ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
|
26 մայիսի 2021 թ. |
N 43-Ն |
Հ Ր Ա Մ Ա Ն
ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՍԵՊՏԵՄԲԵՐԻ 20-Ի ԹԻՎ 53-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները.
ՀՐԱՄԱՅՈՒՄ ԵՄ`
1. Առողջապահության նախարարի 2013 թվականի սեպտեմբերի 20-ի «Բնակչությանը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում հատուկ և դժվարամատչելի ախտորոշիչ հետազոտությունների տրամադրման չափորոշիչը, հատուկ և դժվարամատչելի ախտորոշիչ հետազոտությունների ցանկը հաստատելու մասին» թիվ 53-Ն հրամանում կատարել հետևյալ փոփոխությունը և լրացումը.
1) հրամանի նախաբանը շարադրել հետևյալ խմբագրությամբ`
«Հիմք ընդունելով «Բնակչության բժշկական օգնության և սպասարկման մասին» Հայաստանի Հանրապետության օրենքի 44-րդ հոդվածի 3-րդ մասը»,
2) հրամանի N 2 հավելվածի 2-րդ կետը շարադրել հետևյալ խմբագրմամբ`
|
2. |
Միջուկամագնիսային-ռեզոնանսային տոմոգրաֆիա |
|
|
1) |
Միջուկամագնիսային-ռեզոնանսային տոմոգրաֆիա` սարքի հզորությունը մինչև 3 տեսլա, կամ |
տարեկան 2 անգամ |
|
2) |
Միջուկամագնիսային-ռեզոնանսային տոմոգրաֆիա` սարքի հզորությունը 3 տեսլա և միջուկամագնիսային-ռեզոնանսային տոմոգրաֆիա` սարքի հզորությունը մինչև 3 տեսլա |
յուրաքանչյուրը տարեկան 1 անգամ |
2. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:
|
ՊԱՇՏՈՆԱԿԱՏԱՐ` |
Ա. ԱՎԱՆԵՍՅԱՆ |
Պաշտոնական հրապարակման օրը՝ 1 հունիսի 2021 թվական: