ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

23 ապրիլի 1991 թվականի N 294
քաղ. Երևան

ՀԱՆՐԱՊԵՏԱԿԱՆ ԵՎ ՏԵՂԱԿԱՆ ՆՇԱՆԱԿՈՒԹՅԱՆ ԱՆՀԱՏԱԿԱՆ ԿԵՆՍԱԹՈՇԱԿՆԵՐԸ ԱՇԽԱՏԱՆՔԱՅԻՆ ԿԵՆՍԱԹՈՇԱԿՆԵՐ ՎԵՐԱՆՎԱՆԵԼՈՒ ՄԱՍԻՆ

Հայաստանի Հանրապետության Նախարարների խորհուրդը որոշում է`

1. Հայաստանի Հանրապետությունում մինչև այժմ նշանակված և վճարվող հանրապետական և տեղական նշանակության անհատական կենսաթոշակները վերանվանել տարիքի (ծերության), հաշմանդամության կամ կերակրողին կորցնելու համար նշանակված աշխատանքային կենսաթոշակներ:

2. նախկինում նշանակված հանրապետական և տեղական նշանակության անհատական կենսաթոշակների վճարումը կատարել նույն չափերով, եթե այդ կենսաթոշակառուները «ԽՍՀՄ-ում քաղաքացիների կենսաթոշակային ապահովության մասին» և «Զինծառայողների կենսաթոշակային ապահովության մասին» ԽՍՀՄ օրենքներով ավելի բարձր կենսաթոշակի իրավունք չունեն:

Կենսաթոշակների միջև գումարի տարբերությունը 1991 թվականին փոխհատուցվում է հանրապետական բյուջեից` ԽՍՀՄ կենսաթոշակային ֆոնդի Հայաստանի հանրապետական բաժանմունքին:

3. Պահպանել անհատական կենսաթոշակառուների և նրանց ընտանիքների համար նախկինում սահմանված արտոնությունները, բացառությամբ կուսակցական ստաժի համար սահմանված արտոնությունների:

4. Սույն որոշումը գործողության մեջ մտցնել 1991 թվականի մայիսի 1-ից:

/փոփ. 18.06.91թ. թիվ 403 որոշում/

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահ

Վ. ՄԱՆՈՒԿՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ