ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 հունվարի 1992 թվականի N 63
քաղ. Երևան

ՔԼԻՐԻՆԳԱՅԻՆ ՀԱՇՎԱՐԿՆԵՐԻ ՄԱՍԻՆ

Ի կատարումն Հայաստանի Հանրապետության նախագահի «Հայաստանի Հանրապետության տարածքում արժութային գործառնությունների մասին» հրամանագրի, Հայաստանի Հանրապետության կառավարությունը որոշում է`

1. Հայաստանի Հանրապետության և օտարերկրյա պետությունների միջև քլիրինգային (անկանխիկ) հաշվարկները իրականացվում են երկկողմանի կամ բազմակողմանի համաձայնագրերով: Մնացած դեպքերում հաշվարկների կարգը Հայաստանի Հանրապետության էկոնոմիկայի նախարարության և ֆինանսների նախարարության, բանկի ներկայացմամբ որոշում է Հայաստանի Հանրապետության կառավարությունը:

2. Հանձնարարել Հայաստանի հանրապետական բանկին` 20-օրյա ժամկետում մշակել և հանրապետության տարածքում գտնվող բանկերին հայտնել քլիրինգային հաշվարկների իրականացման կարգը:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ