ՇՐՋԱԿԱ ՄԻՋԱՎԱՅՐԻ ՆԱԽԱՐԱՐ

«22» ապրիլի 2024 թ.

N 131-Ն

Հ Ր Ա Մ Ա Ն

ԲՆԱՊԱՀՊԱՆԱԿԱՆ, ԳԻՏԱՀԵՏԱԶՈՏԱԿԱՆ, ԿՐԹԱԿԱՆ, ԱՌՈՂՋԱՊԱՀԱԿԱՆ ԵՎ ՎԵՐԱՐՏԱԴՐՈՒԹՅԱՆ ԿԱԶՄԱԿԵՐՊՄԱՆ ՆՊԱՏԱԿՆԵՐՈՎ ԿԵՆԴԱՆԱԿԱՆ ԱՇԽԱՐՀԻ ՕԲՅԵԿՏՆԵՐԻ ՕԳՏԱԳՈՐԾՄԱՆ ՊԱՅՄԱՆԱԳՐԻ ԵՎ ՀԱՅՏԻ ՕՐԻՆԱԿԵԼԻ ՁԵՎԵՐԻ ՀԱՍՏԱՏՄԱՆ ՄԱՍԻՆ

Ղեկավարվելով «Կենդանական աշխարհի մասին» օրենքի 6-րդ հոդվածի 1-ին մասի «թ4)» կետով.

1. Հաստատել`

1) բնապահպանական, գիտահետազոտական, կրթական, առողջապահական և վերարտադրության կազմակերպման նպատակներով կենդանական աշխարհի օբյեկտների օգտագործման հայտի օրինակելի ձևը` համաձայն N 1 հավելվածի,

2) բնապահպանական, գիտահետազոտական, կրթական, առողջապահական և վերարտադրության կազմակերպման նպատակներով կենդանական աշխարհի օբյեկտների օգտագործման պայմանագրի օրինակելի ձևը` համաձայն N 2 հավելվածի:

2. Սույն հրամանն ուժի մեջ է մտնում 2025 թվականի ապրիլի 10-ից:

Հ. ՍԻՄԻԴՅԱՆ

«22» ապրիլի 2024 թ. ք. Երևան

4/22/2024

Հավելված N 1 Շրջակա միջավայրի նախարարի 2024 թվականի ապրիլի «22»-ի  N 131-Ն հրամանի

ԲՆԱՊԱՀՊԱՆԱԿԱՆ, ԳԻՏԱՀԵՏԱԶՈՏԱԿԱՆ, ԿՐԹԱԿԱՆ, ԱՌՈՂՋԱՊԱՀԱԿԱՆ ԵՎ ՎԵՐԱՐՏԱԴՐՈՒԹՅԱՆ ԿԱԶՄԱԿԵՐՊՄԱՆ ՆՊԱՏԱԿՆԵՐՈՎ ԿԵՆԴԱՆԱԿԱՆ ԱՇԽԱՐՀԻ ՕԲՅԵԿՏՆԵՐԻ ՕԳՏԱԳՈՐԾՄԱՆ

------------------------------------------------------------------------------------------------------------------------------

(Իրավաբանական անձի անվանումը և գտնվելու վայրը կամ ֆիզիկական անձի անունը, ազգանունը, բնակության վայրը,

իսկ անհատ ձեռնարկատեր հանդիսացող ֆիզիկական անձի դեպքում՝ նաև անհատ ձեռնարկատիրոջ պետական

հաշվառման համարը)

------------------------------------------------------------------------------------------------------------------------------

     օգտագործման ենթակա տարածքը (մարզը, համայնքը)

------------------------------------------------------------------------------------------------------------------------------

------------------------------------------------------------------------------------------------------------------------------

------------------------------------------------------------------------------------------------------------------------------

           օգտագործման ժամանակահատվածը

ձկնորսության դեպքում՝-------------------------------------------------------------------------------------------------

------------------------------------------------------------------------------------------------ձկնորսով (ձկնորսներով)

------------------------------------------------------------------------------------------------------- լողամիջոցներով,

N	Կենդանական աշխարհի օբյեկտի անվանումը (տեսակը)	Քանակը (հատ, կգ)

Հայտատու`	___________________________________________________
	(իրավաբանական անձի անվանում / անուն, ազգանուն, ստորագրություն)
Հայտը ներկայացնելու ամսաթիվը «----» ---------- 202 թ.

Հավելված N 2 Շրջակա միջավայրի նախարարի 2024 թվականի ապրիլի «22»-ի  N 131-Ն հրամանի

Օրինակելի ձև

Շրջակա միջավայրի նախարարությունը` կենդանական աշխարհի օբյեկտների օգտագործման իրավունք տրամադրողը (այսուհետ` լիազորված մարմին), ի դեմս` ------

---------------------------------------------------------------------------------------------------------------------------------մի կողմից,

--------------------------------------------------------------------------------------------------------------------------------------------

հաշվառման համարը)

----------------------------------------------------------------------------------------------------------------------------------------------

(այսուհետ` կենդանական աշխարհի օբյեկտներ օգտագործող) ի դեմս`

--------------------------------------------------------------------------------------------------------------------------------------------

և մյուս կողմից կնքեցին (այսուհետ միասին՝ կողմեր) սույն պայմանագիրը (այսուհետ՝ պայմանագիր) հետևյալի մասին:

1.1 Լիազորված մարմինը սույն պայմանագրով կենդանական աշխարհի օբյեկտներ օգտագործողին իրավունք է վերապահում

–––––––––––––––––––––––––––––––––––––––––––------------------------------------- տարածքում

------------------------------------------------------------------------------------------------- նպատակով,

-------------------------------------------------------------------------------------------------------------------

----------------------------------------------------------------------------------------------------------------- որսամիջոցով,

(տեսակը, նկարագիրը, քանակը)

ձկնորսության դեպքում -----------------------------------------------------------------------------

-------------------------------------------------------------------------------------------------------------- ձկնորսով (ձկնորսներով)

(անձնագրի տվյալները)

--------------------------------------------------------------------------------------------------------------- լողամիջոցներով,

Կատարել (որս, հայթայթում, հավաք) _________________________________________

       (կենդանական աշխարհի օբյեկտի տեսակը և քանակը)

____________ թ. մինչև _________ թ. ընկած ժամանակահատվածում:

2.1. Լիազորված մարմինն իրավունք ունի.

2.1.1 կենդանական աշխարհի օբյեկտներ օգտագործողից պահանջել օգտագործել սույն պայմանագրով սահմանված քանակին և տեսակին համապատասխան կենդանական աշխարհի օբյեկտներ,

2.1.2 պահանջել սույն պայմանագրի կնքման համար «Պետական տուրքի մասին» օրենքով և Հայաստանի Հանրապետության հարկային օրենսգրքով սահմանված վճարումները հավաստող փաստաթղթերը՝ (բացառությամբ գիտահետազոտական և կրթական նպատակներով կենդանական աշխարհի օբյեկտների օգտագործման) մինչև պայմանագրի կնքման գործընթացը սկսելը:

2.2. Լիազորված մարմինը պարտավոր է.

2.2.1 կենդանական աշխարհի օբյեկտներ օգտագործողին տրամադրել կենդանական աշխարհի օբյեկտների պահպանության վերաբերյալ տեղեկատվություն:

2.3. Կենդանական աշխարհի օբյեկտներ օգտագործողն իրավունք ունի.

2.3.1 լիազորված մարմնի հետ համաձայնեցնելուց հետո իրականացնել կենդանական աշխարհի օբյեկտների բարելավման միջոցառումներ,

2.3.2 պահանջել վաղաժամկետ լուծելու պայմանագիրը,

2.3.3 իրացնել կենդանական աշխարհի օգտագործումից ստացված արտադրանքը և տնօրինել եկամուտները, բացառությամբ գիտահետազոտական և կրթական նպատակներով կենդանական աշխարհի օբյեկտների օգտագործման դեպքում,

2.3.4 իրականացնել Հայաստանի Հանրապետության օրենսդրությանը չհակասող այլ գործունեություն:

2.4 Կենդանական աշխարհի օբյեկտներ օգտագործողը պարտավոր է.

 2.4.1 գործել Հայաստանի Հանրապետության օրենքներով և իրավական այլ ակտերով սահմանված կարգով,

2.4.2 կենդանական աշխարհի օբյեկտներն օգտագործել բացառապես սույն պայմանագրի պայմաններին և նպատակին համապատասխան,

2.4.3 ապահովել պայմանագրով իրեն հատկացված կենդանական աշխարհի օբյեկտների պահպանությունը,

2.4.4 չխախտել կենդանական համակեցությունների ամբողջականությունը,

2.4.5 կատարել պայմանագրային պարտականությունները,

2.4.6 իրականացնել անհրաժեշտ միջոցառումներ կենդանական աշխարհի օբյեկտների վերարտադրության և պաշտպանության նպատակով,

2.4.7 աջակցել պետական մարմինների գործունեությանը` կենդանական աշխարհի օբյեկտների հսկողության, պետական հաշվառման և մոնիտորինգի իրականացման համար,

2.4.8 չխախտել կենդանական աշխարհի օբյեկտների այլ օգտագործողների իրավունքները,

2.4.9 հատուցել Հայաստանի Հանրապետության օրենսդրությամբ սահմանված չափերով և կարգով հատուցել բնությանը պատճառած վնասները,

2.4.10 պայմանագիրը վաղաժամկետ դադարեցնելու դեպքում ոչ ուշ, քան 5 աշխատանքային օր առաջ լիազորված մարմնին պատշաճ կերպով գրավոր տեղեկացնել դրա մասին,

2.4.11 սույն պայմանագրի գործողությունն ավարտվելուց հետո մեկամսյա ժամկետում լիազորված մարմնին ներկայացնել հաշվետվություն` կենդանական աշխարհի օբյեկտների որսված քանակության և տեսակների վերաբերյալ:

3.1 Կենդանական աշխարհի օբյեկտներ օգտագործողը «Պետական տուրքի մասին» օրենքով, Հայաստանի Հանրապետության հարկային օրենսգրքով սահմանված կարգով վճարում է պետական տուրք ________ դրամ և բնօգտագործման վճար ________ դրամ:

4.1 Պայմանագրի կապակցությամբ ծագած վեճերը լուծվում են բանակցությունների միջոցով, համաձայնություն ձեռք չբերվելու դեպքում ծագած վեճերը լուծվում են դատական կարգով:

5.1 Սույն պայմանագրով պարտավորություններն ամբողջությամբ կամ մասնակիորեն չկատարելու համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության արդյունք, ինչը կողմերը չէին կարող կանխատեսել կամ կանխարգելել և այն ծագել է սույն պայմանագիրը կնքելուց հետո: Այդպիսի իրավիճակներ են երկրաշարժը, ջրհեղեղը, պատերազմը, ռազմական և արտակարգ դրություն հայտարարելը, քաղաքական հուզումները, որոնք անհնարին են դարձնում սույն պայմանագրով պարտավորությունների կատարումը: Եթե անհաղթահարելի ուժի ազդեցությունը շարունակվում է 3 (երեք) ամսից ավելի, ապա կողմերից յուրաքանչյուրն իրավունք ունի լուծել պայմանագիրը` այդ մասին նախապես տեղյակ պահելով մյուս կողմին:

6.1 Պայմանագիրը դադարում է դրանով սահմանված ժամկետը լրանալու կամ պայմանագրով սահմանված չափաքանակները սպառվելու դեպքում։

6.2 Լիազորված մարմնի կողմից սույն պայմանագիրը կարող է միակողմանի և վաղաժամկետ լուծվել, եթե կենդանական աշխարհի օբյեկտներ օգտագործողը.

6.2.1 կենդանական աշխարհի օբյեկտներն օգտագործել է օրենքի, իրավական այլ ակտերի և սույն պայմանագրի պայմանների կամ կենդանական աշխարհի օբյեկտների տրամադրման նպատակի խախտումներով,

6.2.2 լրիվ կամ մասնակիորեն հրաժարվում է իր պայմանագրային պարտավորությունների կատարումից,

6.2.3 կենդանական աշխարհի օբյեկտների օգտագործման ենթակա տարածքը վերցվում է պետական կամ հասարակական կարիքների համար

6.2.4 խախտել է սույն պայմանագրի 2.4.1-2.4.11-րդ կետերով սահմանված պարտականություններից որևէ մեկը:

6.3 Վերոնշյալ հիմքերով սույն պայմանագիրը վաղաժամկետ լուծելու դեպքում լիազորված մարմինը որևէ պատասխանատվություն չի կրում:

7.1 Սույն պայմանագիրը կազմված է երկու օրինակից, որոնք ունեն հավասարազոր իրավաբանական ուժ: Կողմերից յուրաքանչյուրին տրվում է մեկ օրինակ:

8.1 Պայմանագրի դրույթների փոփոխումը կատարվում է կողմերի գրավոր համաձայնությամբ: Կատարվելիք փոփոխությունները կողմերը քննարկում են մեկամսյա ժամկետում։ Դրանք ձևակերպվում են լրացուցիչ համաձայնագրով, ինչը հանդիսանում է պայմանագրի անբաժանելի մասը:

 Պայմանագրի ժամկետը սահմանվում է «____» ____________ թ. մինչև «____» ___________թ.։

Պաշտոնական հրապարակման օրը՝ 26 ապրիլի 2024 թվական: