ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ
Ո Ր Ո Շ ՈՒ Մ Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ՄԻՋՊԵՏԱԿԱՆ ԲԱՆԿԻ ՄԻՋԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ՄԻՋՊԵՏԱԿԱՆ ԲԱՆԿԻ ԳՏՆՎԵԼՈՒ ՊԱՅՄԱՆՆԵՐԻ ՄԱՍԻՆ ՀԱՄԱՁԱՅՆԱԳԻՐԸ ՎԱՎԵՐԱՑՆԵԼՈՒ ՄԱՍԻՆ
Հայաստանի Հանրապետության Ազգային ժողովը որոշում է.
Վավերացնել Հայաստանի Հանրապետության կառավարության և Միջպետական բանկի միջև 1999 թվականի հունվարի 27-ին Երևան քաղաքում ստորագրված «Հայաստանի Հանրապետության տարածքում Միջպետական բանկի գտնվելու պայմանների մասին» համաձայնագիրը, բացառությամբ 9-րդ հոդվածի 3-րդ մասի («Ծառայողական պարտականությունների իրագործման ժամանակաշրջանում կատարած գործողությունների նկատմամբ Բանկի և Հայաստանի Հանրապետությունում նրա առանձնացված ստորաբաժանման պաշտոնատար անձանց իմունիտետը պահպանվում է նաև բանկում և նրա առանձնացված ստորաբաժանումում ծառայության ավարտից հետո»):
Հայաստանի Հանրապետությունը ելնում է այն ըմբռնումից, որ Հայաստանի Հանրապետության կողմից Միջպետական բանկին տրամադրված անձեռնմխելիությունները չեն ազատում Միջպետական բանկին և նրա պաշտոնատար անձանց Հայաստանի Հանրապետության ռեզիդենտների հետ գործարքներով քաղաքացիաիրավական պատասխանատվությունից, ինչպես նաև Միջպետական բանկի պաշտոնատար անձանց քրեական պատասխանատվությունից` նրանց կողմից Հայաստանի Հանրապետության օրենսդրությամբ հանցագործություն հանդիսացող արարք կատարելու դեպքում:
|
Հայաստանի Հանրապետության |
Ա. Խաչատրյան |
|
|