ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 դեկտեմբերի 1993 թվականի N 659

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՍԱԹՈՇԱԿԱՅԻՆ ԵՎ ԶԲԱՂՎԱԾՈՒԹՅԱՆ ՖՈՆԴՈՒՄ ԱՊԱՀՈՎԱԴԻՐՆԵՐԻ ԳՐԱՆՑՄԱՆ ԿԱՐԳԻ ՄԱՍԻՆ

Հայաստանի Հանրապետության կառավարությունը որոշում է`

1. Հայաստանի Հանրապետության տարածքում գործող բոլոր ձեռնարկությունները, հիմնարկները, կազմակերպությունները (անկախ սեփականության ձևից), անհատ ձեռներեցները, ինչպես նաև աշխատանքով ինքնուրույնաբար իրենց ապահովող քաղաքացիները պարտավոր են`

ա) մեկամսյա ժամկետում գրանցվել Հայաստանի Հանրապետության կենսաթոշակային և զբաղվածության ֆոնդում որպես ապահովադիրներ.

բ) սահմանված ժամկետներում հաշվարկել ու Հայաստանի Հանրապետության կենսաթոշակային և զբաղվածության ֆոնդ փոխանցել (մուծել) պետական սոցիալական ապահովագրության մուծումները և ներկայացնել սահմանված ձևի հաշվետվություններ, իսկ անհատ ձեռներեցները և աշխատանքով ինքնուրույնաբար իրենց ապահովող քաղաքացիները` հայտարարագրեր:

2. Հայաստանի Հանրապետության վիճակագրության, պետական ռեգիստրի և վերլուծության պետական վարչությանը` ձեռնարկությունների վերակազմավորման, ինչպես նաև գործունեության դադարեցման դեպքում ոչ ուշ քան մեկամսյա ժամկետում այդ մասին տեղեկացնել Հայաստանի Հանրապետության կենսաթոշակային և զբաղվածության ֆոնդին:

3. Պատգամավորների տեղական խորհուրդների գործկոմներին` աջակցել Հայաստանի Հանրապետության կենսաթոշակային և զբաղվածության ֆոնդի տեղական մարմիններին` գյուղացիական տնտեսությունները որպես ապահովադիրներ ֆոնդում գրանցելու համար:

4. Հայաստանի Հանրապետության հարկային պետական տեսչությանը` պետական սոցիալական ապահովագրության մուծումների վճարման օրինականության ապահովման նպատակով Հայաստանի Հանրապետության կենսաթոշակային և զբաղվածության ֆոնդին ու նրա տեղական մարմիններին անհրաժեշտության դեպքում աջակցել ոչ պետական ձեռնարկությունների, անհատ ձեռներեցների, աշխատանքով ինքնուրույնաբար իրենց ապահովող քաղաքացիների աշխատանքի վարձատրությանն ուղղված միջոցների և եկամուտների վերաբերյալ Հայաստանի Հանրապետության հարկային օրենսդրությամբ նախատեսված և ներկայացված հաշվարկների, հաշվետվությունների, հայտարարագրերի մեջ արտացոլված տեղեկություններից օգտվելու համար:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ