ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԱՌՈՂՋԱՊԱՀՈՒԹՅԱՆ ՆԱԽԱՐԱՐ

28 սեպտեմբերի 2017թ.

N 2837-Ա

Հ Ր Ա Մ Ա Ն

ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ԴԵՂԱՏՆԱՅԻՆ ԳՈՐԾՈՒՆԵՈՒԹՅՈՒՆ (ԴԵՂԱՏՆԱՅԻՆ ԿՐՊԱԿ) ՈՒ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆԵԼՈՒ ԼԻՑԵՆԶԻԱՆԵՐ ՍՏԱՆԱԼՈՒ ՀԱՄԱՐ ՆԵՐԿԱՅԱՑՎԱԾ ՀԱՅՏԵՐԸ ԲԱՎԱՐԱՐԵԼՈՒ ՄԱՍԻՆ

Հիմք ընդունելով «Լիցենզավորման մասին» Հայաստանի Հանրապետության օրենքի 8-րդ հոդվածի 2-րդ մասը, 9-րդ հոդվածի 1-ին մասը, 43-րդ հոդվածի 2-րդ մասի աղյուսակի 3-րդ կետի 2-րդ, 3-րդ ենթակետերը, Հայաստանի Հանրապետության առողջապահության նախարարության լիցենզավորման հանձնաժողովի դրական եզրակացությունը, հաշվի առնելով, որ հրամանում նշված անհատ ձեռնարկատերերի և կազմակերպությունների դեղատնային գործունեության (դեղատնային կրպակի), բժշկական օգնության և սպասարկման իրականացման լիցենզիաներ ստանալու համար ներկայացված փաստաթղթերը համապատասխանում են «Լիցենզավորման մասին» Հայաստանի Հանրապետության օրենքի, Հայաստանի Հանրապետության կառավարության 2002 թվականի հունիսի 29-ի N 867, Հայաստանի Հանրապետության կառավարության 2006 թվականի մարտի 2-ի N 276-Ն, Հայաստանի Հանրապետության կառավարության 2002 թվականի դեկտեմբերի 5-ի N 1936-Ն, Հայաստանի Հանրապետության կառավարության 2009 թվականի հոկտեմբերի 29-ի N 1275-Ն որոշումների պահանջներին՝

1. Բավարարել դեղատնային գործունեության, բժշկական օգնության և սպասարկման իրականացման լիցենզիաներ տրամադրելու վերաբերյալ Հայաստանի Հանրապետության առողջապահության նախարարություն ներկայացված հայտերը` հատկացնելով լիցենզիաներ հետևյալ հայտատուներին.

1) «ՈՒԻԳՄՈՐ ՔԼԻՆԻՔ» սահմանափակ պատասխանատվությամբ ընկերություն	դեղատնային գործունեություն (դեղատնային կրպակ)
2) «ՍՄԱՅԼՍ» սահմանափակ պատասխանատվությամբ ընկերություն	դեղատնային գործունեություն (դեղատնային կրպակ)
3) ՀՀ ԱՆ «Սևանի հոգեբուժական հիվանդանոց» փակ բաժնետիրական ընկերություն	բժշկական օգնություն և սպասարկում
4) «ԿԱՐՄԻՐ ԲԼՈՒՐ» պոլիկլինիկա փակ բաժնետիրական ընկերություն	բժշկական օգնություն և սպասարկում
5) «ԱՐՏԼԱԲ» բժշկական կենտրոն սահմանափակ պատասխանատվությամբ ընկերություն	բժշկական օգնություն և սպասարկում
6) Մարիամ Վահանյան անհատ ձեռնարկատեր	բժշկական օգնություն և սպասարկում
7) Գայանե Ղազարյան անհատ ձեռնարկատեր	բժշկական օգնություն և սպասարկում
8) Սոհեիլ Կոլաջի անհատ ձեռնարկատեր	բժշկական օգնություն և սպասարկում
9) Վահե Անդրեասյան անհատ ձեռնարկատեր	բժշկական օգնություն և սպասարկում
10) Աստղիկ Տիգրանյան անհատ ձեռնարկատեր	բժշկական օգնություն և սպասարկում

2. «ՈՒԻԳՄՈՐ ՔԼԻՆԻՔ» սահմանափակ պատասխանատվությամբ ընկերության, «ՍՄԱՅԼՍ» սահմանափակ պատասխանատվությամբ ընկերության, ՀՀ ԱՆ «Սևանի հոգեբուժական հիվանդանոց» փակ բաժնետիրական ընկերության, «ԿԱՐՄԻՐ ԲԼՈՒՐ» պոլիկլինիկա փակ բաժնետիրական ընկերության, «ԱՐՏԼԱԲ» բժշկական կենտրոն սահմանափակ պատասխանատվությամբ ընկերության, անհատ ձեռնարկատեր Գայանե Ղազարյանին, անհատ ձեռնարկատեր Սոհեիլ Կոլաջիին, անհատ ձեռնարկատեր Վահե Անդրեասյանին և անհատ ձեռնարկատեր Աստղիկ Տիգրանյանին Հայաստանի Հանրապետության կառավարության 2002 թվականի հունիսի 29-ի N 867 որոշման համաձայն լիցենզիան տրամադրել հայտը բավարարելուց հետո հինգ աշխատանքային օրվա ընթացքում օրենքով սահմանված պետական տուրքը վճարելու դեպքում, իսկ չվճարելու դեպքում վերջիններիս ներկայացրած հայտը համարել մերժված:

3. Հայաստանի Հանրապետության առողջապահության նախարարության աշխատակազմի լիցենզավորման գործակալության պետ Կարեն Կոստանյանին՝ եռօրյա ժամկետում ապահովել սույն հրամանի առաքումը գերատեսչական նորմատիվ ակտերը հրապարակող մարմին և Հայաստանի Հանրապետության կառավարությանն առընթեր պետական եկամուտների կոմիտե:

4. Հայաստանի Հանրապետության առողջապահության նախարարության աշխատակազմի քարտուղարության պետ Զարուհի Դարբինյանին` եռօրյա ժամկետում ապահովել սույն հրամանի առաքումը հայտատուներին:

5. Սույն հրամանի կատարման հսկողությունը հանձնարարել Հայաստանի Հանրապետության առողջապահության նախարարի տեղակալ Տիգրան Սահակյանին:

6. Սույն հրամանն ուժի մեջ է մտնում վարչական վարույթի մասնակիցներին իրազեկելուն հաջորդող օրվանից:

7. Սույն հրամանը «Վարչարարության հիմունքների և վարչական վարույթի մասին» ՀՀ օրենքի 70-րդ և 71-րդ հոդվածներով սահմանված կարգով կարող է բողոքարկվել Հայաստանի Հանրապետության առողջապահության նախարարություն, ինչպես նաև ՀՀ վարչական դատարան՝ վարչական ակտն ուժի մեջ մտնելու օրվանից 2 ամսվա ընթացքում: