«Գրանցված է»
ՀՀ արդարադատության
նախարարության կողմից
7 փետրվարի 2005 թ.
Պետական գրանցման թիվ 10505094

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԲՆԱՊԱՀՊԱՆՈՒԹՅԱՆ ՆԱԽԱՐԱՐ

17 հունվարի 2005 թ. ք. Երևան

N 13-Ն

                                

Հ Ր Ա Մ Ա Ն

«ՎԱՐՉԱԿԱՆ ՎԱՐՈՒՅԹԻ ՎԵՐԱԲԵՐՅԱԼ ԳՈՐԾԵՐԻ, ԴՐԱՆՑ ՀԱՇՎԱՌՄԱՆ ԳՐԱՆՑԱՄԱՏՅԱՆՆԵՐԻ ՎԱՐՄԱՆ ԿԱՐԳՆ ՈՒ ՊԱՅՄԱՆՆԵՐԸ ՍԱՀՄԱՆՈՂ ԿԱՐԳԸ» ՀԱՍՏԱՏԵԼՈՒ ՄԱՍԻՆ

Ի ղեկավարումն Հայաստանի Հանրապետության «Վարչարարության հիմունքների և վարչական վարույթի մասին» օրենքի 28-րդ հոդվածի 2-րդ մասի և ի կատարումն Հայաստանի Հանրապետության կառավարության 2004թ. հունիսի 25-ի «Վարչական վարույթի վերաբերյալ գործերի, դրանց հաշվառման գրանցամատյանների և վարչական ակտերի հաշվառման գրանցամատյանների վարչական կարգն ու պայմանները սահմանող օրինակելի կարգը հաստատելու մասին» N 975-Ա որոշման 2-րդ կետի`

ՀՐԱՄԱՅՈՒՄ ԵՄ՝

1. Հաստատել

«Վարչական վարույթի վերաբերյալ գործերի, դրանց հաշվառման գրանցամատյանների վարման կարգն ու պայմանները սահմանող կարգը» համաձայն N 1 հավելվածի:

2. Հաստատել

«Հայաստանի Հանրապետության բնապահպանության նախարարության աշխատակազմում վարվող վարչական վարույթի վերաբերյալ գործերի հաշվառման գրանցամատյանների ցանկը» համաձայն N 2 հավելվածի:

(2-րդ կետը փոփ. 18.01.16 N 8-Ն)

3. Սույն հրամանի կատարման նկատմամբ հսկողությունը վերապահել Հայաստանի Հանրապետության բնապահպանության նախարարության աշխատակազմի ղեկավարին:

Նախարար`

Վ. Այվազյան

Հավելված N 1

Կ Ա Ր Գ

ՎԱՐՉԱԿԱՆ ՎԱՐՈՒՅԹԻ ՎԵՐԱԲԵՐՅԱԼ ԳՈՐԾԵՐԻ, ԴՐԱՆՑ ՀԱՇՎԱՌՄԱՆ ԳՐԱՆՑԱՄԱՏՅԱՆՆԵՐԻ ԵՎ ՎԱՐՉԱԿԱՆ ԱԿՏԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆՆԵՐԻ ՎԱՐՄԱՆ ԿԱՐԳՆ ՈԻ ՊԱՅՄԱՆՆԵՐԸ ՍԱՀՄԱՆՈՂ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգը հաստատվել է «Վարչարարության հիմունքների և վարչական վարույթի մասին» Հայաստանի Հանրապետության օրենքի (այսուհետ` օրենք) 28-րդ հոդվածի 2-րդ մասի պահանջներին համապատասխան:

2. Սույն կարգը նպատակ ունի օժանդակել ՀՀ բնապահպանության նախարարության (այսուհետ` Նախարարություն) աշխատակազմի կառուցվածքային, առանձնացված ստորաբաժանումներում, ինչպես նաև այլ կազմակերպություններում` վարչական ակտերի ընդունման հետ կապված գործառույթների իրականացման ժամանակ վարչական վարույթի վերաբերյալ գործերի կանոնավոր վարման և ֆիզիկական ու իրավաբանական անձանց (այսուհետ` անձանց) համար դրանցում առկա տեղեկությունների, փաստաթղթերի և այլ նյութերի մասին արագ ու հեշտ իրազեկման հնարավորություն ստեղծելու համար:

3. Սույն կարգը սահմանում է Նախարարությունում վարչական վարույթի վերաբերյալ գործերի վարման, այդ գործերի հաշվառման գրանցամատյանների, ինչպես նաև վարչական վարույթի գործերով նախարարության ընդունած վարչական ակտերի հաշվառման գրանցամատյանների վարման կարգը:

4. Սույն կարգը տարածվում է օրենքով սահմանված կարգով անձանց դիմումի կամ նրանց բողոքի (այսուհետ` դիմում) հիման վրա, ինչպես նաև նախարարության նախաձեռնությամբ վարչական վարույթով հարուցած գործերի նկատմամբ, եթե դիմումի կամ նախաձեռնության նպատակը գրավոր վարչական ակտ ընդունելն է:

5. Եթե որոշակի բնագավառներ կարգավորող առանձին (հատուկ) օրենքով կամ դրա հիման վրա ընդունված այլ իրավական ակտով վարչական վարույթի վերաբերյալ գործերի վարման, դրանց հաշվառման և վարչական ակտերի հաշվառման գրանցամատյանների վարման այլ կարգ է սահմանված, ապա գործում է այդ առանձին (հատուկ) օրենքով սահմանված կարգը:

6. Վարչական վարույթին առնչվող` սույն կարգում օգտագործվող տերմինները կամ հասկացություններն ունեն նույն նշանակությունը, ինչ նշանակությամբ դրանք օգտագործվում են օրենքում:

7. Նախարարությունում վարչական վարույթի վերաբերյալ գործերը (այսուհետ` գործեր) կազմվում և վարվում են Նախարարության կողմից` անձանց դիմումի հիման վրա կամ նախարարության նախաձեռնությամբ, օրենքի 30-րդ հոդվածի համաձայն վարչական վարույթ հարուցվելու պահից:

8. Եթե Նախարարությունն օրենքի 33-րդ հոդվածի համաձայն դիմումը վերահասցեագրում է իրավասու վարչական մարմնին կամ վերադարձնում դիմողին, ապա տվյալ դիմումի առնչությամբ գործ չի կազմվում, իսկ դիմումի և դրան կից փաստաթղթերի պատճենները նախապես հանվում են, առանձնացվում վարչական վարույթ հարուցած գործերից և պահվում առանձին` Նախարարության սահմանված կարգով:

Եթե օրենքի 33-րդ հոդվածին համաձայն վերահասցեագրված կամ վերադարձված դիմումը որևէ օրինական հիմքով (սխալ վերահասցեագրման կամ վերադարձման կամ այլ պատճառով) ենթակա է Նախարարության կողմից քննարկման, ապա դրա վերաբերյալ վարչական վարույթ հարուցվելու պահից ևս կազմվում է գործ` սույն կարգին համապատասխան:

9. Նախարարությունը վարչական վարույթի վերաբերյալ գործերը կազմում և վարում է առանձին-առանձին` հետևյալ խմբերով`

ա) անձի դիմումի հիման վրա հարուցված վարույթներով գործեր.

բ) նախարարության նախաձեռնությամբ հարուցված վարույթներով գործեր:

Հարուցված յուրաքանչյուր վարչական վարույթով կազմվում է առանձին գործ, որում ժամանակագրական կարգով ներառվում են տվյալ վարույթի հետ կապված անձի դիմումը և մյուս բոլոր փաստաթղթերը (ծանուցումներ, միջնորդություններ և այլն), տեղեկությունները, գործով ձեռք բերված ապացույցները` ներառյալ մյուս իրեղեն նյութերը, տվյալ գործով նախարարություն բերված բողոքը, դատարան ներկայացված հայցը և դատարան բերված բողոքը, դրանց կապակցությամբ կայացված վարչական կամ դատական ակտերը, հարկադիր կատարման դեպքում` նաև դրան առնչվող փաստաթղթերը, ինչպես նաև վարույթի ընթացքում ընդունված վարչական ակտը:

Վարչական վարույթի վերաբերյալ գործում պահվում են դրան առնչվող փաստաթղթերի բնօրինակները, իսկ օրենքով նախատեսված դեպքերում` դրանց պատճենները: Իրեղեն ապացույցները գործին կցվում են որևէ եղանակով փաթեթավորված կամ ամրակարված վիճակով` կնքված Նախարարության  կնիքով:

10. Վարչական վարույթի վերաբերյալ գործերը համարակալվում են, որն իրականացվում է աճող թվերով, յուրաքանչյուր տարվա կտրվածքով` տվյալ տարվա հունվարի 1-ից մինչև դեկտեմբերի 31-ն ընկած ժամանակահատվածում հարուցված վարույթներով գործերի ընդգրկմամբ:

11. Որպես կանոն, գործերի համարակալումները և դրանց վարման գործառույթները Նախարարությունում իրականացվում են կենտրոնացված և միասնական համարակալման համակարգի կիրառմամբ:

Դրա անհնարինության դեպքում, մասնավորապես, եթե տարբեր հարցերի կամ ոլորտների վերաբերյալ վարչական ակտեր և դրանցից յուրաքանչյուրի հետ կապված վարչական վարույթներով գործերը հարուցում են Նախարարության տարբեր կառուցվածքային ստորաբաժանումներ, ապա այդ ստորաբաժանումներից յուրաքանչյուրի գծով համապատասխան գործերի համարակալումը և դրանց վարման հետ կապված գործողությունները կարող են իրականացվել առանձնացված կարգով և ըստ գործերի խմբերի` ենթախմբերի բաժանելով:

Նախարարությունը, որոշակի համակարգված կարգավորում ապահովելու նպատակով` ըստ առանձին ոլորտների վարչական վարույթների վերաբերյալ խմբային գործերը (անձանց դիմումի հիման վրա կամ նախարարության նախաձեռնությամբ) ենթախմբերի բաժանելու դեպքում, ինչպես ըստ ենթախմբերի, այնպես էլ ըստ կառուցվածքային ստորաբաժանումների, կարող է սահմանել գործերի համարակալման թվային կամ այբբենական պայմանանշաններ կամ դրանց զուգորդություններ:

12. Վարչական վարույթի վերաբերյալ գործի շապիկի (կազմի) վրա գրվում են`

ա) նախարարության լրիվ անվանումը.

բ) վարչական վարույթի իրականացման գործառույթներ իրականացնող կառուցվածքային, առանձնացված ստորաբաժանման, ինչպես նաև համակարգի կազմակերպությունների լրիվ անվանումը.

գ) տարին, որի ընթացքում վարչական վարույթը հարուցվել է.

դ) գործի հերթական համարը` արաբական թվերով:

Եթե նախատեսված է պայմանանշան (պայմանանշանների զուգորդություն), ապա հերթական համարի սկզբում` գծիկով անջատմամբ, նշվում է այդ պայմանանշանը (պայմանանշանների զուգորդությունը):

Գործի հերթական համարից առաջ պետք է լինի հետևյալ գրառումը` «Վարչական վարույթ. գործ N-».

ե) այն վարչական ակտի հակիրճ անվանումը, որը նախատեսվում է ընդունել վարույթի արդյունքում.

զ) նշում այն մասին, թե ում նախաձեռնությամբ է վարույթը հարուցվել (օրինակ` «Անձի դիմումի հիման վրա», «Անձի բողոքի հիման վրա», իսկ եթե վարչական մարմինն է վարույթ հարուցել, ապա` «Նախաձեռնության հիման վրա»):

Գործի շապիկի (կազմի) ներքևի աջ անկյունում նշվում են տվյալ վարույթի իրականացման համար պատասխանատու պաշտոնատար անձի անունը, հայրանունը և ազգանունը` պաշտոնի նշումով: Բացի պաշտոնատար անձի մասին տեղեկություններից` պետք է տող հատկացված լինի նաև վարույթն  սկսելու և ավարտելու տարեթիվը, ամիսն ու ամսաթիվը նշելու համար:

Վարույթն սկսելու տարեթիվը, ամիսն ու ամսաթիվը նշվում են օրենքի 30-րդ հոդվածի 2-րդ և 3-րդ մասերով սահմանված ժամկետներին համապատասխան:

Վարույթն ավարտելու տարեթիվը, ամիսն ու ամսաթիվը նշվում են ըստ այն տարեթվի, ամսվա և ամսաթվի, երբ վարչական վարույթի վերաբերյալ տվյալ գործով ըստ էության որոշում է ընդունվել կամ վարույթը կարճվել է (օրենքի 50-րդ և 58-րդ հոդվածներ):

13. Տվյալ վարչական գործով դատարան հայց ներկայացնելու (օրենքի 70-րդ հոդված) կապակցությամբ գործը համապատասխան դատական մարմին փոխանցելու դեպքում նախարարությունը հանում է դրանում առկա բոլոր փաստաթղթերի պատճենները սույն կարգին համապատասխան` կազմում այդ գործի կրկնօրինակը, որի շապկի վրա, վերին աջ անկյունում, նշվում է` «Բողոքարկվել է»:

Գործի կրկնօրինակի մեջ պահվում են նաև բողոքարկման կամ հայցային վարույթի ընթացքում նախարարություն ուղարկված կամ նրա կողմից ձեռք բերված փաստաթղթերը:

14. Եթե նախարարությունում դատարանի վճիռը կամ որոշումը դատական կարգով բողոքարկվել է` ավարտից հետո տվյալ վարույթին առնչվող գործն ամբողջությամբ` օրենքով սահմանված կարգով վերադարձվում է Նախարարություն և հիմնական գործն ու դրա կրկնօրինակը պահվում են միասին:

15. Բողոքարկված գործերն առանձնացվում են չբողոքարկված գործերից և պահվում առանձին, նաև` բողոքարկման վարույթն ավարտելուց հետո:

16. Գործի վարույթն ավարտելուց հետո (սույն կարգի 12-րդ կետի վերջին պարբերություն), Նախարարությունը կազմում է գործում առկա փաստաթղթերի անվանական ցանկը` նշելով դրանցից յուրաքանչյուրի էջերի թիվը:

Ցանկում պետք է նշվեն նաև գործում առկա իրեղեն ապացույցների անվանումները, դրանց քանակը: Ցանկի վերջին էջի վրա ստորագրում է վարչական վարույթի իրականացման համար պատասխանատու պաշտոնատար անձը` նշելով իր անունը, հայրանունը և ազգանունը, ցանկը կազմելու տարեթիվը, ամիսն ու ամսաթիվը:

17. Եթե գործերը համարակալվել են պայմանանշանների (դրանց զուգորդությունների) կիրառմամբ, ապա նման գործերը նույնպես պահվում են առանձին` ըստ համապատասխան պայմանանշանների (դրանց զուգորդությունների):

18. Վարչական վարույթների վերաբերյալ գործերը հերթական տարվա ավարտից հետո, ելնելով նպատակահարմարությունից կամ Նախարարությունում սահմանված կարգից, կարող են կենտրոնացված կարգով պահվել նրա որևէ ստորաբաժանումներում կամ առանձին` այն ստորաբաժանումներում, որոնք իրականացնում են դրանց հետ կապված գործառույթներ:

19. Ավարտված գործերը կարվում են և կնքվում նախարարության կնիքով:

Կարված մասում պետք է լինի գործերի վարման համար պատասխանատու պաշտոնատար անձի ստորագրությունը, և պետք է նշվեն տարեթիվը, ամիսն ու ամսաթիվը:

20. Ֆիզիկական և իրավաբանական անձինք գործերի նյութերին, փաստաթղթերին ծանոթանում, դրանցից քաղվածքներ կամ պատճեններ, այդ թվում` լուսապատճեններ կատարում են օրենքով սահմանված կարգով:

III. ՎԱՐՉԱԿԱՆ ՎԱՐՈՒՅԹԻ ՎԵՐԱԲԵՐՅԱԼ ԳՈՐԾԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆՆԵՐԻ ՎԱՐՄԱՆ ԿԱՐԳԸ

21. Նախարարությունում կազմվում և վարվում է վարչական վարույթի վերաբերյալ գործերի հաշվառման գրանցամատյան:

Հաշվի առնելով սույն կարգի 9-11-րդ կետերի պահանջները` Նախարարությունը կարող է վարել առանձին գրանցամատյաններ` ըստ Հայաստանի Հանրապետության օրենսդրությամբ իրեն վերապահված իրավասությունների կամ վարույթներն իրականացնող կառուցվածքային, առանձնացված  ստորաբաժանումների, ինչպես նաև համակարգի կազմակերպությունների:

22. Բացի սույն կարգի 21-րդ կետով նախատեսված դեպքերից` նախարարությունն առանձին գրանցամատյաններ է վարում դիմումի հիման վրա և առանձին` իր նախաձեռնությամբ հարուցված վարչական վարույթի վերաբերյալ գործերի հաշվառման համար:

23. Վարչական վարույթի վերաբերյալ գործերի հաշվառման գրանցամատյանը (գրանցամատյանները) կազմվում և լրացվում է յուրաքանչյուր տարվա համար առանձին:

24. Գրանցամատյանի շապիկի (կազմի) վրա գրվում են Նախարարության լրիվ անվանումը, համապատասխան գրանցամատյանը կազմող և լրացնող կառուցվածքային, առանձնացված  ստորաբաժանման, ինչպես նաև համակարգի կազմակերպությունների լրիվ անվանումը, տարեթիվը, որի ընթացքում հարուցված գործերի մասին տեղեկությունները գրանցվում են տվյալ գրանցամատյանում, գործերի ընդհանուր թիվը: Եթե գրանցամատյանը կազմված է ըստ գործերի խմբերի ու ենթախմբերի, ապա գրվում է նաև խմբի և ենթախմբի պայմանանիշը (դրանց զուգորդությունը):

Գրանցամատյանի շապիկի (կազմի) կենտրոնական մասում պետք է լինի հետևյալ գրառումը` «Գրանցամատյան վարչական վարույթի վերաբերյալ գործերի հաշվառման»:

25. Նպատակահարմար է գրանցամատյանը կազմել և դրա մեջ տեղեկությունները գրանցել համաձայն N 1 ձևում ներկայացված` վարչական վարույթի վերաբերյալ գործերի հաշվառման գրանցամատյանների կազմման սխեմայի:

Դիմումի հիման վրա և Նախարարության նախաձեռնությամբ հարուցված վարույթներով գործերը հաշվառվում են առանձին` հետևյալ կարգով`

գործերի հաշվառման համար սահմանել երեք աղյուսակ` հետևյալ սխեմայով`

ա) N 1 աղյուսակում նշել Նախարարությունում ստացված դիմումի հիման վրա կամ Նախարարության նախաձեռնությամբ հարուցված վարույթով գործին ընթացք տալու մասին տեղեկությունները.

բ) N 2 աղյուսակում նշել տվյալ գործով բերված բողոքը Նախարարությունում քննարկելու և դրա վերաբերյալ ըստ էության որոշում ընդունելու մասին տեղեկությունները.

գ) N 3 աղյուսակում նշել տվյալ գործով դատարան ներկայացված հայցի, դատարան բերված բողոքի քննարկման և դրանց վերաբերյալ ըստ էության որոշում կայացնելու մասին տեղեկությունները:

26. N 1 աղյուսակում լրացվում են հետևյալ տեղեկությունները`

ա) հաշվառվող գործի հերթական համարը, որը պետք է համընկնի տվյալ գործի շապկի (կազմի) վրա նշված համարակալմանը.

բ) Նախարարությունում անձի դիմումն ստանալու տարեթիվը, ամիսը և ամսաթիվը:

Եթե վարչական վարույթը հարուցվել է Նախարարության նախաձեռնությամբ, ապա նշվում են նախաձեռնության տարեթիվը, ամիսն ու ամսաթիվը.

գ) դիմողի անունը, հայրանունը, ազգանունը (անվանումը), նրա հասցեն (գտնվելու վայրը):

Եթե վարչական վարույթը հարուցվել է Նախարարության նախաձեռնությամբ, ապա նշվում են այն անձի մասին տեղեկությունները, որի նկատմամբ Նախարարությունը նախատեսում է ընդունել համապատասխան վարչական ակտ.

դ) դիմումի հիման վրա հայցվող պահանջի համառոտ շարադրանքը, իսկ եթե Նախարարության նախաձեռնությամբ է վարույթ հարուցվել, ապա` դրանով հետապնդվող նպատակի համառոտ շարադրանքը.

ե) դիմումի քննարկման կամ Նախարարության նախաձեռնության արդյունքում Նախարարության ընդունած վարչական ակտի համարը, դրա ընդունման տարեթիվը, ամիսն ու ամսաթիվը, այդ ակտով ընդունված որոշման համառոտ շարադրանքը.

զ) վարչական ակտի մասին դիմողին (դրա հասցեատիրոջը) իրազեկելու եղանակի (առձեռն, փոստով և այլն) և իրազեկման տարեթվի, ամսվա, ամսաթվի վերաբերյալ տեղեկությունները:

27. N 2 աղյուսակը լրացվում է միայն այն դեպքում, երբ տվյալ գործով բողոք է  բերվել և այն, օրենքին համապատասխան, քննարկել և դրա վերաբերյալ ըստ էության որոշում է ընդունել Նախարարությունը:

28. N 2 աղյուսակում պետք է լինի N 1 աղյուսակի շարունակությունը և բովանդակի հետևյալ տեղեկությունները`

ա) բողոք բերելու տարեթիվը, ամիսը և ամսաթիվը.

բ) բողոք բերողի անունը, հայրանունը, ազգանունը (անվանումը), նրա հասցեն (գտնվելու վայրը).

գ) բողոքի համառոտ շարադրանքը.

դ) բողոքը քննարկած և դրա վերաբերյալ ըստ էության որոշում ընդունած վարչական մարմնի անվանումը.

ե) բողոքի վերաբերյալ ընդունված վարչական ակտի համարը, ընդունման տարեթիվը, ամիսը, ամսաթիվը, այդ ակտով ընդունված որոշման համառոտ շարադրանքը.

զ) բողոքի վերաբերյալ ընդունված վարչական ակտի մասին բողոք բերողին իրազեկելու եղանակի (առձեռն, փոստով և այլն) և իրազեկման տարեթվի, ամսվա, ամսաթվի վերաբերյալ տեղեկությունները:

29. N 3 աղյուսակը լրացվում է միայն այն դեպքում, երբ տվյալ գործով հայց, իսկ հետագայում` նաև բողոք է ներկայացվել դատարան: Այն պետք է կազմի N 2 աղյուսակի շարունակությունը, իսկ եթե բողոքը վարչական կարգով չի բերվել, ապա N 1 աղյուսակի շարունակությունը: Ընդ որում, պետք է հաշվի առնել այն հանգամանքը, որ վարչական վարույթի վերաբերյալ գործը կարող է քննվել դատական մի քանի ատյաններում: Այդ պատճառով նպատակահարմար է N 3 աղյուսակը բաժանել երեք հավասար մասերի` յուրաքանչյուրում նշելով`

ա) տվյալ դատարան հայց ներկայացնելու կամ բողոք բերելու տարեթիվը, ամիսը և ամսաթիվը, հայցով կամ բողոքով ներկայացված պահանջի համառոտ շարադրանքը.

բ) հայցը ներկայացնողի կամ բողոքը բերողի անունը, հայրանունը, ազգանունը (անվանումը), նրա դատավարական կարգավիճակը.

գ) հայցի կամ բողոքի վերաբերյալ ընդունված դատական ակտի տարեթիվը, ամիսը, ամսաթիվը և այդ ակտի համառոտ շարադրանքը:

Այդ դեպքում, երբ օրենքով սահմանված հիմքերով և կարգով գործին մասնակցող անձանց կամ օրենքով իրավասու այլ անձանց կամ կազմակերպությունների դիմումի հիման վրա գործի վերանայման դատական վարույթ է հարուցվում, ապա N 3 աղյուսակը լրացվում է նոր սյունակներով և, կախված նրանից, թե որ ատյանի դատարանն է վերանայել գործը, համապատասխան սյունակներում նշվում են դիմումի հիման վրա գործի վերանայման, այդ թվում` դիմումի առնչությամբ կայացված դատական ակտի բողոքարկման ընթացքի մասին տեղեկությունները:

30. Հաշվառվող յուրաքանչյուր գործի մասին ամբողջական ու ամփոփ տեղեկություններ ունենալու և դրանցից օգտվելը հեշտացնելու նպատակով` վարչական վարույթի վերաբերյալ գործերի հաշվառման գրանցամատյանների յուրաքանչյուր էջ կարող է պարունակել NN 1, 2 և 3 աղյուսակները, այդ էջերից ամեն մեկում կարող են գրանցվել մի գործի վերաբերյալ տեղեկությունները` N 1 աղյուսակը` պարտադիր, բողոքի դեպքում` նաև N 2 աղյուսակը, իսկ դատարան հայց ներկայացնելու կամ բողոք բերելու դեպքում` նաև N 3 աղյուսակը լրացնելով:

Գրանցամատյանում գործերի մասին տեղեկությունները լրացվում են տվյալ գործով վարչական վարույթ հարուցելու օրվանից և վարչական վարույթի ընթացքին զուգընթաց` ամբողջացվում:

31. Գործերի հաշվառման գրանցամատյանը տեղեկություններ է պարունակում տվյալ տարվա ընթացքում հարուցված բոլոր վարչական գործերի մասին: Գրանցամատյանի վերջին էջի վրա Նախարարության պատասխանատու պաշտոնատար անձը նշում է` «Գրանցամատյանը լրացված է», և ստորագրում` նշելով ստորագրման տարեթիվը, ամիսն ու ամսաթիվը: Գրանցամատյանը կարվում է և կնքվում Նախարարության կնիքով:

32. Համապատասխան պաշտոնատար անձը գրանցամատյանում ուղղումներ կատարելու դեպքում տվյալ էջի աջ անկյունում` ուղղմանը զուգահեռ մասում նշում է, որ ուղղումները կատարել է ինքը, և ստորագրում է:

IV. ՎԱՐՉԱԿԱՆ ԱԿՏԵՐԻ ՀԱՇՎԱՌՄԱՆ ԳՐԱՆՑԱՄԱՏՅԱՆՆԵՐԻ ՎԱՐՄԱՆ ԿԱՐԳԸ

33. Նախարարությունը վարում է նաև վարչական վարույթով ընդունված վարչական ակտերի հաշվառման գրանցամատյան (այսուհետ` ակտերի հաշվառման գրանցամատյան):

Ակտերի հաշվառման գրանցամատյանը նպատակահարմար է վարել` ելնելով այն հանգամանքից, թե տվյալ Նախարարությունն ինչ սկզբունքներով է վարում վարչական վարույթի վերաբերյալ գործերը (խմբավորված, ենթախմբերի բաժանված համապատասխան պայմանանշանների, դրանց զուգորդությունների օգտագործմամբ, կենտրոնացված միասնական համակարգի կիրառմամբ և այլն):

Վարչական  ակտերին ըստ այդմ կարող են հաշվառվել մեկից ավելի գրանցամատյաններում կամ մեկ միասնական գրանցամատյանում (ակտերի հաշվառման գրանցամատյանների կազմման օրինակելի սխեման ներկայացվում է N 2 ձևում):

34. Ակտերի հաշվառման գրանցամատյանի շապիկի (կազմի) վրա գրվում են Նախարարության լրիվ անվանումը, վարույթի հետ կապված գործառույթների  իրականացնող կառուցվածքային, առանձնացված ստորաբաժանման, ինչպես նաև համակարգի կազմակերպության անվանումը, տարեթիվը, որի ընթացքում ընդունված ակտերը հաշվառվել են տվյալ գրանցամատյանում, և դրանում հաշվառված ակտերի ընդհանուր թիվը:

Գրանցամատյանի շապիկի (կազմի) կենտրոնական մասում պետք է լինի հետևյալ գրառումը` «Գրանցամատյան վարչական վարույթի վերաբերյալ գործերով ընդունված վարչական ակտերի հաշվառման»:

35. Ակտերի հաշվառման գրանցամատյանում լրացվում են Նախարարության կողմից տվյալ տարվա ընթացքում ընդունված վարչական ակտերի վերաբերյալ տեղեկություններ, այդ թվում, եթե դրանք փոխկապակցված են կամ միմյանց լրացնում են, կամ առնչվում են որևէ ակտի հարկադիր կատարման ապահովմանը:

Հաշվառման ենթակա են Նախարարության ընդունած` սույն կարգի 4-րդ կետի երկրորդ պարբերությամբ նախատեսված բոլոր վարչական ակտերը: Դրանք են`

ա) անձի դիմումի հիման վրա կամ Նախարարության նախաձեռնությամբ հարուցված վարչական վարույթի արդյունքում ընդունված ակտը, այդ թվում` օրենքի 50-րդ հոդվածի համաձայն վարույթը կարճելու մասին ակտը, ինչպես նաև օրենքի 13-րդ գլխի դրույթներին համապատասխան վնասի հատուցման վերաբերյալ Նախարարության ընդունած ակտը.

բ) վարչական ակտի բողոքարկման հիման վրա` օրենքի 73-րդ հոդվածի համաձայն դրա վերաբերյալ Նախարարության ընդունած վարչական ակտը, եթե օրենքի համաձայն տվյալ բողոքի հիման վրա վարույթը Նախարարությունն է իրականացրել` ներառյալ բողոքն առանց քննության թողնելու մասին որոշումը.

գ) օրենքով սահմանված կարգով դատարան հայց ներկայացնելու կամ հետագայում նաև դատարան բողոք բերելու դեպքերում` դատական ակտի հիման վրա Նախարարության ընդունած նոր վարչական ակտը, ինչպես նաև օրենքի 76-րդ հոդվածի «գ» և «դ» կետերի համաձայն դատարանի կողմից Նախարարության գործողությունը ոչ իրավաչափ ճանաչելու կամ վիճարկվող գործողություն կատարելու պարտականություն դնելու մասին որոշման հիման վրա նախազգուշացումը.

դ) օրենքի 85-րդ հոդվածի համաձայն Նախարարության իրավասության սահմաններում հարկադրանքի միջոց նշանակելու մասին ակտը:

Ելնելով նպատակահարմարությունից` Նախարարությունը կարող է հաշվառել նաև վարչական վարույթին առնչվող մյուս փաստաթղթերը (օրինակ` վարույթը կասեցնելու, փորձագետ հրավիրելու, զննում կատարելու, վարույթի ժամկետը երկարաձգելու, բացարկի վերաբերյալ ակտերը և այլն):

36. Ակտերի հաշվառման գրանցամատյանում հաշվառվող ակտի վերաբերյալ նշվում են հետևյալ տեղեկությունները`

ա) վարչական վարույթ հարուցելու հիմքը` անձի դիմումը (բողոքը) կամ Նախարարության նախաձեռնությունը.

բ) հաշվառվող ակտի անվանումը (որոշում, հրաման, կարգադրություն և այլն), ընդունման տարեթիվը, ամիսը, ամսաթիվը և համարը.

գ) վարչական ակտի հասցեատիրոջ անունը, հայրանունը, ազգանունը (անվանումը), նրա հասցեն (գտնվելու վայրը):

Եթե վարչական ակտն ուղղված է որոշակի անհատական չափանիշներով առանձնացված անձանց խմբի (օրենքի 53-րդ հոդվածի 1-ին մասի երկրորդ պարբերություն), ապա նշվում է միայն առանձնացված խմբի անվանումը.

դ) վարչական ակտի եզրափակիչ մասի (օրենքի 55-րդ հոդվածի 4-րդ մասի «զ» կետ) շարադրանքը.

ե) վարչական ակտին կից ներդիրների, հավելվածների կամ այլ լրացուցիչ փաստաթղթերի անվանումները, մեծաթիվ լինելու դեպքում` նշում դրանց քանակի մասին.

զ) վարչական ակտի ընդունմանը մասնակցած այլ վարչական մարմինների անվանումները, եթե այդ վարչական ակտն ընդունվել է օրենքի 52-րդ հոդվածին համապատասխան, ինչպես նաև վարչական ակտի ընդունման համար անհրաժեշտ` այլ վարչական մարմիններից ստացված թույլտվությունները կամ համաձայնությունները, մեծաթիվ լինելու դեպքում` նշում դրանց քանակի մասին.

է) վարչական ակտի էջերի և ակտի բաղկացուցիչ մասը կազմող մյուս փաստաթղթերի էջերի ընդհանուր թիվը:

37. Անհրաժեշտությունից ելնելով, Նախարարությունը կարող է ակտի հաշվառման գրանցամատյանում ներառել այդ ակտերին վերաբերող նաև այլ տեղեկություններ:

38. Ակտերի հաշվառման գրանցամատյանում ուղղումներ կատարելու դեպքում` համապատասխան պաշտոնատար անձը տվյալ էջի աջ անկյունում` ուղղմանը զուգահեռ մասում նշում է, որ ուղղումները կատարել է ինքը և ստորագրում է:

V. ԵԶՐԱՓԱԿԻՉ ԴՐՈՒՅԹՆԵՐ

39. Նախարարությունը յուրաքանչյուր տարվա ավարտից հետո` մինչև դրան հաջորդող տարվա մարտ ամիսն ստուգում է վարչական վարույթի վերաբերյալ գործերի, դրանց հաշվառման գրանցամատյանների և ակտերի հաշվառման գրանցամատյանների վարման սահմանված կարգի պահպանման վիճակը, ուսումնասիրում և վերլուծում է այդ գործում առկա թերությունների և բացթողումների պատճառները, միջոցներ է ձեռնարկում դրանց վերացման, ինչպես նաև այդ գործի համար պատասխանատու աշխատողների աշխատանքների բարելավման ուղղությամբ:

40. Վարչական վարույթի վերաբերյալ գործերը, դրանց հաշվառման և ակտերի հաշվառման գրանցամատյանները պահպանվում են Նախարարությունում` սահմանված գործավարության կանոններին համապատասխան և օրենքով սահմանված կարգով ենթակա են արխիվացման:

Հավելված N 2 Հայաստանի Հանրապետության  բնապահպանության նախարարի 2005 թվականի հունվարի 17-ի N 13-Ն հրամանի

ՑԱՆԿ

Հայաստանի Հանրապետության բնապահպանության նախարարության աշխատակազմում վարվող վարչական վարույթի վերաբերյալ գործերի հաշվառման գրանցամատյանների

(վերնագիրը խմբ. 18.01.16 N 8-Ն)

I. Իրավաբանական վարչություն

Իրավական ապահովման բաժին

1. Վարչական վարույթի վերաբերյալ գործերի հաշվառման N 1 գրանցամատյան,

2. Վարչական վարույթի վերաբերյալ գործերի հաշվառման միասնական N 2 գրանցամատյան:

II. Ջրային ռեսուրսների կառավարման գործակալություն

Ջրօգտագործման թույլտվությունների բաժին

3. Ջրօգտագործման թույլտվությունների գրանցամատյան. վարչական վարույթի վերաբերյալ գործերի հաշվառման N 1 գրանցամատյան (ՋԹ-1),

4. Ջրօգտագործման թույլտվությունների գրանցման մատյան. վարչական ակտերի հաշվառման միասնական գրանցամատյան N 2 (ՋԹ-2):

III. Կենսառեսուրսների կառավարման գործակալություն

Կենդանական ռեսուրսների կառավարման բաժին

5. Վայրի կենդանիների և կենդանաբանական հավաքածուների ու առանձին նմուշների Հայաստանի Հանրապետության տարածքից արտահանելու և Հայաստանի Հանրապետության տարածք ներմուծելու թույլտվությունների գրանցամատյան ԿԹ-1 վարչական վարույթի վերաբերյալ գործերի հաշվառման N 1 գրանցամատյան,

6. Վայրի կենդանիների և կենդանաբանական հավաքածուների ու առանձին նմուշների Հայաստանի Հանրապետության տարածքից արտահանելու և Հայաստանի Հանրապետության տարածք ներմուծելու թույլտվությունների գրանցամատյան՝ վարչական ակտերի հաշվառման միասնական N 2 գրանցամատյան,

7. Վայրի կենդանիներ և առանձին վայրի բույսեր, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների հաշվառման գրանցամատյան՝ վարչական վարույթի վերաբերյալ գործերի հաշվառման N 1 գրանցամատյան (առանձին վայրի կենդանիների վերաբերյալ),

8. Վայրի կենդանիներ և առանձին վայրի բույսեր, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական ակտերի հաշվառման միասնական N 2 գրանցամատյան (առանձին վայրի կենդանիների վերաբերյալ),

9. Հայաստանի Հանրապետության, Բելառուսի Հանրապետության, Ղազախստանի Հանրապետության և Ռուսաստանի Դաշնության Կարմիր գրքում ընդգրկված հազվագյուտ և անհետացող վայրի կենդանիների և բույսերի տեսակներ ու դրանց մասեր և (կամ) ածանցյալներ, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական վարույթի վերաբերյալ գործերի հաշվառման N 1 գրանցամատյան (վայրի կենդանիների վերաբերյալ),

10. Հայաստանի Հանրապետության, Բելառուսի Հանրապետության, Ղազախստանի Հանրապետության և Ռուսաստանի Դաշնության Կարմիր գրքում ընդգրկված հազվագյուտ և անհետացող վայրի կենդանիների և բույսերի տեսակներ ու դրանց մասեր և (կամ) ածանցյալներ, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական ակտերի հաշվառման միասնական N 2 գրանցամատյան (վայրի կենդանիների վերաբերյալ),

11. Հայաստանի Հանրապետության բնապահպանության նախարարության կողմից տրամադրվող ՍԻԹԵՍ-ի թույլտվությունների գրանցամատյան` վարչական վարույթի վերաբերյալ գործերի հաշվառման N 1 գրանցամատյան,

12. Հայաստանի Հանրապետության բնապահպանության նախարարության կողմից տրամադրվող ՍԻԹԵՍ-ի թույլտվությունների գրանցամատյան` վարչական ակտերի հաշվառման միասնական N 2 գրանցամատյան:

Բուսական ռեսուրսների կառավարման բաժին

13. Բուսաբանական հավաքածուների և առանձին նմուշների Հայաստանի Հանրապետության տարածքից արտահանելու և Հայաստանի Հանրապետության տարածք ներմուծելու թույլտվությունների հաշվառման գրանցամատյան` ԲԹ-1, վարչական վարույթի վերաբերյալ գործերի հաշվառման N 1 գրանցամատյան,

14. Բուսաբանական հավաքածուների և առանձին նմուշների Հայաստանի Հանրապետության տարածքից արտահանելու և Հայաստանի Հանրապետության տարածք ներմուծելու թույլտվությունների՝ վարչական ակտերի հաշվառման միասնական գրանցամատյան N 2,

15. Վայրի կենդանիներ և առանձին վայրի բույսեր, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների հաշվառման գրանցամատյան՝ վարչական վարույթի վերաբերյալ գործերի հաշվառման N 1 գրանցամատյան (առանձին վայրի բույսերի վերաբերյալ),

16. Վայրի կենդանիներ և առանձին վայրի բույսեր, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական ակտերի հաշվառման միասնական N 2 գրանցամատյան (առանձին վայրի բույսերի վերաբերյալ),

17. Հայաստանի Հանրապետության, Բելառուսի Հանրապետության, Ղազախստանի Հանրապետության և Ռուսաստանի Դաշնության Կարմիր գրքում ընդգրկված հազվագյուտ և անհետացող վայրի կենդանիների և բույսերի տեսակներ ու դրանց մասեր և (կամ) ածանցյալներ, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական վարույթի վերաբերյալ գործերի հաշվառման N 1 գրանցամատյան (վայրի բույսերի վերաբերյալ),

18. Հայաստանի Հանրապետության, Բելառուսի Հանրապետության, Ղազախստանի Հանրապետության և Ռուսաստանի Դաշնության Կարմիր գրքում ընդգրկված հազվագյուտ և անհետացող վայրի կենդանիների և բույսերի տեսակներ ու դրանց մասեր և (կամ) ածանցյալներ, որոնց տեղափոխումը Եվրասիական տնտեսական միության մաքսային տարածքով սահմանափակ է, արտահանման լիցենզիաների՝ վարչական ակտերի հաշվառման միասնական N 2 գրանցամատյան (վայրի բույսերի վերաբերյալ):

lV. Բնապահպանական պետական տեսչություն

Վարչարարության և փորձաքննության բաժին

19. Վարչական վարույթի վերաբերյալ գործերի հաշվառման N 1 գրանցամատյան,

20. Վարչական վարույթի վերաբերյալ գործերի հաշվառման միասնական N 2 գրանցամատյան,

Երևանի տարածքային բաժին

21. Երևանի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

22. Երևանի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Արարատի տարածքային բաժին

23. Արարատի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

24. Արարատի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Արմավիրի տարածքային բաժին

25. Արմավիրի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

26. Արմավիրի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Արագածոտնի տարածքային բաժին

27. Արագածոտնի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

28. Արագածոտնի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Գեղարքունիքի տարածքային բաժին

29. Գեղարքունիքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

30. Գեղարքունիքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Կոտայքի տարածքային բաժին

31. Կոտայքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

32. Կոտայքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Տավուշի տարածքային բաժին

33. Տավուշի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

34. Տավուշի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Լոռու տարածքային բաժին

35. Լոռու տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

36. Լոռու տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Շիրակի տարածքային բաժին

37. Շիրակի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

38. Շիրակի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Վայոց ձորի տարածքային բաժին

39. Վայոց ձորի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

40. Վայոց ձորի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան,

Սյունիքի տարածքային բաժին

41. Սյունիքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման գրանցամատյան N 1,

42. Սյունիքի տարածքային բաժնում ֆիզիկական և իրավաբանական անձանց բողոքների, դիմումների հիման վրա հարուցված վարչական վարույթի վերաբերյալ գործերի հաշվառման միասնական N 2 գրանցամատյան:

V. Թափոնների և մթնոլորտ արտանետումների կառավարման գործակալություն

Թափոնների անձնագրերի համաձայնեցման և թույլտվությունների տրամադրման բաժին

43. Թափոնների արտահանման, ներմուծման և տարանցիկ փոխադրման լիցենզիաների և թույլտվությունների վարչական վարույթի գրանցամատյան N 1,

44. Թափոնների արտահանման, ներմուծման և տարանցիկ փոխադրման լիցենզիաների և թույլտվությունների վարչական վարույթի հաշվառման միասնական գրանցամատյան N 2,

45. Թմրամիջոցների և հոգեմետ նյութերի պրեկուրսորներ չհամարվող թունավոր նյութերի փոխադրման լիցենզիաների և թույլտվությունների վարչական վարույթի գրանցամատյան N 1,

46. Թմրամիջոցների և հոգեմետ նյութերի պրեկուրսորներ չհամարվող թունավոր նյութերի փոխադրման լիցենզիաների և թույլտվությունների վարչական վարույթի հաշվառման միասնական գրանցամատյան N 2:

Մթնոլորտ արտանետումների և օզոնային շերտը քայքայող նյութերի առաքման թույլտվությունների բաժին

47. Սահմանային թույլատրելի արտանետումների թույլտվությունների տրամադրման վարչական վարույթի N 1 գրանցամատյան,

48. Սահմանային թույլատրելի արտանետումների թույլտվությունների տրամադրման վարչական վարույթի հաշվառման միասնական N 2 գրանցամատյան,

49. Օզոնային շերտը քայքայող նյութերի ներմուծման թույլտվությունների /լիցենզիաների հաշվառման N 1 գրանցամատյան,

50. Օզոնային շերտը քայքայող նյութերի ներմուծման թույլտվությունների /լիցենզիաների հաշվառման միասնական N 2 գրանցամատյան:

Vl. «Շրջակա միջավայրի վրա ազդեցության փորձաքննական կենտրոն» պետական ոչ առևտրային կազմակերպություն

51. Հիմնադրույթային փաստաթղթերի և նախատեսվող գործունեությունների տեխնիկական առաջադրանքների գրանցամատյան N 1,

52. Հիմնադրույթային փաստաթղթերի և նախատեսվող գործունեությունների տեխնիկական առաջադրանքների հաշվառման միասնական գրանցամատյան N 2:

(հավելվածը խմբ. 18.01.16 N 8-Ն)