ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

7 մայիսի 1991 թվականի N 327
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՄԱՍՆԱԿԻ ՎՃԱՐՈՎԻ ՈՒՍՈՒՑՈՒՄ ԿԱԶՄԱԿԵՐՊԵԼՈՒ ԵՎ 1991/92 ՈՒՍՈՒՄՆԱԿԱՆ ՏԱՐՎԱ ԸՆԴՈՒՆԵԼՈՒԹՅԱՆ ՊԼԱՆԻ ՄԱՍԻՆ

Ելնելով կադրերի պատրաստման և վերապատրաստման գործում որակական տեղաշարժերի և առաջնահերթ միջոցառումների իրականացման, ինչպես նաև բուհերի դիմորդների ընտրության և ընդունելության համակարգի կատարելագործման անհրաժեշտությունից, Հայաստանի Հանրապետության Նախարարների խորհուրդը որոշում է`

1. Ընդունել Հայաստանի Հանրապետության էկոնոմիկայի պետական կոմիտեի առաջարկությունը` համաձայնեցված շահագրգռված նախարարությունների և գերատեսչությունների հետ, և թույլատրել 1991 թվականից սկսած հանրապետության բարձրագույն ուսումնական հաստատություններում ընդունելություններն իրականացնել ինչպես կառավարության կողմից սահմանվող և հաստատվող պետական պատվերի, ներառյալ հիմնարկությունների ու ձեռնարկությունների* կողմից փոխանցվող միջոցները, այնպես էլ անհատ անձանց միջոցների հիման վրա:

2. Հաստատել Հայաստանի Հանրապետության բուհերի ցերեկային ուսուցման ընդունելության 1991 թվականի ծրագիրը` ըստ մասնագիտությունների, համաձայն հավելվածի, պետական պատվերի սահմաններում` մինչև 2 տոկոսի ճշտությամբ:

1991 թվականից սկսած չսահմանել և չհաստատել բուհերի նախապատրաստական, երեկոյան և հեռակա ուսուցման պետական պատվերներ:

3. Պետական բուհերում անվճար ուսուցման համակարգի հետ մեկտեղ կազմակերպել վճարովի ուսուցման համակարգ, որում սովորելու հնարավորություն ընձեռել`

ընտրած մասնագիտությանը համապատասխան ընդունելության բոլոր քննություններից դրական նիշեր ստացած դիմորդներին` տվյալ բուհում հաստատված վճարովի ուսուցման տեղերի քանակի սահմաններում.

ակադեմիական ցածր առաջադիմության կամ անհարգելի պատճառով անվճար ուսուցման համակարգից դուրս մնացած ուսանողներին.

երկրորդ մասնագիտություն ստանալ ցանկացող անձանց.

ազատ ունկնդիրներին, որոնք կարող են տվյալ բուհում ուսումնասիրել մեկ կամ ավելի առարկա, սակայն պետությունը նրանց նկատմամբ ոչ մի պարտավորություն չի ստանձնում.

հումանիտար (նախկին հասարակական մասնագիտությունների) ֆակուլտետներում.

որակավորման բարձրացման ֆակուլտետներում.

դիմորդների նախապատրաստական դասընթացներում:

4. Անվճար ուսուցման գծով գոյացող թափուր տեղերը կարող են օգտագործվել վճարովի հիմունքներով սովորող առավել առաջադեմ ուսանողներին անվճար (լրիվ կամ մասնակի) ուսուցման փոխադրելու համար:

5. Սահմանել վճարովի ուսուցման վարձի տարեկան առավելագույն չափը` մինչև 8,0 հազար ռուբլի, ըստ առանձին մասնագիտությունների վարձաչափի սահմանման իրավունքը թողնելով բարձրագույն ուսումնական հաստատություններին, բացառությամբ այն մասնագիտությունների, որոնց համար տարեկան վարձաչափը ֆիքսվում է:

Հանձնարարել Հայաստանի Հանրապետության բարձրագույն կրթության և գիտության պետական կոմիտեին` մեկամսյա ժամկետում ներկայացնել այն մասնագիտությունների ցանկը, որոնց համար ֆիքսվում է առավելագույն վարձաչափ, համաձայնեցնելով Հայաստանի Հանրապետության էկոնոմիկայի պետական կոմիտեի հետ:

6. Հայաստանի Հանրապետության բարձրագույն կրթության և գիտության պետական կոմիտեին` Հայաստանի Հանրապետության արդարադատության նախարարության հետ համատեղ տասնօրյա ժամկետում մշակել և, Հայաստանի Հանրապետության էկոնոմիկայի պետական կոմիտեի հետ համաձայնեցնելով, հաստատել բուհերի, կազմակերպությունների ու անհատ անձանց իրավունքները, պարտավորությունները կարգավորող միասնական պայմանագրի ձև:

7. Թույլատրել հանրապետության բուհերին 1991 թվականից սկսած իրականացնել օտարերկրյա քաղաքացիների ընդունելություն` վճարովի ուսուցման ձևով, արժութային վարձատրությամբ վարձաչափը որոշվում է բարձրագույն ուսումնական հաստատության և պատվիրատուի փոխադարձ համաձայնությամբ:

8. Հայաստանի Հանրապետության բարձրագույն կրթության և գիտության պետական կոմիտեին` Հայաստանի Հանրապետության արտաքին գործերի նախարարության հետ համատեղ մինչև 1991 թվականի մայիսի 31-ը Հայաստանի Հանրապետության Նախարարների խորհրդի հետ համաձայնեցնել և հաստատել օտարերկրյա քաղաքացիների` Հայաստանի բուհերում վճարովի ուսուցման ընդունելության և նրանց ուսուցման համար կատարվող ծախսերի արժութային հատուցման կարգի մասին կանոնադրություն, ինչպես նաև կարգավորել ուսման ամբողջ ժամանակաշրջանի համար ԽՍՀՄ և Հայաստանի Հանրապետություն մուտքի թույլտվությունների ձևակերպման հետ կապված հարցերը:

9. Սահմանել, որ վճարովի ուսուցումից ստացվող ֆինանսական միջոցները փոխանցվում են բուհերի հատուկ հաշվարկային հաշիվներին և բաշխվում են հետևյալ ձևով`

ընդհանուր միջոցների 10 տոկոսը փոխանցվում է Հայաստանի Հանրապետության պետական բյուջե.

մնացած միջոցների 10 տոկոսը մասհանվում է Հայաստանի Հանրապետության ստեղծվելիք գիտական հետազոտությունների ազգային ֆոնդ:

Թույլատրել բուհերին ստացվող շահույթի մինչև 70 տոկոսը օգտագործել պրոֆեսորադասախոսական և օժանդակ անձնակազմի աշխատավարձի բարձրացման նպատակով:

10. Հայաստանի Հանրապետության բարձրագույն կրթության և գիտության պետական կոմիտեին և ֆինանսների նախարարությանը` շահագրգռված կազմակերպությունների հետ համատեղ մշակել բուհերի դասախոսական նոր հաշվարկային հաստիքային նորմատիվներ, ինչպես նաև Հայաստանի Հանրապետության էկոնոմիկայի պետական կոմիտե ներկայացնել առաջարկություններ ինդեքսավորման համակարգի մասին:

11. Սահմանել, որ 1992 թվականի թողարկումից սկսած ուսումնական հաստատություններն ինքնուրույնաբար կազմում և հաստատում են երիտասարդ մասնագետների բաշխման ծրագիրը, ամփոփագրեր ներկայացնելով կադրերի սպառողներ հանդիսացող կազմակերպություններին և վիճակագրական մարմիններին:

Հայաստանի Հանրապետության վիճպետկոմին` ապահովել նշված տվյալների ընդհանրացումը և արտացոլումը վիճակագրական հաշվետվության ժողովածուներում:

Հայաստանի Հանրապետության բարձրագույն կրթության և գիտության պետական կոմիտեին` որոշել, Հայաստանի Հանրապետության էկոնոմիկայի պետական կոմիտեի հետ համաձայնեցնել և մեկամսյա ժամկետում հաստատել երիտասարդ մասնագետների բաշխման ծրագրերի մշակման նոր կարգն ու ժամկետները:

12. Հայաստանի Հանրապետության բարձրագույն կրթության և գիտության պետական կոմիտեին` բուհերի հետ համատեղ մշակել ԼՂԻՄ-ի, ներքին և արտաքին սփյուռքի դիմորդների 1991 թվականի ընդունելության քննությունները և ընդունելության առանձնահատկությունները կարգավորող միջոցառումները:

13. Հանրապետության բուհերի ռեկտորներին` զանգվածային լրատվության միջոցներով դիմորդների համար բացատրական աշխատանք տանել 1991 թվականին մասնակի վճարովի ուսուցման կազմակերպման, ինչպես նաև ընդունելության քննությունների հետ կապված բոլոր հարցերի վերաբերյալ:

14. Հայաստանի Հանրապետության հեռուստատեսության և ռադիոհաղորդումների պետական կոմիտեին, Արմենպրեսին և հանրապետական թերթերի խմբագրություններին` լայնորեն լուսաբանել Հայաստանի Հանրապետության բարձրագույն ուսումնական հաստատություններում մասնակի վճարովի ուսուցում կազմակերպելու և 1991/92 ուսումնական տարվա ընդունելության հետ կապված հարցերը:

15. Հայաստանի Հանրապետության բարձրագույն կրթության և գիտության պետական կոմիտեին` շահագրգռված կազմակերպությունների հետ համատեղ երկամսյա ժամկետում մշակել, սահմանված կարգով Հայաստանի Հանրապետության Նախարարների խորհուրդ քննարկման ներկայացնել Հայաստանի Հանրապետության Նախարարների խորհրդի որոշման նախագիծ` հանրապետության միջնակարգ և միջնակարգ մասնագիտական ուսումնական հաստատություններում 1992 թվականից մասնակի վճարովի ուսուցում կազմակերպելու մասին:

____________________
* Անկախ սեփականության ձևից:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ

Հավելված N 1 Հայաստանի Հանրապետության Նախարարների խորհրդի 1991 թվականի մայիսի 7-ի N 327 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՈՒՀԵՐ 1991/92 ՈՒՍՈՒՄՆԱԿԱՆ ՏԱՐՎԱ ԸՆԴՈՒՆԵԼՈՒԹՅԱՆ ՊԼԱՆ (ՑԵՐԵԿԱՅԻՆ ՈՒՍՈՒՑՈՒՄ)

ծածկագիր	Մասնագիտության անվանումը	1991/92 ուստարվա ընդունելության պլանը (ցերեկային ուսուցում)
1	2	3
	Ընդունելություն` ընդամենը	7070
	այդ թվում`
	I. Հայաստանի Հանրապետության բարձրագույն կրթության և գիտության պետական կոմիտե` ընդամենը	5905
	այդ թվում`
	1. Երևանի պետական համալսարան	1140
0101	մաթեմատիկա	110
0102	կիրառական մաթեմատիկա	180
0103	մեխանիկա	35
0104	ֆիզիկա	112
0108	քիմիա	50
0109	կենսաբանություն	35
0115	կենսաքիմիա	20
0116	կենսաֆիզիկա	20
0118	աշխարհագրություն	40
0201	փիլիսոփայություն	15
0203	սոցիոլոգիա	15
0204	հոգեբանություն	15
0207	պատմություն	40
0211	իրավագիտություն	40
0212	միջազգային հարաբերություն	15
0214	ժուրնալիստիկա	20
0217	ռուսաց լեզու և գրականություն	60
0219	հայոց լեզու և գրականություն	60
0220	օտար լեզու և գրականություն	58
0609	տնտեսագիտական կիբեռնետիկա	20
0610	միջազգային տնտեսական հարաբերություններ	20
0801	երկրաբանական նկարահանում, որոնում և հետախուզություն	20
0802	որոնումների և հետախուզության երկրաֆիզիկական մեթոդներ	20
0804	հիդրոերկրաբանություն և ինժեներական երկրաբանություն	10
2002	ֆիզիկա և էլեկտրոնային տեխնիկայի նյութերի ու բաղադրիչների տեխնոլոգիա	20
2302	ռադիոֆիզիկա և էլեկտրոնիկա	90
	2. Երևանի պոլիտեխնիկական ինստիտուտ	1990
0701	էկոնոմիկա և կառավարում մեքենաշինության ճյուղում	20
0703	վառելիքաէներգետիկ համալիրի ճյուղերում էկոնոմիկայի կառավարում	20
0806	օգտակար հանածոների հանքավայրերի հետախուզման տեխնիկա և տեխնոլոգիա	20
0904	ստորգետնյա և հանքահորային շինարարություն	20
0905	բաց լեռնային աշխատանքներ	20
1001	էլեկտրական կայաններ	24
1002	էլեկտրաէներգետիկ ցանցեր և համակարգեր	24
1004	էլեկտրամատակարարում	24
1005	ջերմային էլեկտրական կայաններ	24
1007	ԱՐԴՅՈՒՆԱԲԵՐԱԿԱՆ ջերմաէներգետիկա	44
1106	սև և գունավոր մետաղների ձուլման արտադրություն	20
1107	մետաղագիտության, մետաղների և ջերմային մշակման սարքավորումներ և տեխնոլոգիա	20
1110	կոմպոզիցիոն և փոշեձև նյութեր, ծածկույթներ	20
1201	մեքենաշինության տեխնոլոգիա	240
1202	մետաղահատ հաստոցներ և գործիքներ	60
1204	ճնշման միջոցով մետաղների մշակման տեխնոլոգիա և մեքենաներ	60
1502	ավտոմոբիլատրակտորաշինություն	20
1504	վերամբարձ-փոխադրական, շինարարական, ճանապարհային մեքենաներ և սարքավորումներ	20
1505	ավտոմոբիլային տնտեսություն	20
1603	ցածր ջերմաստիճանների ֆիզիկա և տեխնիկա	20
1706	սննդի արդյունաբերության մեքենաներ և ապարատներ	20
1801	էլեկտրամեխանիկա	45
1802	էլեկտրական ապարատներ	45
1803	էլեկտրամեկուսիչային, կաբելային և կոնդենսատորային տեխնիկա	23
1806	լուսատեխնիկա և լույսի աղբյուրներ	23
1901	սարքաշինություն	40
1907	ինֆորմացիոն-չափիչ տեխնիկա	20
2003	միկրոէլեկտրոնիկա և կիսահաղորդչային սարքեր	60
2005	արդյունաբերական էլեկտրոնիկա	60
2101	տեխնիկական համակարգերի կառավարում և ավտոմատիկա	90
2103	տեխնոլոգիական գործընթացների և արտադրության ավտոմատացում	60
2105	էլեկտրաբանեցում և արդյունաբերական կայանքների ու տեխնոլոգիական համալիրների ավտոմատացում	40
2106	ռոբոտատեխնիկական համակարգեր և համալիրներ	20
2201	հաշվողական մեքենաներ, համալիրներ, համակարգեր և ցանցեր	60
2202	ինֆորմացիայի մշակման և կառավարման ավտոմատացված համակարգեր	80
2203	կառավարման և ինֆորմացիայի մշակման ավտոմատացված համակարգեր	20
2204	հաշվողական տեխնիկայի և ավտոմատացված համակարգերի ծրագրային ապահովում	40
2205	էլեկտրոնային հաշվիչ միջոցների կոնստրուկտավորում և տեխնոլոգիա	40
2301	ռադիոտեխնիկա	90
2303	ռադիոէլեկտրոնային միջոցների կոնստրուկտավորում և տեխնոլոգիա	74
2306	բազմականալային էլեկտրակապ	20
2401	տրանսպորտային փոխադրումների և կառավարման կազմակերպում	20
2501	օրգանական նյութերի քիմիական տեխնոլոգիա	20
2503	էլեկտրաքիմիական արտադրությունների տեխնոլոգիա	20
2505	բարձր մոլեկուլային միացությունների քիմիական տեխնոլոգիա	20
2506	պլաստիկ զանգվածների և էլաստոմերների վերամշակման տեխնոլոգիա	20
2508	դժվարահալ ոչ մետաղական և սիլիկատային նյութերի քիմիական տեխնոլոգիա	20
2513	շրջակա միջավայրի պահպանում և բնական ռեսուրսների ռացիոնալ օգտագործում	20
2802	բնական և քիմիական մանրաթելերի մանում	20
2804	գործվածքների և տրիկոտաժի տեխնոլոգիա	40
2806	կարի արտադրանքի տեխնոլոգիա և նախագծում	60
2808	կաշվե արտադրանքի տեխնոլոգիա և նախագծում	20
	3. Երևանի ճարտարապետաշինարարական ինստիտուտ	365
0708	շինարարության էկոնոմիկա և կառավարում	36
2401	տրանսպորտային փոխադրումների և կառավարման կազմակերպում (երկաթուղային տրանսպորտ)	10
2901	ճարտարապետություն	38
2903	արդյունաբերական և քաղաքացիական շինարարություն	140
2904	հիդրոտեխնիկական շինարարություն	22
2906	շինարարական արտադրանքի և կոնստրուկցիաների արտադրություն	20
2907	ջերմագազամատակարարում և կոյուղի	22
2908	ջրամատակարարում, կոյուղի, ջրային ռեսուրսների ռացիոնալ օգտագործում և պահպանում	22
2909	երկաթուղային շինարարություն, երկաթգիծ և գծային տնտեսություն	15
2910	ավտոմոբիլային ճանապարհների և օդանավակայանների շինարարություն	20
2911	կամուրջներ և տրանսպորտային թունելներ	20
	4. Երևանի ժողովրդական տնտեսության ինստիտուտ	460
0602	արտադրության էկոնոմիկա և կառավարում	30
0603	տնտեսական և սոցիալական պլանավորում	50
0604	ֆինանսներ և վարկ	30
0605	գնագոյացում	25
0606	աշխատանքի էկոնոմիկա և սոցիոլոգիա	50
0607	վիճակագրություն	25
0608	հաշվապահական հաշվառում, վերահսկողություն և տնտեսական գործունեության վերլուծություն	50
0611	նյութական ռեսուրսների կառավարում և արտադրության միջոցների մեծածախ առևտրի կազմակերպում	25
0707	թեթև և տեքստիլ արդյունաբերության էկոնոմիկա և կառավարում	25
0709	առևտրի և հասարակական սննդի էկոնոմիկա և կառավարում	25
0715	տնտեսական ինֆորմատիկա և կառավարման ավտոմատ համակարգեր	50
0717	քաղաքային տնտ. կենցաղային և բնակ-կոմունալ սպասարկման էկոնոմիկա և կազմակերպում	25
2712	պարենային մթերքների ապրանքագիտություն	25
2810	ոչ պարենային մթերքների ապրանքագիտություն	25
	5. Խ. Աբովյանի անվան հայկական մանկավարժական ինստիտուտ	760
0101	մաթեմատիկա	42
0104	ֆիզիկա	42
0108	քիմիա	21
0109	կենսաբանություն	42
0118	աշխարհագրություն	42
0207	պատմություն	62
0219	հայոց լեզու և գրականություն	62
0302	աշխատանքային ուսուցում	84
0305	երաժշտություն	42
0306	կերպարվեստ և գծագրություն	42
0307	մանկավարժություն և հոգեբանություն	83
0308	մանկավարժություն և տարրական ուսուցման մեթոդիկա	84
0310	դեֆեկտոլոգիա	21
0525	մշակութային-լուսավորչական աշխատանք	50
0526	գրադարանավարություն և մատենագիտություն	41
	6. Վ. Բրյուսովի անվան ռուսաց և օտար լեզուների պետական մանկավարժական ինստիտուտ	320
0218	ռուսաց լեզու և գրականություն ազգային դպրոցում	100
0220	օտար լեզու	220
	7. Լենինականի մանկավարժական ինստիտուտ	230
0101	մաթեմատիկա	21
0104	ֆիզիկա	21
0217	ռուսաց լեզու և գրականություն	41
0219	հայոց լեզու և գրականություն	22
0302	աշխատանք և ինֆորմատիկա, հաշվողական տեխնիկա	21
0303	ֆիզիկական կուլտուրա	21
0304	նախնական զինվորական պատրաստություն և ֆիզիկական կուլտուրա	41
0307	մանկավարժություն և հոգեբանություն	21
0308	մանկավարժություն և տարրական ուսուցման մեթոդիկա	21
	8. Կիրովականի պետական մանկավարժական ինստիտուտ	440
0101	մաթեմատիկա	45
0104	ֆիզիկա	20
0109	կենսաբանություն	45
0118	աշխարհագրություն	25
0207	պատմություն	45
0218	ռուսաց լեզու և գրականություն ազգային դպրոցում	25
0219	հայոց լեզու և գրականություն	45
0302	աշխատանք	65
0303	ֆիզիկական կուլտուրա	20
0307	մանկավարժություն և հոգեբանություն	65
0308	տարրական ուսուցման մեթոդիկա և մանկավարժություն	40
	այդ թվում Ստեփանակերտի բաժանմունք	200
0101	մաթեմատիկա	25
0109	կենսաբանություն	25
0118	աշխարհագրություն	25
0207	պատմություն	25
0218	ռուսաց լեզու և գրականություն ազգային դպրոցում	25
0219	հայոց լեզու և գրականություն	25
0302	աշխատանքային ուսուցում	25
0307	մանկավարժություն և հոգեբանություն	25
	9. Երևանի Կոմիտասի անվան պետական կոնսերվատորիա	105
0506	գործիքային կատարում	70
0507	երգեցողություն	10
0508	երաժշտավարություն	10
0509	կոմպոզիցիա	5
0510	երաժշտագիտություն	10
	10. Երևանի գեղարվեստաթատերական ինստիտուտ	95
0501	թատերական արվեստ	31
0502	ռեժիսուրա	5
0504	թատերագիտություն	5
0515	գեղանկարչություն	9
0516	գծանկարչություն	5
0517	քանդակագործություն	5
0518	արվեստագիտություն	5
0520	դեկորատիվ-կիրառական արվեստ	10
0521	դիզայն	10
0524	գեղարվեստական մոդելավորում	10
	II. Հայաստանի Հանրապետության առողջապահության նախարարություն` ընդամենը	400
	11. Երևանի Մ. Հերացու անվան պետական բժշկական ինստիտուտ	400
0401	բուժական գործ	175
0402	մանկաբուժություն	75
0403	հիգիենա, սանիտարիա և համաճարակաբանություն	50
0404	ստոմատոլոգիա	50
0405	դեղագործություն	50
	III. Հայաստանի Հանրապետության Նախարարների խորհրդին առընթեր ֆիզիկական կուլտուրայի և սպորտի կոմիտե` ընդամենը	225
	12. Ֆիզիկական կուլտուրայի հայկական պետական ինստիտուտ	225
0303	Ֆիզիկական կուլտուրա	225
	13. Երևանի անասնաբուծական-անասնաբուժական ինստիտուտ	240
3107	անասնաբուծություն	80
3108	անասնաբուժություն	125
2710	կաթի և կաթնամթերքների տեխնոլոգիա	35
	14. Հայկական գյուղատնտեսական ինստիտուտ	300
0608	հաշվապահական հաշվառում, վերահսկողություն և տնտեսական գործունեության վերլուծություն	37
0706	էկոնոմիկա և կառավարում ագրոարդյունաբերական համալիրում	37
2707	պահածոյացման տեխնոլոգիա	9
2704	խմորման պրոցեսի տեխնոլոգիա և գինեգործություն	9
3105	շերամաբուծություն	19
3109	հողաշինարարություն	19
3110	հիդրոմելիորացիա	38
3113	գյուղատնտեսության մեքենայացում	56
3112	անտառային և պարտեզային տնտեսություն	19
3114	գյուղատնտեսության էլեկտրիֆիկացում և ավտոմատացում	19
3102	ագրոնոմիա	38

Հավելված N 2 Հայաստանի Հանրապետության Նախարարների խորհրդի 1991 թվականի մայիսի 7-ի N 327 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՈՒՀԵՐԻ ԱՅՆ ՄԱՍՆԱԳԻՏՈՒԹՅՈՒՆՆԵՐԻ ՑԱՆԿԸ, ՈՐՈՆՑ ՀԱՄԱՐ ՍԱՀՄԱՆՎՈՒՄ Է ՎՃԱՐՈՎԻ ՈՒՍՈՒՑՄԱՆ ՏԱՐԵԿԱՆ ԱՌԱՎԵԼԱԳՈՒՅՆ ԱՐԺԵՔԸ

ծածկագիր	Բուհի և Մասնագիտության անվանումը	Տարեկան առավելագույն արժեքը (հազ. ռուբ.)
1	2	3
	1. Երևանի պետական համալսարան
0211	իրավագիտություն	8,0
0212	միջազգային հարաբերություն	8,0
0610	միջազգային տնտեսական հարաբերություններ	8,0
	2.  Երևանի ժողովրդական տնտեսության ինստիտուտ
0602	արտադրության էկոնոմիկա և կառավարում	8,0
0603	տնտեսական և սոցիալական պլանավորում	8,0
0604	ֆինանսներ և վարկ	8,0
0606	աշխատանքի էկոնոմիկա և սոցիոլոգիա	8,0
0608	հաշվապահական հաշվառում, վերահսկողություն և տնտեսական գործունեության վերլուծություն	8,0
0611	նյութական ռեսուրսների կառավարում և արտադրության միջոցների մեծածախ առևտրի կազմակերպում	8,0
0707	թեթև և տեքստիլ արդյունաբերության էկոնոմիկա և կառավարում	8,0
0709	առևտրի և հասարակական սննդի էկոնոմիկա և կառավարում	8,0
2712	պարենային մթերքների ապրանքագիտություն	8,0
2810	ոչ պարենային մթերքների ապրանքագիտություն	8,0
	3. Երևանի Մ. Հերացու անվան պետական բժշկական ինստիտուտ
0401	բուժական գործ	8,0
0402	մանկաբուժություն	8,0
0404	ստոմատոլոգիա	8,0
	4. Երևանի անասնաբուծական-անասնաբուժական ինստիտուտ
2710	կաթի և կաթնամթերքների տեխնոլոգիա	8,0
	5. Հայկական գյուղատնտեսական ինստիտուտ
0608	հաշվապահական հաշվառում, վերահսկողություն և տնտեսական գործունեության վերլուծություն	8,0
0706	էկոնոմիկա և կառավարում ագրոարդյունաբերական համալիրում	8,0

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ