Ղեկավարվելով «Լիցենզավորման մասին» օրենքի 37-րդ հոդվածի 1-ին մասի 7-րդ կետով, «Վիճակախաղերի մասին» օրենքի 16-րդ հոդվածի 1-ին մասի «դ» կետով, 17-րդ հոդվածով, հիմք ընդունելով «Գուդվին-Բետ» սահմանափակ պատասխանատվությամբ ընկերության (ՎԽ-021 լիցենզիա) կողմից 2022 թվականի նոյեմբերի 14-ին ներկայացված դիմումը (այսուհետ՝ Դիմում)՝ Հայաստանի Հանրապետության ֆինանսների նախարարության կողմից 2011 թվականի նոյեմբերի 14-ին «Գուդվին-Բետ» սահմանափակ պատասխանատվությամբ ընկերությանը տրված վիճակախաղերի կազմակերպման լիցենզիայի գործողությունը դադարեցնելու մասին, 2022 թվականի նոյեմբերի 28-ին կայացած վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովի նիստի եզրակացությունը՝

1. Հայաստանի Հանրապետության ֆինանսների նախարարության կողմից 2011 թվականի նոյեմբերի 14-ին «Գուդվին-Բետ» սահմանափակ պատասխանատվությամբ ընկերությանը տրված վիճակախաղերի կազմակերպման թիվ ՎԽ-021 լիցենզիան ուժը կորցրած ճանաչել համաձայն Դիմումի:

2. «Գուդվին-Բետ» սահմանափակ պատասխանատվությամբ ընկերությանը՝

- մինչև 2022 թվականի դեկտեմբերի 2-ը Հայաստանի Հանրապետության ֆինանսների նախարարություն ներկայացնել տեղեկատվություն՝ 2022 թվականի նոյեմբերի 14-ի դրությամբ «Ֆոն-Բետ» վիճակախաղի (տոտալիզատորի) շահումների տրամադրման, մասնակիցների խաղային հաշիվներին առկա մնացորդների, իրացված՝ իրադարձություններին չմասնակցած տոմսերի մասին:

- մինչև 2022 թվականի դեկտեմբերի 20-ը Հայաստանի Հանրապետության ֆինանսների նախարարություն ներկայացնել տեղեկատվություն՝ 2022 թվականի դեկտեմբերի 14-ի դրությամբ «Ֆոն-Բետ» վիճակախաղի (տոտալիզատորի) շահումների տրամադրման, մասնակիցների խաղային հաշիվներին առկա մնացորդների, իրացված՝ իրադարձություններին չմասնակցած տոմսերի հետգնման մասին:

3. Սույն հրամանը կարող է բողոքարկվել վարչական կարգով` այն ուժի մեջ մտնելու օրվանից երկամսյա ժամկետում կամ Հայաստանի Հանրապետության վարչական դատարան՝ Հայաստանի Հանրապետության օրենսդրությամբ սահմանված ժամկետում:

4. Սույն հրամանն ուժի մեջ է մտնում «Վարչարարության հիմունքների և վարչական վարույթի մասին» օրենքի 59-րդ հոդվածով սահմանված կարգով` իրազեկելուն հաջորդող օրվանից:

Տ. Խաչատրյան