ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

13 մարտի 2019 թ.

N 254-Ն

Հ Ր Ա Մ Ա Ն

ԲՅՈՒՋԵՆԵՐԻ ԿԱՏԱՐՄԱՆ, ԻՆՉՊԵՍ ՆԱԵՎ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՈՒ ԴՐԱՆՑ ԵՆԹԱԿԱ ՀԻՄՆԱՐԿՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՀԵՏ ԿԱՊՎԱԾ ՀԱՇՎԵՏՎՈՒԹՅՈՒՆՆԵՐԻ ԿԱԶՄՄԱՆ, ՆԵՐԿԱՅԱՑՄԱՆ, ԱՄՓՈՓՄԱՆ ԸՆԴՀԱՆՈՒՐ ՊԱՅՄԱՆՆԵՐԸ, ՀԱՇՎԵՏՎՈՒԹՅՈՒՆՆԵՐԻ ԱՌԱՆՁԻՆ ՏԵՍԱԿՆԵՐԻ ԿԱԶՄՄԱՆ ՈՒ ՆԵՐԿԱՅԱՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐԻ 2015 ԹՎԱԿԱՆԻ ԱՊՐԻԼԻ 1-Ի N 176-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐԻ 2007 ԹՎԱԿԱՆԻ ՄԱՐՏԻ 28-Ի N 324-Ն ՀՐԱՄԱՆՆԵՐԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Գանձապետական համակարգի մասին» Հայաստանի Հանրապետության օրենքի 12-րդ, 16-րդ և 18-րդ հոդվածներով և հիմք ընդունելով Հայաստանի Հանրապետության կառավարության 2018 թվականի հունիսի 11-ի N 743-Լ որոշման հավելվածի 18-րդ կետի 20-րդ ենթակետը.

Հրամայում եմ`

1. Հաստատել.

1) Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված հաշվետվությունների կազմման, ներկայացման և ամփոփման ընդհանուր պայմանները՝ համաձայն հավելված N 1-ի.

2) «Հաշվետվությունների առանձին տեսակների կազմման ու ներկայացման առանձնահատկությունների մասին» հրահանգը` համաձայն հավելված N 2-ի:

2. Ուժը կորցրած ճանաչել Հայաստանի Հանրապետության ֆինանսների նախարարի 2015 թվականի ապրիլի 1-ի «Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված հաշվետվությունների կազմման, ներկայացման, ամփոփման ընդհանուր պայմանները, հաշվետվությունների առանձին տեսակների կազմման ու ներկայացման առանձնահատկությունների մասին հրահանգը հաստատելու և Հայաստանի Հանրապետության ֆինանսների և էկոնոմիկայի նախարարի 2008 թվականի փետրվարի 4-ի N 80-Ն հրամանն ուժը կորցրած ճանաչելու մասին» N 176-Ն և Հայաստանի Հանրապետության ֆինանսների և էկոնոմիկայի նախարարի 2007 թվականի մարտի 28-ի «Հայաստանի Հանրապետության պետական բյուջեով սահմանված ծրագրերի իրականացումը բնութագրող արդյունքի ցուցանիշների կատարման մասին Հայաստանի Հանրապետության ֆինանսների նախարարություն ներկայացնելու եռամսյակային հաշվետվությունների օրինակելի ձևերը և դրանց լրացման պահանջները հաստատելու մասին» N 324-Ն հրամանները:

3. Սույն հրամանը ուժի մեջ է մտնում պաշտոնական հրապարակման օրվան հաջորդող տասներորդ օրը և տարածվում բյուջեների կատարման վերաբերյալ հաշվետվությունների ներկայացման գործընթացի վրա` սկսած 2019 թվականից:

4. Սահմանել, որ Հայաստանի Հանրապետության պետական և համայնքների բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների 2018 թվականի ֆինանսական գործունեության հետ կապված տարեկան հաշվետվությունները կազմվում, ներկայացվում և ամփոփվում են Հայաստանի Հանրապետության ֆինանսների նախարարի 2015 թվականի ապրիլի 1-ի N 176-Ն հրամանին համապատասխան:

Ա. Ջանջուղազյան

Հավելված N 1 Հայաստանի Հանրապետության ֆինանսների նախարարի 2019 թվականի մարտի 13-ի N 254-Ն հրամանի

ԲՅՈՒՋԵՆԵՐԻ ԿԱՏԱՐՄԱՆ, ԻՆՉՊԵՍ ՆԱԵՎ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ ՈՒ ԴՐԱՆՑ ԵՆԹԱԿԱ ՀԻՄՆԱՐԿՆԵՐԻ ՖԻՆԱՆՍԱԿԱՆ ԳՈՐԾՈՒՆԵՈՒԹՅԱՆ ՀԵՏ ԿԱՊՎԱԾ ՀԱՇՎԵՏՎՈՒԹՅՈՒՆՆԵՐԻ ԿԱԶՄՄԱՆ, ՆԵՐԿԱՅԱՑՄԱՆ ԵՎ ԱՄՓՈՓՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույնով սահմանվում են Հայաստանի Հանրապետության պետական և համայնքների բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների (այսուհետ` հիմնարկներ) ֆինանսական գործունեության հետ կապված հաշվետվությունների կազմման, ներկայացման և ամփոփման ընդհանուր պայմանները:

2. Սույն ընդհանուր պայմանների իմաստով.

1) հաշվետվություններ են հանդիսանում Հայաստանի Հանրապետության պետական և համայնքների բյուջեների կատարման, ինչպես նաև հիմնարկների ֆինանսական գործունեության վերաբերյալ որոշակի պարբերականությամբ և տեսքով (բովանդակությամբ) ներկայացվող վերլուծական և (կամ) թվային տեղեկատվությունը.

2) հաշվետվությունների ներկայացման եղանակներն են բյուջեների կատարման մասին հաշվետվությունների ներկայացման էլեկտրոնային համակարգը (այսուհետ` էլեկտրոնային համակարգ) և (կամ) թղթային կրիչը,

3) հաշվետու ժամանակահատված է համարվում տվյալ ֆինանսական տարվա այն ժամանակահատվածը, որի ընթացքում իրականացված գործառույթների վերաբերյալ կամ որի ավարտի դրությամբ ներկայացվում է հաշվետվությունը,

4) հաշվետու ժամանակահատվածի ավարտ է համարվում հաշվետու ժամանակահատվածի վերջին օրը,

5) հաշվետվության ներկայացման վերջնական ժամկետ է համարվում հաշվետու ժամանակահատվածին հաջորդող այն օրը, որի ավարտի դրությամբ հաշվետու մարմինների կողմից հաշվետվությունները պետք է ներկայացված լինեն համապատասխան մարմնին,

6) հաշվետու մարմիններ են համարվում պետական և տեղական ինքնակառավարման մարմինները և դրանց ենթակա հիմնարկները և բյուջեների եկամուտների հավաքագրման համար պատասխանատու մարմինները:

II. ՀԱՇՎԵՏՎՈՒԹՅՈՒՆՆԵՐԻ ԿԱԶՄՆ ՈՒ ԲՈՎԱՆԴԱԿՈՒԹՅՈՒՆԸ

3. Հաշվետվությունները ներկայացվում են 3 հիմնական մասերով`

1) տիտղոսային մաս,

2) թվային մաս,

3) վերլուծական մաս:

4. Հաշվետվության տիտղոսային մասում ներկայացվում է հետևյալ տեղեկատվությունը`

1) հաշվետվության անվանումը,

2) հղում տվյալ հաշվետվության օրինակելի ձևին,

3) տեղեկություններ հաշվետու ժամանակահատվածի վերաբերյալ,

4) ծրագրի պատասխանատու մարմնի անվանումը,

5) ծրագրի պատասխանատու մարմնի կոդը,

6) ծրագրի միջոցառումը կատարող մարմնի անվանումը,

7) ծրագրի միջոցառումը կատարող մարմնի կոդը,

8) հիմնարկի անվանումը,

9) բյուջետային ծախսերի գործառական դասակարգման բաժնի, խմբի և դասի ծածկագրերը, ծրագրի դասիչը և անվանումը, ծրագրի միջոցառման դասիչը և անվանումը,

10) հաշվետվության թվային մասում ներկայացված ֆինանսական ցուցանիշների չափման միավորը,

11) հաշվետվության կազմման օրը, ամիսը և տարեթիվը, ֆինանսական և հաշվապահական գործունեությանը վերաբերող փաստաթղթերը ստորագրելու` առաջին և երկրորդ կարգի ստորագրության իրավունք ունեցող անձանց անունը, հայրանունը, ազգանունը, ստորագրությունն ու հաշվետու մարմնի կնիքը,

12) առաջին և երկրորդ կարգի ստորագրության իրավունք ունեցող անձանց էլեկտրոնային հաստատումը,

13) համայնքի անվանումը (համայնքային հաշվետվությունների դեպքում),

14) համայնքի փոստային հասցեն (համայնքային հաշվետվությունների դեպքում),

15) համայնքի տեղաբաշխման մարզի և համայնքի կոդն ըստ բյուջետային ծախսերի տարածքային դասակարգման (համայնքային հաշվետվությունների դեպքում),

16) համայնքի ղեկավարի անունը, հայրանունը, ազգանունը, ստորագրությունն ու հաշվետու համայնքի կնիքը (համայնքային հաշվետվությունների դեպքում):

Կախված ներկայացվող հաշվետվությունների նպատակներից` հաշվետվությունների առանձին տեսակների տիտղոսային մասը կարող է պարունակել վերոհիշյալ տեղեկատվության մի մասը:

Թղթային կրիչով ներկայացվող հաշվետվություններում տիտղոսային մասում լրացվում են 4-րդ կետի 1-ից 11-րդ և 13-ից 16-րդ ենթակետերում, իսկ էլեկտրոնային եղանակով ներկայացվող հաշվետվություններում` 3-ից 7-րդ և 12-րդ ենթակետերում ներառված տեղեկությունները:

5. Հաշվետվության թվային մասն արտացոլում է հաշվետու ժամանակահատվածի ավարտի դրությամբ, տվյալ ժամանակահատվածի կտրվածքով, համապատասխան բյուջեների կատարման, ինչպես նաև հիմնարկների ֆինանսական գործունեության վերաբերյալ թվային ցուցանիշները:

6. Թվային մասում ցուցանիշները ներկայացվում են տվյալ ֆինանսական տարվա սկզբից աճողական կարգով, ընդ որում՝ փաստացի ցուցանիշներին զուգահեռ ներկայացվում են նաև այդ ցուցանիշների գծով հաշվետու տարվա համար սահմանված համապատասխան ծրագրային ցուցանիշները և հաշվետու ժամանակահատվածի ավարտի դրությամբ ծրագրային ցուցանիշներում կատարված բոլոր փոփոխությունները, իսկ արդյունքային (ոչ ֆինանսական) չափորոշիչների գծով ցուցանիշների առկայության դեպքում՝ նաև այդ չափորոշիչների գծով հաշվետու ժամանակահատվածի ճշտված ծրագրային և փաստացի ցուցանիշները, ինչպես նաև դրանց միջև շեղումները:

7. Հաշվետվության թվային մասերը ներկայացվում են սույն հրամանով հաստատվող օրինակելի ձևերին համապատասխան:

8. Հաշվետվության վերլուծական մասն արտահայտում է հաշվետվության թվային մասում ներկայացված ցուցանիշների ամփոփ վերլուծությունը, այդ թվում` հիշյալ ցուցանիշների ծրագրային և փաստացի մեծությունները, դրանց շեղումները և այդ շեղումների պատճառները, ինչպես նաև ֆինանսական, համադրելի ցուցանիշների պարագայում՝ նաև ոչ ֆինանսական ցուցանիշների գծով նախորդ տարվա նույն ժամանակահատվածի համապատասխան ցուցանիշների հետ համեմատական վերլուծությունը:

9. Այն դեպքում, երբ հաշվետվության թվային մասում առկա են ծրագրային և փաստացի ցուցանիշների շեղումներ, որոնք ի հայտ են եկել Հայաստանի Հանրապետության օրենքների (համայնքի ավագանու որոշումների), Հայաստանի Հանրապետության կառավարության, Հայաստանի Հանրապետության վարչապետի որոշումների (համայնքի ղեկավարի որոշումների) ընդունման կամ համապատասխան միջազգային պայմանագրերում և համաձայնագրերում փոփոխությունների և լրացումների կատարման արդյունքում, ապա հաշվետվության վերլուծական մասում նշվում են այդ իրավական ակտերի (փաստաթղթերի) անվանումները և դրանց ընդունման հետևանքով նշված ցուցանիշների շեղումների հիմնավորվածությունը:

10. Կախված ներկայացվող հաշվետվությունների նպատակներից` հաշվետվությունների առանձին տեսակներ կարող են չպարունակել վերլուծական մաս:

III. ՀԱՇՎԵՏՎՈՒԹՅՈՒՆՆԵՐԻ ԱՄՓՈՓՈՒՄՆ ՈՒ ՆԵՐԿԱՅԱՑՈՒՄԸ

11. Ըստ ներկայացման պարբերականության հաշվետվությունները լինում են.

1) օպերատիվ հաշվետվություններ,

2) տարաժամկետ հաշվետվություններ:

12. Օպերատիվ հաշվետվությունները ներկայացվում են ամենօրյա պարբերականությամբ, և դրանցում արտացոլվում է հաշվետու մարմնի կողմից տվյալ օրվա ընթացքում իրականացված որոշակի գործառույթների կամ վերջինիս տրամադրության տակ գտնվող որոշակի ակտիվների և (կամ) պարտավորությունների շարժի մասին տեղեկատվությունը:

13. Օպերատիվ հաշվետվությունների համար հաշվետու ժամանակահատվածի ավարտ է համարվում տվյալ աշխատանքային օրվա ավարտը, իսկ հաշվետվությունների ներկայացման վերջնական ժամկետ է համարվում հաշվետու օրվան հաջորդող օրվա առավոտյան ժամը 10-ը:

14. Տարաժամկետ հաշվետվությունները ներկայացվում են շաբաթական, ամսական, եռամսյակային և (կամ) տարեկան պարբերականությամբ, և դրանցում արտացոլվում է հաշվետու մարմնի կողմից հաշվետու ժամանակահատվածի ընթացքում իրականացված որոշակի գործառույթների կամ վերջինիս տրամադրության տակ գտնվող որոշակի ակտիվների և (կամ) պարտավորությունների շարժի մասին տեղեկատվությունը:

15. Տարաժամկետ հաշվետվությունների ներկայացման ժամկետ է համարվում`

1) շաբաթական պարբերականությամբ ներկայացվող հաշվետվությունների համար` մինչև հաշվետու շաբաթվան հաջորդող շաբաթվա երկրորդ աշխատանքային օրվա ավարտը,

2) ամսական պարբերականությամբ ներկայացվող հաշվետվությունների համար` մինչև հաշվետու ամսվան հաջորդող ամսվա 27-ը, իսկ արտաբյուջետային եկամուտների գոյացման և տնօրինման մասին հաշվետվությունների համար` մինչև հաշվետու ամսվան հաջորդող ամսվա 12-ը,

3) եռամսյակային պարբերականությամբ ներկայացվող հաշվետվությունների համար` մինչև հաշվետու եռամսյակին հաջորդող ամսվա ավարտը,

4) տարեկան պարբերականությամբ ներկայացվող հաշվետվությունների համար` մինչև հաշվետու ֆինանսական տարվան հաջորդող տարվա մարտի 1-ը:

16. Ծրագրերի պատասխանատու պետական մարմինների (այսուհետ՝ ԲԳԿ-ների) կողմից հաշվետվությունների` Հայաստանի Հանրապետության ֆինանսների նախարարություն ներկայացման ժամկետները սահմանվում են Հայաստանի Հանրապետության ֆինանսների նախարարության կողմից: Ելնելով նշած ժամկետներից՝ ԲԳԿ-ները սահմանում են իրենց պատասխանատվությամբ իրականացվող ծրագրերի միջոցառումները կատարող պետական մարմինների կողմից իրենց ներկայացվող հաշվետվությունների ժամկետները:

17. Հաշվետվությունները ներկայացվում են էլեկտրոնային համակարգի միջոցով և (կամ) թղթային կրիչով: Հաշվետվությունների առանձին տեսակներ սահմանված դեպքերում կարող են ներկայացվել էլեկտրոնային հաղորդագրությունների տեսքով: Յուրաքանչյուր տարվա պետական բյուջեի մասին օրենքով սահմանված ԲԳԿ-ները և ծրագրերի միջոցառումները կատարող պետական մարմինները հաշվետվությունները ներկայացնում են էլեկտրոնային համակարգի միջոցով, բացառությամբ «Այլ մարմիններ»-ի: Էլեկտրոնային համակարգի միջոցով հաշվետվության ներկայացման անհնարինության դեպքում հաշվետվությունը ներկայացվում է թղթային կրիչով` համապատասխան հիմնավորմամբ: Պետական և ծառայողական գաղտնիք պարունակող ծախսային հոդվածները, բացված տեսքով, ներկայացվում են թղթային կրիչով, առանձին փակ ծրարով:

18. Հաշվետու պետական մարմինների կողմից թղթային կրիչով հաշվետվությունները ներկայացվում են հետևյալ ընթացակարգով`

1) հաշվետու մարմինները, տվյալ հաշվետվությունների կազմման համար սահմանված օրինակելի ձևերին համապատասխան, կազմում և հաշվետու ժամանակահատվածի ավարտից հետո ծրագրերի միջոցառումները կատարող համապատասխան մարմիններին են ներկայացնում համապատասխան հաշվետվություններ` վերջիններիս կողմից սահմանված ժամկետներում,

2) ծրագրերի միջոցառումները կատարող մարմիններն ամփոփում են իրենց և իրենց ենթակայությամբ գործող հաշվետու մարմինների կողմից ներկայացված հաշվետվությունները և ներկայացնում են համապատասխան ԲԳԿ-ներին՝ վերջիններիս կողմից սահմանված ժամկետներում:

19. Հաշվետու պետական մարմինների կողմից էլեկտրոնային համակարգի միջոցով հաշվետվությունները ներկայացվում են հետևյալ ընթացակարգով`

1) ծրագրերի միջոցառումները կատարող մարմիններն էլեկտրոնային համակարգ են ներմուծում 18-րդ կետի համաձայն ստացված հաշվետվությունների այն տվյալները, որոնք առկա չեն համակարգում, և տվյալ հաշվետվությունների կազմման համար սահմանված օրինակելի ձևերին համապատասխան, կազմում և հաշվետու ժամանակահատվածի ավարտից հետո առաջին և երկրորդ կարգի ստորագրության իրավունք ունեցող անձանց կողմից հաստատման միջոցով հաշվետվությունները ներկայացնում են համապատասխան ԲԳԿ-ին,

2) ԲԳԿ-ների՝ առաջին և երկրորդ կարգի ստորագրության իրավունք ունեցող անձանց կողմից մինչև տվյալ հաշվետվությունների ներկայացման համար սահմանված վերջնական ժամկետի ավարտն էլեկտրոնային համակարգի միջոցով հաստատվում են ծրագրերի համապատասխան միջոցառումները կատարող մարմինների կողմից ներկայացված հաշվետվությունները, որից հետո հաշվետվությունները համարվում են ներկայացված Հայաստանի Հանրապետության ֆինանսների նախարարություն,

3) այն դեպքերում, երբ միևնույն միջոցառման համար սահմանված են մեկից ավելի կատարող մարմիններ և եթե էլեկտրոնային համակարգի միջոցով հնարավոր չէ ապահովել ծրագրի ամփոփումն ըստ միջոցառման` կախված հաշվետվության բովանդակությունից, ԲԳԿ-ի կողմից կազմվում և էլեկտրոնային համակարգի միջոցով ՀՀ ֆինանսների նախարարություն է ներկայացվում նաև այդ միջոցառման գծով ամփոփ հաշվետվություն ԲԳԿ-ի մակարդակով:

20. Հաշվետու տեղական ինքնակառավարման մարմինների կողմից հաշվետվությունները ներկայացվում են հետևյալ ընթացակարգով`

1) հիմնարկները` տվյալ հաշվետվությունների կազմման համար սահմանված օրինակելի ձևերին համապատասխան կազմում և հաշվետու ժամանակահատվածի ավարտից հետո՝ 7-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա փետրվարի 10-ը) իրենց վերադաս տեղական ինքնակառավարման մարմիններին են տրամադրում համապատասխան հաշվետվություններ,

2) վերադաս մարմինները 8-օրյա ժամկետում (տարեկան հաշվետվությունների դեպքում` մինչ հաշվետու ֆինանսական տարվան հաջորդող տարվա մարտի 23-ը) ամփոփում են իրենց և իրենց ենթակայությամբ գործող հաշվետու մարմինների կողմից ներկայացված հաշվետվությունները և այն ներկայացնում են մարզպետարան, որի վարչական տարածքում գտնվում է համայնքը:

21. Հայաստանի Հանրապետության ֆինանսների նախարարության գործառնական վարչությունը եռամսյակային պարբերականությամբ` մինչև հաշվետու եռամսյակին հաջորդող ամսվա 5-րդ աշխատանքային օրը բյուջեների կատարման հաշվետվությունների վարչություն է ներկայացնում ամփոփ տեղեկատվություն (էլեկտրոնային հաղորդագրության եղանակով) համայնքների բյուջեների կատարման վերաբերյալ` սույն հրամանով հաստատված Հ‑9 օրինակելի ձևին և դրա լրացման պահանջներին համապատասխան: Անհամապատասխանությունների առկայության դեպքում ներկայացվում են համապատասխան պարզաբանումներ:

22. Սույն ընդհանուր պայմանների համաձայն՝ Հայաստանի Հանրապետության ֆինանսների նախարարություն ներկայացված հաշվետվություններն ամփոփվում և սահմանված դեպքերում (ելնելով տվյալ հաշվետվությունների կազմման և ներկայացման համար սահմանված առանձնահատկություններից) ներկայացվում են Հայաստանի Հանրապետության կառավարություն:

23. Սույն ընդհանուր պայմանների 22-րդ կետի համաձայն Հայաստանի Հանրապետության ֆինանսների նախարարության կողմից Հայաստանի Հանրապետության կառավարություն հաշվետվությունների ներկայացման վերջնական ժամկետ է համարվում`

1) ամսական հաշվետվությունների դեպքում` հաշվետու ամսվան հաջորդող երկրորդ ամսվա 10-ը,

2) եռամսյակային հաշվետվությունների դեպքում` հաշվետու եռամսյակին հաջորդող երկրորդ ամսվա 10-ը,

3) տարեկան հաշվետվությունների դեպքում` հաշվետու ֆինանսական տարվան հաջորդող տարվա ապրիլ ամսվա նախավերջին չորեքշաբթին:

24. Սույն ընդհանուր պայմանների համաձայն ներկայացվող հաշվետվությունների ամփոփումն իրականացվում է ըստ բյուջետային ծախսերի ծրագրային դասակարգման առանձին ծրագրերի և միջոցառումների, գերատեսչական դասակարգման առանձին մարմինների, գործառական և տնտեսագիտական դասակարգման առանձին տարրերի` պարզ հանրագումարի եղանակով` ապահովելով հաշվետու մարմինների միջև փոխադարձ հաշվարկների չեզոքացումը:

25. Սույն ընդհանուր պայմանների 24-րդ կետի պահանջները չեն տարածվում այն արդյունքային (ոչ ֆինանսական) ցուցանիշների վրա, որոնց ամփոփումն իրականացվում է սույն հավելվածի 19-րդ կետի 3-րդ ենթակետում նշված կարգով, ընդ որում, ամփոփման ենթակա են տարբեր կատարողների համար տվյալ միջոցառման գծով սահմանված միևնույն քանակական չափորոշիչին վերաբերող ցուցանիշները, իսկ ոչ քանակական չափորոշիչների գծով ցուցանիշները (օրինակ՝ որակական, ժամկետային և այլն) ներկայացվում են դրա հնարավորությունից և նպատակահարմարությունից ելնելով:

Հավելված N 2 Հայաստանի Հանրապետության ֆինանսների նախարարի 2019 թվականի մարտի 13-ի N 254-Ն հրամանի

Հ Ր Ա Հ Ա Ն Գ

ՀԱՇՎԵՏՎՈՒԹՅՈՒՆՆԵՐԻ ԱՌԱՆՁԻՆ ՏԵՍԱԿՆԵՐԻ ԿԱԶՄՄԱՆ ՈՒ ՆԵՐԿԱՅԱՑՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՄԱՍԻՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով սահմանվում են Հայաստանի Հանրապետության պետական և համայնքների բյուջեների կատարման, ինչպես նաև Հայաստանի Հանրապետության պետական և տեղական ինքնակառավարման մարմինների և դրանց ենթակա հիմնարկների (այսուհետ` հիմնարկներ) ֆինանսական գործունեության հետ կապված հաշվետվությունների առանձին տեսակների կազմման, ներկայացման և ամփոփման առանձնահատկությունները:

2. Սույն հրահանգում հասկացություններն օգտագործվում են նույն իմաստով, ինչ «Բյուջեների կատարման, ինչպես նաև պետական և տեղական ինքնակառավարման մարմինների ու դրանց ենթակա հիմնարկների ֆինանսական գործունեության հետ կապված հաշվետվությունների կազմման, ներկայացման և ամփոփման ընդհանուր պայմաններում» (այսուհետ` Ընդհանուր պայմաններ):

II. ՀԻՄՆԱՐԿԻ ՖԻՆԱՆՍԱՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԱՍԻՆ ՀԱՇՎԵՏՎՈՒԹՅՈՒՆՆԵՐԻ ԿԱԶՄՄԱՆ, ՆԵՐԿԱՅԱՑՄԱՆ ԵՎ ԱՄՓՈՓՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

3. Հիմնարկի ֆինանսատնտեսական գործունեության մասին հաշվետվությունն իրենից ներկայացնում է հաշվետու ժամանակահատվածում հիմնարկի կողմից իրականացված ֆինանսատնտեսական գործունեության մասին թվային և վերլուծական տեղեկատվություն (հաշվետվություն):

4. Հաշվետու մարմիններ են հանդիսանում Հայաստանի Հանրապետության պետական և տեղական ինքնակառավարման մարմինները ու դրանց ենթակա հիմնարկները:

5. Հաշվետվությունը կազմվում, ամփոփվում և ներկայացվում է ամսական, եռամսյակային և տարեկան պարբերականությամբ:

6. Հաշվետվության կազմման, ամփոփման և ներկայացման համար գործում են Ընդհանուր պայմաններով համապատասխան հաշվետվությունների ներկայացման համար սահմանված պահանջները, ընդ որում՝ հաշվետվությունները ներկայացվում են Ընդհանուր պայմանների 18-ից 24-րդ կետերի պահանջներին համապատասխան:

7. Հիմնարկի ֆինանսատնտեսական գործունեության մասին հաշվետվությունը ներկայացվում է հետևյալ մասերով`

1) վերլուծական մաս համապատասխան մարմնի ֆինանսատնտեսական գործունեության ամփոփ նկարագրի վերաբերյալ, դրանք են՝

ա. գործունեության նպատակները,

բ. խնդիրները, որոնց իրագործումը հնարավորություն կընձեռի հասնել նպատակներին,

գ. ծրագրերը/միջոցառումները, որոնք նպատակաուղղված են խնդիրների իրագործմանը, դրանց նկարագրությունը և ծրագրի յուրաքանչյուր բաղկացուցչի համար սահմանված ոչ ֆինանսական ցուցանիշները,

դ. թվային մասերում ներկայացված ցուցանիշների վերլուծությունը` Ընդհանուր պայմանների 8-ից 10-րդ կետերի պահանջներին համապատասխան,

2) թվային մաս պետական հիմնարկի կողմից հավաքված բյուջետային եկամուտների մասին (եթե այդպիսի գործառույթներ իրականացնելու իրավասությամբ օժտված է տվյալ հիմնարկը)` օրինակելի ձև Հ-1-ին և դրա լրացման պահանջներին համապատասխան: Եթե հաշվետու ժամանակահատվածում արձանագրվել են շեղումներ ծրագրված ցուցանիշներից, տվյալ հաշվետվությանը կից ներկայացվում են շեղումների պատճառները,

3) թվային մաս հիմնարկի կողմից հաշվետու ժամանակահատվածում ստանձնած բյուջետային պարտավորությունների, կատարված բյուջետային ծախսերի և բյուջետային պարտքերի մասին` օրինակելի ձև Հ-2-ին և դրա լրացման պահանջներին համապատասխան,

4) թվային մաս հիմնարկի արտաբյուջետային միջոցների գոյացման և տնօրինման մասին` օրինակելի ձև Հ-3-ին և դրա լրացման պահանջներին համապատասխան,

5) թվային մաս հաշվետու ժամանակահատվածի ընթացքում հիմնարկի դեբիտորական, կրեդիտորական պարտքերի և պահեստավորված միջոցների շարժի վերաբերյալ` օրինակելի ձև Հ-4-ին համապատասխան,

6) թվային մաս հաշվետու ժամանակահատվածի ընթացքում հիմնարկի ոչ ֆինանսական ակտիվների շարժի վերաբերյալ` օրինակելի ձև Հ-5-ին և Հ-6-ին համապատասխան,

7) հաշվետու ժամանակաշրջանի վերջին օրվա դրությամբ հիմնարկի ամփոփ հաշվեկշիռը՝ ըստ ակտիվների և պասիվների` օրինակելի ձև Հ-7-ին համապատասխան,

8) թվային մաս հիմնարկի կողմից իրականացվող ծրագրերի միջոցառումների արդյունքային (կատարողական) ցուցանիշների վերաբերյալ՝ օրինակելի ձև Հ-8-ին համապատասխան:

Էլեկտրոնային համակարգում Հ-2 և Հ-4 օրինակելի ձևերում ներառվող տեղեկատվությունն ընդգրկված է «Պետբյուջե» և «Դրամաշնորհ/Վարկ» դաշտերում, Հ-5, Հ‑6 և Հ-7 օրինակելի ձևերում ներառվող տեղեկատվությունը` «Պետբյուջե» դաշտում, Հ-3 օրինակելի ձևում ներառվող տեղեկատվությունը` «Արտաբյուջե» դաշտում, իսկ Հ-8 օրինակելի ձևում ներառվող տեղեկատվությունը` «Արդյունքային ցուցանիշ» դաշտում:

8. Հիմնարկի ֆինանսատնտեսական գործունեության մասին ամսական հաշվետվությունն իրենից ներկայացնում է հաշվետու ժամանակահատվածում հիմնարկի կողմից ստացված (հավաքված) եկամուտների, ստանձնած պարտավորությունների, կատարած ծախսերի և պարտքերի մասին թվային տեղեկատվություն, որում ներկայացվում է միայն սույն հրահանգի 7-րդ կետի 3-րդ և 4-րդ ենթակետերում նշված տեղեկատվությունը: Եթե հաշվետու ժամանակահատվածում բյուջետային պարտքեր չեն առաջացել, ապա հիմնարկը կարող է այդ մասին գրավոր տեղեկացնել` առանց Հ-2 օրինակելի ձևը ներկայացնելու:

9. Հիմնարկի ֆինանսատնտեսական գործունեության մասին եռամսյակային հաշվետվության մեջ ներկայացվում է միայն սույն հրահանգի 7-րդ կետի 3-րդ, 4-րդ, 5-րդ, 7-րդ և 8-րդ ենթակետերում նշված տեղեկատվությունը:

10. Հիմնարկի ֆինանսատնտեսական գործունեության մասին տարեկան հաշվետվության մեջ ներկայացվում է սույն հրահանգի 7-րդ կետում նշված ողջ տեղեկատվությունը:

III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ԿԱՏԱՐՄԱՆ ՄԱՍԻՆ ՀԱՇՎԵՏՎՈՒԹՅԱՆ ԿԱԶՄՄԱՆ, ՆԵՐԿԱՅԱՑՄԱՆ ԵՎ ԱՄՓՈՓՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

11. Հայաստանի Հանրապետության պետական բյուջեի կատարման մասին հաշվետվությունն իրենից ներկայացնում է հաշվետու ժամանակահատվածում Հայաստանի Հանրապետության պետական բյուջեի մասին օրենքի կատարման մասին թվային և վերլուծական տեղեկատվություն (հաշվետվություն):

12. Հաշվետու մարմին է հանդիսանում Հայաստանի Հանրապետության ֆինանսների նախարարությունը:

13. Հաշվետվությունը կազմվում, ամփոփվում և Հայաստանի Հանրապետության կառավարություն է ներկայացվում եռամսյակային և տարեկան պարբերականությամբ:

14. Հաշվետվության կազմման, ամփոփման և ներկայացման համար գործում են Ընդհանուր պայմանների` համանման (եռամսյակային և տարեկան) հաշվետվությունների ներկայացման համար սահմանված պահանջները, ընդ որում՝ հաշվետվությունները ներկայացվում են Ընդհանուր պայմանների 22-րդ և 23-րդ կետերի պահանջներին համապատասխան:

15. Հայաստանի Հանրապետության պետական բյուջեի կատարման մասին հաշվետվության վերլուծական մասը ներառում է հաշվետու ժամանակաշրջանի համար Հայաստանի Հանրապետության մակրոտնտեսական իրավիճակի, պետական բյուջեի եկամուտների, ծախսերի և դեֆիցիտի վերլուծությունները, տարեկան հաշվետվություններում՝ նաև սոցիալ-տնտեսական քաղաքականության և, մասնավորապես, հարկաբյուջետային քաղաքականության հիմնական ուղղությունների մասին տեղեկատվությունը, ընդ որում`

1) հաշվետու ժամանակաշրջանում իրագործված սոցիալ-տնտեսական քաղաքականության և հարկաբյուջետային քաղաքականության հիմնական ուղղությունների վերլուծության ենթաբաժնում ներկայացվում են հաշվետու ժամանակաշրջանի ընթացքում կառավարության գործունեության ծրագրին համապատասխան տարբեր ոլորտներում իրականացված աշխատանքները, այդ թվում՝ հարկային, մաքսային և բյուջետային օրենսդրության մեջ իրականացված փոփոխությունները,

2) հաշվետու ժամանակաշրջանի համար Հայաստանի Հանրապետության պետական բյուջեի եկամուտների վերլուծության ենթաբաժնում ներկայացվում է բյուջեի յուրաքանչյուր եկամտատեսակի գծով համապատասխան ցուցանիշների վերլուծությունը,

3) հաշվետու ժամանակաշրջանի համար պետական բյուջեի ծախսերի վերլուծությունը ներառում է պետական բյուջեի ծախսային մասի կատարման վերլուծությունն ըստ սահմանված ծրագրերի և դրանց միջոցառումների,

4) հաշվետու ժամանակաշրջանի համար պետական բյուջեի պակասուրդի (հավելուրդի) վերլուծությունը ներառում է հաշվետու ժամանակաշրջանում պետական բյուջեի պակասուրդի (հավելուրդի), ինչպես նաև դրա ֆինանսավորման նպատակով ներքին և արտաքին աղբյուրներից ֆինանսական միջոցների ներգրավման և այդ միջոցների օգտագործման ցուցանիշների վերլուծությունը (ներառյալ ներքին և արտաքին պետական պարտքը և դրա սպասարկումը): Հայաստանի Հանրապետության ներքին և արտաքին պետական պարտքի ու դրա սպասարկման վերլուծությունը ներառում է տեղեկատվություն ներքին և արտաքին պետական պարտքի մեծության փոփոխության, դրանց սպասարկման նպատակով ֆինանսական միջոցների ներգրավման և օգտագործման վերաբերյալ:

16. Սույն հրահանգի 15-րդ կետում նշված վերլուծական տեղեկատվությունը կազմվում և ներկայացվում է Ընդհանուր պայմանների 8-ից 10-րդ կետերին համապատասխան:

17. Հաշվետվության թվային մասը ներկայացվում է Ընդհանուր պայմանների 5-ից 7-րդ կետերին և տվյալ տարվա պետական բյուջեի մասին օրենքի` պետական բյուջեի բաղկացուցիչ մաս հանդիսացող հավելվածներին համապատասխան:

18. Հայաստանի Հանրապետության պետական բյուջեի կատարման մասին հաշվետվության մեջ առանձին հավելվածների ձևով ներկայացվում են նաև ՀՀ պետական բյուջեի մասին օրենքով նախատեսված ծրագրերի և ծրագրերի միջոցառումների գծով ՀՀ կառավարության սահմանած արդյունքային ցուցանիշների կատարման մասին թվային հաշվետվությունները՝ ՀՀ կառավարության համապատասխան որոշմամբ սահմանված հավելվածներին համապատասխան:

19. Հայաստանի Հանրապետության կառավարության պահուստային ֆոնդից կատարված վերաբաշխումների ուղղությունների և չափերի վերաբերյալ տեղեկատվությունը` ըստ բյուջետային ծախսերի ծրագրային դասակարգման և հատկացումների վերաբերյալ ՀՀ կառավարության առանձին որոշումների, թվային մասում ներկայացվում է առանձին տեղեկանքով:

20. Հաշվետվության կազմման համար հիմք են ծառայում սույն հրահանգի համաձայն ԲԳԿ-ների կողմից Հայաստանի Հանրապետության ֆինանսների նախարարություն ներկայացված` հիմնարկների ֆինանսատնտեսական գործունեության մասին եռամսյակային և տարեկան հաշվետվություններում, Հայաստանի Հանրապետության պետական բյուջեից տրամադրված հատկացումների օգտագործման վերաբերյալ հաշվետվություններում ներառված, ինչպես նաև պաշտոնական այլ աղբյուրներից ստացված վերլուծական և թվային տեղեկատվությունը:

IV. ՀԱՄԱՅՆՔԻ ԲՅՈՒՋԵԻ ԿԱՏԱՐՄԱՆ ՄԱՍԻՆ ՀԱՇՎԵՏՎՈՒԹՅԱՆ ԿԱԶՄՄԱՆ, ՆԵՐԿԱՅԱՑՄԱՆ ԵՎ ԱՄՓՈՓՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ

21. Համայնքի բյուջեի կատարման մասին հաշվետվությունն իրենից ներկայացնում է հաշվետու ժամանակահատվածում համայնքի բյուջեի կատարման մասին թվային և վերլուծական տեղեկատվություն (հաշվետվություն):

22. Հաշվետու մարմիններ են հանդիսանում տեղական ինքնակառավարման մարմիններն ու դրանց ենթակայությամբ գործող հիմնարկները:

23. Հաշվետու մարմնի կողմից հաշվետվությունը կազմվում, ամփոփվում և համապատասխան մարմնին է ներկայացվում եռամսյակային և տարեկան պարբերականությամբ:

24. Հաշվետվության կազմման, ամփոփման և ներկայացման համար գործում են Ընդհանուր պայմանների` համանման (եռամսյակային և տարեկան) հաշվետվությունների ներկայացման համար սահմանված պահանջները, ընդ որում՝ հաշվետվությունները ներկայացվում են Ընդհանուր պայմանների 19-րդ կետի պահանջներին համապատասխան:

25. Համայնքի բյուջեի կատարման մասին հաշվետվության վերլուծական մասը ներառում է`

1) հաշվետու ժամանակաշրջանի համար համայնքի բյուջեի եկամուտների վերլուծությունը, որտեղ ներկայացվում է բյուջեով նախատեսված յուրաքանչյուր եկամտատեսակի գծով համապատասխան ցուցանիշների վերլուծությունը,

2) հաշվետու ժամանակաշրջանի համար համայնքի բյուջեի ծախսերի վերլուծությունը, որտեղ ներկայացվում է համայնքի բյուջեի ծախսերի գծով համապատասխան ցուցանիշների վերլուծությունը՝ ըստ դրանց տնտեսագիտական և գործառական դասակարգման համապատասխան տարրերի,

3) տեղեկություններ հաշվետու ժամանակահատվածում համայնքի բյուջեի պահուստային ֆոնդից կատարված ծախսերի ուղղությունների և չափերի մասին՝ համապատասխան հիմնավորումներով,

4) տեղեկություններ՝ հաշվետու ժամանակահատվածում բյուջեի պարտքերի և դրանց սպասարկման վերաբերյալ,

5) այլ տեղեկություններ, որոնք համայնքի ղեկավարն անհրաժեշտ է համարում համայնքի բյուջեի կատարման արդյունքները ներկայացնելու և հիմնավորելու համար:

26. Սույն հրահանգի 26-րդ կետում նշված վերլուծական տեղեկատվությունը կազմվում և ներկայացվում է Ընդհանուր պայմանների 8-ից 10-րդ կետերին համապատասխան:

27. Հաշվետվության թվային մասը ներկայացվում է Ընդհանուր պայմանների 5-ից 7-րդ կետերին համապատասխան` օրինակելի ձև Հ-9-ով, ընդ որում՝ թվային մասը ներկայացվում է տվյալ տարվա համայնքի բյուջեի հավելվածներին համապատասխան:

28. Համայնքի պահուստային ֆոնդից կատարված ծախսերի ուղղությունների և չափերի վերաբերյալ հաշվետվությունը թվային մասում ներկայացվում է առանձին տեղեկանքով:

Օրինակելի ձև Հ-1

Հ Ա Շ Վ Ե Տ Վ ՈՒ Թ Յ ՈՒ Ն

ՊԵՏԱԿԱՆ ՀԻՄՆԱՐԿԻ ԿՈՂՄԻՑ ԵԿԱՄՈՒՏՆԵՐԻ ՀԱՎԱՔՄԱՆ ՄԱՍԻՆ

01.01.20____ թ. - ____ .20____ թ. ժամանակահատվածի համար

ԼՐԱՑՄԱՆ ՊԱՀԱՆՋՆԵՐ

 Օրինակելի ձև Հ-1-ի

Օրինակելի ձև Հ-1-ը լրացվում է հետևյալ կերպ.

1. Տիտղոսային մասի՝ «1. Եկամուտների հավաքագրման համար պատասխանատու մարմնի անվանումը`» և «2. Եկամուտների հավաքագրման համար պատասխանատու մարմնի դասիչը`» դաշտերին կից դատարկ դաշտերում լրացվում են բյուջետային եկամուտների հավաքագրման համար պատասխանատու վերադաս պետական մարմնի անվանումը և գերատեսչական դասակարգման դասիչը:

2. Աղյուսակի «Ա» սյունակում լրացվում են բյուջետային եկամուտների դասակարգման համապատասխան տարրերի անվանումները` հաշվետու տարվա Հայաստանի Հանրապետության պետական բյուջեի կատարումն ապահովող միջոցառումների մասին Հայաստանի Հանրապետության կառավարության որոշման համապատասխան հավելվածով հաստատված եկամուտների անվանումներին համապատասխան: Հաշվետվության մեջ կարող են չներառվել այն տարրերը, որոնց գծով տվյալ հիմնարկի գծով եկամուտներ չեն նախատեսվել և չեն ստացվել: Դրա հետ մեկտեղ, աղյուսակում հանրագումարային տողերի լրացումը՝ այդ աղյուսակում դրանց վերաբերող լրացված տարրերի առկայության դեպքում պարտադիր է:

3. Աղյուսակի «Ե» սյունակում լրացվում են հաշվետու ժամանակահատվածի ավարտի դրությամբ (տարեսկզբից աճողական կարգով) պետական բյուջե մուտքագրված փաստացի եկամուտները:

Օրինակելի ձև Հ-2

Հ Ա Շ Վ Ե Տ Վ ՈՒ Թ Յ ՈՒ Ն

 ՀԻՄՆԱՐԿԻ ԿԱՏԱՐԱԾ ԲՅՈՒՋԵՏԱՅԻՆ ԾԱԽՍԵՐԻ ԵՎ ԲՅՈՒՋԵՏԱՅԻՆ ՊԱՐՏՔԵՐԻ ՄԱՍԻՆ

01.01.20____թ. --___. ___.20____թ. ժամանակահատվածի համար

ԼՐԱՑՄԱՆ ՊԱՀԱՆՋՆԵՐ

 Օրինակելի ձև Հ-2-ի

Օրինակելի ձև Հ-2-ը լրացվում է հետևյալ կերպ.

1. Տիտղոսային մասի «5. Ծախսերի ֆինանսավորման աղբյուրի կոդը՝» դաշտին կից դատարկ դաշտում լրացվում է «1» թվանշանը` ՀՀ պետական բյուջեից ֆինանսավորվող ծախսերի դեպքում և «2» թվանշանը` համայնքի բյուջեից ֆինանսավորվող ծախսերի դեպքում:

2. Աղյուսակի «Գ» սյունակում լրացվող տողի համարը պետք է կազմված լինի նույն աղյուսակի «Բ» սյունակում նշվող բյուջետային ծախսերի տնտեսագիտական դասակարգման տարրին համապատասխանող՝ Հայաստանի Հանրապետության ֆինանսների և էկոնոմիկայի նախարարի 2007 թվականի հունվար 9-ի N 5-Ն հրամանով հաստատված N 5, N 6, N 7 և N 9 հավելվածների ծախսերի անվանումներով և դրանց թվային ցուցանիշներով (մինչև սինթետիկ հաշիվ): Օրինակ` «Աշխատողների աշխատավարձեր և հավելավճարներ» տարրի առջև պետք է գրվի 411100 թիվը՝ որտեղ առաջին 4-ը՝ դասի, երկրորդ 1-ը՝ կատեգորիայի, 1-ը՝ խմբի, 0-ն` սինթետիկ մասի համարներն են: Համանման՝ «Շենքերի և շինությունների կապիտալ վերանորոգում» տարրի դիմաց պետք է գրվի 511300 թիվը և այլն:

3. Աղյուսակի «Բ» սյունակում լրացվում են բյուջետային ծախսերի դասակարգման համապատասխան տարրերի անվանումը Հայաստանի Հանրապետության ֆինանսների և էկոնոմիկայի նախարարի 2007 թվականի հունվար 9-ի N 5-Ն հրամանով հաստատված N 5, N 6, N 7 և N 9 հավելվածների համաձայն: Հաշվետվության մեջ կարող են չներառվել վերոհիշյալ դասակարգման այն տարրերը, որոնց գծով տվյալ ծրագրի շրջանակներում ծախսեր չեն կատարվել: Դրա հետ մեկտեղ, աղյուսակում հանրագումարային տողերի (օրինակ՝ «Այլ մասնագիտական ծառայությունների ձեռքբերում», «Պայմանագրային ծառայությունների ձեռքբերում», «Սուբսիդիաներ», «Հիմնական միջոցներ» և այլն) լրացումը՝ այդ աղյուսակում դրանց վերաբերող լրացված տարրերի առկայության դեպքում պարտադիր է:

4. Աղյուսակի «Դ» սյունակում լրացվում են տվյալ տարվա Հայաստանի Հանրապետության պետական բյուջեի մասին օրենքով (համայնքների դեպքում` համայնքի բյուջեով) նախատեսված տարեկան հատկացումներն ըստ ծրագրային դասակարգման, իսկ այդ ցուցանիշների բացվածքն ըստ գործառական և տնտեսագիտական դասակարգումների՝ տվյալ տարվա Հայաստանի Հանրապետության պետական բյուջեի մասին օրենքի կատարումն ապահովող միջոցառումների վերաբերյալ Հայաստանի Հանրապետության կառավարության որոշմամբ հաստատված համապատասխան ցուցանիշները՝ բացառելով նույն որոշման առանձին հավելվածով հաստատված վերաբաշխումները:

5. Էլեկտրոնային եղանակով ներկայացվող հաշվետվություններն ընդգրկում են նաև տեղեկություններ հաշվետու ժամանակահատվածի նախահաշվի վերաբերյալ, որը հաստատվում է տվյալ տարվա Հայաստանի Հանրապետության պետական բյուջեի մասին օրենքի կատարումն ապահովող միջոցառումների վերաբերյալ Հայաստանի Հանրապետության կառավարության որոշմամբ (համայնքների դեպքում` համայնքի ղեկավարի որոշմամբ), ինչպես նաև դրանում կատարված փոփոխությունների և ճշտված նախահաշվի վերաբերյալ:

6. Աղյուսակի «Թ» սյունակում լրացվում են ծրագրի պատասխանատու մարմնի գանձապետական հաշվից միջոցառումը կատարող մարմնի գանձապետական հաշվին հաշվետու ժամանակահատվածում փոխանցված գումարները։

7. Աղյուսակի «Ժ» սյունակում լրացվում են միջոցառումը կատարող մարմնի գանձապետական հաշվից, բացառությամբ ավանդային հաշիվների, հաշվետու ժամանակահատվածում ելքագրված գումարները։

8. ՀՀ կառավարության 2018 թվականի հունիսի 15-ի թիվ 706-Ն որոշման 31-րդ և 48-րդ կետերում նախատեսված դեպքերում ծրագրի պատասխանատու մարմնի գանձապետական հաշվից ելքագրված գումարները համարվում են տվյալ միջոցառումների գծով ֆինանսավորում և դրամարկղային ծախսեր:

9. Աղյուսակի «ԺԱ» սյունակում լրացվում են հաշվետու ժամանակահատվածում հիմնարկի՝ համապատասխան փաստաթղթերով ձևակերպված իրական ծախսերը, ներառյալ կրեդիտորների չվճարված հաշիվները, հաշվարկված աշխատավարձի ու կրթաթոշակների գծով կատարված ծախսերը։

10. Աղյուսակի «ԺԲ» սյունակում լրացվում են տարեսկզբից, աճողական կարգով, մինչև հաշվետու ամսվա վերջին օրն ընկած ժամանակահատվածի ընթացքում տվյալ հիմնարկին՝ նրա կրեդիտորների կողմից ներկայացված վճարման պահանջագրերով պահանջվող հատկացումները՝ ներառյալ ավելացված արժեքի հարկի գումարը: Պահանջվող հատկացումները համարվում են վճարման ենթակա՝ վճարման պահանջագրերով այդ վճարումների իրականացման համար նախատեսված ժամկետի վերջին օրվանից սկսած: Կրեդիտորների կողմից ներկայացված վճարման պահանջագրերը համարվում են վավերական այն պահից, երբ տվյալ հիմնարկը ընդունում է պահանջագրին համապատասխան վճարումները իրականացնելու իր պարտավորվածությունը: Հայաստանի Հանրապետության պետական բյուջեի ծախսերի տնտեսագիտական դասակարգման հետևյալ տարրերի գծով (պետական, տեղական ինքնակառավարման մարմինների, դրանց ենթակա հիմնարկների աշխատողների աշխատավարձ, ծառայողական գործուղումներ, կրթաթոշակներ, կենսաթոշակներ, նպաստներ) նախատեսված հատկացումները համարվում են վճարման ենթակա Հայաստանի Հանրապետության օրենսդրությամբ սահմանված կարգով այդ վճարումներն իրականացնելու համար նախատեսված օրվանից սկսած:

11. Աղյուսակի «ԺԳ» սյունակում լրացվում են տարեսկզբից, աճողական կարգով, մինչև հաշվետու ամսվա վերջին օրվա դրությամբ տվյալ հիմնարկին՝ նրա կրեդիտորների կողմից վճարման պահանջագրերով ներկայացված, սակայն վճարման վերջին օրվանից երեսուն օրից ավելի չվճարված պարտավորությունները:

12. «1300000 Ոչ ֆինանսական ակտիվների իրացումից մուտքեր» տողում ցուցանիշները լրացվում են բացասական նշանով:

Օրինակելի ձև Հ-3

ՀԱՇՎԵՏՎՈՒԹՅՈՒՆ

 ԲՅՈՒՋԵՏԱՅԻՆ ՀԻՄՆԱՐԿԻ ԱՐՏԱԲՅՈՒՋԵՏԱՅԻՆ ՄԻՋՈՑՆԵՐԻ ԳՈՅԱՑՄԱՆ ԵՎ ՏՆՕՐԻՆՄԱՆ ՄԱՍԻՆ

01.01.20____թ. --___. ___.20____թ. ժամանակահատվածի համար

Հաշվետու ժամանակաշրջանի վերջի ազատ մնացորդի ստացման հաշվարկ

ԼՐԱՑՄԱՆ ՊԱՀԱՆՋՆԵՐ

 օրինակելի ձև Հ-3-ի

1. «Բյուջետային հիմնարկների արտաբյուջետային միջոցների գոյացման և տնօրինման մասին» հաշվետվությունը լրացվում է «Բյուջետային հիմնարկների արտաբյուջետային միջոցների գոյացման և տնօրինման նախահաշվի օրինակելի ձևի» լրացման պահանջներին համապատասխան:

2. Հաշվետվության «5»-րդ սյունակում եկամուտների մասով ներկայացվում են հաշվետու ժամանակաշրջանի համար փաստացի ստացված արտաբյուջետային եկամուտները, իսկ ծախսերի մասով՝ դրամարկղային ծախսերը:

3. Նախորդ տարիների Հայաստանի Հանրապետության պետական կամ համայնքի բյուջեներից ծախսերի ֆինանսավորման նպատակով հատկացված գումարների (բացառությամբ փոխառու միջոցների) վերադարձից մուտքերն արտացոլվում են արտաբյուջետային հաշվի ելքերի ֆինանսավորմանն ուղղվող հաշվի տարեսկզբի միջոցներ տողի 5-րդ սյունակում՝ դրական նշանով:

4. Աղյուսակի 5-րդ սյունակում արտաբյուջետային հաշվի ելքերի ֆինանսավորմանն ուղղվող հաշվի տարեսկզբի միջոցների և արտաբյուջետային հաշվի ժամանակավորապես ազատ միջոցներ (արտաբյուջետային հաշվի միջոցների փոփոխություն) տողերը կարող են միաժամանակ լրացվել, եթե առկա են նախորդ տարիների արտաբյուջետային հաշվից ծախսերի ֆինանսավորման նպատակով հատկացված գումարների (բացառությամբ փոխառու միջոցների) վերադարձից մուտքեր:

5. «Հաշվետու ժամանակաշրջանի վերջի ազատ մնացորդի ստացման հաշվարկ» աղյուսակի ցուցանիշները լրացվում են դրական նշանով հետևյալ կերպ`

1) աղյուսակի «ա» տողում լրացվում է նախորդ տարիներից աճողական կարգով գոյացած տարեսկզբի ազատ մնացորդը,

2) աղյուսակի «բ» տողում լրացվում են հաշվետվության 5124000 և 5224000 տողերի ցուցանիշները,

3) աղյուսակի «բա» տողում լրացվում են նախորդ տարիներին արտաբյուջետային հաշվից ծախսերի ֆինանսավորման նպատակով հատկացված գումարների (բացառությամբ փոխառու միջոցների) հաշվետու տարվա ընթացքում վերադարձից մուտքերը,

4) աղյուսակի «գ» տողում եռամսյակային հաշվետվություն ներկայացնելու դեպքում լրացվում են հաշվետվության 5127000 և 5227000 տողերի ցուցանիշները, իսկ տարեկան հաշվետվության դեպքում՝ 5126000 և 5226000 տողերի ցուցանիշները:

Օրինակելի ձև Հ-4

Հ Ա Շ Վ Ե Տ Վ ՈՒ Թ Յ ՈՒ Ն

ՀԻՄՆԱՐԿԻ ԴԵԲԻՏՈՐԱԿԱՆ, ԿՐԵԴԻՏՈՐԱԿԱՆ ՊԱՐՏՔԵՐԻ ԵՎ ՊԱՀԵՍՏԱՎՈՐՎԱԾ ՄԻՋՈՑՆԵՐԻ ՄԱՍԻՆ

 01.01.20____թ. --___. ___.20____թ. ժամանակահատվածի համար

*ԾԱՆՈԹԱԳՐՈՒԹՅՈՒՆ Նշված տողերը լրացվում են պահեստավորված միջոցների առկայության դեպքում

Օրինակելի ձև Հ-5

Հ Ա Շ Վ Ե Տ Վ ՈՒ Թ Յ ՈՒ Ն

ՆՅՈՒԹԱԿԱՆ ԱՐԺԵՔՆԵՐԻ ՇԱՐԺԻ ՎԵՐԱԲԵՐՅԱԼ

01.01.20____թ. --___. ___.20____թ. ժամանակահատվածի համար