ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՆԱԽԱԳԱՀ

6 սեպտեմբերի 2023 թ.

N 920-Ն

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածի 1-ին մասը`

1. Հայաստանի Հանրապետության կառավարությանն առընթեր պետական եկամուտների կոմիտեի նախագահի 2012 թվականի հունիսի 26-ի «Վարձու աշխատողի և պայմանագրային եկամուտ ստացող ֆիզիկական անձի անհատական տվյալների գրանցման հայտի ձևը հաստատելու մասին» N 197-Ն հրամանի՝

1) նախաբանը շարադրել հետևյալ խմբագրությամբ՝

«Հիմք ընդունելով «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքի 9-րդ հոդվածի 4-րդ մասը.»,

2) վերնագրում և 1-ին կետում «և» շաղկապը փոխարինել «,» կետադրական նշանով, իսկ «անձի» բառից հետո լրացնել «, փորձնակի և մասնագիտական ուսուցում անցնող աշակերտի» բառերը,

3) հավելվածը շարադրել նոր խմբագրությամբ՝ համաձայն հավելվածի։

2. Սույն հրամանն ուժի մեջ է մտնում 2023 թվականի դեկտեմբերի 1-ից։

ՌՈՒՍՏԱՄ ԲԱԴԱՍՅԱՆ

Հավելված Հայաստանի Հանրապետության պետական եկամուտների կոմիտեի նախագահի 2023 թվականի սեպտեմբերի 6-ի   N 920-Ն հրամանի

«Հավելված Հայաստանի Հանրապետության կառավարությանն առընթեր պետական եկամուտների կոմիտեի 2012 թ. հունիսի 26-ի N 197-Ն հրամանի

1. «Փաստաթղթի մուտքագրման համար» մասում նշվում է գործատուի (կազմակերպություն, անհատ ձեռնարկատեր, նոտար) անձնական գործում տվյալ փաստաթղթի հերթական համարը, [1] տողում ինքնաշխատ լրացվում է հարկ վճարողի հաշվառման համարը, [2] տողում («Հարկ վճարողի (գործատուի) անվանում») տողում ինքնաշխատ լրացվում է կազմակերպության անվանումը (անհատ ձեռնարկատիրոջ կամ նոտարի անունը, ազգանունը)

Բաժին 1. Անձնական տվյալներ

2. 1.1 դաշտում ինքնաշխատ լրացվում է ֆիզիկական անձի հերթական համարը

3. 1.2 – 1.4 սյունակներում լրացվում են ֆիզիկական անձի՝ անունը, ազգանունը և հայրանունը (առկայության դեպքում)

4. 1.5 սյունակում լրացվում է ֆիզիկական անձի հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը

5. 1.6 սյունակում լրացվում է ֆիզիկական անձի (բացառությամբ փորձնակի և մասնագիտական ուսուցում անցնող աշակերտի) ծննդյան ամսաթիվը՝ օրը, ամիսը, տարին

6. 1.7 և 1.8 սյունակներում համապատասխանաբար լրացվում են Հայաստանի Հանրապետությունում անձը հաստատող փաստաթղթի տեսակներից որևէ մեկը՝ Հայաստանի Հանրապետության քաղաքացիների համար Հայաստանի Հանրապետության անձնագիր, նույնականացման քարտ, մինչև 16 տարեկանների դեպքում` ծննդյան վկայական, օտարերկրյա քաղաքացու և քաղաքացիություն չունեցող անձի` Հայաստանի Հանրապետությունում բնակվելու իրավունքը հաստատող փաստաթուղթ (կացության քարտ, Ռուսաստանի Դաշնության քաղաքացու անձնագիր), փախստականի կարգավիճակ ունեցող անձի` կոնվենցիոն ճամփորդական փաստաթուղթ և անձը հաստատող համապատասխան փաստաթղթի սերիան և համարը

Բաժին 2. Կոնտակտային տվյալներ

7. 2.1 սյունակում լրացվում է ֆիզիկական անձի տան (քաղաքային) հեռախոսահամարը (առկայության դեպքում)

8. 2.2 սյունակում լրացվում է ֆիզիկական անձի բջջային հեռախոսահամարը (առկայության դեպքում)

9. 2.3 սյունակում լրացվում է ֆիզիկական անձի էլեկտրոնային փոստի հասցեն (առկայության դեպքում)

Բաժին 3. Հասցե և բնակության տվյալներ

Գլուխ 1. Հայաստանի Հանրապետությունում բնակության հասցե

10. 3.1.1 սյունակում լրացվում է ֆիզիկական անձի բնակության մարզի անվանումը

11. 3.1.2 սյունակում լրացվում է ֆիզիկական անձի բնակության համայնքի անվանումը

12. 3.1.3 սյունակում լրացվում է ֆիզիկական անձի բնակավայրի անվանումը

13. 3.1.4 սյունակում լրացվում է ֆիզիկական անձի բնակության վայրի փողոցի անվանումը

14. 3.1.5 սյունակում լրացվում է ֆիզիկական անձի բնակության վայրի շենքի կամ տան համարը

15. 3.1.6 սյունակում լրացվում է ֆիզիկական անձի բնակության վայրի բնակարանի համարը

Գլուխ 2. Արտերկրի բնակության հասցե

16. 3.2.1 սյունակում լրացվում է ֆիզիկական անձի բնակության երկիրը (պետությունը)

17. 3.2.2 սյունակում լրացվում է ֆիզիկական անձի արտերկրի բնակության առաջին հասցեատողը

18. 3.2.3 սյունակում լրացվում է ֆիզիկական անձի արտերկրի բնակության երկրորդ հասցեատողը

19. 3.2.4 սյունակում լրացվում է ֆիզիկական անձի արտերկրի բնակության երրորդ հասցեատողը

20. 3.2.5 սյունակում լրացվում է ֆիզիկական անձի արտերկրի բնակության վայրի փոստային համարը

Բաժին 4. Աշխատանքի մասին տեղեկություններ

Գլուխ 1. Աշխատանքային հարաբերություններ

21. 4.1.1 սյունակում լրացվում է աշխատանքային պայմանագրի կամ աշխատանքի ընդունման մասին անհատական իրավական ակտի հիման վրա աշխատողի աշխատանքի անցնելու ամսաթիվը` օրը, ամիսը, տարին

22. 4.1.2 սյունակում լրացվում է գործատուի կողմից վարձու աշխատողի հետ աշխատանքային հարաբերությունների դադարեցման ամսաթիվը` օրը, ամիսը, տարին: Ֆիզիկական անձ գործատուի մահվան դեպքում վարձու աշխատողի հետ աշխատանքային հարաբերությունների ավարտը գրանցվում է ֆիզիկական անձ գործատուի մահվան օրվան հաջորդող օրվանից` հարկային մարմնի կողմից` Ներքին գործերի նախարարությունից ստացված տվյալների հիման վրա

23. 4.1.3, 4.1.4 և 4.1.5 սյունակներում լրացվում է աշխատողի պաշտոնի (մասնագիտության) կոդը` Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի N 872-Ն հրամանի («Աշխատողների մասնագիտությունների, մասնագիտացումների և պաշտոնների դասակարգիչ») համաձայն, ինչպես նաև տվյալ պաշտոնի (մասնագիտությամբ աշխատանքի անցնելու) նշանակման և տվյալ պաշտոնից ազատվելու (մասնագիտության փոփոխության) ամսաթիվը (օրը, ամիսը, տարին): Եթե ֆիզիկական անձին վերաբերող տեղեկատվությունը օրենսդրությամբ սահմանված չէ որպես սահմանափակ օգտագործման ենթակա տեղեկատվություն, ապա հաստիքային զինծառայողի դեպքում լրացվում է համակարգում զինծառայողի և դրան հավասարեցված անձի պաշտոնին տրված կոդը և ծառայության անցնելու ամսաթիվը` օրը, ամիսը, տարին

24. 4.1.6 սյունակում լրացվում է Հայաստանի Հանրապետության աշխատանքային օրենսգրքի 139-րդ հոդվածի 1-ին և 2-րդ մասերով, 141-րդ հոդվածով սահմանված և աշխատանքային պայմանագրով նախատեսված` վարձու աշխատողի աշխատաժամանակի ռեժիմը (նորմալ տևողություն կամ ոչ լրիվ աշխատաժամանակ): Ոչ լրիվ աշխատաժամանակի ռեժիմին չեն վերաբերվում այն աշխատողները, որոնց համար, համաձայն գործող օրենսդրության (Հայաստանի Հանրապետության աշխատանքային օրենսգրքի 140-րդ հոդված), սահմանված է աշխատաժամանակի կրճատ տևողություն

25. 4.1.7 սյունակում լրացվում է աշխատաժամանակի շաբաթական տևողությունը, եթե վարձու աշխատողն աշխատում է ոչ լրիվ աշխատաժամանակի ռեժիմով

26. 4.1.8 սյունակը լրացվում է, եթե աշխատանքը կատարվում է Հայաստանի Հանրապետության աշխատանքային օրենսգրքի 99-րդ հոդվածով սահմանված և աշխատանքային պայմանագրով նախատեսված` համատեղությամբ:

(ենթաբաժինը խմբ. 18.12.17 N 422-Ն)

Գլուխ 2. Մասնագիտություն(ներ)

27. 4.2.1 սյունակում լրացվում է աշխատողի մասնագիտության կոդը (ծածկագիրը) ըստ մասնագիտական կրթության՝ Հայաստանի Հանրապետության կառավարության 2006 թվականի հունվարի 12-ի N 73-Ն և Հայաստանի Հանրապետության կառավարության 2014 թվականի հոկտեմբերի 23-ի N 1191-Ն որոշումներով հաստատված ցանկերի («Նախնական մասնագիտական (արհեստագործական) և միջին մասնագիտական կրթության մասնագիտությունների» և «Բարձրագույն մասնագիտական կրթության մասնագիտությունների» («Բարձրագույն մասնագիտական կրթության մասնագիտությունների և որակավորումների») համաձայն: Եթե ֆիզիկական անձին վերաբերող տեղեկատվությունը օրենսդրությամբ սահմանված չէ որպես սահմանափակ օգտագործման ենթակա տեղեկատվություն, ապա հաստիքային զինծառայողի դեպքում լրացվում է համակարգում զինծառայողի և դրան հավասարեցված անձի մասնագիտությանը տրված կոդը (ծածկագիրը):

Գլուխ 3. Չվճարվող արձակուրդի և մինչև երեք տարեկան երեխայի խնամքի համար արձակուրդի մասին տեղեկություններ

28. 4.3.1 և 4.3.2 սյունակներում լրացվում են գործատուի կողմից վարձու աշխատողին չվճարվող արձակուրդ տրամադրելու սկզբի և ավարտի ամսաթվերը՝ օր, ամիս, տարի

29. 4.3.3 և 4.3.4 սյունակներում լրացվում են գործատուի կողմից վարձու աշխատողին մինչև 3 տարեկան երեխայի խնամքի համար արձակուրդ տրամադրելու սկզբի և ավարտի ամսաթվերը՝ օր, ամիս, տարի

30. 4.5.5 սյունակում լրացվում է երեխայի ծննդյան ամսաթիվը` օր, ամիս, տարի

Գլուխ 4. Քաղաքացիաիրավական հարաբերություններ

31. 4.4.1 սյունակում լրացվում է գործատուի կողմից պայմանագրային եկամուտ ստացող ֆիզիկական անձի հետ քաղաքացիաիրավական պայմանագրի կնքման ամսաթիվը՝ օրը, ամիսը, տարին

32. 4.4.2 սյունակում լրացվում է գործատուի կողմից պայմանագրային եկամուտ ստացող ֆիզիկական անձի հետ քաղաքացիաիրավական պայմանագրի դադարեցման ամսաթիվը՝ օրը, ամիսը, տարին

Գլուխ 5. Սոցիալական վճարի կատարումը դադարեցնելու մասին տեղեկություն

33. 4.5.1 սյունակում լրացվում է կենսաթոշակային տարիքը լրացած մասնակցի կողմից սոցիալական վճարի կատարումը դադարեցնելու մասին գործատուին դիմելու ամսաթիվը՝ օրը, ամիսը, տարին

Գլուխ 6. Աշխատանքային պրակտիկայի և (կամ) մասնագիտական ուսուցման հարաբերություններ

34. 4.6.1 սյունակում լրացվում է աշխատանքային պրակտիկայի և (կամ) մասնագիտական ուսուցման հարաբերությունը

35. 4.6.2 սյունակում լրացվում է փորձնակի կամ մասնագիտական ուսուցում անցնող աշակերտի այն մասնագիտության, որակավորման կամ պաշտոնի անվանումը, որով փորձնակը կամ մասնագիտական ուսուցում անցնող աշակերտն անցնելու են աշխատանքային պրակտիկան կամ մասնագիտական ուսուցումը

36. 4.6.3 սյունակում լրացվում է փորձնակի կամ մասնագիտական ուսուցում անցնող աշակերտի աշխատանքային պրակտիկայի կամ մասնագիտական ուսուցման հարաբերությունները սկսելու ամսաթիվը՝ օրը, ամիսը, տարին

37. 4.6.4 սյունակում լրացվում է փորձնակի կամ մասնագիտական ուսուցում անցնող աշակերտի աշխատանքային պրակտիկայի կամ մասնագիտական ուսուցման հարաբերությունները ավարտելու ամսաթիվը՝ օրը, ամիսը, տարին

38. 4.6.5 և 4.6.6 սյունակներում լրացվում են պրակտիկայի կամ մասնագիտական ուսուցման օրվա սկզբի և ավարտի ժամերը։

Բաժին 5. Աշխատանքի մասին նախկինում սխալ հանձնված տեղեկություններ կամ գրանցման հայտ

Գլուխ 1. Աշխատանքային հարաբերություններ

39. 5.1.1 սյունակում լրացվում է գործատուի կողմից վարձու աշխատողի հետ աշխատանքային պայմանագրի կնքման կամ աշխատանքի ընդունման մասին անհատական իրավական ակտի ընդունման` նախորդ գրանցման հայտով սխալ հանձնված ամսաթիվը` օրը, ամիսը, տարին

40. 5.1.2 սյունակում լրացվում է գործատուի կողմից վարձու աշխատողի հետ աշխատանքային հարաբերությունների դադարեցման` նախորդ գրանցման հայտով սխալ հանձնված ամսաթիվը` օրը, ամիսը, տարին

41. 5.1.3, 5.1.4 և 5.1.5 սյունակներում լրացվում են նախորդ գրանցման հայտով սխալ հանձնված աշխատողի պաշտոնի (մասնագիտության) տվյալները

42. 5.1.6 սյունակում լրացվում է նախորդ գրանցման հայտով սխալ հանձնված վարձու աշխատողի աշխատաժամանակի ռեժիմը (նորմալ տևողություն կամ ոչ լրիվ աշխատաժամանակ)

43. 5.1.7 սյունակում լրացվում է նախորդ գրանցման հայտով սխալ հանձնված աշխատաժամանակի շաբաթական տևողությունը, եթե վարձու աշխատողն աշխատում է ոչ լրիվ աշխատաժամանակի ռեժիմով

44. 5.1.8 սյունակում լրացվում է նախորդ գրանցման հայտով սխալ հանձնված՝ համատեղությամբ կատարվող աշխատանքի դաշտում նշված տվյալը:

Գլուխ 2. Մասնագիտություն(ներ)

45. 5.2.1 սյունակում լրացվում են նախորդ գրանցման հայտով սխալ հանձնված աշխատողի մասնագիտության տվյալները:

Գլուխ 3. Չվճարվող արձակուրդի և մինչև երեք տարեկան երեխայի խնամքի համար արձակուրդի մասին տեղեկություններ

46. 5.3.1 և 5.3.2 սյունակներում լրացվում են գործատուի կողմից վարձու աշխատողին չվճարվող արձակուրդ տրամադրելու` նախորդ գրանցման հայտով սխալ հանձնված սկզբի և ավարտի ամսաթվերը՝ օր, ամիս, տարի

47. 5.3.3 և 5.3.4 սյունակներում լրացվում են գործատուի կողմից վարձու աշխատողին մինչև 3 տարեկան երեխայի խնամքի համար արձակուրդ տրամադրելու` նախորդ գրանցման հայտով սխալ հանձնված սկզբի և ավարտի ամսաթվերը՝ օր, ամիս, տարի

48. 5.3.5 սյունակում լրացվում է երեխայի ծննդյան` նախորդ գրանցման հայտով սխալ հանձնված ամսաթիվը` օր, ամիս, տարի

Գլուխ 4. Քաղաքացիաիրավական հարաբերություններ

49. 5.4.1 սյունակում լրացվում է գործատուի կողմից պայմանագրային եկամուտ ստացող ֆիզիկական անձի հետ քաղաքացիաիրավական պայմանագրի կնքման` նախորդ գրանցման հայտով սխալ հանձնված ամսաթիվը՝ օրը, ամիսը, տարին

50. 5.4.2 սյունակում լրացվում է գործատուի կողմից պայմանագրային եկամուտ ստացող ֆիզիկական անձի հետ քաղաքացիաիրավական պայմանագրի դադարեցման` նախորդ գրանցման հայտով սխալ հանձնված ամսաթիվը՝ օրը, ամիսը, տարին

Գլուխ 5. Սոցիալական վճարի կատարումը դադարեցնելու մասին տեղեկություն

51. 5.5.1 սյունակում լրացվում է կենսաթոշակային տարիքը լրացած մասնակցի կողմից սոցիալական վճարի կատարումը դադարեցնելու մասին գործատուին դիմելու` նախորդ գրանցման հայտով սխալ հանձնված ամսաթիվը՝ օրը, ամիսը, տարին

Գլուխ 6. Աշխատանքային պրակտիկայի և (կամ) մասնագիտական ուսուցման հարաբերություններ

52. 4.6.1 սյունակում լրացվում է աշխատանքային պրակտիկայի և (կամ) մասնագիտական ուսուցման հարաբերությունը

53. 5.6.2 սյունակում լրացվում է փորձնակի կամ մասնագիտական ուսուցում անցնող աշակերտի` նախորդ գրանցման հայտով սխալ հանձնված այն մասնագիտության, որակավորման կամ պաշտոնի անվանումը, որով փորձնակը կամ մասնագիտական ուսուցում անցնող աշակերտն անցնելու են աշխատանքային պրակտիկան կամ մասնագիտական ուսուցումը

54. 5.6.3 սյունակում լրացվում է փորձնակի կամ մասնագիտական ուսուցում անցնող աշակերտի` նախորդ գրանցման հայտով սխալ հանձնված աշխատանքային պրակտիկայի կամ մասնագիտական ուսուցման հարաբերությունները սկսելու ամսաթիվը՝ օրը, ամիսը, տարին

55. 5.6.4 սյունակում լրացվում է փորձնակի կամ մասնագիտական ուսուցում անցնող աշակերտի` նախորդ գրանցման հայտով սխալ հանձնված աշխատանքային պրակտիկայի կամ մասնագիտական ուսուցման հարաբերությունները ավարտելու ամսաթիվը` օրը, ամիսը, տարին

56. 5.6.5 և 5.6.6 սյունակներում լրացվում են պրակտիկայի կամ մասնագիտական ուսուցման` նախորդ գրանցման հայտով սխալ հանձնված օրվա սկզբի և ավարտի ժամերը։

Գլուխ 7. Նախկինում սխալ հանձնված գրանցման հայտ

57. նախկինում սխալ հանձնված գրանցման հայտի վերաբերյալ նշում կատարելու դեպքում 5.7.1 դաշտում ինքնաշխատ կատարվում է գրառում՝ նախկինում սխալ հանձնված գրանցման հայտի վերաբերյալ։

Պաշտոնական հրապարակման օրը՝ 8 սեպտեմբերի 2023 թվական: