ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
«07» դեկտեմբեր 2023 թ. |
N 67-Ն |
Հ Ր Ա Մ Ա Ն
ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2023 ԹՎԱԿԱՆԻ ՀՈՒԼԻՍԻ 26-Ի ԹԻՎ 37-Ն ՀՐԱՄԱՆՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները.
Հրամայում եմ՝
1. Առողջապահության նախարարի 2023 թվականի հուլիսի 26-ի ««Սպորտային վնասվածքների հաշվառմանը և հաղորդմանը ներկայացվող պահանջներ» ՍԿ N 3.1.1-001-23 սանիտարական կանոնները հաստատելու մասին» թիվ 37-Ն հրամանի հավելվածում կատարել հետևյալ լրացումները և փոփոխությունը՝
1) 1-ին կետը «նախատեսված են» բառերից հետո լրացնել «Հայաստանի ազգային օլիմպիական կոմիտեի, մարզաձևերի ազգային ֆեդերացիաների, այլ մարզական հասարակական կազմակերպությունների, միությունների, ընկերությունների և ակումբների, Հայաստանի Հանրապետության հավաքական թիմերի, պրոֆեսիոնալ մարզական կազմակերպությունների (լիգաներ, ակումբներ, թիմեր), Հայաստանի ազգային պարալիմպիկ կոմիտեի, Հայկական ազգային սուրդլիմպիկ կոմիտեի,» բառերով, իսկ «ուսումնարանների» բառը փոխարինել «քոլեջների» բառով,
2) հավելվածը լրացնել նոր 7-րդ կետով՝ հետևյալ բովանդակությամբ.
«7. Սպորտային վնասվածքների համաճարակաբանական դիտարկման մեթոդական ուղեցույցը սահմանվում է առողջապահության բնագավառում պետական կառավարման լիազոր մարմնի կողմից:»:
2. Սույն հրամանն ուժի մեջ է մտնում պաշտոնական հրապարակման օրվանից երեք ամիս հետո:
|
ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ` |
Լ. ՆանուշՅԱՆ |
Պաշտոնական հրապարակման օրը՝ 20 դեկտեմբերի 2023 թվական: