիջոցում գործող գներով, 15-օրյա ժամկետում երկկողմանի ձևակերպված ակտի համաձայն:

Կատարված աշխատանքների վճարւմների ուշացման և պարտքերի գոյացման դեպքում  պատվիրատուն մարում է կապալառուի պարտքերը, վճարման պահի արրժեզրկմանը համապատասխան: 

10. Պայմանագաիրը ստոտրագրելուց հետո 15-օրյա ժամկետեում պատվիրատուն կապալառուին հատկացնում է կանխավճար ընթքացիկ տարվա աշխատանքների պայմանգրային գնի 25 %-ից ոչ պակաս`___________ հազ. դրամ:

Կանխավճարի մարումը կատարվում է այն ստանալուց երեք ամիս հետո, մինչև գրաֆիկով նախատեսված աշխատանքների ավարտման ժամկետը` յուրաքանչյուր ամիս հավասար չափերով:

Եթե կապալառուն չի սկսում աշխատանքները կանխավճարը ստանալուց հետո երկու ամսվա ընթացքում, ապա նա պարտավոր է պատվիրատուի պահանջով վերադարձնել հատկացված գումարը, հատուցելով դրամի արժեզրկման չափը վերադարձման պահին:

V. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

11. Կապալառուի կողմից կատարված անորակ աշխատանքները ենթակա են վերացման առանց լրացուցիչ վճարման:

12. Կապալառուի կողմից օբյեկտի շահագործման հանձնման ժամկետը խախտելու դեպքում (հաշվի առնելով լրացուցիչ համաձայնագրով ընդունված ժամկետը) նա վճարում է պատվիրատուին տուգանք պայմանագրային գնի 3 տոկոսի չափով` ուշացման յուրաքանչյուր ամսվա համար, սակայն պայմանագրային գնի 10 տոկոսից ոչ ավելի, հաշվի առնելով արժեզրկումը: Կապալառուի կողմից օբյեկտի շահագործման հանձնման ժամկետը երկու ամսից ավելի խախտելու դեպքում պատվիրատուն իրավասու է սահմանված կարգով որոշելու պայմանագրի լուծման հարցը: Կապալառուի կողմից համաձայնեցված գրաֆիկով նախատեսված առանձին աշխատանքների, փուլերի, ծավալների, ժամկետների խախտման դեպքում նա վճարում է տուգանք յուրաքանչյուր եռամսյակի արդյունքներով չկատարված աշխատանքների արժեքի 3 տոկոսի չափով` հաշվի առնելով արժեզրկումը:

13. Կատարված աշխատանքների վճարումների ուշացման դեպքում պատվիրատուն տուգանք է վճարում կապալառուին չվճարված գումարի 0,1 տոկոսի չափով` ուշացման յուրաքանչյուր օրվա համար:

14. Տուգանքների վճարումը չի ազատում կողմերին սույն պայմանագրով նախատեսված պարտավորությունների կատարումից, եթե պայմանագիրը սահմանված կարգով չի լուծված:

V. ՀԱՏՈՒԿ ՊԱՅՄԱՆՆԵՐ

15. Պատվիրատուն պարտավոր է ժամանակին տրամադրել մոնտաժման համար լրակազմ սարքավորում: Եթե սարքավորումների մատակարարման ուշացման պատճառով տեղի է ունենում շինարարական աշխատանքների դադարեցում, ապա աշխատանքների ավարտման ժամկետը ենթակա է վերանայման:

16. Կապալառուն պարտավոր է իր հաշվին վերացնել շահագործման հանձնված օրվանից 12-օրյա ժամկետում հայտնաբերված շինարարական թերությունները:

VII. ԵԶՐԱՓԱԿԻՉ ԴՐՈՒՅԹՆԵՐ

17. Սույն պայմանագրի գործողության ժամկետն է`

______________________________ -ից մինչև _______________________                  (պայմանագրի կնքման ժամկետը)                                                (օբյեկտի գործարկման ժամկետը)

18. Պայմանագրին կցվում են տեխնիկական առաջադրանքը, աշխատանքների առանձին տեսակների, փուլերի և ծավալների կատարման գրաֆիկը, պայմանագրային գնի հաշվարկը, որոնք կազմում են պայմանագրի անբաժանելի մասը:

19. Պայմանագրի գործողության ընթացքում ծագող վեճերը լուծվում են Հայաստանի Հանրապետության օրենսդրությամբ սահմանված կարգով` դատարանի կամ արբիտրաժի կողմից:

Կողմերի իրավաբանական հասցեները և հաշվարկային հաշիվները`

Կապալառու` _________________________________________________                         _________________________________________________