ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

4 փետրվարի 2015 թ.

N 03-Ն

Հ Ր Ա Մ Ա Ն

Հավելված ՀՀ ԱՆ 04 փետրվար 2015 թվականի N 03-Ն հրամանի Հավելված 18 ՀՀ ԱՆ 2014 թվականի մայիսի 6-ի N 16-Ն հրամանի

ՀՂԻԻ ՀՍԿՈՂՈՒԹՅԱՆ ՊԱՐՏԱԴԻՐ ԾԱՎԱԼՆԵՐԻ ՀԱՇՎԱՌՄԱՆ ՁԵՎ (ձև 005)

1. Հղիությունը վարող բժշկական կազմակերպության անվանումը և կոդը

2. Հղիի և ծննդկանի անհատական քարտի համարը

3. Հաշվառման վերցնելու ամսաթիվը /օր, ամիս, տարի/

4. Գրանցված է բժշկական կազմակերպությունում

6. Վերջին դաշտանային ցիկլի առաջին օրը, ամիսը, տարին

5. Ուղեգրված է գրանցող առողջության առաջնային պահպանման բժշկի կողմից

7. Պտղի ենթադրյալ գեստացիան շաբաթներով

8. Հղի կնոջ անունը, ազգանունը, հայրանունը

9. Անձը հաստատող փաստաթղթի տեսակը, սերիան և համարը

10. Ծննդյան օրը, ամիսը, տարին

11. Հանրային ծառայությունների համարը/սոցիալական քարտի համարը

12. Հեռախոսի համարը

13. Հաշվառման վայրը (մարզ, քաղաք/գյուղ, փողոց, շենք/տուն, բնակարան)

14. Բնակության վայրը (մարզ, քաղաք/գյուղ, փողոց, շենք/տուն, բնակարան)

15. Հղիությունը վարող մանկաբարձ-գինեկոլոգի անունը, ազգանունը, ստորագրությունը

16. Հղիությունը վարող մանկաբարձուհու (բուժքույր) անունը, ազգանունը, ստորագրությունը

17. Այցի կատարման օրը, ամիսը, տարին

18. Նշում-ներ

19. Հղիների հսկողության ընթացքում իրականացված ծառայությունները

Ծառայության կոդ

Ծառայություն մատուցած բժշկական կազմակերպության կոդ և անվանում

Ծառայության մատուցման օր, ամիս, տարի

Վճարման տեսակը

Արդյունք

Ծառա-յության կոդ

Ծառայություն մատուցած բժշկական կազմակերպության կոդ և անվանում

Ծառայության մատուցման օր, ամիս, տարի

Վճարման տեսակը

Արդյունք

01010

01035

01038

01039

01043

01050

01060

04001

04012

04036

07050

20. Ախտորոշում /կոդ/

21. Ուղեկցող Հիվանդություններ /կոդ և անվանում/

22. Բարդություններ /կոդ/

23. Դեպքի ավարտ /ելք /կոդ/  Ամսաթիվ /օր, ամիս, տարի/

24. Մուտքագրողի անունը, ազգանունը  ստորագրությունը

Ամսաթիվ /օր, ամիս, տարի/

Հավելված N 19 ՀՀ ԱՆ 2014 թվականի մայիսի 6-ի N 16-Ն հրամանի

Կ Ա Ր Գ

ՀՂԻԻ ՀՍԿՈՂՈՒԹՅԱՆ ՊԱՐՏԱԴԻՐ ԾԱՎԱԼՆԵՐԻ ՀԱՇՎԱՌՄԱՆ ՁԵՎԻ ՇՐՋԱՆԱՌՈՒԹՅԱՆ ԵՎ ԼՐԱՑՄԱՆ

I. Ընդհանուր դրույթներ

1. Հղիի հսկողության պարտադիր ծավալների հաշվառման ձևը (այսուհետ` Ձև) լրացվում է պետության կողմից երաշխավորված անվճար բժշկական օգնություն և սպասարկում իրականացնող բոլոր բժշկական կազմակերպություններում` մանկաբարձ-գինեկոլոգի կողմից` այն անձանց համար, ովքեր դիմել են մանկաբարձ-գինեկոլոգին` որպես իրենց հղիության հսկողությունն իրականացնող բժշկի և հաշվառվել են նրա մոտ էլեկտրոնային հաշվառման եղանակով:

2. Ձևը իրենից ներկայացնում է հղիության հաշվառման և վարման ընթացքում կատարված այցերի հաշվառման անհատական ձև, որը հիմք է հանդիսանում մանկաբարձ-գինեկոլոգի գործունեության գնահատման և դրա հիման վրա բժշկական կազմակերպությունների լրացուցիչ փոխհատուցման և բժիշկների վարձատրության համար:

3. Ձևը լրացվում է հղիության հաշվառման և հղիության ավարտի/ելքի դեպքում, իսկ հղիության վարման ընթացքում միայն համապատասխան լաբորատոր-գործիքային ախտորոշիչ հետազոտությունների իրականացման նպատակով հղիի այցի դեպքում:

4. Ձևը կիրառելի է բժշկական օգնության և սպասարկման ծառայությունների մատուցման ծավալի գնահատման, ծախսերի պլանավորման, բուժօգնության ստանդարտների և ծախսերի հիմնավորվածության, բժշկական օգնության և սպասարկման որակի գնահատման և բարելավման միջոցառումների պլանավորման, ինչպես նաև ներքին կառավարման նպատակով վիճակագրական հաշվետվություններ կազմելու համար:

II. Ձևի շրջանառության կազմակերպումը բժշկական կազմակերպությունում

5.Բժշկական կազմակերպությունը Ձևի շրջանառությունը կարող է կազմակերպել ստորև շարադրված երեք տարբերակներից որևէ մեկով: Ձևի շրջանառության ընտրված տարբերակը հաստատվում է բժշկական կազմակերպության ղեկավարի հրամանով:

1) Ձևի շրջանառության 1-ին տարբերակը իրականացվում է հետևյալ կերպ.

ա. Ձևերը գտնվում են գրանցման (մատենավարման) բաժնում կամ ընդունարանում, որտեղ գրանցման մատյանի միջոցով վարվում է համարակալված ձևերի հաշվառում: Գրանցման (մատենավարման) բաժնի աշխատակցի բացակայության դեպքում, բժշկական կազմակերպության ղեկավարի հրամանով, հաշվառման պարտականությունների կատարումը հանձնարարվում է այլ աշխատակցի (գրանցող),

բ. Հաշվառման վերցված հղիի յուրաքանչյուր «այցի» համար գրանցողը հատկացնում է մեկ ձևաթուղթ, որի 1, 4, 5, 8-14, 17-րդ կետերի լրացումից հետո հանձնում է բժշկին,

գ. Բժիշկը (կամ բժշկի հրահանգով` բուժքույրը), լրացնում է առաջին այցի համար 2. 3. 6. 7 և 18-23, իսկ յուրաքանչյուր հաջորդ այցերի համար՝ 7-րդ և 18-ից մինչև 23-րդ կետերը: Դեպքի ավարտից հետո Ձևը լրացվում է մեկ աշխատանքային օրվա ընթացքում: Ձևի լրացման հիմք են հանդիսանում ՀՀ առողջապահության նախարարի 2014 թվականի մայիսի 6-ի N 16-Ն հրամանով հաստատված հավելված 1-ում (հղիի և ծննդկանի անհատական քարտ) կատարված գրառումները: Ձևում լրացվում են միայն փաստացի իրականացված ծառայությունները (նշանակված, բայց չիրականացված ծառայությունները չեն լրացվում),

դ. Լրացված Ձևերը բժիշկը ստորագրում է և յուրաքանչյուր աշխատանքային օրվա վերջում հանձնում բժշկական կազմակերպության մուտքագրողին,

ե.Մուտքագրողը Ձևերի մուտքագրումը իրականացնում է բժիշկներից լրացված Ձևերի ստացման հերթականությամբ: Տվյալները մուտքագրելուց հետո Մուտքագրողը Ձևում լրացնում է մուտքագրման ամսաթիվը, ստորագրում նախատեսված տեղում:

զ. Հղիության ավարտից/ելքից հետո մուտքագրողը տպում է հղիի ձևի ամփոփը, ստորագրում և փոխանցում է բժշկին՝ այն սահմանված կարգով պահպանելու նպատակով:

2) Ձևի շրջանառութան 2-րդ տարբերակը իրականացվում է հետևյալ կերպ.

ա. Նախօրոք բժշկական կազմակերպությունը տեղադրում է համակարգիչ գրանցման (մատենավարման) բաժնում կամ ընդունարանում, որտեղ վարվում է ձևերի ավտոմատ հաշվառում,

բ. Հաշվառման վերցված հղիի յուրաքանչյուր «այցի» համար գրանցողը տպագրում է մեկ ձևաթուղթ, որի 1-ից 17-րդ կետերը և 20-րդ կետը լրացվում են ավտոմատ՝ հղիության հաշվառման ժամանակ լրացված այցի ընթացքում տրամադրված տվյալների հիման վրա և հանձնում է բժշկին,

գ. Ձևի 1-ից 17-րդ կետերում և 20-րդ կետում փոփոխությունների դեպքում հիմք է վերցվում տպագրված ձևի վրա կատարված նշումներով ձևը, որից հետո նշված փոփոխությունները ենթակա են կատարման ձևի էլեկտրոնային տարբերակում,

դ. Յուրաքանչյուր այցի համար բժիշկը (կամ բժշկի հրահանգով` բուժքույրը) լրացնում է 18-ից մինչև 23-րդ կետերը: Դեպքի ավարտից հետո Ձևը լրացվում է մեկ աշխատանքային օրվա ընթացքում: Ձևի լրացման հիմքը` ՀՀ առողջապահության նախարարի 2014թ մայիսի 6-ի N 16-Ն հրամանով հաստատված հավելված 1-ում կատարված գրառումներն են: Ձևում լրացվում են միայն փաստացի իրականացված ծառայությունները (նշանակված, բայց չիրականացված ծառայությունները չեն նշվում),

ե. Լրացված Ձևերը բժիշկը ստորագրում է և յուրաքանչյուր աշխատանքային օրվա վերջում հանձնում բժշկական կազմակերպության մուտքագրողին,

զ. Մուտքագրողը Ձևերի մուտքագրումը իրականացնում է բժիշկներից լրացված Ձևերի ստացման հերթականությամբ: Տվյալները մուտքագրելուց հետո Մուտքագրողը Ձևում լրացնում է մուտքագրման ամսաթիվը, ստորագրում նախատեսված տեղում:

է. Հղիության ավարտից/ելքից հետո մուտքագրողը տպում է հղիի ձևի ամփոփը, ստորագրում և փոխանցում է բժշկին՝ այն սահմանված կարգով պահպանելու նպատակով:

3) Ձևի շրջանառութան 3-րդ տարբերակը իրականացվում է հետևյալ կերպ.

ա. Բժշկական կազմակերպությունը ընդունարանում կամ համապատասխան սենյակում տնօրենի հրամանով տեղադրում է համակարգիչ՝ ավտոմատացված տեղեկատվական համակարգչային ծրագրով, որտեղ կազմակերպվում է բժշկական կազմակերպության բնակչության գրանցման, առողջության առաջնային պահպանման (այսուհետ` ԱԱՊ) այցերի հաշվառման, հղիի հաշվառման ձևերի գրանցման, հաշվետվությունների ստացման և ուղարկման, ցուցանիշների վերահսկման և համակարգման գործընթաց,

բ. Ավտոմատացված տեղեկատվական համակարգչային ծրագրեր են տեղադրվում նաև բժիշկների համակարգիչներում, որտեղ տնօրենի հրամանով բժիշկը կամ բուժքույրը կատարում են հղիի այցերի մուտքագրումներ՝ հիմք ընդունելով ՀՀ առողջապահության նախարարի 2014 թվականի մայիսի 6-ի N 16-Ն հրամանով հաստատված հավելված 1-ով նախատեսված հղիի և ծննդկանի անհատական քարտում տվյալ այցի մասին լրացված տեղեկատվությունը,

գ. Գրառումները հղիի և ծննդկանի անհատական քարտում կատարվում են սույն կարգի հղիի հսկողության պարտադիր ծավալների հաշվառման ձևի լրացման պահանջներին համապատասխան,

դ. Մուտքագրված տվյալները բժիշկը հաստատում է և ուղարկում բժշկական կազմակերպության տվյալների շտեմարան:

III. Լրացված և մուտքագրած Ձևերի պահպանումը բժշկական կազմակերպությունում

6. Լրացված և մուտքագրած Ձևերի թղթային տարբերակները բժշկական կազմակերպությունում պահպանվում են 3 տարի ժամկետով` հղիի և ծննդկանի անհատական քարտում: Նշված ժամկետը լրանալուց հետո այդ ձևաթղթերը ենթակա են ոչնչացման՝ համապատասխան ակտի ձևակերպմամբ, իսկ էլեկտրոնային տարբերակները արխիվացվում են յուրաքանչյուր տարվա վերջում և պահպանվում մագնիսական կրիչների վրա:

IV. Ձևի շրջանառության համակարգումը

7. Ձևի լրացման գործընթացի համակարգումը և թերությունների շտկումը բժշկական կազմակերպությունում իրականացվում է ըստ տնօրենի կողմից հաստատված ներքին կանոնակարգի` նշանակված պատասխանատու անձի (այսուհետ` Համակարգող) միջոցով:

8. Թերի լրացված Ձևերը չեն մուտքագրվում և աշխատանքային օրվա վերջում դրանք ներկայացվում են Համակարգողին: Համակարգողը թերությունները վերացնելու նպատակով դրանք քննարկում է բժշկի հետ և ետ վերադարձնում: Բժիշկը Ձևում եղած թերությունները մեկ աշխատանքային օրվա ընթացքում շտկում և հանձնում է մուտքագրողին:

9. Լրացման տեսակետից թերի են համարվում այն ձևերը, որոնցում բացակայում են.

1) 1-ից 17-րդ կետերը, 20-րդ և 24-րդ կետերը՝ բոլոր դեպքերի համար,

2) 19-րդ կետը՝ այն դեպքերի համար, երբ բացակայում է «Արդյունք» սյունում որևէ գրառում, սակայն կան նշումներ համապատասխան ծառայություն մատուցած բժշկական կազմակերպության կոդի և անվանման և/կամ ծառայության մատուցման օր, ամիս տարի տողերում,

3) 23-րդ կետը՝ այն դեպքերի համար, երբ 7-րդ կետում նշված թիվը անցել է 41 շաբաթական ժամկետը:

10. Համակարգողը պարբերաբար կատարում է ընտրանքային ստուգում` դիտարկելով Ձևում լրացված տեղեկությունների համապատասխանությունը հղիի և ծննդկանի անհատական քարտում կատարված գրառումների հետ կամ տվյալների համապատասխանությունը տվյալների էլեկտրոնային բազայոմ:

V. Բժշկական կազմակերպության կողմից հղիների հսկողության վերաբերյալ հաշվետվությունների ներկայացման կարգը

11. Պետության կողմից երաշխավորված անվճար կամ արտոնյալ պայմաններով արտահիվանդանոցային մանկաբարձագինեկոլոգիական բժշկական օգնություն և սպասարկում իրականացնող յուրաքանչյուր բժշկական կազմակերպություն էլեկտրոնային կրիչով, էլեկտրոնային փոստով կամ ինտերնետի միջոցով առցանց տարբերակով Հայաստանի Հանրապետության առողջապահության նախարարության աշխատակազմի պետական առողջապահական գործակալության (այնուհետև՝ ՊԱԳ) տարածքային կենտրոն է ներկայացնում հղիի հսկողության պարտադիր ծավալների հաշվառման ձևերի էլեկտրոնային տվյալների շտեմարանը` ոչ ուշ, քան հաշվետու ամսվան հաջորդող հինգերորդ աշխատանքային օրը:

12. Տվյալների շտեմարանի հետ միասին բժշկական կազմակերպության պատասխանատուն թղթային տարբերակով, էլեկտրոնային կրիչով, էլեկտրոնային փոստով կամ ինտերնետի միջոցով առցանց տարբերակով ներկայացնում է ՀՀ առողջապահության նախարարի 06.05.2014 թվականի N 16-Ն հրամանի հավելված 20-ով հաստատված «Հաշվետվություն ծառայությունների վերաբերյալ ըստ հղիության շաբաթների» ամփոփ ամսական հաշվետվությունը (Հաշվետվություն PR_001), որը պետք է հաստատված լինի բժշկական կազմակերպության տնօրենի և պատասխանատուի կողմից:

13. ՊԱԳ տարածքային կենտրոնի կողմից 1 աշխատանքային օրվա ընթացքում ստուգվում է բժշկական կազմակերպության կողմից ներկայացված հաշվետվության ձևի և տվյալների շտեմարանի համապատասխանությունը: Թերությունների կամ անհամապատասխանության դեպքում բժշկական կազմակերպությունը 1 աշխատանքային օրվա ընթացքում շտկում և ՊԱԳ-ի տարածքային կենտրոն է ներկայացնում ճշտված ամփոփ հաշվետվությունը և տվյալների շտեմարանը:

14. Տվյալների հանրապետական (միասնական) շտեմարանում հաշվետու ժամանակահատվածի վերջին օրվա դրությամբ տվյալների համադրումների և ճշտումների հիման վրա ՊԱԳ-ի կողմից Վեբ ծառայության միջոցով հրապարակվում է վավեր հղիության գրանցումների, անվավեր գրանցումների և մանկաբարձ-գինեկոլոգների ըստ գործունեության արդյունքների գնահատման ամփոփ հաշվետվություններ, որոնք հիմք են ընդունվում բժշկական կազմակերպության կողմից ներկայացված ՀՀ առողջապահության նախարարի 24.01.2011 թվականի N 63-Ա և 03.05.2010 թվականի N 695-Ա հրամաններով հաստատված «Պետական պատվերի շրջանակներում կատարված աշխատանքներն ըստ բյուջետային ծրագրերի և բժշկական ծառայությունների տեսակների» /ՁևN HP_011/ և «Ամփոփ հաշվետվություն ցուցանիշների կատարման վերաբերյալ» /Ձև N EN 009/ հաշվետվությունների ձևավորման համար:

15. Հղիի հսկողության պարտադիր ծավալների հաշվառման ձևերի միջոցով տվյալների հավաքման և մուտքագրման տեխնիկական և ծրագրային ապահովման աշխատանքների ֆինանսավորման աղբյուր է հանդիսանում մանկաբարձագինեկոլոգիական բժշկական օգնության և սպասարկման ծրագրի և ըստ գործունեության արդյունքների լրացուցիչ ֆինանսավորման ծրագրի համար նախատեսված գումարները:

VI. Ձևի լրացման պահանջներ, պարզաբանումներ

16. Ձևը լրացվում է միայն ՀՀ առողջապահության նախարարի 2013 թվականի նոյեմբերի 28-ի N 77-Ն հրամանով հաստատված «Պետության կողմից երաշխավորված անվճար բժշկական օգնության և սպասարկման շրջանակներում արտահիվանդանոցային պայմաններում ցուցաբերվող մանկաբարձագինեկոլոգիական բժշկակական օգնության և սպասարկման չափորոշիչ»-ով սահմանված ընթացակարգին համապատասխան հաշվառված հղիների համար:

17. Բժշկի/բուժքրոջ ժամանակավոր բացակայության դեպքում, նրա մոտ հաշվառված հղիի սպասարկումն իրականացվում է այլ բժշկի կողմից` տվյալ այցի համար լրացվող Ձևում նշելով փոխարինող բժշկի տվյալները:

18. Ձևի լրացման ընթացքում՝ անկախ ընտրված տարբերակից, պարտադիր են հետևյալ լրացման պահանջները.

1) Հղիությունը վարող բժշկական կազմակերպության անվանումը և կոդը _ Լրացվում է հղիությունը վարող բժշկական կազմակերպության անվանումը, իսկ վանդակներում լրացվում է բժշկական կազմակերպության ութանիշ կոդը, որը տրված է ՊԱԳ-ի կողմից: Եթե կոդի վերջին չորս նիշերը զրոներ են, ապա դրանք չեն լրացվում:

2) Հղիի և ծննդկանի անհատական քարտի համարը-լրացվում է հղիի և ծննդկանի անհատական քարտի համարը:

3) Հաշվառման վերցնելու օրը, ամիսը, տարին _ լրացվում է հղիին հաշվառման վերցնելու ամսաթիվը:

4) Գրանցված է բժշկական կազմակերպությունում _ Եթե տվյալ հղին գրանցված է հսկողությունը իրականացնող կազմակերպությունում՝ ԱԱՊ բժշկի մոտ համապատասխան վանդակում դրվում է «√» նշանը: Եթե տվյալ հղին գրանցված չէ հսկողությունը իրականացնող կազմակերպությունում՝ ԱԱՊ բժշկի մոտ և ներկայացրել է տեղեկանք, որ գրանցված է այլ բժշկական կազմակերպության ԱԱՊ բժշկի մոտ, սակայն այնտեղ հղիության հսկողություն չի իրականացվում, ապա համապատասխան վանդակում նշում չի արվում:

5) Ուղեգրվել է գրանցող ԱԱՊ բժշկի կողմից _ Եթե առկա է ԱԱՊ բժշկի կողմից տրված ուղեգիր՝ անկախ այն հանգամանքից թե դա հսկողությունը իրականացնող կազմակերպության ԱԱՊ բժշկի, թե այլ բժշկական կազմակերպության ԱԱՊ բժշկի կողմից է տրամադրված, ապա համապատասխան վանդակում դրվում է «√» նշանը: Ուղեգրի բացակայության դեպքում համապատասխան վանդակում նշում չի արվում:

6) Վերջին դաշտանային ցիկլի առաջին օրը, ամիսը, տարին _ Հղիի հարցման միջոցով հնարավոր հստակ ժամկետ:

7) Պտղի ենթադրյալ գեստացիան շաբաթներով _ նշվում է սոնոգրաֆիայի իրականացման օրվան համապատասխան գեստացիան շաբաթներով:

8) Հղի կնոջ անունը, ազգանունը, հայրանունը_ լրացվում է հղի կնոջ անունը, ազգանունը, հայրանունը ըստ հերթականության, հիմք ընդունելով անձը հաստատող փաստաթուղթը:

9) Անձը հաստատող փաստաթղթի տեսակը, սերիան և համարը_ լրացվում է հղիի անձը հաստատող փաստաթղթի տեսակը (ՀՀ անձնագիր, նույնականացման քարտ, կացության վկայական, այլ), սերիան (բացի նույնականացման քարտից) և համարը, ըստ ներկայացված փաստաթղթի:

10) Ծննդյան օրը, ամիսը, տարին _ լրացվում է հղիի ծննդյան ամսաթիվը` ըստ անձը հաստատող փաստաթղթի:

11) Հանրային ծառայության համարանիշի/սոցիալական քարտի համար _լրացվում է հանրային ծառայությունների համարանիշի կամ սոցիալական քարտի համարը, ինչպես նաև դրանց բացակայության դեպքում տեղեկանքի համարը:

12) Հեռախոսի համարը _ Լրացվում է հղիի հեռախոսահամարը: Սկզբից լրացվում է ֆիքսված կամ բջջային կապի օպերատորի կոդը: Հայաստանի Հանրապետության այլ տարածաշրջաններից բնակչի դեպքում հեռախոսահամարի սկզբում պարտադիր լրացվում է տվյալ տարածաշրջանի կոդը:

13) Հաշվառման վայրը /մարզ, քաղաք, գյուղ, շենք, տուն, բնակարան/_ Լրացվում է հղիի անձնագրում նշված պաշտոնական հաշվառման վայրը: Նույնականացման քարտի դեպքում հիմք է ընդունվում հղիի բանավոր հայտարարությունը: Լրացվում է հետևյալ հաջորդականությամբ. մարզի անվանումը, քաղաքի կամ գյուղի անվանումը, փողոցի անվանումը, շենքի կամ տան (առանձնատների/սեփական) համարը, բնակարանի համարը՝ բազմաբնակարանանոց շենքերի դեպքում:

14) Բնակության վայրը /մարզ, քաղաք, գյուղ, շենք, տուն, բնակարան/ _ Լրացվում է ըստ հղիի կողմից իր մշտական բնակության վայրի վերաբերյալ ներկայացված տեղեկությունների: Եթե հաշվառման վայրը և բնակության վայրը համընկնում են, հաշվառման վայրը լրացվում է ամբողջությամբ, իսկ բնակության վայրի դիմաց պարտադիր լրացվում է «նույնը» բառը: Լրացվում է հետևյալ հաջորդականությամբ. մարզի անվանումը, քաղաքի կամ գյուղի անվանումը, փողոցի անվանումը, շենքի կամ տան համարը, բնակարանի համարը՝ բազմաբնակարանանոց շենքերի դեպքում:

15) Հղիությունը վարող մանկաբարձ-գինեկոլոգի անունը, ազգանունը, ստորագրությունը _ լրացվում է հղիին հաշվառման վերցրած մանկաբարձ-գինեկոլոգի անունը, ազգանունը, և վերջինս դնում է իր ստորագրությունը:

16) Հղիությունը վարող մանկաբարձուհու (բուժքույր) անունը, ազգանունը, ստորագրությունը_ լրացվում է մանկաբարձուհու (բուժքրոջ) անունը, ազգանունը, և վերջինս դնում է իր ստորագրությունը:

17) Այցի կատարման օրը, ամիսը, տարին _ լրացվում է այցի ամսաթիվը՝ օր, ամիս, տարի:

18) Նշումներ_լրացվում է ըստ անհրաժեշտության (այցի ընթացքում մանկաբարձ-գինեկոլոգի խորհրդատվության, ցուցումների համառոտ նկարագիր, այլ մասնագետներին ուղեգրումները և այլն):

19) Հղիների հսկողության ընթացքում իրականացված ծառայությունները.

ա. Ծառայության կոդ _ լրացվում է ըստ բժշկական ցուցումների իրականացված հետազոտության/ծառայության կոդը, համաձայն աղյուսակ 1-ում նշված ծառայությունների և դրանց կոդերի:

բ. Ծառայություն մատուցած բժշկական կազմակերպության կոդ և անվանում _ լրացվում է այն բժշկական կազմակերպության անվանումը, որտեղ մատուցվել է ծառայությունը, եթե տվյալ հիմնարկը ունի կոդ լրացվում է կոդը (միայն առաջին 4 թիվը), եթե ոչ՝ միայն անվանումը: Այն դեպքում, երբ հետազոտությունը կատարվում է տվյալ բժշկական կազմակերպությունում գրվում է «Տվյալ» բառը բժշկական կազմակերպության անվանման դաշտում: Եթե բոլոր հետազոտությունները իրականացվում են միայն մեկ Բժշկական կազմակերպությունում, ապա լրացվում է միայն առաջին տողը, իսկ մնացած տողերում դրվում է «√» նշանը:

գ. Ծառայության մատուցման ամսաթիվ /օր, ամիս, տարի/_ լրացվում է լաբորատոր-գործիքային ախտորոշիչ հետազոտության փաստացի կատարման օրը, ամիսը, տարին:

դ. Վճարման տեսակ - լրացվում է վճարման տեսակը.

- Պետպատվեր, եթե ծառայությունը փոխհատուցվում է պետպատվերի շրջանակներում,

- Վճարովի, եթե ծառայությունը կատարվել է վճարովի,

- Ապահովագրական, եթե ծառայությունը փոխհատուցվում է ապահովագրական փաթեթի շրջանակներում,

ե. Արդյունք _ լրացվում է իրականացված ծառայության/հետազոտության տվյալները:

20)Ախտորոշում /կոդ/_լրացվում է միայն ախտորոշման կոդը՝ համաձայն աղյուսակ 2-ում նշված ախտորոշումների անվանումներին համապատասխան կոդերի:

21) Ուղեկցող հիվանդություններ/կոդ և անվանում/_լրացվում է հղիության ընթացքում կամ մինչ հղիությունը ախտորոշված հիվանդությունների կոդերը և անվանումները ըստ հիվանդությունների միջազգային դասակարգչի (10-րդ վերանայում):

22) Բարդություններ /կոդ/_ լրացվում է հղիության բարդությունների կոդը՝ համաձայն աղյուսակ 3-ում նշված բարդությունների անվանումներին համապատասխան կոդերի:

23) Դեպքի ավարտ/Ելք և ամսաթիվ_լրացվում է հղիության ավարտը կամ ելքը՝ համաձայն աղյուսակ 4-ում նշված հղիության ավարտի կամ ելքի անվանման համապատասխան կոդի, ինչպես նաև դրա ամսաթիվը:

24) Մուտքագրողի անունը, ազգանունը, ստորագրությունը_հաշվառման ձևը մուտքագրելուց հետո պատասխանատու անձը նշում է իր անունը և ազգանունը, ստորագրում ձևը:

Աղյուսակ 1

Հղիների հսկողության ընթացքում իրականացված ծառայություններ

Ծառայության կոդ	Ծառայության անվանում	Ծառայության խումբը
01010	Արյան ընդհանուր քննություն	Ընդհանուր կլինիկա
01020	Արյան ընդհանուր քննություն լեյկոցիտար բանաձևի որոշմամբ	Ընդհանուր կլինիկա
01030	Հեմոգլոբինի որոշում	Ընդհանուր կլինիկա
01031	Էրիտրոցիտների հաշվարկ	Ընդհանուր կլինիկա
01032	Արյան գունային ցուցանիշ	Ընդհանուր կլինիկա
01033	Լեյկոցիտներ	Ընդհանուր կլինիկա
01034	էրիտրոցիտների նստեցման արագությունը	Ընդհանուր կլինիկա
01035	Տրոմբոցիտների հաշվարկ	Ընդհանուր կլինիկա
01036	Հեմատոկրիտի գնահատում	Ընդհանուր կլինիկա
01037	Լեյկոցիտար բանաձևի որոշում	Ընդհանուր կլինիկա
01038	Մակարդելիություն	Ընդհանուր կլինիկա
01039	Արյան խմբի և Ռեզուս գործոնի որոշում	Ընդհանուր կլինիկա
01040	Հակամարմիններ Ռեզուս գործոնի նկատմամբ	Ընդհանուր կլինիկա
01041	Արյան հետազ. մալարիայի վնասատուների դեմ հաստ կաթիլի պատրաստման եղանակով	Ընդհանուր կլինիկա
01042	Ռեակցիա Վասերմանի	Ընդհանուր կլինիկա
01043	Ռեակցիա VDRL/MPR	Ընդհանուր կլինիկա
01050	Մեզի ընդհանուր հետազոտություն	Ընդհանուր կլինիկա
01051	Մեզի ընդհանուր հետազոտություն ըստ Զիմնիցկու	Ընդհանուր կլինիկա
01052	Մեզի հետազոտություն ըստ Նեչիպարենկոի	Ընդհանուր կլինիկա
01053	Գլյուկոզայի որոշումը մեզում	Ընդհանուր կլինիկա
01054	Սպիտակուցի որոշումը մեզում	Ընդհանուր կլինիկա
01055	Բենս Ջոնսի սպիտակուցի որոշումը մեզում	Ընդհանուր կլինիկա
01056	Մեզի հետազ. ախտածին միկրոֆլորայի վերաբ.	Ընդհանուր կլինիկա
01060	Քսուքի բակտերիոսկոպիա` հեշտոցի/ուրետրայի/արգանդի վզիկի	Ընդհանուր կլինիկա
01063	Դեմոդեքսի առկայության քերուկի հետազոտություն	Ընդհանուր կլինիկա
01070	Կղանքի ընդհանուր հետազոտություն	Ընդհանուր կլինիկա
01071	Թաքնված արյուն	Ընդհանուր կլինիկա
01072	Ճճվակրություն	Ընդհանուր կլինիկա
02001	Ցանքս ախտածին միկրոֆլորայի վերաբերյալ	Բակտերիոլոգիա
02002	Ցանքս դիսբակտերիոզի վերաբերյալ	Բակտերիոլոգիա
02003	Ցանքս անտիբիոտիկների նկատմամբ զգայունության որոշման	Բակտերիոլոգիա
02004	Քսուք քիթ-կոկորդից ախտածին միկրոֆլորայի	Բակտերիոլոգիա
02005	Քսուք քիթ-կոկորդից դիֆտերիայի վերաբերյալ	Բակտերիոլոգիա
02006	Խորխի հետազոտություն	Բակտերիոլոգիա
02007	Արյան մանրէաբանական հետազոտություն	Բակտերիոլոգիա
02008	Կղանքի մանրէաբանական հետազոտություն	Բակտերիոլոգիա
02009	Պունկտատի ցանքս	Բակտերիոլոգիա
02011	Քսուք բկանցքից	Բակտերիոլոգիա
02012	Քսուք վերքից	Բակտերիոլոգիա
02013	Անտիբիոտիկազգայունություն	Բակտերիոլոգիա
03001	Խլամիդիա տրախոմատիս	Միզասեռական ուղիներից արտադր. հետազ.
03002	Միկոպլազմա գենիտալիում	Միզասեռական ուղիներից արտադր. հետազ.
03003	Միկոպլազմա հոմինիս	Միզասեռական ուղիներից արտադր. հետազ.
03004	Հերպեսի վիրուս	Միզասեռական ուղիներից արտադր. հետազ.
03005	Պապիլոմայի վիրուս	Միզասեռական ուղիներից արտադր. հետազ.
03006	Ուրեապլազմա	Միզասեռական ուղիներից արտադր. հետազ.
03007	Գոնոկոկեր	Միզասեռական ուղիներից արտադր. հետազ.
03008	Ցիտոմեգալովիրուս	Միզասեռական ուղիներից արտադր. հետազ.
03009	Սնկեր	Միզասեռական ուղիներից արտադր. հետազ.
03010	Միկոպլազմա գենիտալիում	Միզասեռական ուղիներից արտադր. հետազ.
04001	Գլյուկոզա արյան մեջ	Կենսաքիմիա
04002	Գլիկոզիլացված հեմոգլոբինի որոշումը արյան սիճ.` 7%-ից պակաս կամ հավասար ցուցանիշով	Կենսաքիմիա
04003	Գլիկոզիլացված հեմոգլոբինի որոշումը արյան սիճ.` 7%-ից ավել ցուցանիշով	Կենսաքիմիա
04004	Ընդհանուր խոլեստերինի որոշում` 5 մմոլ/լ-ից պակաս կամ հավասար ցուցանիշով	Կենսաքիմիա
04005	Ընդհանուր խոլեստերինի որոշում` 5 մմոլ/լ-ից ավել ցուցանիշով	Կենսաքիմիա
04006	b-լիպոպրոտեիդի (ԼՊՑԽ) որոշում	Կենսաքիմիա
04007	Տրիգլիցերիդների որոշում	Կենսաքիմիա
04008	Խոլեստերին -a- լիպոպրոտեիդներ (ԼՊԲԽ)	Կենսաքիմիա
04009	Ընդհանուր սպիտակուց	Կենսաքիմիա
04010	Սպիտակուցային ֆրակցիաներ արյան սիճ.	Կենսաքիմիա
04011	Միզաթթու` արյան մեջ	Կենսաքիմիա
04012	Միզանյութի որոշումը արյան սիճ.	Կենսաքիմիա
04013	Կրեատինինի որոշումը արյան սիճ.	Կենսաքիմիա
04014	Կրեատինինի կլիրենսի որոշումը արյան սիճ.	Կենսաքիմիա
04015	Կրեատինինֆոսֆոկինազայի ակտիվության որոշումը արյան սիճ.	Կենսաքիմիա
04016	Կրեատինկինազայի ակտիվության որոշումը արյան սիճ.	Կենսաքիմիա
04017	Ալֆա ամիլազայի ակտիվ. որոշումը արյան սիճ.	Կենսաքիմիա
04018	b-ամիլազայի ակտիվ. որոշումը արյան սիճ.	Կենսաքիմիա
04019	Ընդհանուր հիմնային ֆոսֆատազա արյան սիճ.	Կենսաքիմիա
04020	Գլյուկոզա-6-ֆոսֆատդեհիդրոգենազայի ակտիվ. որոշում	Կենսաքիմիա
04021	Գամմագլյուտամիլտրանսպեպտիդազայի ակտիվ. որոշումը արյան սիճ.	Կենսաքիմիա
04022	Լակտատդեհիդրագենազայի ակտիվ. որոշումը սիճ.	Կենսաքիմիա
04023	Ո-հիդրոկսիբութիրատ դեհիդրոգենազայի ակտիվ. որոշումը արյան սիճ.	Կենսաքիմիա
04024	Ալանինամինոտրանսֆերազա (ԱԼԱՏ) ակտիվ. որոշումը	Կենսաքիմիա
04025	Ասպարտատամինոտրանսֆերազա (ԱՍԱՏ) ակտիվ.որոշումը արյան սիճ.	Կենսաքիմիա
04026	Լիպազայի ակտիվության որոշումը արյան սիճ.	Կենսաքիմիա
04027	Խոլինէստերազայի որոշումը արյան սիճ.	Կենսաքիմիա
04028	Ընդհանուր բիլիռուբինի որոշումը արյան սիճ.	Կենսաքիմիա
04029	Բիլիռուբինի ֆրակցիաների որոշումը արյան սիճ.	Կենսաքիմիա
04030	Ուղղակի բիլիռուբինի որոշումը արյան սիճ.	Կենսաքիմիա
04031	Անուղղակի բիլիռուբինի որոշումը արյան սիճ.	Կենսաքիմիա
04032	Թիմոլային փորձի որոշումը արյան սիճ.	Կենսաքիմիա
04033	Լակտատայի որոշումը արյան սիճ.	Կենսաքիմիա
04034	Ֆիբրինոգենի որոշումը արյան պլազմայում	Կենսաքիմիա
04035	Պլազմայի ֆիբրինոլիտիկ ակտիվության որոշում	Կենսաքիմիա
04036	Պրոտրոմբինային ժամանակի որոշումը	Կենսաքիմիա
04037	Թրոմբոթեստ	Կենսաքիմիա
04038	Պլազմայի տոլերանտությունը արյան մեջ	Կենսաքիմիա
04039	Կալիումի որոշումը արյան սիճ.	Կենսաքիմիա
04040	Ընդհանուր կալցիումի որոշումը արյան սիճ.	Կենսաքիմիա
04041	Իոնիզացված կալցիումի որոշումը արյան մեջ	Կենսաքիմիա
04042	Նատրիումի որոշումը արյան սիճ.	Կենսաքիմիա
04043	Մագնեզիումի որոշումը արյան սիճ.	Կենսաքիմիա
04044	Երկաթի որոշումը արյան սիճ.	Կենսաքիմիա
04045	Ֆոսֆորի որոշումը արյան սիճ.	Կենսաքիմիա
04046	Քլորիդների որոշումը արյան սիճ.	Կենսաքիմիա
04047	Միոգլոբինի որոշումը արյան սիճ.	Կենսաքիմիա
04048	Ալֆա ամիլազա /դիասթազա/ մեզում	Կենսաքիմիա
04049	Մագնեզիումի որոշումը մեզում	Կենսաքիմիա
04050	Ֆոսֆորի որոշումը մեզում	Կենսաքիմիա
04051	Կալցիումի որոշումը մեզում	Կենսաքիմիա
04052	Կրեատինինի որոշումը մեզում	Կենսաքիմիա
04053	Միզաթթվի որոշումը մեզում	Կենսաքիմիա
04054	Միզանյութի որոշումը մեզում	Կենսաքիմիա
04055	Իմունոէլեկտրոֆորեզ արյան սիճ. սպիտակուցների	Կենսաքիմիա
04056	Իմունոէլեկտրոֆորեզ մեզի սպիտակուցների	Կենսաքիմիա
04057	Տրոպոնին	Կենսաքիմիա
04070	Այլ կենսաքիմիական հետազոտություն	Կենսաքիմիա
04059	Կետոնային մարմինների որոշում մեզում	Կենսաքիմիա
04058	Միջազգային նորմալիզացված հարաբերություն	Կենսաքիմիա
04060	a - լիպոպրոտեիդներ	Կենսաքիմիա
04061	Ալբումին	Կենսաքիմիա
04071	Ցիկլոսպորինի որոշում	Կենսաքիմիա
04072	Ֆոլաթթվի որոշում	Կենսաքիմիա
04073	Վիտամին B12 որոշում	Կենսաքիմիա
04074	Ֆերիտինի որոշում	Կենսաքիմիա
04075	Ֆետալ հեմոգլոբին	Կենսաքիմիա
04076	Հեմոգլոբինի ֆրակցիաների որոշում էլեկտրոֆորեզով	Կենսաքիմիա
04077	Սպիտակուցի էլեկտրոֆորեզ իմունոֆիկսացիայով	Կենսաքիմիա
04078	Արյան սպիտակուցի էլեկտրոֆորեզ	Կենսաքիմիա
04079	Մեզի սպիտակուցի էլեկտրոֆորեզ	Կենսաքիմիա
04080	Բերնշտեյնի պրոբա/Գ-6-Ֆ հիդրոգենազայի որակական գնահատական/	Կենսաքիմիա
04081	Հիմնային ֆոսֆատազա	Կենսաքիմիա
04082	Հեմի փորձ	Կենսաքիմիա
04083	Սախարոզայի փորձ	Կենսաքիմիա
04084	Թթվա-հիմնային հավասարակշռություն	Կենսաքիմիա
04083	Ադիս-Կակովսկու հետազոտություն մեզի մեջ	Կենսաքիմիա
04085	Իոնիզացված կալիումի որոշումը արյան մեջ	Կենսաքիմիա
04086	Իոնիզացված նատրիումի որոշումը արյան մեջ	Կենսաքիմիա
05001	Արգանդի վզիկի քերուկի	Ցիտոլոգիա/հիստոլոգիա
05002	Վահանագեղձի պունկտատի	Ցիտոլոգիա/հիստոլոգիա
05003	Արգանդի լուսանցքի ասպիրատի	Ցիտոլոգիա/հիստոլոգիա
05004	Հիստոլոգիա	Ցիտոլոգիա/հիստոլոգիա
05023	Ծայրամասային արյան ցիտոգենետիկ հետազոտություն	Ցիտոլոգիա/հիստոլոգիա
05022	Ծայրամասային արյան իմունոհիստոքիմիական հետազոտություն	Ցիտոլոգիա/հիստոլոգիա
05021	LE-բջիջների որոշում	Ցիտոլոգիա/հիստոլոգիա
05020	Ողնուղեղի հեղուկի ցիտոլոգիական քննություն /Լիկվոր/	Ցիտոլոգիա/հիստոլոգիա
05019	Տրեպոնոբիոպտատի իմունոհիստոքիմիական հետազոտություն	Ցիտոլոգիա/հիստոլոգիա
05018	Տրեպոնոբիոպտատի հիստոլոգիական հետազոտություն	Ցիտոլոգիա/հիստոլոգիա
05017	Ավշահանգույցի բիոպտատի իմունոհիստոքիմիական հետազոտություն	Ցիտոլոգիա/հիստոլոգիա
05016	Ավշահանգույցի հիստոլոգիական հետազոտություն	Ցիտոլոգիա/հիստոլոգիա
05015	Ավշահանգույցի ցիտոլոգիական հետազոտություն	Ցիտոլոգիա/հիստոլոգիա
05014	Ոսկրածուծի իմունոհիստոքիմիական հետազոտություն	Ցիտոլոգիա/հիստոլոգիա
05013	Ոսկրածուծի ցիտոքիմիական հետազոտություն	Ցիտոլոգիա/հիստոլոգիա
05012	Ոսկրածուծի ցիտոգենետիկ հետազոտություն	Ցիտոլոգիա/հիստոլոգիա
05011	Ոսկրածուծի մորֆոլոգիական քննություն /միելոգրամմա/	Ցիտոլոգիա/հիստոլոգիա
06047	Տոքսոպլազմոս /IgM/	Ցիտոլոգիա/հիստոլոգիա
05024	Մեգակարիցիտոգրամմա	Ցիտոլոգիա/հիստոլոգիա
05025	Պլևրալ հեղուկի հետազոտություն	Ցիտոլոգիա/հիստոլոգիա
06001	Հեպատիտ B, HBs (IgG/ IgM)	Սերոլոգիա/իմունոլոգիա/oնկոմարկերներ
06002	Հեպատիտ B, HBs (Ag)	Սերոլոգիա/իմունոլոգիա/oնկոմարկերներ
06003	Հեպատիտ C, HSV	Սերոլոգիա/իմունոլոգիա/oնկոմարկերներ
06004	Ռեակցիա TPHA (RPR)	Սերոլոգիա/իմունոլոգիա/oնկոմարկերներ
06005	ՄԻԱՎ-ի հետազոտություն	Սերոլոգիա/իմունոլոգիա/oնկոմարկերներ
06006	Բրուցելյոզ	Սերոլոգիա/իմունոլոգիա/oնկոմարկերներ
06007	Հերպես	Սերոլոգիա/իմունոլոգիա/oնկոմարկերներ
06008	Խլամիդիոզ	Սերոլոգիա/իմունոլոգիա/oնկոմարկերներ
06009	Տոքսոպլազմոզ	Սերոլոգիա/իմունոլոգիա/oնկոմարկերներ
06010	Ցիտոմեգալովիրուս	Սերոլոգիա/իմունոլոգիա/oնկոմարկերներ
06011	Ինֆեկցիոն մոնոնուկլեոզ	Սերոլոգիա/իմունոլոգիա/oնկոմարկերներ
06012	Միկոպլազմա (Pneumoniae, M.hominis)	Սերոլոգիա/իմունոլոգիա/oնկոմարկերներ
06013	Լիստերիոզ	Սերոլոգիա/իմունոլոգիա/oնկոմարկերներ
06014	Կարմրախտ	Սերոլոգիա/իմունոլոգիա/oնկոմարկերներ
06015	Հակասերմնային հակամարմիններ	Սերոլոգիա/իմունոլոգիա/oնկոմարկերներ
06016	Տուբերկուլինադիագնոստիկա	Սերոլոգիա/իմունոլոգիա/oնկոմարկերներ
06017	Ալֆա-ֆետոպրոտեին (AFP)	Սերոլոգիա/իմունոլոգիա/oնկոմարկերներ
06018	Աճի 1 ինսուլինանման գործոն (IGF1)	Սերոլոգիա/իմունոլոգիա/oնկոմարկերներ
06019	Ալֆա-ֆետոպրոտեին (APR)	Սերոլոգիա/իմունոլոգիա/oնկոմարկերներ
06020	Խորեոնային գոնատոտրոպին (HCG)	Սերոլոգիա/իմունոլոգիա/oնկոմարկերներ
06021	Ռևմատոիդ ֆակտոր	Սերոլոգիա/իմունոլոգիա/oնկոմարկերներ
06022	Խորիոնալ գոնադոտրոպին	Սերոլոգիա/իմունոլոգիա/oնկոմարկերներ
06023	C- ռեակտիվ սպիտակուց	Սերոլոգիա/իմունոլոգիա/oնկոմարկերներ
06024	Հակաստրեպտոլիզինի որոշում	Սերոլոգիա/իմունոլոգիա/oնկոմարկերներ
06025	Իմունոգլոբուլինների որոշում /A, M, G/	Սերոլոգիա/իմունոլոգիա/oնկոմարկերներ
06026	CA-242 (Ստամոքսի և ենթաստամ. քաղցկեղ)	Սերոլոգիա/իմունոլոգիա/oնկոմարկերներ
06027	CA-19-9 (gastrointernal cancer antig en)	Սերոլոգիա/իմունոլոգիա/oնկոմարկերներ
06028	CA-15-3 (breast cancer antigen)	Սերոլոգիա/իմունոլոգիա/oնկոմարկերներ
06029	SCC (Արգանդի վզիկի կարցինոմայի անտիգեն)	Սերոլոգիա/իմունոլոգիա/oնկոմարկերներ
06030	CA-125 (ձվարանի քաղցկեղի անտիգեն)	Սերոլոգիա/իմունոլոգիա/oնկոմարկերներ
06031	Ուռուցք-սաղմնային անտիգեն (SEA)	Սերոլոգիա/իմունոլոգիա/oնկոմարկերներ
06044	Էպշտեյն- Բար վիրուս /Ինֆեկցիոն մոնոնուկլեոզ /IgM//	Սերոլոգիա/իմունոլոգիա/oնկոմարկերներ
06043	Էպշտեյն- Բար վիրուս /Ինֆեկցիոն մոնոնուկլեոզ /IgG//	Սերոլոգիա/իմունոլոգիա/oնկոմարկերներ
06042	Հեպատիտ "A" HAVAB /IgM/	Սերոլոգիա/իմունոլոգիա/oնկոմարկերներ
06041	Հեպատիտ "A" HAVAB /IgG+IgM/	Սերոլոգիա/իմունոլոգիա/oնկոմարկերներ
06045	Միկրոպրեցիպիտացիայի ռեակցիա (ՄՊՌ)	Սերոլոգիա/իմունոլոգիա/oնկոմարկերներ
06048	Լեշմանիոզ	Սերոլոգիա/իմունոլոգիա/oնկոմարկերներ
06049	Ռոուզ-բենգալ	Սերոլոգիա/իմունոլոգիա/oնկոմարկերներ
07010	Որովայնի խոռոչի օրգանների համալիր սոնոգրաֆիա	Ուլտրաձայնային
07020	Փոքր կոնքի օրգանների համալիր սոնոգրաֆիա	Ուլտրաձայնային
07030	Վահանագեղձի սոնոգրաֆիա	Ուլտրաձայնային
07040	Կրծքագեղձի սոնոգրաֆիա	Ուլտրաձայնային
07050	Պտղի սոնոգրաֆիա	Ուլտրաձայնային
07061	Տրանսվագինալ սոնոգրաֆիա	Ուլտրաձայնային
07070	Մագիստրալ անոթների գերձայնային դուպլեքս հետազոտություն	Ուլտրաձայնային
07080	Գլխուղեղի ներգանգային և արտագանգային անոթների գերձայնային դոպպլեր հետազոտություն	Ուլտրաձայնային
07090	Այլ ուլտրաձայնային հետազոտություն	Ուլտրաձայնային
07031	Հարվահանագեղձի սոնոգրաֆիա	Ուլտրաձայնային
07032	Թքագեղձի սոնոգրաֆիա	Ուլտրաձայնային
07034	Ակնագնդի սոնոգրաֆիա	Ուլտրաձայնային
07035	Փափուկ հյուսվածքների սոնոգրաֆիա	Ուլտրաձայնային
07036	Պարանոցի նորագոյացությունների սոնոգրաֆիա	Ուլտրաձայնային
07037	Ոսկրամկանային համակարգի սոնոգրաֆիա	Ուլտրաձայնային
07038	Հոդերի սոնոգրաֆիա	Ուլտրաձայնային
07039	Մակերիկամի սոնոգրաֆիա	Ուլտրաձայնային
07041	Ավշահանգույցների սոնոգրաֆիա	Ուլտրաձայնային
07051	Պտղի դոպպլեր հետազոտություն	Ուլտրաձայնային
07062	Տրանսռեկտալ սոնոգրաֆիա	Ուլտրաձայնային
07063	Տրանսէզոֆագիալ սոնոգրաֆիա	Ուլտրաձայնային
07064	Սոնագրաֆիա` կրծքավանդակի	Ուլտրաձայնային
07065	Սոնագրաֆիա` ողնաշարի	Ուլտրաձայնային
07066	Սոնոգրաֆիա` նյարդերի	Ուլտրաձայնային
08001	Էզոֆագոգաստրոդուոդենոսկոպիա	Էնդոսկոպիկ
08002	Կոլոնոսկոպիա	Էնդոսկոպիկ
08010	Այլ էնդոսկոպիկ հետազոտություն	Էնդոսկոպիկ
08003	Գաստրոսկոպիա	Էնդոսկոպիկ
08004	Իրիոգրաֆիա	Էնդոսկոպիկ
09001	Սոմատոտրոպ հորմոն	Հորմոններ
09002	Ալդոստերոն	Հորմոններ
09003	Թիրեոտրոպ հորմոն (TSH)	Հորմոններ
09004	Թիրեոգլոբուլին (TG)	Հորմոններ
09005	Թրիյոդտիրոնին (T3)	Հորմոններ
09006	Թրիյոդտիրոնին ազատ (T3 free)	Հորմոններ
09007	Թիրոքսին ազատ (T4 free)	Հորմոններ
09008	Թիրեոգլոբուլինի նկատմ. հակամարմ. (TG -Ab)	Հորմոններ
09009	Թիրոիդ պիրոքսիդազայի նկատմ. հակամարմ. (TP -Ab)	Հորմոններ
09010	Պարատհորմոն	Հորմոններ
09011	Ադրենոկորտիկոտրոպ հորմոն (ACTH)	Հորմոններ
09012	Կորտիզոլ (COR)	Հորմոններ
09013	Պրոգեստերոն	Հորմոններ
09014	17-a OH պրոգեստերոն (PRG17-aOH)	Հորմոններ
09015	Պրոլակտին	Հորմոններ
09016	Էստրիոլ (ESTR)	Հորմոններ
09017	Էստրադիոլ	Հորմոններ
09018	Տեստոստերոն	Հորմոններ
09019	Լյուտեինիզացնող հորմոն (LH)	Հորմոններ
09020	Ֆոլիկուլոխթանիչ հորմոն (FSH)	Հորմոններ
09021	C-պեպտիդ	Հորմոններ
09022	Ինսուլին	Հորմոններ
09023	Պրոինսուլին	Հորմոններ
09024	Խորեոնային գոնատոտրոպին (HCG)	Հորմոններ
09025	Կատեխոլամիններ մեզում	Հորմոններ
09031	Անտիթիրեոգլոբուլին /anti TG/	Հորմոններ
09032	Տրիյոդթիրոնին ընդհանուր /T3/	Հորմոններ
09033	Թիրոքսին ընդհանուր /T4/	Հորմոններ
09034	Անտիթիրեոպերոքօիդազա /Anti TPO/	Հորմոններ
10001	Ներակնային ճնշման չափում	Այլ ծառայություններ
10002	Տեսողության սրության որոշում	Այլ ծառայություններ
10003	Աչքի հատակի զննում/րետինոսկոպիա	Այլ ծառայություններ
10004	Գինեկոլոգիական ներզննում	Այլ ծառայություններ
10005	Փոքր վիրաբուժական միջամտություն	Այլ ծառայություններ
10010	Մ/Մ, Ն/Ե, Ե/Մ, այլ ներարկումներ և ինֆուզիա	Այլ ծառայություններ
10012	Բուժական մարզանք/վարժություն	Այլ ծառայություններ
10014	Կրծքագեղձի զննում	Այլ ծառայություններ
10015	Կրծքագեղձի ինքնազննման ուսուցում	Այլ ծառայություններ
10016	Առողջության հետ կապված խորհրդատվություն	Այլ ծառայություններ
10017	Ճնշման չափում /տոնոմետրիա/` 140/90 մմ սնդ. սյուն պակաս կամ հավասար	Այլ ծառայություններ
10018	Ճնշման չափում /տոնոմետրիա/` 140/90 մմ սնդ. սյուն ավել	Այլ ծառայություններ
10013	Մերսում	Այլ ծառայություններ
10006	Վնասվածքաբանական միջամտություն	Այլ ծառայություններ
10022	Լսողության ստուգում	Այլ ծառայություններ
10025	Չափումներ`գլխի շրջագիծ, քաշ, հասակ	Այլ ծառայություններ
10028	ՄԶՑ (Մարմնի զանգվածի ցուցանիշ) հաշվարկ	Այլ ծառայություններ
10029	Ոտնաթաթերի անոթազարկերի ստուգում	Այլ ծառայություններ
10030	Ոտքերի խնամքի վերաբերյալ խորհրդատվություն	Այլ ծառայություններ
10031	Սեռավարակների վաղ հայտնաբերման, ընտանիքի պլանավորման, կանացի վերարտադրողական համակարգի քաղցկեղի վտանգի ու նշանների վերաբերյալ խորհրդատվություն	Այլ ծառայություններ
11001	Կրծքավանդակի ռենտգենագրություն	Ճառագայթաբանական/ռադիոլոգիական
11010	Աղեստամոքսային տրակտի ռենտգենադիտում	Ճառագայթաբանական/ռադիոլոգիական
11003	Թոքի ռենտգեն լուսանցում	Ճառագայթաբանական/ռադիոլոգիական
11040	Ֆլյուորոգրաֆիա	Ճառագայթաբանական/ռադիոլոգիական
11050	Մամոգրաֆիա	Ճառագայթաբանական/ռադիոլոգիական
11034	Դենսիտոմետրիա	Ճառագայթաբանական/ռադիոլոգիական
11060	Համակարգչային ռենտգենային տոմոգրաֆիա	Ճառագայթաբանական/ռադիոլոգիական
11070	Մագնիսական ռեզոնանսային տոմոգրաֆիա	Ճառագայթաբանական/ռադիոլոգիական
11004	Թոքերի ռենտգենադիտում	Ճառագայթաբանական/ռադիոլոգիական
11002	Կրծքավանդակի ռենտգենադիտում	Ճառագայթաբանական/ռադիոլոգիական
11020	Միզային համակարգի ընդհանրացնող ռենտգենադիտում	Ճառագայթաբանական/ռադիոլոգիական
11021	Արտազատական ուրոգրաֆիա	Ճառագայթաբանական/ռադիոլոգիական
11030	Ոսկրերի և հոդերի ռենտգենագրություն	Ճառագայթաբանական/ռադիոլոգիական
11031	Գանգի ռենտգենագրություն	Ճառագայթաբանական/ռադիոլոգիական
11032	Թուրքական թամբի նշանառու նկար	Ճառագայթաբանական/ռադիոլոգիական
11033	Հավելյալ ծոցերի ռենտգենագրություն	Ճառագայթաբանական/ռադիոլոգիական
11035	Ռենտգենագրություն` օրբիտայի (ակնակապճի)	Ճառագայթաբանական/ռադիոլոգիական
11081	Սցինտիգրաֆիա	Ճառագայթաբանական/ռադիոլոգիական
11082	Ռադիոիզոտոպային հետազոտություն	Ճառագայթաբանական/ռադիոլոգիական
11007	Ռենտգենագրություն` ողնաշարի	Ճառագայթաբանական/ռադիոլոգիական
11009	Ռենտգենագրություն` ստորին վերջույթների	Ճառագայթաբանական/ռադիոլոգիական
11010	Ռենտգենագրություն` վերին վերջույթների	Ճառագայթաբանական/ռադիոլոգիական
11006	Ռենտգենագրություն` գոտկասրբանային հատվածի	Ճառագայթաբանական/ռադիոլոգիական
11008	Ռենտգենագրություն` պոչուկի	Ճառագայթաբանական/ռադիոլոգիական
12001	Էլեկտրոֆորեզ նյարդ. համակար. խանգարում. ժաման.	Ֆիզիոթերապիա
12002	Էլեկտրոֆորեզ հիպերտոնիայի ժամանակ	Ֆիզիոթերապիա
12003	Էլեկտրոֆորեզ կոտրվածքների ժամանակ	Ֆիզիոթերապիա
12004	Էլեկտրոֆորեզ կանացի հիվանդությունների ժամանակ	Ֆիզիոթերապիա
12005	Էլեկտրոֆորեզ ալերգիկ հիվանդությունների ժամանակ	Ֆիզիոթերապիա
12006	Էլեկտրոֆորեզ օստիոխոնդրոզի և նևրիտների ժամանակ	Ֆիզիոթերապիա
12007	Էլեկտրոֆորեզ արտրիտների և արտրոզների ժամանակ	Ֆիզիոթերապիա
12008	Դարսոնվալացում	Ֆիզիոթերապիա
12009	ԱՄԹ - ամպլիպուլս թերապիա	Ֆիզիոթերապիա
12010	Ուլտրա-մանուշակագույն ճառագայթում	Ֆիզիոթերապիա
12011	Ուլտրաբարձր հաճախականությամբ էլ. դաշտ	Ֆիզիոթերապիա
12012	Գերձայնային թերապիա	Ֆիզիոթերապիա
13001	Էլեկտրասրտագրություն	Ֆունկցիոնալ
13002	Սպիրոգրաֆիա/ արտաքին շնչառական ֆունկցիայի որոշում/ պիկֆլոումետրիա	Ֆունկցիոնալ
13003	Էլեկտրոէնցեֆալոգրաֆիա	Ֆունկցիոնալ
13004	Էխոէլեկտրոէնցեֆալոգրաֆիա	Ֆունկցիոնալ
13005	Էխոսրտագրություն	Ֆունկցիոնալ
13006	Ֆոնոկարդիոգրաֆիա	Ֆունկցիոնալ
13007	Տրանսէզոֆագիալ էխոկարդիոգրաֆիա	Ֆունկցիոնալ
13008	Էլեկտրոնեյրոմիոգրաֆիա,	Ֆունկցիոնալ
13009	Էլեկտրասրտագրություն չափավորված ծանրաբեռնվածութ. (տրեդմիլ-թեստ),	Ֆունկցիոնալ
13010	Ուրոֆլուոմետրիա	Ֆունկցիոնալ
13011	Ուրոդինամիկական համալիր հետազոտություն	Ֆունկցիոնալ
13012	Ակնահատակի զննում	Ֆունկցիոնալ
13040	Անգիոգրաֆիա /ФАГ /	Ֆունկցիոնալ
13031	Դոպլեր` պերիֆերիկ անոթների	Ֆունկցիոնալ
13030	Դոպլեր` ուղեղի անոթների	Ֆունկցիոնալ
13050	Կարդիոտոկոգրաֆիա	Ֆունկցիոնալ
13021	Հոլտեր Մոնիտորիգ	Ֆունկցիոնալ
13060	Ստամոքսի թթվայնության որոշում/ PH-մետրիա/	Ֆունկցիոնալ
13061	Ոչ ինվազիվ օքսիմետրիա	Ֆունկցիոնալ
13062	Բիոռեզոնանսային էլեկտրոակուպունկտուրային հետազոտություն	Ֆունկցիոնալ
13064	Դուոդենալ զոնդավորում	Ֆունկցիոնալ
13065	Պրոֆիլոմետրիա` Անալ սֆինկտրի	Ֆունկցիոնալ
13066	Կորոնարոանգիոգրաֆիա	Ֆունկցիոնալ
13013	Ռինոսկոպիա	Ֆունկցիոնալ
13014	Լարինգոսկոպիա	Ֆունկցիոնալ
13015	Օտոսկոպիա	Ֆունկցիոնալ
14001	Կարիոտիպ (քրոմոսոմների հավաքակազմ)	Բջջագենետիկա
14002	Քրոմոսոմային վերակառուցումների մակարդակ	Բջջագենետիկա
14003	Պոլիպլոիդ բջիջներ	Բջջագենետիկա
14004	Տցանկի բջիջների հայտնաբերման հետազոտություն (էոզինոֆիլներ)	Բջջագենետիկա
15001	T- լիմֆոցիտներ	Արյան իմունոլոգիա
15002	B- լիմֆոցիտներ	Արյան իմունոլոգիա
15003	T- հելփեր	Արյան իմունոլոգիա
15004	T- սուպրեսոր	Արյան իմունոլոգիա
16001	Վիզոմետրիա	Ակնաբուժական
16002	Սկիասկոպիա	Ակնաբուժական
16003	Տոնոմետրիա	Ակնաբուժական
16004	Բիոմիկրոսկոպիա	Ակնաբուժական
16005	Օ‎ֆթալմոսկոպիա	Ակնաբուժական
16006	Պրոեկցիոն պերիմետրիա	Ակնաբուժական
16007	Տոնոգրա‎ֆիա	Ակնաբուժական
16008	Գոնիոսկոպիա	Ակնաբուժական
16009	Գունավոր պերիմետրիա	Ակնաբուժական
16010	Կամպիմետրիա	Ակնաբուժական
16011	Մակուլոտեստ	Ակնաբուժական
16012	ադապտոմետրիա	Ակնաբուժական
16013	Օֆթալմոմետրիա	Ակնաբուժական
16014	Կերատոմետրիա	Ակնաբուժական
16015	Էլեկտրոռետինոգրաֆիա	Ակնաբուժական
16016	Էլաստոտոնոմետրիա	Ակնաբուժական
16017	Գունազգացողություն (Ռաբկինի թեստ)	Ակնաբուժական
16018	Գլաուկոմայի թեստ	Ակնաբուժական
16019	Քսուք շաղկապենու	Ակնաբուժական
16020	Ակնագնդի առաջահետին առանցքի չափում (ԱՀԱ)	Ակնաբուժական
16021	Ակնոցային կորեկցիա	Ակնաբուժական
16022	Տեսողական պոտենցիալների հետազոտում (VEP)	Ակնաբուժական
16023	Պերիմետրիա` ակնագնդի	Ակնաբուժական
16025	Շլության անկյան որոշում	Ակնաբուժական
16024	Բիոմետրիա` ակնագնդի	Ակնաբուժական
16026	Կոհերենտ տոմոգրաֆիա (ОСТ)	Ակնաբուժական
01044	Կոագուլոգրամմա	Կոագուլոգրամմա
17001	Ընդլայնված կոագոլոգրամմա	Կոագուլոգրամմա
17002	Կոագոլոգրամմա ՏՆՄ-ի որոշումով	Կոագուլոգրամմա
17003	Հակիրճ կոագուլոգրամմա	Կոագուլոգրամմա
17004	Տրոմբոցիտար հեմոստազ	Կոագուլոգրամմա
17005	Ակտիվ մասնակի տրոմբոպլաստինային ժամանակի որոշում	Կոագուլոգրամմա
17006	Պրոթրոմբինի յուրացում	Կոագուլոգրամմա
17007	Մակարդուկի ռետրակցիա	Կոագուլոգրամմա
17008	Արյան մակարդման ժամանակ	Կոագուլոգրամմա
17009	Արյունահոսության ժամանակ	Կոագուլոգրամմա
17010	Ֆիբրինի մոնոմերների որոշում	Կոագուլոգրամմա
17011	Պրոթրոմբինային ինդեքս	Կոագուլոգրամմա
17012	Պրոթրոմբինային ժամանակ	Կոագուլոգրամմա
17013	Էթանոլային ժելատինիզացիայի թեստ	Կոագուլոգրամմա
17014	Պրոտամինսուլֆատային թեստ	Կոագուլոգրամմա
17015	Անտիթրոմբին III	Կոագուլոգրամմա
17016	Հեմատոկրիտ	Կոագուլոգրամմա
17017	Թրոմբոցիտների ագրեգացիա թրոմբինի հետ	Կոագուլոգրամմա
17018	Թրոմբոցիտների ագրեգացիա ԱԴՖ-ի հետ	Կոագուլոգրամմա
17019	Թրոմբոցիտների ագրեգացիա ռիստոմիցինով	Կոագուլոգրամմա
17020	Թրոմբոցիտար III գործոնի ակտիվություն	Կոագուլոգրամմա
17022	8-րդ գործոնի ակտիվության որոշում	Կոագուլոգրամմա
17021	7-րդ գործոնի ակտիվության որոշում	Կոագուլոգրամմա
17023	9-րդ գործոնի ակտիվության որոշում	Կոագուլոգրամմա
17024	10-րդ գործոնի ակտիվության որոշում	Կոագուլոգրամմա
17025	11-րդ գործոնի ակտիվության որոշում	Կոագուլոգրամմա
18000	Կումբսի ուղղակի փորձ	Իզոսեռոլոգիա
18001	Կումբսի անուղղակի փորձ	Իզոսեռոլոգիա
18002	Արյան համատեղելիության որոշում	Իզոսեռոլոգիա
18003	Ռեզուս հակամարմիններ	Իզոսեռոլոգիա
18004	Կելլի ռեակցիա	Իզոսեռոլոգիա
18005	Սառը և տաք հակամարմիններ	Իզոսեռոլոգիա
18006	Մարդկային լեյկոցիտար անտիգեն /HLA/	Իզոսեռոլոգիա
18007	Տիպավորում	Իզոսեռոլոգիա
19000	Ռետիկուլոցիտներ	Մորֆոլոգիա
19001	Էրիտրոցիտների օսմոտիկ ռեզիստենտականության որոշում	Մորֆոլոգիա

Աղյուսակ 2

Հղիների հսկողության ընթացքի ախտորոշումը

Ախտորոշման կոդ	Ախտորոշման անվանում
Z34	Բնականոն հղիության ընթացքի հսկողություն
Z34.0	Բնականոն առաջին հղիության ընթացքի հսկողություն
Z34.8	Բնականոն այլ հղիության ընթացքի հսկողություն
Z34.9	Բնականոն չճշտված հղիության ընթացքի հսկողություն
Z35	Բնականոն բարձր ռիսկի ենթարկված հղիության ընթացքի հսկողություն
Z35.0	Հղիության ընթացքի հսկողություն անպտղությունով անամնեզում կնոջ մոտ
Z35.1	Հղիության ընթացքի հսկողություն վիժումներով անամնեզով կնոջ մոտ
Z35.2	Հղիության ընթացքի հսկողություն այլ բարդեցված անամնեզով կնոջ մոտ
Z35.3	Հղիության ընթացքի հսկողություն անբավարար նախածննդաբերական օգնության անամնեզով կնոջ մոտ
Z35.4	Հղիության ընթացքի հսկողություն բազմածին կնոջ մոտ
Z35.5	Հսկողություն վաղեմի առաջնեկի նկատմամբ
Z35.6	Հսկողություն վաղ մանուկ առաջնեկի նկատմամբ
Z35.7	Հղի կնոջ հսկողություն, որը ենթակա է բարձր ռիսկի, կապված սոցիալական խնդիրների հետ
Z35.8	Հղի կնոջ հսկողություն՝ ենթակա այլ բարձր ռիսկի
Z35.9	Հղիության ընթացքի հսկողություն՝ ենթակա չճշգրտված բնույթի բարձր ռիսկի

Աղյուսակ 3

Հղիների հսկողության ընթացքի բարդությունները

Բարդության կոդ	Բարդության անվանում
1	Հղիություն վիժումային ելքով
1.1	բշտիկային զանգված
1.2	ինքնաբեր վիժում
1.3	սպառնացող վիժում
1.4	սկսվող վիժում
1.5	ոչ լրիվ վիժում
1.6	լրիվ վիժում
2	Արյունահոսություններ հղիության վաղ շրջանում, անհայտ էթիոլոգիայով
3	Չկայացած վիժում
4	Սովորույթային վիժում (իստմիկո-ցերվիկալ անբավարարություն)
5	Արտահիվանդանոցային արհեստական վիժում
6	Բարդություններ` կապված բշտիկային զանգվածի, վիժման և արտարգանդային հղիության հետ
7	Արտարգանդային հղիության բոլոր ձևերը
8	Գերհաս հղիություն
9	Բազմապտուղ հղիություն
10	Գերջրություն
11	Սակավաջրություն
12	Պտղի ոչ ճիշտ դիրք
12.1	միջաձիգ
12.2	թեք
12.3	անկայուն
12.4	հետույքային առաջադրություն
13	Պտղի սպառնացող վիճակ (հիպօքսիա և այլ)
14	Պտղի ներարգանդային աճի դանդաղում
15	Պտղի ներարգանդային զարգացման արատներ
16	Պտղի ներարգանդային մահ
17	Իզոսերոլոգիական անհամատեղելիություն (ռեզուս գործոնի և խմբային)
18	Մինչծննդաբերական արյունահոսություններ
18.1	առաջադիր ընկերքի բոլոր տարատեսակները (արյունահոսությամբ և առանց արյունահոսության)
18.2	ցածր տեղակայված ընկերք, անկախ կլինիկական ընթացքից
18.3	նորմալ տեղակայված ընկերքի վաղաժամ շերտազատում
18.4	մինչծննդաբերական արյունահոսություններ անհայտ էթիոլոգիայի
19	Հիպերտենզիա հղիության ժամանակ
19.1	խրոնիկ հիպերտենզիա
19.2	տրանզիտոր հիպերտենզիա
19.3	պրեէկլամպսիա (թեթև, ծանր)
19.4	էկլամպսիա
19.5	պրեէկլամպսիա՝ խրոնիկ հիպերտենզիայի ֆոնի վրա
20	Հղիության գեստոզներ (տոքսիկոզներ)`
20.1	հղիների անզուսպ փսխումներ
20.2	հղիության առաջին կեսի այլ գեստոզներ (տոքսիկոզներ)
21	Սպառնացող վաղաժամ ծննդաբերություն
22	Հղիություն և վարակիչ, այդ թվում՝ մակաբուծային հիվանդություններ
23	Հղիություն և էնդոկրին հիվանդություններ
23.1	շաքարային դիաբետ
23.2	վահանաձև գեղձի դիսֆունկցիա
23.3	ճարպակալում երրորդ-չորրորդ աստիճանի
24	Հղիություն և արյան հիվանդություններ
24.1	անեմիաներ
24.2	լեյկոզներ
24.3	կոագուլոպաթիաներ
25	Հղիություն և էքստրագենիտալ հիվանդություններ
25.1	միզուղիների հիվանդություններ
25.2	նևրոլոգիական հիվանդություններ
25.3	հեպատիտներ
25.4	սիրտ-անոթային հիվանդություններ
25.5	կոլագենոզներ
25.6	երակների վարիկոզ հիվանդություններ (հեշտոցի և շեքի երակների վարիկոզ)
25.7	ստամոքս-աղիքային տրակտի հիվանդություններ
25.8	տեսողական և լսողական համակարգի հիվանդություններ
25.9	շնչառական համակարգի հիվանդություններ
25.10	հոգեկան հիվանդություններ
25.11	ոսկրամկանային համակարգի ախտահարումներ
26	Հղիություն և սեռական օրգանների զարգացման արատներ
26.1	երկեղջյուր արգանդ
26.2	թամբաձև արգանդ
26.3	երկու արգանդ
26.4	հեշտոցի խտրոց
27	Հղիություն և սեռական օրգանների նորագոյացություններ
27.1	արգանդի միոմա
27.2	ձվարանների կիստա և կիստոմա
27.3	հղիություն և սեռական օրգանների այլ նորագոյացություններ
28	Ձգձգված մանկաբարձական անամնեզ
28.1	վիճակ կեսարյան հատումից հետո
28.2	կոնսերվատիվ միոմէկտոմիայից հետո
28.3	արգանդի պերֆորացիայից հետո

Աղյուսակ 4

Հղիների հսկողության ավարտը/ելքը

Հղիության ելքի կոդ	Հղիության ելքի անվանում
01	ժամկետային ծննդաբերություն
02	վաղաժամ ծննդաբերություն
03	արհեստական վիժում
04	ինքնաբեր վիժում
05	ընդհատում բժշկական ցուցումներով
06	ընդհատում սոցիալական ցուցումներով
07	հղիի մահ
08	պտղի մահ

Հավելված 20 ՀՀ ԱՆ 2014 թվականի մայիսի 6-ի N 16-Ն հրամանի

«Հաշվետվություն ծառայությունների վերաբերյալ ըստ հղիության շաբաթների»
(Հաշվետվություն PR_001)

Ժամանակահատվածը:

Հաշվետվության մակարդակը:

Ծառայության կոդ և անվանում		քանակը
Հղիության շաբաթը		Հղիների թիվը