«Գրանցված է»

ՀՀ արդարադատության

նախարարության կողմից

5 սեպտեմբերի 2013 թ.

Պետական գրանցման թիվ 32213348

ՄԵՐԿԱՏՈՐԻ ՈՒՆԻՎԵՐՍԱԼ ՏՐԱՆՍՎԵՐՍԱԼ ՅՈՒ ԹԻ ԷՄ (UTM) ՊՐՈՅԵԿՑԻԱՅՈՒՄ ՏԵՂԱԳՐԱԿԱՆ ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԹԵՐԹԵՐԻ ԱՆՎԱՆԱԿԱՐԳԸ ՍԱՀՄԱՆԵԼՈՒ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Գեոդեզիայի և քարտեզագրության մասին» Հայաստանի Հանրապետության օրենքի 8-րդ հոդվածի 2-րդ մասի պահանջներով և քարտեզագրագեոդեզիական նյութերը միջազգային 2007/2/EC, INSPIRE դիրեկտիվների ստանդարտներին համապատասխանեցնելու նպատակով`

ՀՐԱՄԱՅՈՒՄ ԵՄ՝

1. Հաստատել «Մերկատորի ունիվերսալ տրանսվերսալ Յու Թի Էմ (ՍTM) պրոյեկցիայում տեղագրական քարտեզների և հատակագծերի թերթերի անվանակարգը սահմանելու տեխնիկական կանոնակարգը» համաձայն հավելվածի:

2. Սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն` պետական գրանցման:

3. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

Կոմիտեի նախագահի ժ/պ՝

Ա. Մուսայան

Հավելված ՀՀ կառավարությանն առընթեր անշարժ գույքի կադաստրի պետական կոմիտեի 2013 թվականի օգոստոսի 5-ի N 244-Ն հրամանի

Տ Ե Խ Ն Ի Կ Ա Կ Ա Ն  Կ Ա Ն Ո Ն Ա Կ Ա Ր Գ

ՄԵՐԿԱՏՈՐԻ ՈՒՆԻՎԵՐՍԱԼ ՏՐԱՆՍՎԵՐՍԱԼ ՅՈՒ ԹԻ ԷՄ (UTM) ՊՐՈՅԵԿՑԻԱՅՈՒՄ ՏԵՂԱԳՐԱԿԱՆ ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԹԵՐԹԵՐԻ ԱՆՎԱՆԱԿԱՐԳԸ ՍԱՀՄԱՆԵԼՈՒ

I. ԸՆԴՀԱՆՈՒՐ ՄԱՍ

1. Սույն տեխնիկական կանոնակարգով սահմանվում է Հայաստանի Հանրապետության տեղագրական քարտեզների և հատակագծերի կազմման ընթացքում կիրառվող թերթերի անվանակարգը (նոմենկլատուրա) Մերկատորի ունիվերսալ տրանսվերսալ Յու Թի Էմ (UTM) պրոյեկցիայում քարտեզագրագեոդեզիական նյութերը միջազգային 2007/2/EC, INSPIRE դիրեկտիվների ստանդարտներին համապատասխանեցնելու նպատակով:

2. Տեղագրական քարտեզները և հատակագծերը նախատեսված են երկրի առջև ծառացած տարաբնույթ խնդիրների լուծման համար, որոնք ստեղծվում են միասնական կոորդինատային և բարձունքային համակարգերում ու կազմվում են տեխնիկական պահանջների հիման վրա, արտացոլելով տեղանքի պատկերը տվյալ ժամանակահատվածում:

3. Տարբեր մասշտաբների թերթերի անվանակարգը կիրառվում է որոշակի գոտու համար տրված մասշտաբում տեղագրական քարտեզների և հատակագծերի միասնական անվանակարգման համար:

2. ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԱՆՎԱՆԱԿԱՐԳՈՒՄԸ

4. Խոշոր տարածքների տեղագրական քարտեզներ և հատակագծեր կազմելու համար անհրաժեշտ է, որպեսզի դրանց առանձին թերթերը ունենան անվանումներ:

5. Քարտեզների և հատակագծերի համարակալումը միևնույն համակարգում կոչվում է քարտեզների և հատակագծերի անվանակարգ (նոմենկլատուրա):

6. Թերթերի անվանակարգը որոշում է քարտեզների և հատակագծերի իրար նկատմամբ ունեցած փոխադարձ դիրքը երկրի մակերևույթի վրա:

7. Փոքրամասշտաբ քարտեզագրման նպատակով Հայաստանի Հանրապետության տարածքի համար օգտագործվում է վեցաստիճանային (60) գոտու հավասարաանկյուն ընդլայնական հատած գլանային Մերկատորի ունիվերսալ տրանսվերսալ պրոյեկցիան` Յու Թի Էմ (UTM - Universal Transversal Mercator)` տես պատկեր-1:

8. Հայաստանի Հանրապետության տարածքն ամբողջությամբ ընդգրկված է 60 38-րդ գոտում (k=0.9996 մասշտաբային գործակից ունեցող 45⁰  առանցքային միջօրեականով):

9. 1:1 000 000 մասշտաբի տեղագրական քարտեզը իրենից ներկայացնում է միջօրեականների 60 և զուգահեռականների 40 աղեղներով սահմանափակված երկրի մակերևույթի որոշակի սֆերոիդական սեղանի պատկերումը հարթության վրա:

10. Տարբեր մասշտաբների քարտեզների և հատակագծերի անվանակարգման հիմքը 1:1000000 մասշտաբի քարտեզն է:

11. Տեղագրական քարտեզները կազմվում են` 1:10 000, 1:25 000, 1:50 000, 1:100 000, 1:200 000, 1:500 000 և 1:1 000 000 մասշտաբներով, իսկ հատակագծերը` 1:500, 1:1 000, 1:2 000 և 1:5 000 մասշտաբներով:

12. 1:1 000 000 մասշտաբի քարտեզի բաժանումը տարբեր մասշտաբների քարտեզների թերթերի կատարվում է հետևյալ կերպ.

1) Գրինվիչի հակադիր 1800 միջօրեականից սկսած դեպի արևելք ամբողջ երկիրը բաժանվում է երկայնությամբ 60 հատվածներով 60 սյուների և 40 հատվածներով շարքերի, որոնք համարակալվում են հասարակածից դեպի հյուսիս և հարավ համաձայն աղյուսակ 1-ի:

Աղյուսակ 1

A	B	C	D	E	F	G	H	I	J	K	L	M	N	Օ	P	Q	R	S	T	U	V
1	2	3	4	5	6	7	8	9	10	11	12	13	14	15	16	17	18	19	20	21	22

Օրինակ.

1:1 000 000 մասշտաբի քարտեզի թերթի անվանակարգը կլինի` UTM-11 – 38:

2) 1:500 000 մինչև 1:10 000 մասշտաբների քարտեզների թերթերը անվանակարգվում են հետևյալ կերպ.

ա. 1:500 000 մասշտաբների քարտեզների թերթերը` 1, 2, 3, 4 թվերով: Յուրաքանչյուր թերթը ընդգրկված է 2օ լայնության և 3⁰ երկայնության սեղանում.

բ. 1:200 000 մասշտաբների քարտեզների թերթերը` 01, 02 մինչև 36 թվերով` ընդգրկված համապատասխանաբար 40’ լայնության և 1⁰  երկայնության սեղանում.

գ. 1:100 000 մասշտաբների քարտեզների թերթերը` 001, 002 մինչև 144 թվերով, ընդգրկված համապատասխանաբար 20’ լայնության և 30’ երկայնության սեղանում.

դ. 1:50 000 մասշտաբների քարտեզների թերթերը` 1, 2, 3, 4 թվերով, ընդգրկված համապատասխանաբար 10’ լայնության և 15’ երկայնության սեղանում.

ե. 1: 25 000 մասշտաբների քարտեզների թերթերը` 1, 2, 3, 4 թվերով, ընդգրկված համապատասխանաբար 5’ լայնության և 7’ 30” երկայնության սեղանում.

զ. 1: 10 000 մասշտաբների քարտեզների թերթերը` 1, 2, 3, 4 թվերով, ընդգրկված համապատասխանաբար 2’ 30” լայնության և 3’ 45” երկայնության սեղանում:

3) 1:5 000 մինչև 1:500 մասշտաբների հատակագծերի թերթերը անվանակարգվում են հետևյալ կերպ.

ա. 1:5 000 մասշտաբների հատակագծերի թերթերը` 001, 002 մինչև 256 թվերով.

բ. 1:2 000 մասշտաբների հատակագծերի թերթերը` 1, 2, 3, 4, 5, 6, 7, 8, 9 թվերով.

գ. 1:1 000 մասշտաբների հատակագծերի թերթերը` 1, 2, 3, 4 թվերով.

դ. 1:500 մասշտաբների հատակագծերի թերթերը` 01, 02 մինչև 16 թվերով:

13. Տեղագրական քարտեզների և հատակագծերի անվանակարգային թերթերի չափսերը և մոտավոր մակերեսները սահմանված են աղյուսակ 2-ում, ընդ որում` 1:5 000 և 1:2 000 մասշտաբների տեղագրական հատակագծերի մակերեսները հաշվարկված են որպես առանձին ուղղանկյուն թերթեր:

Աղյուսակ 2

Մասշտաբ Թերթի չափսը լայնությամբ Թերթի չափսը երկայնությամբ Ելակետային մասշտաբում թերթերի քանակությունը Թերթերը միլիոնանոց քարտեզում Թերթի մոտավոր մակերեսը. 400  լայնությու- նում կմ2 1 : 1 000 000 60 40 1 1 225 000 1 : 500 000 30 20 4 4 56 250 1 : 200 000 10 00  40' 36 36 6 270 1 : 100 000 00 30' 00  20' 144 144 1 570 1 : 50 000 00  15' 00  10' 4 576 392 1 : 25 000 00  07' 30'' 00  05' 4 2 304 98 1 : 10 000 00  03' 45'' 00  02' 30'' 4 9 216 24,5 1 : 5 000 00  01' 52.5'' 00  01' 15'' 256 36 864 4* 1 : 2 000 00  00' 37.5'' 00  00' 25'' 9 331 776 1*

ՊԱՏԿԵՐ 1

Մերկատորի ունիվերսալ տրանսվերսալ

վեցաստիճանային (6^o) գոտու հավասարաանկյուն

ընդլայնական հատած գլանային պրոյեկցիան

ՔԱՐՏԵԶՆԵՐԻ ԵՎ ՀԱՏԱԿԱԳԾԵՐԻ ԹԵՐԹԵՐԻ ԱՆՎԱՆԱԿԱՐԳՈՒՄ

1:1 000 000 մասշտաբի քարտեզի անվանակարգը

1:500 000 մասշտաբի քարտեզի անվանակարգը

1:200 000 մասշտաբի քարտեզի անվանակարգը

1:100 000 մասշտաբի քարտեզի անվանակարգը

1:50 000 մասշտաբի քարտեզի անվանակարգը

1:25 000 մասշտաբի քարտեզի անվանակարգը

1:10 000 մասշտաբի քարտեզի անվանակարգը

1:5 000 մասշտաբի հատակագծի անվանակարգը

UTM-11-38-138-(124)

1:2 000 մասշտաբի հատակագծի անվանակարգը

UTM-11-38-138-(124-5)

1	2	3
4	5	6
7	8	9

 

01	02	03	04
05	06	07	08
09	10	11	12
13	14	15	16