«Գրանցված է»

ՀՀ արդարադատության

նախարարության կողմից

3 փետրվարի 2010 թ.

Պետական գրանցման թիվ 12410031

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

23 դեկտեմբերի 2009 թ. ք. Երևան

N 4046-Ն

Հ Ր Ա Մ Ա Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ԼԻՆՍԻ ՀԻՄՆԱԴՐԱՄԻ ՄԻՋԵՎ ԿՆՔՎԱԾ ՎԵՐԱՁԵՎԱԿԵՐՊՎԱԾ ԵՐԿՐՈՐԴ ՓՈԽԸՄԲՌՆՄԱՆ ՀՈՒՇԱԳՐՈՎ ՆԱԽԱՏԵՍՎԱԾ ՀԱՐԿԱՅԻՆ, ՄԱՔՍԱՅԻՆ ԵՎ ՊԱՐՏԱԴԻՐ ՎՃԱՐՆԵՐԻ ԳԾՈՎ ԱՐՏՈՆՈՒԹՅՈՒՆՆԵՐԻ ԿԻՐԱՌՄԱՆ» ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
(վերնագիրը փոփ. 28.06.10 N 1500-Ն)

Հիմք ընդունելով «Հարկերի մասին» ՀՀ օրենքի 2 հոդվածի «գ» կետը և 38 հոդվածը` Հայաստանի Հանրապետության անունից կնքված և վավերացված միջազգային պայմանագրերով սահմանված հարկային արտոնությունների կիրառումը կարգավորելու նպատակով`

Հրամայում եմ՝

1. Հաստատել «Հայաստանի Հանրապետության կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրով նախատեսված հարկային, մաքսային և պարտադիր վճարների գծով արտոնությունների կիրառման» հրահանգը` համաձայն հավելվածի:

(1-ին կետը փոփ. 28.06.10 N 1500-Ն)

2. Ուժը կորցրած ճանաչել Հայաստանի Հանրապետության կառավարությանն առընթեր հարկային պետական ծառայության պետի 2006 թվականի հունիսի 23-ի «Հայաստանի Հանրապետության կառավարության և Լինսի հիմնադրամի միջև կնքված փոխըմբռնման երկրորդ հուշագրով նախատեսված հարկային, մաքսային և պարտադիր վճարների գծով արտոնությունների կիրառման» N 1-05/10-Ն հրամանը:

ՀՀ կառավարությանն առընթեր պետական եկամուտների կոմիտեի նախագահ՝

Գ. Խաչատրյան

Հ Ր Ա Հ Ա Ն Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ԼԻՆՍԻ ՀԻՄՆԱԴՐԱՄԻ ՄԻՋԵՎ ԿՆՔՎԱԾ ՎԵՐԱՁԵՎԱԿԵՐՊՎԱԾ ԵՐԿՐՈՐԴ ՓՈԽԸՄԲՌՆՄԱՆ ՀՈՒՇԱԳՐՈՎ  ՆԱԽԱՏԵՍՎԱԾ ՀԱՐԿԱՅԻՆ, ՄԱՔՍԱՅԻՆ ԵՎ ՊԱՐՏԱԴԻՐ ՎՃԱՐՆԵՐԻ ԳԾՈՎ ԱՐՏՈՆՈՒԹՅՈՒՆՆԵՐԻ ԿԻՐԱՌՄԱՆ
(վերնագիրը փոփ. 28.06.10 N 1500-Ն)

Հիմք ընդունելով «Հարկերի մասին» ՀՀ օրենքի 2-րդ հոդվածի «գ» կետը՝ Հայաստանի Հանրապետության անունից կնքված և վավերացված միջազգային պայմանագրերով սահմանված հարկային արտոնությունների կիրառումը, օրենքի 38-րդ հոդվածին համապատասխան կարգավորելու նպատակով՝ սույն հրահանգը նպատակ ունի կանոնակարգել Հայաստանի Հանրապետության կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրով (այսուհետ՝ հուշագիր) նախատեսված հարկային, մաքսային և պարտադիր վճարների գծով արտոնություններից օգտվելու հետ կապված հարաբերությունները:

(Նախաբանը փոփ. 28.06.10 N 1500-Ն)

1. Սույն հրահանգը չի սահմանափակում Հայաստանի Հանրապետության օրենսդրությամբ սահմանված հարկային, մաքսային և պարտադիր վճարների գծով նախատեսված արտոնությունները:

2. Հուշագրով սահմանված արտոնություններից օգտվում են.

1) Հուշագրի շրջանակներում ծրագրեր (այսուհետ՝ ծրագրեր) իրականացնողները՝ Միացյալ հայկական հիմնադրամը, նրա լիազոր(ներ)ը (այդ թվում` նրա աշխատակից(ներ)ը, խորհրդատուն(երը), կապալառուն(երը) և այլն), նշանակված(ներ)ը և (կամ) ծրագրի կառավարիչը, որոնք ՀՀ քաղաքացի(ներ) չեն (կամ ՀՀ օրենսդրությամբ սահմանված կարգով ստեղծված չեն) և աշխատում են ծրագրերից որևէ մեկի վրա:

2) Հուշագրի շրջանակներում ծրագրեր իրականացնող գրասենյակները, ինչպես նաև Միացյալ հայկական հիմնադրամի կողմից ֆինանսավորվող (այդ թվում՝ շնորհների տեսքով)՝ ծրագրեր իրականացնող անձինք:

 3) Սույն հրահանգի երկրորդ կետի 1-ին և 2-րդ ենթակետերում նշված անձանց ապրանքներ մատակարարող և ծառայություններ մատուցող (ձեռնարկատիրական գործունեություն վարող օրենքով սահմանված կարգով գրանցված) անձինք՝ ծրագրի շրջանակներում մատակարարվող ապրանքների և մատուցվող ծառայությունների մասով:

(2-րդ կետը փոփ. 30.04.11 N 747-Ն)

3. Հուշագրի շրջանակներում իրականացվող ծրագրերի հետ կապված վերգետնյա տրանսպորտային միջոցների Հայաստանի Հանրապետություն մուտքը ազատված է ճանապարհային և բնապահպանական վճարներից, իսկ օդային տրանսպորտի մուտքը՝ ընդունման և սպասարկման վճարներից:

4. Սույն հրահանգի համաձայն արտոնությունները նշանակում են.

1) Հուշագրի շրջանակներում իրականացվող ծրագրերի գծով, հրահանգի երկրորդ կետի 1-ին ենթակետում նշված անձանց կողմից՝

ա. Հայաստանի Հանրապետություն ապրանքների ներմուծումը ազատվում է ավելացված արժեքի հարկից, ՀՀ օրենսդրությամբ սահմանված կարգով մաքսային մարմինների կողմից գանձվող հաստատագրված վճարներից` անկախ այն հանգամանքից, թե ով է օտարերկրյա պետություններից ապրանքներ արտահանողը, մաքսատուրքից, մաքսավճարից և պարտադիր այլ վճարներից,

բ. ՀՀ տարածքում ապրանքների մատակարարումը և ծառայությունների մատուցումը (այդ թվում՝ անհատույց կամ մասնակի հատուցմամբ) ազատվում է ավելացված արժեքի հարկից:

2) Հրահանգի երկրորդ կետի 1-ին ենթակետում նշված անձինք ազատվում են՝

ա. շահութահարկից,

բ. եկամտահարկից,

գ. ոչ ռեզիդենտին վճարվող եկամուտներից՝ աղբյուրի մոտ պահվող հարկը (շահութահարկը, եկամտահարկը) պահելու պարտավորությունից:

5. Հրահանգի երկրորդ կետի 2-րդ ենթակետում նշված անձանց կողմից ծրագրերի շրջանակներում՝

1) Հայաստանի Հանրապետություն ապրանքների ներմուծումը ազատվում է ավելացված արժեքի հարկից, ՀՀ օրենսդրությամբ սահմանված կարգով մաքսային մարմինների կողմից գանձվող հաստատագրված վճարներից, մաքսատուրքից և մաքսավճարից,

2) ՀՀ տարածքում ապրանքների մատակարարումը և ծառայությունների մատուցումը (այդ թվում՝ անհատույց կամ մասնակի հատուցմամբ) ազատվում է ավելացված արժեքի հարկից:

6. Հրահանգի երկրորդ կետի 3-րդ ենթակետում նշված անձինք ազատվում են ծրագրի շրջանակներում հրահանգի երկրորդ կետի 1-ին և 2-րդ ենթակետերում նշված անձանց մատակարարվող ապրանքների և մատուցվող ծառայությունների (այդ թվում՝ անհատույց կամ մասնակի հատուցմամբ) գծով ավելացված արժեքի հարկից:

1) Հրահանգի երկրորդ կետի 3-րդ ենթակետում նշված անձանց կողմից` ծրագրի շրջանակներում իրականացվող շինարարական և հարակից (նախագծային, հետազոտական և այլն) աշխատանքների մի մասը` հրահանգի երկրորդ կետի 1-ին կամ 2-րդ ենթակետերում նշված անձանց հետ համաձայնեցված` գրավոր պայմանագրի հիման վրա այլ անձանց (ենթակապալառուներին) վերահանձնարարելու դեպքում, այդ աշխատանքները ևս ազատվում են ԱԱՀ-ից: Սույն ենթակետում նշված արտոնությունը գործում է մինչև 2012 թվականի սեպտեմբերի 30-ը կատարված աշխատանքների մասով:

2) Հուշագրի «Դպրոցաշինություն», «Ճանապարհաշինություն» և «Երևանի փողոցներ» ծրագրերի շրջանակներում հրահանգի երկրորդ կետի 1-ին և 2-րդ ենթակետերում նշված անձանց հետ կնքված գրավոր պայմանագրերի իրականացման նպատակով կապալառու և մատակարար կազմակերպությունների կողմից ապրանքների ներմուծումը ազատվում է մաքսատուրքից, մաքսավճարից և ավելացված արժեքի հարկից, եթե ներմուծվող ապրանքների քանակը և տեսականին նախօրոք համաձայնեցվել է հրահանգի երկրորդ կետի 1-ին և 2-րդ ենթակետերում նշված անձանց հետ:

7. Սույն հրահանգում նշված արտոնությունների կիրառման համար հիմք են ընդունվում հուշագրի շրջանակներում իրականացվող ծրագրերի գծով գործարքների կատարումը հիմնավորող սահմանված կարգի փաստաթղթերը (պայմանագիր, հաշվարկավճարային փաստաթղթեր, համապատասխան մաքսային հայտարարագիր և այլն), ինչպես նաև սույն հավելվածի Ձև N 1, Ձև N 2 կամ Ձև N 3 տեղեկանքները:

Հուշագրի շրջանակներում իրականացվող ծրագրերի գծով նախատեսված հարկային, մաքսային և այլ պարտադիր վճարների մասով արտոնությունների կիրառման համար սույն հավելվածի Ձև N 1, Ձև N 2 կամ Ձև N 3 տեղեկանքների առկայությունը պարտադիր է: Արտոնությունների կիրառման համար հիմք հանդիսացող հավելվածի Ձև N 1, Ձև N 2 և Ձև N 3 տեղեկանքները տրվում են ծրագիր իրականացնող գրասենյակների կողմից:

8. Հուշագրի շրջանակներում իրականացվող ծրագրերի գծով, սույն հրահանգի երկրորդ կետի 1-ին ենթակետում նշված անձանց, ինչպես նաև ծրագրեր իրականացնող գրասենյակների համար սահմանված կարգով նախատեսված պահպանման ծախսերի շրջանակներում ապրանքների ձեռքբերման կամ ծառայությունների ստացման դեպքերում հավելվածի Ձև N 2 տեղեկանքը հաստատում է համապատասխանաբար՝ Միացյալ հայկական հիմնադրամի հայաստանյան ներկայացուցչությունը կամ ծրագրեր իրականացնող գրասենյակը:

Ծրագրեր իրականացնող գրասենյակները Հուշագրի շրջանակներում իրականացվող ծրագրերի գծով ապրանքների ձեռքբերման կամ ծառայությունների ստացման, ինչպես նաև վերգետնյա տրանսպորտային միջոցների Հայաստանի Հանրապետություն մուտք գործելու դեպքերում հավելվածների Ձև N 1 և Ձև N 3 տեղեկանքները հաստատում են ինքնուրույնաբար:

Ներմուծվող ապրանքների արժեքի որոշման համար հիմք են ընդունվում (տվյալ) ապրանքների հաշվարկային (բեռնաառաքման) կամ վճարային փաստաթղթերը: Նշված փաստաթղթերը չներկայացվելու կամ սահմանված կարգով չհիմնավորվելու դեպքում հիմք է ընդունվում մաքսային մարմինների կողմից սահմանված կարգով որոշված մաքսային արժեքը:

Սույն կետում նշված տեղեկանքը կազմվում է 4 օրինակից, որի բնօրինակը և երկու պատճենը տրվում են հարկից ազատված ապրանքներ մատակարարող և ծառայություններ մատուցող անձանց, իսկ մեկ պատճենը պահվում է տեղեկանքը հաստատող անձանց մոտ:

Ապրանքների ներմուծման դեպքում մաքսային մարմիններին տրվում է միայն տեղեկանքի բնօրինակը:

Հարկից ազատված ապրանքներ մատակարարող և ծառայություններ մատուցող անձանց կողմից տեղեկանքների երկու պատճենները (ապրանքների ներմուծման դեպքում՝ հարկից ազատված ներմուծող անձանց կողմից տեղեկանքի երկու պատճենները) յուրաքանչյուր եռամսյակ, մինչև տվյալ եռամսյակին հաջորդող ամսվա 25-ը ներկայացվում են իրենց հաշվառման համապատասխան հարկային տեսչություն: Հարկային տեսչությունները մեկամսյա ժամկետում տեղեկանքների մեկ պատճենը ուղարկում են ՀՀ ֆինանսների նախարարություն:

Արտոնությունները կիրառվում են այն գործարքների (գործառնությունների) գծով, որոնց վերաբերյալ տեղեկանքները սահմանված կարգով լրացվել և ներկայացվել են համապատասխան հարկային տեսչություն:

(8-րդ կետը փոփ. 30.04.11 N 747-Ն)

9. Հուշագրի համաձայն՝ ԱԱՀ-ից ազատված ապրանքներ մատակարարող և ծառայություններ մատուցող անձինք (այդ թվում՝ ծրագրեր իրականացնողները և ծրագրեր իրականացնողներին ապրանքներ մատակարարող և ծառայություններ մատուցող անձինք) այդ ապրանքների և ծառայությունների գծով հարկային հաշիվ չեն լրացնում (լրացնում են սահմանված կարգի այլ հաշվարկային և վճարային փաստաթղթեր): Այդ անձանց կողմից հարկային հաշիվ լրացնելու դեպքում՝ հարկային հաշվում առանձնացված ԱԱՀ-ի գումարը վճարվում է բյուջե՝ սահմանված ընդհանուր կարգով:

10. Ծրագիր իրականացնող անձինք Հայաստանի Հանրապետության ֆիզիկական անձանց եկամուտներ վճարելիս ղեկավարվում են ՀՀ օրենսդրությամբ սահմանված ընդհանուր կարգով:

11. Սույն հավելվածի Ձև N 1 և Ձև N 2 տեղեկանքների առկայությունը պարտադիր է հրահանգի սահմանված կարգով ուժի մեջ մտնելուց հետո մատակարարված (ներմուծված) ապրանքների կամ մատուցված ծառայությունների գծով:

Ձև N 1

Տեղեկանք N_____________

_________________ 200 թ.

Սույնով հաստատվում է, որ

__________________________________________________________________ (ծրագիր իրականացնող կամ վերջինիս կողմից ֆինանսավորվող պատվիրատու կազմակերպության անվանումը, գտնվելու վայրը և ՀՎՀՀ)

Հայաստանի Հանրապետության կառավարության և Լինսի հիմնադրամի միջև վերաձևակերպված երկրորդ փոխըմբռնման հուշագրով նախատեսված ծրագրերի շրջանակներում

____________________________________________________________________ (հուշագրի շրջանակներում իրականացվող ծրագրի անվանումը)

____________________________________________________________________ (մատակարար (կապալառու) կազմակերպության լրիվ անվանումը, անհատ ձեռնարկատիրոջ անունը, ազգանունը)

գրանցված _____________________________________________________________  (մատակարարի (կապալառուի) կամ անհատ ձեռնարկատիրոջ գտնվելու վայրը, ՀՎՀՀ)

____________________________________________________________________ (ապրանքների մատակարարման կամ ծառայությունների մատուցման հիմքերը (պայմանագիրը, հաշվարկավճարային փաստաթղթերը)

ձեռք է բերում (ներմուծում է) ________________________________________________                                         (մատակարարվող (ներմուծվող) ապրանքների, մատուցվող                                               ծառայությունների համառոտ նկարագրությունը)

___________________________________________________________________ (մատակարարվող (ներմուծվող) ապրանքների կամ մատուցվող ծառայությունների քանակը (ծավալը) և ընդհանուր արժեքը)

Այդ աշխատանքների մի մասը կատարվում է՝

1.___________________________________________________________________ (նշել ենթակապալառու կազմակերպության լրիվ անվանումը, գտնվելու վայրը, ՀՎՀՀ, աշխատանքների արժեքը կապալառու կազմակերպության կողմից ենթակապալառուին  վերահանձնարարված աշխատանքների պատվիրման հիմքերը (պայմանագիրը, հաշվարկավճարային փաստաթղթերը)

___________________________________________________________________

___________________________________________________________________

___________________________________________________________________

___________________________________________________________________

2.____________________________________________________________________ (մի քանի ենթակապալառուների առկայության դեպքում նշել յուրաքանչյուրի տվյալները՝ 1 կետում նշված հերթականությամբ)

___________________________________________________________________

___________________________________________________________________

___________________________________________________________________

___________________________________________________________________

___________________________________________________________________

3.__________________________________________________________________

___________________________________________________________________

___________________________________________________________________

___________________________________________________________________

Մատակարարված ապրանքների (մատուցված ծառայությունների) դիմաց վճարումը կատարվում է Հայաստանի Հանրապետության կառավարության և Լինսի հիմնադրամի միջև կնքված փոխըմբռնման հուշագրի շրջանակներում իրականացվող ծրագրերի համար հատկացված միջոցների հաշվին:

Միացյալ հայկական հիմնադրամի հայաստանյան ներկայացուցչություն կամ ծրագիր իրականացնող գրասենյակի պատասխանատու անձ	___________________________  (ստորագրություն, անուն, ազգանուն)
	Կ.Տ. (դրոշմակնիք)
Միացյալ հայկական հիմնադրամի կողմից ֆինանսավորվող պատվիրատու կազմակերպության պատասխանատու անձ	___________________________  (ստորագրություն, անուն, ազգանուն)
	Կ.Տ. (դրոշմակնիք)

(ձևը փոփ. 28.06.10 N 1500-Ն, 30.04.11 N 747-Ն)

Ձև N 2

Տեղեկանք N_____________

_________________ 200 թ.

	Սույնով հաստատվում է, որ
	__________________________________________________________________ (Միացյալ հայկական հիմնադրամի հայաստանյան ներկայացուցչություն կամ ծրագիր իրականացնող գրասենյակի անվանումը, գտնվելու վայրը և ՀՎՀՀ)
	ՀՀ կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրով շրջանակներում իրականացվող ծրագրերի գծով գրասենյակի պահպանման ծախսերի շրջանակներում՝
	____________________________________________________________________ (հուշագրի շրջանակներում իրականացվող ծրագրի անվանումը)
	____________________________________________________________________ (մատակարար (կապալառու) կազմակերպության լրիվ անվանումը, անհատ ձեռնարկատիրոջ անունը, ազգանունը)
	գրանցված _____________________________________________________________  (մատակարարի (կապալառուի) կամ անհատ ձեռնարկատիրոջ գտնվելու վայրը, ՀՎՀՀ)
	____________________________________________________________________ (ապրանքների մատակարարման կամ ծառայությունների մատուցման հիմքերը (պայմանագիրը, հաշվարկավճարային փաստաթղթերը)
	ձեռք է բերում (ներմուծում է) ________________________________________________                                                (մատակարարվող (ներմուծվող) ապրանքների, մատուցվող                                                        ծառայությունների համառոտ նկարագրությունը)
	___________________________________________________________________ (մատակարարվող (ներմուծվող) ապրանքների կամ մատուցվող ծառայությունների քանակը (ծավալը) և ընդհանուր արժեքը)
	Մատակարարված ապրանքների (մատուցված ծառայությունների) դիմաց վճարումը կատարվում է ՀՀ կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրի շրջանակներում իրականացվող ծրագրերի համար հատկացված միջոցների հաշվին:

 

Միացյալ հայկական հիմնադրամի հայաստանյան ներկայացուցչություն կամ ծրագիր իրականացնող գրասենյակի պատասխանատու անձ	___________________________  (ստորագրություն, անուն, ազգանուն)
	Կ.Տ. (դրոշմակնիք)

(ձևը փոփ. 28.06.10 N 1500-Ն, 30.04.11 N 747-Ն)

Ձև N 3

Տեղեկանք N_____________

_________________ 200 թ.

	Սույնով
	__________________________________________________________________ (Միացյալ հայկական հիմնադրամի հայաստանյան ներկայացուցչություն կամ ծրագիր իրականացնող գրասենյակի անվանումը, գտնվելու վայրը և ՀՎՀՀ)
	հաստատում է, որ տրանսպորտային միջոցով ապրանքները տեղափոխվում են
	__________________________________________________________________ (տրանսպորտային միջոցի մակնիշը, գրանցման երկիրը և պետական համարանիշը)
	ՀՀ կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրի շրջանակներում իրականացվող ծրագրերի գծով գրասենյակի պահպանման ծախսերի շրջանակներում՝
	____________________________________________________________________ (հուշագրի շրջանակներում իրականացվող ծրագրի անվանումը)
	Մատակարարված ապրանքների (մատուցված ծառայությունների) դիմաց վճարումը կատարվում է ՀՀ կառավարության և Լինսի հիմնադրամի միջև կնքված վերաձևակերպված երկրորդ փոխըմբռնման հուշագրի շրջանակներում իրականացվող ծրագրերի համար հատկացված միջոցների հաշվին:

Միացյալ հայկական հիմնադրամի հայաստանյան ներկայացուցչություն կամ ծրագիր իրականացնող գրասենյակի պատասխանատու անձ	___________________________  (ստորագրություն, անուն, ազգանուն)
	Կ.Տ. (դրոշմակնիք)

(ձևը փոփ. 28.06.10 N 1500-Ն, 30.04.11 N 747-Ն)

(հավելվածը փոփ. 28.06.10 N 1500-Ն, 30.04.11 N 747-Ն)