«Գրանցված է»

ՀՀ արդարադատության

նախարարության կողմից

25 մարտի 2013 թ.

Պետական գրանցման թիվ 12513109

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՄԻՋՈՒԿԱՅԻՆ ԱՆՎՏԱՆԳՈՒԹՅԱՆ ԿԱՐԳԱՎՈՐՄԱՆ ՊԵՏԱԿԱՆ ԿՈՄԻՏԵ

5 մարտի 2013 թ. ք. Երևան

N 47-Ն

Հ Ր Ա Մ Ա Ն

ՄԱՍՆԱԳԻՏԱԿԱՆ ՃԱՌԱԳԱՅԹԱՀԱՐՄԱՆ ԱՆՀԱՏԱԿԱՆ ԱՆՁՆԱԳՐԵՐԻ ՁԵՎԻՆ ԵՎ ՎԱՐՄԱՆԸ ՎԵՐԱԲԵՐՈՂ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2006 թվականի օգոստոսի 18-ի «Ճառագայթային անվտանգության կանոնները հաստատելու մասին» N 1489-Ն որոշմամբ հաստատված հավելվածի 165-րդ կետով

ՀՐԱՄԱՅՈՒՄ ԵՄ՝

Սահմանել մասնագիտական ճառագայթահարման անհատական անձնագրերի ձևին և վարմանը վերաբերող պահանջները՝ համաձայն հավելվածի:

Ա. Մարտիրոսյան

Հավելված ՀՀ կառավարությանն առընթեր միջուկային անվտանգության կարգավորման պետական կոմիտեի նախագահի 2013 թվականի մարտի 5-ի N 47-Ն հրամանի

Պ Ա Հ Ա Ն Ջ Ն Ե Ր

ՄԱՍՆԱԳԻՏԱԿԱՆ ՃԱՌԱԳԱՅԹԱՀԱՐՄԱՆ ԱՆՀԱՏԱԿԱՆ ԱՆՁՆԱԳՐԵՐԻ ՁԵՎԻՆ ԵՎ ՎԱՐՄԱՆԸ ՎԵՐԱԲԵՐՈՂ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն իրավական ակտով սահմանում են ատոմային էներգիայի օգտագործման օբյեկտների «Ա» և «Բ» կատեգորիաների անձնակազմի մասնագիտական ճառագայթահարման անհատական անձնագրերի (այսուհետ՝ անձնագիր) ձևին և վարմանը վերաբերող պահանջները (այսուհետ՝ պահանջներ):

2. Անձնագրով փաստվում են իոնացնող ճառագայթման ազդեցության պայմաններում աշխատող անձանց մասնագիտական ճառագայթահարման դոզաները: Անձնագրում ներկայացված դոզաները պետք է համապատասխանեն ատոմային էներգիայի օգտագործման տվյալ օբյեկտի մասնագիտական ճառագայթահարման դոզաների գրանցամատյանում գրառված դոզաներին:

3. Անձնագրերը պետք է պատրաստվեն (պատվիրվեն) ատոմային էներգիայի օգտագործման բնագավառում գործունեություն իրականացնող լիցենզավորված անձանց կողմից և տրամադրվեն «Ա» և «Բ» կատեգորիայի անձնակազմին անհատույց:

II. ՄԱՍՆԱԳԻՏԱԿԱՆ ՃԱՌԱԳԱՅԹԱՀԱՐՄԱՆ ԱՆՀԱՏԱԿԱՆ ԱՆՁՆԱԳՐԵՐԻ ՁԵՎԻՆ ՎԵՐԱԲԵՐՈՂ ՊԱՀԱՆՋՆԵՐ

4. Անձնագիրը պետք է ունենա տպագիր վկայականի տեսք և մաշկալաթե (դերմանտինե) շապիկ:

5. Անձնագրի շապիկի չափսերն են՝ բարձրությունը` 196 մմ, լայնությունը` 148 մմ:

6. Անձնագրի շապիկի վրա պետք է լինի «ՄԱՍՆԱԳԻՏԱԿԱՆ ՃԱՌԱԳԱՅԹԱՀԱՐՄԱՆ ԱՆՀԱՏԱԿԱՆ ԱՆՁՆԱԳԻՐ» գրառումը:

III. ՄԱՍՆԱԳԻՏԱԿԱՆ ՃԱՌԱԳԱՅԹԱՀԱՐՄԱՆ ԱՆՀԱՏԱԿԱՆ ԱՆՁՆԱԳՐԵՐԻ ՎԱՐՄԱՆԸ ՎԵՐԱԲԵՐՈՂ ՊԱՀԱՆՋՆԵՐ

7. Անձնագրում գրառումներ պետք է կատարվեն ատոմային էներգիայի օգտագործման օբյեկտի ճառագայթային անվտանգության ծառայության (պատասխանատու անձի) կողմից, ստորագրվեն և կնքվեն ատոմային էներգիայի օգտագործման օբյեկտի ղեկավարի կնիքով:

8. Անձնագրում գրառումները պետք է կատարվեն ընթեռնելի և կայուն թանաքով:

9. Անձնագիրը պետք է համարակալվի:

10. Անձնագրում պետք է նշվեն՝

1) գործատուի անվանումը և գտնվելու վայրը.

2) աշխատանքի ընդունման տարին, ամիսը, ամսաթիվը.

3) աշխատանքային պայմանագիրը լուծելու տարին, ամիսը, ամսաթիվը.

4) աշխատողի զբաղեցրած պաշտոնը (կատարած աշխատանքը).

5) կառուցվածքային ստորաբաժանումը (բաժանմունքը, արտադրամասը, լաբորատորիան և այլն), որտեղ աշխատում է աշխատողը.

6) գրառումները կատարող անձի անունը, ազգանունը, պաշտոնը.

7) գրառումը կատարելու տարին, ամիսը, ամսաթիվը.

8) պարբերական անհատական ճառագայթահարման մոնիթորինգ անցնող անձանց համար՝ մասնագիտական ճառագայթահարման եռամսյակային և տարեկան գումարային դոզան.

9) ոչ պարբերական ճառագայթահարման մոնիթորինգ անցնող անձանց համար՝ մասնագիտական ճառագայթահարման ժամանակահատվածը և ստացած դոզան:

11. Սույն պահանջների 10-րդ կետի 1-5 ենթակետերում նշված տեղեկությունների փոփոխության դեպքում պետք է կատարվի նոր գրառում: