«Գրանցված է»
ՀՀ արդարադատության
նախարարության կողմից
9 օգոստոսի 2016 թ.
Պետական գրանցման թիվ 10516271
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԲՆԱՊԱՀՊԱՆՈՒԹՅԱՆ ՆԱԽԱՐԱՐ
|
3 օգոստոսի 2016 թ. ք. Երևան |
N 190-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐԻ ՄԻ ՇԱՐՔ ՀՐԱՄԱՆՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով և հիմք ընդունելով Հայաստանի Հանրապետության կառավարության 2016 թվականի փետրվարի 11-ի N 110-Ա որոշմամբ հաստատված հավելվածի 3-րդ կետի 1-ին ենթակետը.
Հրամայում եմ`
1. Հայաստանի Հանրապետության բնապահպանության նախարարի 2006 թվականի նոյեմբերի 7-ի «Թափոններ գոյացնող, վերամշակող և օգտահանող օբյեկտների ռեեստրային գրանցման հաշվետվությունների և ռեեստրի վարման գրքի ձևերը հաստատելու մասին» N 359-Ն հրամանում կատարել հետևյալ փոփոխությունները.
1) հրամանով հաստատված`
ա. հավելված N 1-ի «Հաշվետվություն թափոններ գոյացնող օբյեկտի ռեեստրային գրանցման» ձևից հանել «Կ.Տ.» բառերը,
բ. հավելված N 2-ի «Հաշվետվություն թափոններ վերամշակող օբյեկտի ռեեստրային գրանցման» ձևից հանել «Կ.Տ.» բառերը,
գ. հավելված N 3-ի «Հաշվետվություն թափոններ օգտահանող օբյեկտի ռեեստրային գրանցման» ձևից հանել «Կ.Տ.» բառերը:
2. Հայաստանի Հանրապետության բնապահպանության նախարարի 2006 թվականի նոյեմբերի 24-ի «Թափոնների հեռացման վայրերի ռեեստրային գրանցման թերթիկի և ռեեստրի վարման գրքի ձևերը հաստատելու մասին» N 387-Ն հրամանով հաստատված հավելված N 1-ի «Թափոնների հեռացման վայրերի ռեեստրային գրանցման թերթիկի» ձևից հանել «Կ.Տ.» բառերը:
3. Հայաստանի Հանրապետության բնապահպանության նախարարի 2007 թվականի փետրվարի 2-ի «Թափոնի անձնագրի օրինակելի ձևը հաստատելու մասին» N 19-Ն հրամանով հաստատված հավելվածի «Թափոնի անձնագրի ձև»-ից հանել «Կ.Տ.» բառերը:
4. Հայաստանի Հանրապետության բնապահպանության նախարարի 2007 թվականի ապրիլի 27-ի «Թափոնների գոյացման նորմատիվների և դրանց տեղադրման սահմանաքանակների նախագծերի հաշվարկի օրինակելի ձևը հաստատելու մասին» N 97-Ն հրամանով հաստատված հավելվածի Ձև 1-ից և Ձև 18-ից հանել «Կ.Տ.» բառերը:
|
Նախարար |
Ա. Գրիգորյան |