ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 մայիսի 1993 թվականի N 285

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆՎԱԾ ՈՒԺԵՐԻ, ՆԵՐՔԻՆ ԳՈՐԾԵՐԻ ԵՎ ԱԶԳԱՅԻՆ ԱՆՎՏԱՆԳՈՒԹՅԱՆ ՀԱՄԱԿԱՐԳԵՐԻ ՍՏՈՐԱԲԱԺԱՆՈՒՄՆԵՐԻ ԶԻՆԾԱՌԱՅՈՂՆԵՐԻ ՀԱՄԱԶԳԵՍՏԻ ԵՎ ԱԶԳԱՅԻՆ ԶԻՆՎՈՐԱԿԱՆ ՏԱՐԲԵՐԱՆՇԱՆՆԵՐԻ ՆՄՈՒՇՆԵՐԻ ՄԱՍԻՆ

Հայաստանի Հանրապետության կառավարությունը որոշում է`

1. Հայաստանի Հանրապետության զինված ուժերի ցամաքային զորքերի, ավիացիայի, սահմանապահ զորամասերի, զինվորական ոստիկանության և մյուս զորատեսակների, ինչպես նաև Հայաստանի Հանրապետության ներքին գործերի նախարարության և Հայաստանի Հանրապետության ազգային անվտանգության պետական վարչության համակարգերի ստորաբաժանումների շարքային և սպայական անձնակազմի ամառային, ձմեռային համազգեստի ու ազգային զինվորական տարբերանշանների նմուշների մշակման նպատակով ստեղծել հանձնախումբ, համաձայն հավելվածի:

2. Հանձնախմբին` շահագրգիռ նախարարությունների, պետական վարչությունների և գերատեսչությունների հետ համատեղ եռամսյա ժամկետում ապահովել զինծառայողների համազգեստի ու ազգային զինվորական տարբերանշանների նմուշների մշակումը և ներկայացնել դրանք Հայաստանի Հանրապետության կառավարության հաստատմանը:

3. Զինծառայողների համազգեստի և ազգային զինվորական տարբերանշանների նմուշների մշակման հետ կապված ծախսերը կատարվում են համապատասխան նախարարությունների, պետական վարչությունների և գերատեսչությունների միջոցների հաշվին:

Հայաստանի Հանրապետության ՓՈԽվարչապետ

Վ. ՉԻՏԵՉյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ԱՌԱՋԻՆ ՏԵՂԱԿԱԼ

Ա. ՀՅՈՒՍԻՍՅԱՆ