«Գրանցված է»

ՀՀ արդարադատության

նախարարության կողմից

19 մայիսի 2010 թ.

Պետական գրանցման թիվ 12410195

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

Հ Ր Ա Մ Ա Ն

ՀԱՐԿԱՅԻՆ ՄԱՐՄՆԻ ՆԵՐԿԱՅԱՑՈՒՑԻՉՆԵՐԻ ԿՈՂՄԻՑ ՀԱՐԿԱՅԻՆ ՀՍԿՈՂՈՒԹՅԱՆ ԸՆԹԱՑՔՈՒՄ ԿԱԶՄՎՈՂ ՏԵՂԵԿԱՆՔՆԵՐԻ ԵՎ ՀԱՇՎԵՏՎՈՒԹՅԱՆ ՁԵՎԵՐԸ, ԴՐԱՆՑ ԿԱԶՄՄԱՆ ԵՎ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Հարկերի մասին» Հայաստանի Հանրապետության օրենքի 17.1-րդ հոդվածին և Հայաստանի Հանրապետության կառավարության 2010 թվականի փետրվարի 18-ի «Հարկային մարմնի ներկայացուցիչների և հարկ վճարողների ընտրության, հարկային մարմնի ներկայացուցիչների նշանակման և ներկայացուցիչների աշխատանքների կազմակերպման հարցերը կանոնակարգելու մասին» N 187-Ն որոշմանը համապատասխան`

Հրամայում եմ`

Հաստատել`

1. Հարկային մարմնի ներկայացուցիչների կողմից ընթացիկ հարկային հսկողության ընթացքում տեղեկանքների և ընթացիկ հարկային հսկողության արդյունքների վերաբերյալ հաշվետվության կազմման ու ներկայացման կարգը` համաձայն N 1 հավելվածի,

2. Ընթացիկ հարկային հսկողության արդյունքների վերաբերյալ հաշվետվության ձևը` համաձայն N 2 հավելվածի,

3. Առաքվող, տրամադրվող, տեղափոխվող կամ վաճառվող արտադրանքի և ապրանքների, մատուցվող ծառայությունների փաստացի ծավալների ու գների հաշվառման և ուսումնասիրության տեղեկանքի ձևը` համաձայն N 3 հավելվածի,

4. Առաքվող, տրամադրվող, տեղափոխվող կամ վաճառվող արտադրանքի և ապրանքների, մատուցվող ծառայությունների փաստաթղթավորման, հաշվառման և գրանցման ընթացակարգերի ուսումնասիրության տեղեկանքի ձևը` համաձայն N 4 հավելվածի:

Կ Ա Ր Գ

ՀԱՐԿԱՅԻՆ ՄԱՐՄՆԻ ՆԵՐԿԱՅԱՑՈՒՑԻՉՆԵՐԻ ԿՈՂՄԻՑ ԸՆԹԱՑԻԿ ՀԱՐԿԱՅԻՆ ՀՍԿՈՂՈՒԹՅԱՆ ԸՆԹԱՑՔՈՒՄ ՏԵՂԵԿԱՆՔՆԵՐԻ ԵՎ ԸՆԹԱՑԻԿ ՀԱՐԿԱՅԻՆ ՀՍԿՈՂՈՒԹՅԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ ԿԱԶՄՄԱՆ ՈՒ ՆԵՐԿԱՅԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. «Հարկերի մասին» Հայաստանի Հանրապետության օրենքի 17.1-րդ հոդվածին և Հայաստանի Հանրապետության կառավարության 2010 թվականի փետրվարի 18-ի «Հարկային մարմնի ներկայացուցիչների և հարկ վճարողների ընտրության, հարկային մարմնի ներկայացուցիչների նշանակման և ներկայացուցիչների աշխատանքների կազմակերպման հարցերը կանոնակարգելու մասին» N 187-Ն որոշմանը համապատասխան` սույն կարգով կանոնակարգվում է հարկ վճարողի մոտ ընթացիկ հարկային հսկողություն (այսուհետ` հսկողություն) իրականացնող հարկային մարմնի ներկայացուցիչների (այսուհետ` ներկայացուցիչներ) կողմից հսկողության ընթացքում տեղեկանքների և հսկողության արդյունքների վերաբերյալ հաշվետվության կազմման ու ներկայացման կարգը:

II. ՀՍԿՈՂՈՒԹՅԱՆ ԸՆԹԱՑՔՈՒՄ ՏԵՂԵԿԱՆՔՆԵՐԻ ԿԱԶՄՄԱՆ ԿԱՐԳԸ

2. Առաքվող, բացթողնվող, տրամադրվող, տեղափոխվող կամ վաճառվող արտադրանքի և ապրանքների (այսուհետ` առաքվող արտադրանք և վաճառվող ապրանք), մատուցվող ծառայությունների փաստացի ծավալների ու գների (սակագների) հաշվառման և ուսումնասիրության (այդ թվում` ըստ ապրանքների անվանումների (անվանացանկի), ծառայությունների տեսակների, ապրանքների տեսականու (ըստ դրանց տեսակների, մոդելների, չափերի, գույների կամ այլ հատկանիշների)) արդյունքում ներկայացուցիչները հսկողության յուրաքանչյուր վայրի համար առանձին, երկու օրինակից, կազմում են սույն հրամանի N 3 հավելվածով հաստատված ձևով տեղեկանք, որին կցվում են`

1) սույն հրամանի N 3 հավելվածով հաստատված տեղեկանքի ձևի ներդիրը, որը կազմվում է առաքվող արտադրանքի և վաճառվող ապրանքի, մատուցվող ծառայության փաստացի ծավալների ու գների (սակագների) ժամանակագրական կարգով հաշվառման և ուսումնասիրության տվյալների հիման վրա` որպես դիտարկվող արտադրանքների, ապրանքների կամ ծառայության տեսակների հաշվառման և ուսումնասիրության ընդհանրացված արդյունքներ,

2) բացառապես հսկողությանն անմիջապես առնչվող` հարկ վճարողի ներկայացրած փաստաթղթեր (պատճենները), տվյալներ և տեղեկություններ առաքվող արտադրանքի և վաճառվող ապրանքների, մատուցվող ծառայությունների փաստացի ծավալների ու գների (սակագների), դրանց իրացումից ստացվող հասույթի վերաբերյալ, անհրաժեշտության դեպքում` ըստ ապրանքների անվանումների (անվանացանկի), ծառայությունների տեսակների, ապրանքների տեսականու (ըստ դրանց տեսակների, մոդելների, չափերի, գույների կամ այլ հատկանիշների),

3) արտադրանքի առաքման, ապրանքի վաճառքի և ծառայության մատուցման` հարկային օրենսդրությամբ սահմանված փաստաթղթավորման և հաշվառման (գրանցման) կարգի նկատմամբ օրենքով սահմանված պահանջների կատարման ապահովման նպատակով ընտրանքային կարգով, կոնկրետ գործարքի մասով իրականացված գույքագրումների արդյունքները (ներկայացուցիչների իրավասությունների շրջանակներում հարկ վճարողին գույքագրում իրականացնելու պահանջ ներկայացրած լինելու դեպքում),

4) հսկողությանն առնչվող այլ փաստաթղթեր, տվյալներ, տեղեկություններ, փաստաթղթերի պատճեններ, հսկողությանը խոչընդոտելու, գույքագրումներ իրականացնելուց կամ հսկողության նպատակներին առնչվող փաստաթղթերը տրամադրելուց հրաժարվելու արձանագրություններ:

3. Սույն կարգի 2-րդ կետում նշված տեղեկանքը ներկայացուցիչները կազմում են հսկողության յուրաքանչյուր կես ամսվա համար` դրան հաջորդող երկու աշխատանքային օրվա ընթացքում: Եթե հսկողության ընդհանուր ժամկետում ներառվում (ընդգրկվում) է կես ամսից կարճ ժամանակահատված, ապա ներկայացուցիչների կողմից սույն կետում նշված ժամկետում կազմվում է նաև տեղեկանք այդ ժամանակահատվածի համար: Տեղեկանքի կազմմանը հաջորդող երեք աշխատանքային օրվա ընթացքում ներկայացուցիչները տեղեկանքն առձեռն կամ փոստով տրամադրում են հարկ վճարողի պաշտոնատար անձին: Հարկ վճարողի պաշտոնատար անձը ծանոթանում է տեղեկանքին, դրա մասին տեղեկանքում կատարելով համապատասխան գրառում, իսկ համաձայն չլինելու կամ առարկությունների դեպքում տեղեկանքի ներկայացմանը հաջորդող երեք աշխատանքային օրվա ընթացքում ներկայացուցիչներին է ներկայացնում իր գրավոր առարկությունները:

4. Առաքվող արտադրանքի և վաճառվող ապրանքների, մատուցվող ծառայությունների` հարկային օրենսդրությամբ սահմանված փաստաթղթավորման, հաշվառման և գրանցման ընթացակարգերի ուսումնասիրությունների ընթացքում ընթացակարգերի և հարկային օրենսդրության խախտումներ, անճշտություններ, անհամապատասխանություններ (այսուհետ` խախտումներ) հայտնաբերելու դեպքում դրանք հայտնաբերելուց հետո, բայց ոչ ուշ, քան խախտումը հայտնաբերելու օրվա ավարտը, ներկայացուցիչները հսկողության յուրաքանչյուր վայրի և յուրաքանչյուր խախտման համար առանձին, երկու օրինակից, կազմում են սույն հրամանի N 4 հավելվածով հաստատված ձևով տեղեկանք, որին կցվում են`

1) սույն հրամանի N 4 հավելվածով հաստատված տեղեկանքի ձևի ներդիրը, որը կազմվում է առաքվող արտադրանքի և վաճառվող ապրանքների, մատուցվող ծառայության փաստաթղթավորման, հաշվառման և գրանցման խախտումների հիման վրա,

2) բացառապես հսկողությանն անմիջապես առնչվող` հարկ վճարողի ներկայացրած փաստաթղթեր (պատճենները), տվյալներ և տեղեկություններ առաքվող արտադրանքի և վաճառվող ապրանքների, մատուցվող ծառայությունների փաստացի ծավալների ու գների (սակագների), դրանց իրացումից ստացվող հասույթի վերաբերյալ, անհրաժեշտության դեպքում` ըստ ապրանքների անվանումների (անվանացանկի), ծառայությունների տեսակների, ապրանքների տեսականու (ըստ դրանց տեսակների, մոդելների, չափերի, գույների կամ այլ հատկանիշների),

3) արտադրանքի առաքման, ապրանքների վաճառքի և ծառայության մատուցման գործարքների փաստաթղթավորման և հաշվառման (գրանցման) կարգի նկատմամբ օրենքով սահմանված պահանջների կատարման ապահովման նպատակով ընտրանքային կարգով, կոնկրետ գործարքի մասով իրականացված գույքագրումների արդյունքները,

4) հսկողությանն առնչվող այլ փաստաթղթեր, տվյալներ, տեղեկություններ, փաստաթղթերի պատճեններ, հսկողությանը խոչընդոտելու, գույքագրումներ իրականացնելուց կամ հսկողության նպատակներին առնչվող փաստաթղթերը տրամադրելուց հրաժարվելու արձանագրություններ:

5. Սույն կարգի 4-րդ կետում նշված տեղեկանքը խախտումն արձանագրելուց հետո, բայց ոչ ուշ, քան դրան հաջորդող աշխատանքային օրվա ավարտը, առձեռն կամ փոստով տրամադրվում է հարկ վճարողի պաշտոնատար անձին: Հարկ վճարողի պաշտոնատար անձն արձանագրված խախտումների հետ համաձայնելու դեպքում երեք աշխատանքային օրվա ընթացքում ստորագրում է տեղեկանքը և վերացնում է խախտումը, որի մասին տեղեկանքում ներկայացուցիչների կողմից կատարվում է համապատասխան գրառում: Արձանագրված խախտումների հետ համաձայն չլինելու դեպքում հարկ վճարողի պաշտոնատար անձը երեք աշխատանքային օրվա ընթացքում ներկայացուցիչներին է ներկայացնում իր գրավոր առարկություններն ու բացատրությունները:

III. ՆԵՐԿԱՅԱՑՈՒՑԻՉՆԵՐԻ ԿՈՂՄԻՑ ՀՍԿՈՂՈՒԹՅԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ ՀԱՇՎԵՏՎՈՒԹՅԱՆ ԿԱԶՄՄԱՆ ԵՎ ՆԵՐԿԱՅԱՑՄԱՆ ԿԱՐԳԸ

6. Ներկայացուցիչները հսկողության յուրաքանչյուր ամսվա համար, մինչև այդ ամսվան հաջորդող ամսվա 5-րդ աշխատանքային օրը, Հայաստանի Հանրապետության կառավարությանն առընթեր պետական եկամուտների կոմիտեի վերադաս հարկային մարմնի` հարկային ներկայացուցիչների աշխատանքները համակարգող համապատասխան կառուցվածքային ստորաբաժանում (այսուհետ` համակարգողին) են ներկայացնում հարկային հսկողության արդյունքների` սույն կարգի 2-րդ և 4-րդ կետերում նշված տեղեկանքների և տեղեկությունների վերաբերյալ սույն հրամանի N 2 հավելվածով հաստատված ձևով հաշվետվություն: Եթե հսկողության ընդհանուր ժամկետում ներառվում (ընդգրկվում) է ամսից կարճ ժամանակահատված, ապա ներկայացուցիչները հաշվետվությունը կազմում են նաև այդ ժամանակահատվածի համար` մինչև դրան հաջորդող 5-րդ աշխատանքային օրը ներկայացնելով համակարգողին: Հարկ վճարողի մոտ հսկողության բոլոր վայրերում իրականացվող ուսումնասիրության արդյունքներով կազմվում և համակարգողին է ներկայացվում մեկ միասնական հաշվետվություն, որը ներառում է`

1) ընդհանուր նկարագրական տեղեկություններ հարկ վճարողի գործունեության տեսակների, ոլորտի, գործունեության իրականացման վայրերի, կառուցվածքային ստորաբաժանումների, դրանց տեղաբաշխվածության ու աշխատանքային ռեժիմի վերաբերյալ,

2) տեղեկատվություն հսկողության վայրում վարվող ձեռնարկատիրական գործունեության առարկաների գրանցման գրքերի, օրենքով սահմանված կարգով տեղադրված և շահագործվող հսկիչ-դրամարկղային մեքենաների, հաշվիչ (չափիչ) սարքերի, ծախսաչափերի կամ ծախսաչափային հանգույցների վերաբերյալ,

3) սույն կարգի 2-րդ և 4-րդ կետերում նշված` հաշվետվության կազմման ժամանակահատվածին վերաբերող տեղեկանքները,

4) տեղեկատվություն հարկային oրենսդրության և դրան համապատասխան ընդունված իրավական ակտերի դրույթների խախտումների կանխարգելիչ միջոցառումների, ըստ անհրաժեշտության հարկային oրենսդրության և դրան համապատասխան ընդունված իրավական ակտերի դրույթների, դրանց խախտման համար սահմանված պատասխանատվության միջոցների կիրառման մասին տեղեկատվության տրամադրման դեպքերի վերաբերյալ։

7. Սույն կարգում նշված տեղեկանքները և հաշվետվությունները կազմվում են համակարգչային տեսքով և տպագրվում են:

Ձև

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՀԱՇՎԵՏՎՈՒԹՅՈՒՆ N________

ԸՆԹԱՑԻԿ ՀԱՐԿԱՅԻՆ ՀՍԿՈՂՈՒԹՅԱՆ ԱՐԴՅՈՒՆՔՆԵՐԻ ՎԵՐԱԲԵՐՅԱԼ

Համաձայն Հայաստանի Հանրապետության կառավարությանն առընթեր պետական եկամուտների կոմիտեի նախագահի «___»«_______» 20__թ. N _____հրամանի

___________________ մոտ (հարկ վճարողի անվանումը)

oooooooo (հարկ վճարողի հաշվառման համարը)

Ձև

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

Տ Ե Ղ Ե Կ Ա Ն Ք  N__________

ԱՌԱՔՎՈՂ, ՏՐԱՄԱԴՐՎՈՂ, ՏԵՂԱՓՈԽՎՈՂ ԿԱՄ ՎԱՃԱՌՎՈՂ ԱՐՏԱԴՐԱՆՔԻ ԵՎ ԱՊՐԱՆՔՆԵՐԻ, ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՓԱՍՏԱՑԻ ԾԱՎԱԼՆԵՐԻ ՈՒ ԳՆԵՐԻ ՀԱՇՎԱՌՄԱՆ ԵՎ ՈՒՍՈՒՄՆԱՍԻՐՈՒԹՅԱՆ

«___» «________________» 20__թ.

_____________________ (կազմման վայրը)

	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)

Համաձայն Հայաստանի Հանրապետության կառավարությանն առընթեր պետական եկամուտների կոմիտեի նախագահի «___»«_______» 20__թ. N _____հրամանի

Ձև N 1   ՀՀ կառավարությանն առընթեր պետական եկամուտների կոմիտեի նախագահի 2010 թվականի ապրիլի 20-ի N 825-Ն հրամանի N 3 հավելվածով հաստատված տեղեկանքի

ՆԵՐԴԻՐ N_________ՏԵՂԵԿԱՆՔԻ

ԱՌԱՔՎՈՂ, ՏՐԱՄԱԴՐՎՈՂ, ՏԵՂԱՓՈԽՎՈՂ ԿԱՄ ՎԱՃԱՌՎՈՂ ԱՐՏԱԴՐԱՆՔԻ ԵՎ ԱՊՐԱՆՔՆԵՐԻ, ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՓԱՍՏԱՑԻ ԾԱՎԱԼՆԵՐԻ ՈՒ ԳՆԵՐԻ ՈՒՍՈՒՄՆԱՍԻՐՈՒԹՅԱՆ ԵՎ ՀԱՇՎԱՌՄԱՆ ԱՐԴՅՈՒՆՔՆԵՐ

Հարկային մարմնի ներկայացուցիչներ` ___________________________ (պաշտոնը, անունը, ազգանունը, ստորագրությունը) ___________________________ (պաշտոնը, անունը, ազգանունը, ստորագրությունը) ___________________________ (պաշտոնը, անունը, ազգանունը, ստորագրությունը)

Հարկ վճարողի` ___________________________________ (պաշտոնատար անձի պաշտոնը, անունը, ազգանունը, ստորագրությունը) ___________________________________ (պաշտոնատար անձի պաշտոնը, անունը, ազգանունը, ստորագրությունը)__________________________________ (պաշտոնատար անձի պաշտոնը, անունը, ազգանունը, ստորագրությունը)

Հավելված N 4 ՀՀ կառավարությանն առընթեր պետական եկամուտների կոմիտեի նախագահի 2010 թվականի ապրիլի 20-ի N 825-Ն հրամանի

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ

ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

ՏԵՂԵԿԱՆՔ N__________

ԱՌԱՔՎՈՂ, ՏՐԱՄԱԴՐՎՈՂ, ՏԵՂԱՓՈԽՎՈՂ ԿԱՄ ՎԱՃԱՌՎՈՂ ԱՐՏԱԴՐԱՆՔԻ ԵՎ ԱՊՐԱՆՔՆԵՐԻ, ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՓԱՍՏԱԹՂԹԱՎՈՐՄԱՆ, ՀԱՇՎԱՌՄԱՆ ԵՎ ԳՐԱՆՑՄԱՆ ԸՆԹԱՑԱԿԱՐԳԵՐԻ ՈՒՍՈՒՄՆԱՍԻՐՈՒԹՅԱՆ

«___» «________________» 20__թ.

_____________________ (կազմման վայրը)

	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)
	_______________________________________________ (Հարկային ներկայացուցչի անձնական կոդը, պաշտոնը, անունը, ազգանունը)

Համաձայն Հայաստանի Հանրապետության կառավարությանն առընթեր պետական եկամուտների կոմիտեի նախագահի «___»«_______» 20__թ. N _____հրամանի

ՆԵՐԴԻՐ N_________ ՏԵՂԵԿԱՆՔԻ

ԱՌԱՔՎՈՂ, ՏՐԱՄԱԴՐՎՈՂ, ՏԵՂԱՓՈԽՎՈՂ ԿԱՄ ՎԱՃԱՌՎՈՂ ԱՐՏԱԴՐԱՆՔԻ ԵՎ ԱՊՐԱՆՔՆԵՐԻ, ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ՓԱՍՏԱԹՂԹԱՎՈՐՄԱՆ, ՀԱՇՎԱՌՄԱՆ ԵՎ ԳՐԱՆՑՄԱՆ ԸՆԹԱՑԱԿԱՐԳԵՐԻ ՈՒՍՈՒՄՆԱՍԻՐՈՒԹՅԱՆ ԸՆԹԱՑՔՈՒՄ ՀԱՅՏՆԱԲԵՐՎԱԾ ԽԱԽՏՈՒՄՆԵՐ

Հարկային մարմնի ներկայացուցիչներ` ___________________________ (պաշտոնը, անունը, ազգանունը, ստորագրությունը) ___________________________ (պաշտոնը, անունը, ազգանունը, ստորագրությունը) ___________________________ (պաշտոնը, անունը, ազգանունը, ստորագրությունը)

Հարկ վճարողի` ___________________________________ (պաշտոնատար անձի պաշտոնը, անունը, ազգանունը, ստորագրությունը) ___________________________________ (պաշտոնատար անձի պաշտոնը, անունը, ազգանունը, ստորագրությունը)__________________________________ (պաշտոնատար անձի պաշտոնը, անունը, ազգանունը, ստորագրությունը)