ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 սեպտեմբերի 1993 թվականի N 453

քաղ. Երևան

ԳԵՐԱՏԵՍՉԱԿԱՆ ԲՆԱԿՖՈՆԴԻ ՍԵՓԱԿԱՆԱՇՆՈՐՀՄԱՆԸ ԳԵՐԱՏԵՍՉՈՒԹՅՈՒՆՆԵՐԻ, ՁԵՌՆԱՐԿՈՒԹՅՈՒՆՆԵՐԻ, ՀԻՄՆԱՐԿՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԻ ՄԱՍՆԱԿՑՈՒԹՅԱՆ ԿԱՐԳԻ ՄԱՍԻՆ

Հայաստանի Հանրապետության կառավարությունը որոշում է`

Հաստատել գերատեսչական (բացառությամբ Հայաստանի Հանրապետության պաշտպանության նախարարության) բնակֆոնդի սեփականաշնորհմանը գերատեսչությունների, ձեռնարկությունների, հիմնարկների, կազմակերպությունների ներկայացուցիչների մասնակցության կարգը (կցվում է):

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

ՀԱՍՏԱՏՎԱԾ է ՀՀ կառավարության 1993 թվականի սեպտեմբերի 8-ի N 453 որոշմամբ

Կ Ա Ր Գ

ԳԵՐԱՏԵՍՉԱԿԱՆ ԲՆԱԿՖՈՆԴԻ ՍԵՓԱԿԱՆԱՇՆՈՐՀՄԱՆԸ ԳԵՐԱՏԵՍՉՈՒԹՅՈՒՆՆԵՐԻ, ՁԵՌՆԱՐԿՈՒԹՅՈՒՆՆԵՐԻ, ՀԻՄՆԱՐԿՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ՆԵՐԿԱՅԱՑՈՒՑԻՉՆԵՐԻ ՄԱՍՆԱԿՑՈՒԹՅԱՆ

1. Պատգամավորների տեղական խորհուրդների գործկոմներն իրականացնում են իրենց տարածքում տեղաբաշխված գերատեսչական և հանրային բնակֆոնդի սեփականաշնորհումը` իրենց կողմից ստեղծված հանձնաժողովների միջոցով, համապատասխան գերատեսչությունների, ձեռնարկությունների, հիմնարկների, կազմակերպությունների ներկայացուցիչների մասնակցությամբ:

2. Պատգամավորների տեղական խորհուրդների գործկոմները նշված բնակֆոնդի սեփականաշնորհումը սկսելու մասին գրավոր ձևով տեղյակ են պահում իրենց տարածքում բնակֆոնդ ունեցող համապատասխան գերատեսչությանը, ձեռնարկությանը, հիմնարկին, կազմակերպությանը` հանձնաժողովի նիստում սեփականաշնորհման հարցի քննարկմանը վերջիններիս լիազոր ներկայացուցիչների մասնակցությունն ապահովելու համար:

3. Գերատեսչությունների, ձեռնարկությունների, հիմնարկների, կազմակերպությունների լիազոր ներկայացուցիչները հանձնաժողովի նիստին մասնակցում են համապատասխան լիազորագրով:

4. Գերատեսչության, ձեռնարկության, հիմնարկի, կազմակերպության լիազոր ներկայացուցչի հանձնաժողովի նիստին չներկայանալը արգելք չի հանդիսանում սեփականաշնորհման մասին որոշման ընդունման համար:

5. Հանձնաժողովի նիստում անհամաձայնության կամ տարաձայնությունների դեպքում քննարկվող հարցի վերաբերյալ վերջնական որոշումն ընդունում է պատգամավորների տեղական խորհրդի գործկոմը: