«Գրանցված է»

ՀՀ արդարադատության

նախարարության կողմից

5 օգոստոսի 2013 թ.

Պետական գրանցման թիվ 11813297

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

20 հունիսի 2013 թ.

թիվ 500-Ն

Հ Ր Ա Մ Ա Ն

«ՖԻՆԱՆՍԱԿԱՆ ՄԻՋՈՑՆԵՐ» ՉԱՓԱՆԻՇԻ ԳՆԱՀԱՏՄԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԻ ԵՎ ԴՐԱ ԳՆԱՀԱՏՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2011 թվականի փետրվարի 10-ի թիվ 168-Ն որոշմամբ հաստատված կարգի 83-րդ կետով`

ՀՐԱՄԱՅՈՒՄ ԵՄ`

Հաստատել «Ֆինանսական միջոցներ» չափանիշի գնահատման համար անհրաժեշտ փաստաթղթի և դրա գնահատման կարգը` համաձայն հավելվածի:

Դ. Սարգսյան

Հավելված ՀՀ ֆինանսների նախարարի 2013 թվականի հունիսի 20-ի N 500-Ն հրամանի

Կ Ա Ր Գ

«ՖԻՆԱՆՍԱԿԱՆ ՄԻՋՈՑՆԵՐ» ՉԱՓԱՆԻՇԻ ԳՆԱՀԱՏՄԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԻ ԵՎ ԴՐԱ ԳՆԱՀԱՏՄԱՆ

Ընդհանուր դրույթներ

1. Պատվիրատուների կողմից Մասնակիցների` «Գնումների մասին» ՀՀ օրենքի 5-րդ հոդվածի 3-րդ մասի 4-րդ կետով նախատեսված` «Ֆինանսական միջոցներ» չափանիշը գնահատվում է հետևյալ փաստաթղթի հիման վրա.

Այն ընկերությունների դեպքում, որոնց համար ՀՀ օրենսդրությամբ սահմանված է պարտադիր աուդիտի ենթարկվելու պահանջ` չձևափոխված /դրական/ աուդիտորական եզրակացություն:

2. Պատվիրատուները մասնակիցների «Ֆինանսական միջոցներ» չափանիշը գնահատում են հետևյալ ցուցանիշի հիման վրա.

Աուդիտորական եզրակացության գնահատման ցուցանիշ՝ աուդիտորական եզրակացությունը պետք է տրված լինի ՀՀ կառավարության 2011 թվականի նոյեմբերի 29-ի N 1931-Ն որոշմամբ նախատեսված «Աուդիտի միջազգային ստանդարտ 700»-ի պահանջներին համապատասխան: