ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 օգոստոսի 1994 թվականի N 371

քաղ. Երևան

ՇԱՐՔԱՅԻՆ ԱՆՁՆԱԿԱԶՄԻ ՀԱՇՄԱՆԴԱՄ ԶԻՆԾԱՌԱՅՈՂՆԵՐԻ ԵՎ ԱՅԴ ԱՆՁՆԱԿԱԶՄԻ ԶՈՀՎԱԾ (ՄԱՀԱՑԱԾ) ԶԻՆԾԱՌԱՅՈՂՆԵՐԻ ԸՆՏԱՆԻՔՆԵՐԻ ԱՆԴԱՄՆԵՐԻ ԿԵՆՍԱԹՈՇԱԿՆԵՐԻ ՎԵՐԱՀԱՇՎԱՐԿՄԱՆ ԵՎ ՎՃԱՐՄԱՆ ՄԱՍԻՆ

Հայաստանի Հանրապետության կառավարությունը որոշում է`

1. Շարքային անձնակազմի հաշմանդամ զինծառայողների և այդ անձնակազմի զոհված (մահացած) զինծառայողների ընտանիքների անդամների կենսաթոշակների վճարումը ժամանակավորապես կատարել Հայաստանի Հանրապետության աշխատանքի և սոցիալական ապահովության նախարարության և պատգամավորների քաղաքային ու շրջանային խորհուրդների գործկոմների սոցիալական ապահովության բաժինների միջոցով:

2. Հայաստանի Հանրապետության պաշտպանության նախարարությանը` սույն որոշման 1-ին կետում նշված կենսաթոշակառուների գործերը կարճ ժամկետում վերադարձնել պատգամավորների համապատասխան քաղաքային և շրջանային խորհուրդների գործկոմների սոցիալական ապահովության բաժիններ:

3. Հայաստանի Հանրապետության աշխատանքի և սոցիալական ապահովության նախարարությանը` շարքային անձնակազմի հաշմանդամ զինծառայողների և այդ անձնակազմի զոհված (մահացած) զինծառայողների ընտանիքների անդամների կենսաթոշակները վերահաշվարկել «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքին համապատասխան:

Վերահաշվարկված գումարների վճարումը կատարել 1994 թվականի հուլիսի 1-ից:

4. Հայաստանի Հանրապետության աշխատանքի և սոցիալական ապահովության նախարարության կենտրոնական ապարատի հաստիքների թվաքանակն ավելացնել 10 միավորով, իսկ պատգամավորների քաղաքային ու շրջանային խորհուրդների գործկոմների սոցիալական ապահովության բաժինների հաստիքները կրճատել 15 միավորով:

5. Հայաստանի Հանրապետության ֆինանսների նախարարությանը` սույն որոշման 1-ին կետում նշված կենսաթոշակառուների կենսաթոշակների վերահաշվարկման հետ կապված լրացուցիչ ծախսերի ֆինանսավորումը կատարել Հայաստանի Հանրապետության 1994 թվականի հանրապետական բյուջեով նախատեսված միջոցների հաշվին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ