ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

14 փետրվարի 2011 թ. ք. Երևան

N 133-Ա

Հ Ր Ա Մ Ա Ն

 «ԲԱՂՐԱՄՅԱՆԻ ՊՈԼԻԿԼԻՆԻԿԱ ԵՎ ՄՈՐ ՈՒ ՄԱՆԿԱՆ ՊԱՀՊԱՆՈՒԹՅԱՆ ԿԵՆՏՐՈՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼԻՑԵՆԶԻԱՆ «ՔԵՎՕՐՔ ԵՎ ԱՆԻԹԱ ՓԱԿՈՒՄԵԱՆՆԵՐԻ ՀԻՇԱՏԱԿԻ ՀԻՍՈՒՍԻ ՄԱՆՈՒԿՆԵՐ ԱՌՈՂՋՈՒԹՅԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԱՆՎԱՄԲ ՎԵՐԱՁԵՎԱԿԵՐՊԵԼՈՒ ՄԱՍԻՆ

Հիմք ընդունելով «Լիցենզավորման մասին» ՀՀ օրենքի 20-րդ, 21-րդ հոդվածները, 32-րդ հոդվածի 1-ին մասը, ՀՀ Արմավիրի մարզպետի 17.03.2009թ. թիվ 104 որոշումը և «Քեվօրք և Անիթա Փակումեանների հիշատակի Հիսուսի մանուկներ առողջության կենտրոն» փակ բաժնետիրական ընկերության տնօրենի 31.01.2011 թվականի N 1519 դիմումը,

Հրամայում եմ՝

1. «Բաղրամյանի պոլիկլինիկա և մոր ու մանկան առողջության պահպանման կենտրոն» փակ բաժնետիրական ընկերությանը 2004 թվականի մարտի 15-ին տրված բժշկական օգնության և սպասարկման գործունեության իրականացման թիվ Կ-XX-000490 լիցենզիան վերաձևակերպել «Քեվօրք և Անիթա Փակումեանների հիշատակի Հիսուսի մանուկներ առողջության կենտրոն» փակ բաժնետիրական ընկերություն անունով:

2. ՀՀ առողջապահության նախարարության աշխատակազմի լիցենզավորման բաժնի պետ Ա. Հովակիմյանին`

1) ապահովել լիցենզիայում կատարված փոփոխությունների մասին տեղեկությունների գրանցումը համապատասխան գրանցամատյանում.

2) եռօրյա ժամկետում ապահովել սույն հրամանի առաքումը դիմողին, գերատեսչական նորմատիվ ակտերը հրապարակող մարմին և ՀՀ կառավարությանն առընթեր պետական եկամուտների կոմիտե:

3. Սույն հրամանի կատարման հսկողությունը հանձնարարել ՀՀ առողջապահության նախարարի տեղակալ Տ. Սահակյանին:

Նախարար

Հ. Քուշկյան