«Գրանցված է»

ՀՀ արդարադատության

նախարարության կողմից

19 հունիսի 2013 թ.

Պետական գրանցման թիվ 12113246

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՓՈԽՎԱՐՉԱՊԵՏ,

ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ

29 մայիսի 2013 թ.

N 2-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ, ՓՈԽՎԱՐՉԱՊԵՏԻ 2009 ԹՎԱԿԱՆԻ ՀՈՒՆՎԱՐԻ 26-Ի N 05-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով

ՀՐԱՄԱՅՈՒՄ ԵՄ՝

1. Հայաստանի Հանրապետության տարածքային կառավարման նախարար, փոխվարչապետի 2009 թվականի հունվարի 26-ի «Համայնքային ծառայողների գրանցամատյանի վարման կարգը սահմանելու մասին» N 05-Ն հրամանում (այսուհետ` հրաման) կատարել հետևյալ փոփոխությունները և լրացումները.

1) հրամանով հաստատված կարգի (այսուհետ` կարգ) 2-րդ կետում «համայնքների ղեկավարների աշխատակազմերի (Երևանում` Երևանի քաղաքապետարանի աշխատակազմի)» բառերը փոխարինել «քաղաքապետարանի (գյուղապետարանի) աշխատակազմի» բառերով.

2) կարգի 7-րդ կետի 2-րդ, 8-րդ կետի 13-րդ, 14-րդ, 15-րդ, 16-րդ, 18-րդ, 20-րդ և 9-րդ կետի 4-րդ ենթակետերում «տարին, ամիսը, ամսաթիվը» բառերը փոխարինել «ամսաթիվը, ամիսը, տարին» բառերով.

3) կարգի 8-րդ կետում.

ա. 4-րդ ենթակետում «ազգանունը, անունը, հայրանունը» բառերը փոխարինել «անունը, հայրանունը, ազգանունը» բառերով.

բ. 5-րդ ենթակետից հանել «, զրկման» բառը.

գ. 17-րդ ենթակետը շարադրել հետևյալ խմբագրությամբ. «վերապատրաստումը (վերապատրաստում իրականացնող կազմակերպությունը, վերապատրաստման սկիզբը, վերապատրաստման ավարտը, ծրագրի անվանումը, վերապատրաստման մասին ավարտական փաստաթղթի համարը)».

դ. 19-րդ ենթակետում «քաղաքացիական ծառայության» բառերը փոխարինել «պետական ծառայության» բառերով, իսկ «պաշտոններում» բառից հետո լրացնել «, պետական և (կամ) համայնքային կառավարման ոլորտի» բառերով.

ե. լրացնել հետևյալ բովանդակությամբ նոր 21-րդ ենթակետով.

«21) ծանոթություն».

4) կարգի 9-րդ կետի 3-րդ ենթակետում «ազգանունը, անունը, հայրանունը» բառերը փոխարինել «անունը, հայրանունը, ազգանունը» բառերով.

5) 10-րդ կետը շարադրել հետևյալ խմբագրությամբ.

«10. Գրանցամատյանում տեղեկությունները ներկայացվում են համապատասխան աշխատակազմի կողմից անմիջապես կամ համապատասխան մարզպետարանի միջոցով թղթյա կրիչով կամ էլեկտրոնային եղանակով` աշխատակազմի հաստիքացուցակի և սույն կարգի N 1 և N 2 ձևերով նախատեսված տվյալների հիման վրա».

6) ուժը կորցրած ճանաչել կարգի 11-րդ կետը.

7) ուժը կորցրած ճանաչել կարգի 14-րդ կետը.

8) կարգի N 1 և N 2 ձևերը շարադրել հետևյալ խմբագրությամբ` համաձայն հավելվածի:

2. Սույն հրամանն ուժի մեջ է մտնում պաշտոնական հրապարակմանը հաջորդող 10-րդ օրվանից:

Ա. Գևորգյան

Հավելված ՀՀ փոխվարչապետ, տարածքային կառավարման նախարարի 2013 թվականի մայիսի 29-ի N 2-Ն հրամանի

«Ձև N 1

Գ Ր Ա Ն Ց Ա Մ Ա Տ Յ Ա Ն

__________ քաղաքապետարանի (գյուղապետարանի) աշխատակազմի համայնքային ծառայության պաշտոն զբաղեցնող անձանց վերաբերյալ

Գ Ր Ա Ն Ց Ա Մ Ա Տ Յ Ա Ն

__________ քաղաքապետարանի (գյուղապետարանի) աշխատակազմի համայնքային ծառայության պաշտոնից ազատված անձանց վերաբերյալ