Գլխավոր տեղեկություն

Համար

N 05-Ն

Տիպ

Հրաման

Ակտի տիպ

Base act (22.04.2025-till now)

Կարգավիճակ

Գործում է

Սկզբնաղբյուր

Միասնական կայք 2025.04.14-2025.04.27 Պաշտոնական հրապարակման օրը 21.04.2025

Ընդունող մարմին

Բարձր տեխնոլոգիական արդյունաբերության նախարար

Ընդունման ամսաթիվ

11.04.2025

Ստորագրող մարմին

Բարձր տեխնոլոգիական արդյունաբերության նախարար

Ստորագրման ամսաթիվ

11.04.2025

Ուժի մեջ մտնելու ամսաթիվ

22.04.2025

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐ

«11» ապրիլի 2025 թվական

ք. Երևան

N 05-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐԻ 2024 ԹՎԱԿԱՆԻ ԴԵԿՏԵՄԲԵՐԻ 23-Ի ԹԻՎ 20-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ, ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» օրենքի 3-րդ հոդվածի 1-ին մասի 45-րդ կետի և 10-րդ հոդվածի 2-րդ մասի «դ» կետի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով.

1. Հայաստանի Հանրապետության բարձր տեխնոլոգիական արդյունաբերության նախարարի 2024 թվականի դեկտեմբերի 23-ի «2025 թվականի փոստային վճարման պետական նշանների թեմաները սահմանելու և փոստային վճարման պետական նշանների անվանագները, տպաքանակն ու գործողության մեջ դնելու ժամկետները հաստատելու մասին» N 20-Ն hրամանի հավելվածում կատարել հետևյալ փոփոխությունը.

1) Հավելվածի 4-րդ կետի 4.2-րդ ենթակետի՝ «Գործողության մեջ դնելու ժամկետը» սյունակի «I եռամսյակ» բառերը փոխարինել «II եռամսյակ» բառերով:

2. Հաստատել փոստային վճարման պետական նշանների նմուշները`

1) Մեծանուն հայեր. Արսեն (Վիչեն) Այտընյանի ծննդյան 200-ամյակ թեմային նվիրված «ՀԱՅՐ ԱՐՍԵՆ ԱՅՏԸՆՅԱՆ. 1825-1902. FATHER ARSEN AYDYNIAN» 1 նամականիշի, համաձայն N 1 հավելվածի.

2) Հայկական ավանդական խոհանոց. Հայկական ավանդական խոհանոց թեմային նվիրված «ԹԹՈՒ ԼԱՎԱՇ. SOUR LAVASH» 1 նամականիշի, համաձայն N 2 հավելվածի:

3. Գործողության մեջ դնել`

1) Մեծանուն հայեր. Արսեն (Վիչեն) Այտընյանի ծննդյան 200-ամյակ թեմային նվիրված «ՀԱՅՐ ԱՐՍԵՆ ԱՅՏԸՆՅԱՆ. 1825-1902. FATHER ARSEN AYDYNIAN» 1 նամականիշը, անվանագինը՝ 380 դրամ, տպաքանակը` 10 000 հատ.

2) Հայկական ավանդական խոհանոց. Հայկական ավանդական խոհանոց թեմային նվիրված «ԹԹՈՒ ԼԱՎԱՇ. SOUR LAVASH» 1 նամականիշը, անվանագինը՝ 380 դրամ, տպաքանակը` 15 000 հատ.

4. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

Մ. ՀԱՅՐԱՊԵՏՅԱՆ

Հավելված 1

ՀՀ բարձր տեխնոլոգիական

արդյունաբերության նախարարի

2025 թվականի ապրիլի 11-ի

թիվ 05-Ն հրամանի

Ներմուծեք նկարագրությունը_24049

Հավելված 2

ՀՀ բարձր տեխնոլոգիական

արդյունաբերության նախարարի

2025 թվականի ապրիլի 11-ի

թիվ 05-Ն հրամանի

Պաշտոնական հրապարակման օրը՝ 21 ապրիլի 2025 թվական: