ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 փետրվարի 1994 թվականի N 95

քաղ. Երևան

ՀԱՇՄԱՆԴԱՄ ԴԱՐՁԱԾ ԶԻՆԾԱՌԱՅՈՂՆԵՐԻ ՊԱՐՏԱԴԻՐ ՊԵՏԱԿԱՆ ԱՊԱՀՈՎԱԳՐՈՒԹՅԱՆ ԳՈՒՄԱՐՆԵՐԻ ՉԱՓԻ ՄԱՍԻՆ

«Զինծառայողների և նրանց ընտանիքների անդամների սոցիալական ապահովագրության մասին» Հայաստանի Հանրապետության օրենքի 38 հոդվածին համապատասխան Հայաստանի Հանրապետության կառավարությունը որոշում է.

1. «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 13 հոդվածում նշված պատճառներով հաշմանդամ դարձած զինծառայողների պարտադիր պետական ապահովագրության գումարների չափը սահմանել նրանց աշխատունակության կորստի չափին համամասնական ` զինծառայողների զոհվելու (մահանալու) դեպքերում նույն օրենքի 38 հոդվածով նախատեսված ապահովագրության համապատասխան ընդհանուր գումարների նկատմամբ, հետևյալ տոկոսային հարաբերությամբ`

1-ին խմբի հաշմանդամներին` 50 տոկոս.

2-րդ խմբի հաշմանդամներին` 40 տոկոս.

3-րդ խմբի հաշմանդամներին` 30 տոկոս:

2. Հայաստանի Հանրապետության պաշտպանության նախարարությանը, ներքին գործերի նախարարությանը, աշխատանքի և սոցիալական ապահովության նախարարությանը և ֆինանսների նախարարությանը` սեղմ ժամկետում ապահովել հաշմանդամ դարձած զինծառայողների համապատասխան փաստաթղթերի ձևակերպումը և նրանց սահմանված չափերով ապահովագրության գումարների վճարումը:

Հայաստանի Հանրապետության վարչապետ

հ. բագրատյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻչ

Ա. ԽԱՉԱՏՐՅԱՆ