ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
11 հոկտեմբերի 2021 թ. |
N 79-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2018 ԹՎԱԿԱՆԻ ՀՈԿՏԵՄԲԵՐԻ 18-Ի N 22-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ հոդված 1-ին և 3-րդ, 34-րդ հոդված 1-ին մասերը`
Հրամայում եմ
1. Հայաստանի Հանրապետության առողջապահության նախարարի 2018 թվականի հոկտեմբերի 18-ի «Փոխներարկումային բժշկական օգնության իրականացման կարգը հաստատելու մասին» N 22-Ն հրամանի հավելվածում կատարել հետևյալ փոփոխությունները և լրացումը.
1) 10-րդ և 11-րդ կետերը շարադրել հետևյալ նոր խմբագրությամբ.
«10. Արյան բաղադրամասերի փոխներարկման ամբողջ ընթացքում փոխներարկման ենթարկվող պացիենտը գտնվում է բժշկի հսկողության տակ` հնարավոր բարդությունները վաղ ախտորոշելու և արագ բժշկական օգնություն ցուցաբերելու նպատակով: Հսկվում են պացիենտի ընդհանուր վիճակը, անոթազարկը, շնչառության հաճախականության, զարկերակային ճնշման և մարմնի ջերմաստիճանի ցուցանիշները, մաշկի գույնը, որի արդյունքում հայտնաբերված բարդությունները գրանցվում են հիվանդության պատմագրում։ Բարդությունների առաջացման առաջին իսկ նշանների դեպքում փոխներարկումը դադարեցվում է: Փոխներարկումից հետո պացիենտն առնվազն 3 ժամ գտնվում է բժշկի հսկողության տակ:
11. Փոխներարկում իրականացնող բժշկի կողմից յուրաքանչյուր արյան բաղադրամասի փոխներարկման մասին գրառում է կատարվում հիվանդության պատմագրում կամ լրացվում է սույն հավելվածով սահմանված արյան բաղադրամասերի փոխներարկման արձանագրության Ձևը (այսուհետ` փոխներարկման արձանագրություն): Փոխներարկված արյան բաղադրամասի պիտակը և փոխներարկման արձանագրությունը փակցվում են հիվանդության պատմագրի մեջ:»,
2) 13-րդ կետից հետո լրացնել Արյան բաղադրամասերի փոխներարկման արձանագրության Ձև` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
| Ա. ԱՎԱՆԵՍՅԱՆ |
|
Հավելված ՀՀ առողջապահության նախարարի 11 հոկտեմբերի 2021 թ. N 79-Ն հրամանի |
Ձև
ԱՐՅԱՆ ԲԱՂԱԴՐԱՄԱՍԵՐԻ ՓՈԽՆԵՐԱՐԿՄԱՆ
ԱՐՁԱՆԱԳՐՈՒԹՅԱՆ
|
Փոխներարկման |
|||||||||||
|
Հիվանդության |
|||||||||||
|
Պացիենտի արյան խումբը |
|||||||||||
|
Արյան բաղադրամասի |
|||||||||||
|
Դոնորի արյան խումբը և |
|||||||||||
|
Արյան բաղադրամասի |
|||||||||||
|
Պատրաստման |
|||||||||||
|
Պատրաստող բժշկական կազմակերպությանանվանումը |
|||||||||||
|
Պիտանելիության |
|||||||||||
|
Խմբային |
|||||||||||
|
Ռեզուս |
|||||||||||
|
Կենսաբանական փորձի |
|||||||||||
|
Փոխներարկվող արյան |
|||||||||||
|
Ռեակցիաները և |
|||||||||||
|
Բժշկի |
Պաշտոնական հրապարակման օրը՝ 13 հոկտեմբերի 2021 թվական: