ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 սեպտեմբերի 1993 թվականի N 479

քաղ. Երևան

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՊԵՏԱԿԱՆ ՎԱՐՉՈՒԹՅԱՆ ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՇՏԱԲՆԵՐԻ ԶԻՆԾԱՌԱՅՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՄԱՍԻՆ

Ի փոփոխումն Հայաստանի Հանրապետության կառավարության 1993 թվականի ապրիլի 19-ի «Հայաստանի Հանրապետությունում զինծառայողների պաշտոնային դրույքաչափերի և զինվորական կոչումների դրույքաչափերի հաշվարկման մասին» N 170 որոշման, և հաշվի առնելով Հայաստանի Հանրապետության պաշտպանության նախարարության ու Հայաստանի Հանրապետության արտակարգ իրավիճակների պետական վարչության քաղաքացիական պաշտպանության շտաբների զինծառայողների պաշտոնային դրույքաչափերի միջև առաջացած անհամամասնությունը, Հայաստանի Հանրապետության կառավարությունը որոշում է`

1. Հայաստանի Հանրապետության արտակարգ իրավիճակների պետական վարչության քաղաքացիական պաշտպանության շտաբների զինծառայողների պաշտոնային դրույքաչափերը հաշվարկել Հայաստանի Հանրապետության կառավարության 1993 թվականի ապրիլի 19-ի N 170 որոշման N 1 հավելվածում սահմանված գործակիցներով:

Այդ կապակցությամբ հավասարեցնել`

ա) քաղպաշտպանության հանրապետական շտաբը` Հայաստանի Հանրապետության պաշտպանության նախարարության վարչությանը.

բ) քաղպաշտպանության Երևան քաղաքի և տարածաշրջանային շտաբները` Հայաստանի Հանրապետության պաշտպանության նախարարության բաժիններին.

գ) քաղպաշտպանության Երևան քաղաքի շրջանային շտաբները` Հայաստանի Հանրապետության պաշտպանության նախարարության բաժանմունքներին:

2. Ուժը կորցրած ճանաչել Հայաստանի Հանրապետության 1993 թվականի ապրիլի 19-ի N 170 որոշման N 7 հավելվածը:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ