ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մարտի 1992 թվականի N 180

քաղ. Երևան

ԳԱՌՆԻԻ ՏԻԵԶԵՐԱԿԱՆ ԱՍՏՂԱԳԻՏՈՒԹՅԱՆ ԻՆՍՏԻՏՈՒՏ ՍՏԵՂԾԵԼՈՒ ՄԱՍԻՆ

Հանրապետությունում տիեզերագիտության, տիեզերական աստղագիտության և ճշգրիտ սարքաշինության զարգացման նպատակով Հայաստանի Հանրապետության կառավարությունը որոշում է`

1. Ընդունել Հայաստանի Հանրապետության արդյունաբերության նախարարության առաջարկությունը` համաձայնեցված Հայաստանի Հանրապետության էկոնոմիկայի նախարարության ու ֆինանսների նախարարության հետ, և Հայաստանի Հանրապետության արդյունաբերության նախարարության համակարգում ստեղծել Գառնիի տիեզերական աստղագիտության ինստիտուտ (ԳՏԱԻ):

2. Հայաստանի Հանրապետության արդյունաբերության նախարարությանը և ֆինանսների նախարարությանը` Հայաստանի Հանրապետության կառավարություն առաջարկություն ներկայացնել ԳՏԱԻ-ի 1992 թվականի ֆինանսավորման աղբյուրների մասին:

3. Հայաստանի Հանրապետության էկոնոմիկայի նախարարությանը` արտասահմանյան երկրների հետ արտաքին տնտեսական կապերի հաստատման վերաբերյալ բանակցություններ վարելիս քննարկել ԳՏԱԻ-ի պոտենցիալ հնարավորությունները` տիեզերական հետազոտությունների բնագավառում համագործակցության համար:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ