ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ

Ո Ր Ո Շ ՈՒ Մ

30 սեպտեմբերի 1991 թվականի N 581

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՊԵՏԱԿԱՆ ՈՒՆԵՑՎԱԾՔԻ ՍԵՓԱԿԱՆԱՇՆՈՐՀՄԱՆ ԵՎ ԱՊԱՊԵՏԱԿԱՆԱՑՄԱՆ ԳՈՐԾԸՆԹԱՑԸ ԿԱՐԳԱՎՈՐԵԼՈՒ ՄԱՍԻՆ

«Հայաստանի Հանրապետությունում սեփականաշնորհման հիմունքների մասին» Հայաստանի Հանրապետության Գերագույն խորհրդի 1991 թվականի փետրվարի 13-ի որոշման պահանջները կատարելու, պետական ունեցվածքի ապապետականացման գործում տեղ գտած թերությունները վերացնելու, ապօրինությունները կանխելու նպատակով Հայաստանի Հանրապետության Նախարարների խորհուրդը որոշում է`

Հանձնարարել Հայաստանի Հանրապետության նախարարություններին ու գերատեսչություններին, քաղաքային և շրջանային խորհուրդների գործկոմներին, արտադրական միավորումներին, պետական հիմնարկ-ձեռնարկություններին` պետական ամեն տեսակի ունեցվածքի (արտադրական շենքեր, շինություններ, մեքենա-սարքավորումներ և այլն) սեփականության ձևի փոփոխությունը, վարձակալության տալը, ինչպես նաև զանազան ասոցիացիաների, ընկերությունների, այլ պետական կամ ոչ պետական կառուցվածքների հաշիվներին գումարների փոխանցումը կատարել կառավարման համապատասխան վերադաս մարմնի թույլտվությամբ:

Սույն որոշումը չի տարածվում այն ոլորտների վրա, որտեղ սահմանված կարգով իրականացվում է սեփականաշնորհումը (հող, առևտուր և այլն), ինչպես նաև այն առանձին խոշոր օբյեկտների վրա, որոնց սեփականաշնորհումը Հայաստանի Հանրապետության Նախարարների խորհրդի որոշմամբ արդեն իրականացվում է:

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի նախագահԻ ՊԱՇՏՈՆԱԿԱՏԱՐ

Հ. ԲԱԳՐԱՏՅԱՆ

ՀԱՅԱՍՏԱՆի հանրապետության ՆԱԽԱՐԱՐՆԵՐԻ ԽՈՐՀՐԴի ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՀԱԿՈԲՅԱՆ