ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 հունվարի 1994 թվականի N 55

քաղ. Երևան

ՄԻՋԱԶԳԱՅԻՆ ՊԱՅՄԱՆԱԳՐԵՐԸ, ԿՈՆՎԵՆՑԻԱՆԵՐԸ ԵՎ ՀԱՄԱՁԱՅՆԱԳՐԵՐԸ ՎԱՎԵՐԱՑՄԱՆ ԿԱՄ ՄԻԱՑՄԱՆ ՆՊԱՏԱԿՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ ՆԵՐԿԱՅԱՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Հայաստանի Հանրապետության նախարարություններին, պետական վարչություններին և գերատեսչություններին`

ա) վավերացման կամ միացման նպատակով Հայաստանի Հանրապետության արտաքին գործերի նախարարություն ներկայացվող բոլոր տեսակի միջազգային պայմանագրերին, կոնվենցիաներին և համաձայնագրերին կից (բացառությամբ Հայաստանի Հանրապետության կառավարության կողմից թույլատրված առանձին դեպքերի) ներկայացնել դրանց հայերեն թարգմանված օրինակները, իսկ վավերացման կամ միացման հրատապության դեպքում` այդ պայմանագրերի, կոնվենցիաների և համաձայնագրերի հայերեն համառոտ բովանդակությունը` նշելով հայերեն թարգմանված օրինակը Հայաստանի Հանրապետության արտաքին գործերի նախարարություն ներկայացնելու կոնկրետ ժամկետը.

բ) միջազգային պայմանագրերը, կոնվենցիաները և համաձայնագրերը նախապատրաստել և ստորագրել դրանց հայերեն օրինակների առկայության դեպքում:

2. Հայաստանի Հանրապետության արտաքին գործերի նախարարությանը` ապահովել վավերացման կամ միացման համար ներկայացվող միջազգային պայմանագրերին, կոնվենցիաներին և համաձայնագրերին կից հայերեն թարգմանված օրինակների առկայությունը, անհրաժեշտության դեպքում դրանք պահանջելով Հայաստանի Հանրապետության համապատասխան նախարարություններից, պետական վարչություններից և գերատեսչություններից:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ